![](https://blogger.googleusercontent.com/img/b/R29vZ2xl/AVvXsEjUcrquPq53ioP9WqUzRdlaF_Lm0BuramFO7bzb2af3z1YxfkIF2i3_5b-UEFdqB5ZG-q8ubh2jJJ-6Ga_5fXNwaaSOxnjGrNQAIUhPrYunfY6lmES2oXMjEQ0uX7BquZQmafDEY34Eu_k/s400/paul-the-octopus-ROLAND-WEIHRAUCH_AFP-Getty-Images--inline.jpg)
كأنه بس الناس تمل بصير فيها اشياء غريبه و بتطلع بافكار عجيبه؟؟؟
بس العالم تبطل تهتم بأشي غير بتوافه الامور بتبالغ اكتر من المبالغه اللي بتبالغها؟؟؟
وين ما الف وجهي هاليومين بلاقي مقاله طويله عريضه عن الفقيد الغالي على قلوب الملايين - كما تبينلي - "بول الاخطبوط"
من اللي قرأته اكتشفت ان بول اللي مات عن عمر سنتين ونص كانت حياته احسن من حياة ملايين البشر
في جريدة الامارات اليوم عرفت انه " وينحدر «بول» من أصول أرجنتينية رغم أنه ولد في إنجلترا ويحمل الجنسية الألمانية" و حصل على تكريم من اسبانيا و انه " على الرغم من أن الأخطبوط الشهير قد توقع خسارة المنتخب الانجليزي أمام منتخب ألمانيا في دور الستة عشر - وهو ما حدث بالفعل - إلا أنه أعلن ولاءه لإنجلترا، وتم اختياره ممثلاً لملف استضافتها لكأس العالم قبل أن ينفق"
كيف يعني!!! حد يفهمني كيف اعلن ولاءه لانجلترى!! شو ممكن عمل ليعلن ولاءه!!
و بعدين حصل على تكريم ملكي من اسبانيا و على لقب "مواطن فخري"
الحلو بالتعليقات في واحد معلق تعليق مضحك و محزن بنفس الوقت التعليق كان
" الاختبوط بول احسن مني على اقل عنده جنسية "
ومع استمرار البحث و شكرا لعمو جوجل اكتشفت ان لبول صفحه عالويكيبيديا بالعربي و بالانجليزي
و منهم عرفت ان بعد فوز اسبانيا الشعب الالماني زعل " فنزلت عدة مقالات بالصحف الألمانية منها بوضع الأخطبوط بول بالمقلات و الأخرى وصفة لطبخ الأخطبوط بزيت الزيتون و الحامض فأمر رئيس الوزراء الأسباني بإرسال حراس شخصيين إلى الأخطبوط لحمايته من المشجعين الألمان."
و انه " أختير بول للمنصب "سفير" الرسمي لإنجلترا بنهائيات بطولة كأس العالم لكرة القدم 2018 ."
طيب كيف 2018!!!
طب مهو الاخطبوط ما بعيش اكثر من 3 سنوات كيف بدكم تخلوه لل 2018
وحتى بعد ما مات الشب برضه اسبانيا تقدمت بطلب لحتى تاخد الجثمان و تحطه بمتحف عأساس انه تكريما لبول, طبعا اكيد كلنا عارفين ان هالاهتمام هاد مش علشان ولاء وانتماء و صفاء و هالقصص اللي بحكوها, كله علشان الفلوس اولا و اخرا, و مش بعيده ابدا يحنطوه و يصير هو رمز كأس العالم ل 2018 مهو قصّه و العالم فاضيه خليهم يلتهو شوي
اه صحيح.....و اكتشفت انهم ألفوله اغنيه بعنوان "we love you Paul"
عجبني تعليق عالفيديو بحكي "goodbye Paul you would have made a great sushi"
من كل هالكلام صرت مش عارفه كيف ممكن نكمل حياتنا من غيرك يا بول :"( يللي جبتلي النابوليا بالشيء الفلاني يا بول, يعني بعمر سنتين ونص كل هالانجازات و التقديرات و الجنسيات و الحرّاس الشخصيين و السفرات و الاستضافات و الالقاب!!!
كتير...صح!!
كتير كتييييييييييييييييييير كمان
13 التعليقات :
hehehehe!! wallah eshe beda7ik! :P ya3ni 7allik te3rafi enu kol el 3alam bdo bs 3oros 3ashan yer2o9 feio! w bokra mish b3eedeh ye6la3elna she 7aywan tani w bardo ya36o awsemeh bedha 10 rjal ta te7melha!
jad 3alam fadie!
هاد كلو بندرج تحت مبدأ رزق الهبل على المجانين، وانت حكيتي شغلة مهمة الا وهي انهم فاضيين اشغال و هاي بحد ذاتها نقمة على الشخص
t7sheeeeeeeeeeesh LOOOOOL msh 6be3eiieh enty!
