![](https://blogger.googleusercontent.com/img/b/R29vZ2xl/AVvXsEifvy5547t71dmkzvn-S3P4ARqwg7HPoEeCCNgnfU_-9RWOt47VFRWWAoG6uMwxXMPctxz5xzTX6-VoD0PWPXHS6jpWVCtj60EWmRAhGeFRDyTMchnM99DnzYkH54yBjbepsgee2-5ixks/s400/1244330191_S.jpg)
مشاهدات غريبه مرّت علي بهالكم يوم
معظم الناس اللي حوالينا ما عندها مبدأ تمشي عليه,كلهم اقوال و كلام عالفاضي
من الاشياء اللي بكرها بالعالم واللي للاسف منتشره بشكل كبير هو لمّا الواحد يصير ينظّر بالحكي و الحكم والمواعظ بالحلال والحرام وباللي بصير واللي ما بصير, و بس تلف الدنيا وهو ينحط بموقع اللي كان يلومه بتتغير كل معايير الحياه عنده, بصير الدين و الحكم و العادات والتقاليد اللي كان يحكي عنها مختفيه تماما و بصير ميزان الامور مقلوب فورا بما انها ما تخدم مصلحته بهاد الموقف اللي هو فيه, وطبعا ممكن ترجع مرّه تانيه للوضع الطبيعي لمّا يكون بموقف بحتاج فيها انها ترجع, لا مبدأ ولا هدف ولا اي شي مهم غير مصلحته الشخصيه فقط
اشي تاني بصراحه انا بحسّه مخزي, ان البنات بهالايام يا امّا دلوعات دلّع مقزز مصطنع و تقليد اعمى لهبل العالم, يا امّا بنت ما بتستحي صوتها عالي و ممكن تستخدم الفاظ بذيئه, عاساس هي هيك فايعه وكول, مثل قبل كم يوم وانا ماشيه من عند دورا الداخليه, طبعا هناك بتوقف 100 الف مرّه لتقدر تلف عالدوار, في بنت اموره واقفه محجبه ولبسها ما اله دخل بالحجاب, بس لفتت نظري بشكل ايجابي مش عارفه ليش, شوي مسكت الموبايل وكأنها بتحكي مع صاحبها اللي لاطعها من الصبح على رأيها ...بتحكيله وهي معصبه " وينك يا كندره...الي ساعه بستنا بحضرك يا كندره....يا حيوان انت هلأ بالسيرفيس ويلا بالبيت يا كندره"
انا انصدمت بصراحه, ول عليكي وك شو مالك ؟؟؟ شو هالقرف اللي انت فيه و شو هالعلاقه المبنيه على قلّه الاحترام هاي, وهاي طبعا القصه الالطف اللي بقدر اكتب الفاظها لانه الالفاظ بتزيد بالبذائه عند مجموعه من البنات باضعاف مضاعفه
مشاهده تانيه هي الانسجام التام الكامل المتكامل اللي بكون بين سواق التكسي وبين البنت اللي قاعده ورا, يعني بكونو بتحدثو وبياخدو وبعطو وبضحكو, ايش في!!! مش هيك يعني, طبعا انا مش قصدي اني مستقلّه بسواقين التكاسي لا بالعكس كل العالم خير وبركه, بس في حدود المفروض تضلها علشان ما تتعرضي لكلمه او لموقف مش منيح من ورا انه فهم لطافتك الزايده بشكل غلط
شو بالنسبه للشعب اللي نص شبابه متدّمر من الحب ...امبارح كان نفسي اسمع البرنامج اللي حكت عنه فرح بمدونتها و بالصدفه بحكي لاخوي دورلي عليه على قناه من هالقنوات يا دوب حط اول قناه طلع البرنامج, او مش نفسه بس نفس المبدأ
يعني بنص ساعه انصدمنا و حششنا و ازبهلينا انا اخوي بشكل مش طبيعي, بحبها ..... بحبو.... وانا متزوج و عندي اولاد بس بحب بنت تانيه والحب اقوى من كل شي.... و انا بحب واحد متزوج .....و واحد اله اسبوع متعرف على بنت و متدمر لانه بعد يومين حكالها خلينا ننقل علاقتنا من صداقه لحب - مع اني مش فاهمه كيف صارت, يعني حكالها هيك حكتله يلا و هلأ صارو بعلاقه حب كيف يعني , المهم و بعد اسبوع البنت انخطبت والشب متدمر وبدو يموت , بسأله المذيع كم عمرك بحكيلو 19!!! احلى شي وحده اتصلت بتحي للمذيع متزكر اللي اتصلت فيك قبل كم حلقه تحكي عن زوجها انه بخونها مع وحده قريبتها, انا قريبتها ....بحكيلي اخوي تخيلي ان هالعالم عايشين حوالينا واحنا مش عارفينهم, يعني ممكن اي واحد بمشي جنبك بمكان يكون هواللي اتصل واللي ببكي عالهوا..جد اشي بصدم
يعني مشاهدات بترفع الراس بصراحه و حبيت اشارككم فيها..........اشي بخزي
20 التعليقات :
Good Morning Whisper:)
bel nesbeh lal banat ma 5afeya kana a3zam.. so ense la yosle7 el 3attar ma afsadaho el zaman.. o mesh kol el asabe3 wa7ad akeed..
bel nesbeh la mawdo3 el 7ekam i agree with u:)
o bel nesbeh la domo3 3l hawa i'll write o nice story soon in my blog u should read it:)
e7na be a5er w2t.. o ma 5afeya kana a3zam mate ;)
Accpet my passing by:)
bdo 2e7em wala dastoor ..manti 3arfeh eno e7na sha3eb bashoosh .. o frindley dayman ya3ni eza shofer eltaxi ma berakeb ela banat, fa lazem elbanat ykadro eltad7yeh el be3malah .. eza fe wa7ad ma be7b marato fa lazem en7en 3aleh aw el3aks.. o eza fee wa7ad kondara fa lazem enwade7lo el omoor o yseer ma yest7i men 7alo ..ya3ni hek dayman positive o allah y'7aleena lab3ad dayman o abadan.
whisper hello :)
umm about awwal she olti 3anno ..
3adiii .. kol el nas sarat tefham b KOL she .. o bt7ki bel mabade2 o el nezam o el el el ......
arbi e7kilha sho btsawwe mnha?
be2ollek WALA SHE !!!!! :D
el banat hehehe .. yama tshoofi lessa! shoofi el 7ob elli benhom sho raqi !! ya kondara o ya