من باب إنه عنده جنسيات و القاب فخريه,, مشان هيك العالم ذايقه عينها ع المدعوء بووول
الله يلحمه ,, ويطعينا من لحمته,, وتكون مقليه ومبهره,, وبدون ملح
:dream:
ههههههههههههه
أي والله شر البلية ما يضحك
يعني بس يتفه( من كلمة تافة) عقل الأنسان بتطلع خزعبلات مالها أول من آخر ,, نحنا ياما عدنا عقول بس ما احترموها و ما صرفوا عليها و ما عملولها هوليلة متل ما عملو لهالـ بول !!
يعطيك العافية وسبورتي (:
صباح الخيرات أختي الاردنية الطيبة
عالم فاضية ، لاحول ولاقوة الا بالله العلي العظيم.
وياحرام المسكين مات شباب لسة،
ياترى من أكله على العشا؟
لو أعرف فقط من..أو حنطوه يعني!
هذا الرجل بول ،اعني السيد الاخطبوط بول له انجازات وصور وشهرة
حتى لو بقي احدنا كل عمره
محال يكفيها.
ولهذا نرى كيف يستغل بعض الناس هذه النقطة، فيجعلون غيرهم يقومون عنهم بالجهد ، وهم ينالون التقدير
والاوسمة.
يالله رحل بول،
و لكن عقول الناس نحتى الغرب
ستظل على قد الحال.
ولا تقولوا يوماً اننا وحدنا ف المسألة هذه.
عجبي!!
Fazlakat Ahmad
2eshy besdom bsara7a....2enno 2eeeesh fe malkom ya jama3a !!!
Ah mesh b3edeh belmarra lakul 7adath tafeh y6la3elna ba6al 7aywane jdeed :)
W7l
معك حق...هو هيك
قرأت كمان ان مالك الاخطبوط بول بحكي انه حزين كتير لموته مع انه كان متوقعه بس كان يأمل انهم يعملو فيلم و يكون هو بطله ويحكو قصه حياته.....يعني فلوس فلوس فلوس...
عالم فاضيه من جوا و من بره
Rain
LOOOL maho el2a7dath hy elle bt5alene 3'aseb 2aktob 2elly fe bale :)
w shaklo hadat elbal wal7amdolellah bet2ather :)
UmmOmar
فكرك بتكون زاكيه؟؟؟
يمكن اكله و طبخه تعتبر جريمه قوميه اشتراكيه رأسماليه لحقوق ....امممم مش عارفه بدي احكي حيوان ما بتزبط او انسان برضه ما بتزبط لانهم صنفوه لفئة ما فوق الانسان
بس بفضل بما انّا عاملين جريمه وعاملينها يحطو ملح...ما بحب الاكل الدلع, يشنقونا وناكل اكل دلع!!! ما بتزبط
Bullet
ابداع غير شكل الله وكيلك :$
للاسف يا ريت بس طنشوها العقول اللي عنّا...لا ضلهم وراها لاحبطوها و دمروها عالاخر
الله يعافي قلبك يا حلوه :)
Lati
يا صباح ومسا الورد على احلى صديقه و اخت :)
ما اعتقد ان حد ياكله...لسا في مجال للاستفاده من ذكراه و في مجال لجلب فلوس اكتر
سبب تأخرنا و عدم انجازنا لشيء اعتمادنا عالاخر لانجاز واجباتنا
لو كل واحد انجز واجباته لقدرنا نحقق امور كثيره
بكره بطلع شي جديد يلتهو فيه..لا تخافي عليهم افكارهم لاتنضب ابدا
مسائك فل و عنبر
Nas fe3lan fadyet ashghal.. Ur post is gr8.. We solved everything in life and we hv only Paul, the octopus.
U know something they might make a movie about him lol..
Thanks Tareq Happy u liked it :)
Yeah like if there is nothing to worry about in this life so let us think about Paul O_o
From what I read , they said that his owner was very sad because he thought about making a movie about Paul's life :)
بس الفقيد الغالي صار إله زمان ميت، و شو ذكرهم في حضرته.
شكراً ع السؤال، أنا هلأ مسافر عشان هيك عندي وقت بالليل أدخل ع الإنترنت و أتفاعل، بس الحمد لله الأمور بدت تنحل
اه من شهر 10 و لكن الجرايد لساتها بتكتب عنه :$
بدهم تضلها ذكراه حيّه لحتى يفكرو بطريقه جديده ليجيبو فيها فلوس
والله ياخوي اذا مسافر عالبلد اللي بين عندي فأكيد الامور ان شاء الله بدها تنحل :)
بس بحكو البلد غاليه فدير بالك
المهم ان الحمد لله الامور زبطت و ان شاء الله كل اللي بدك اياه بصير
إرسال تعليق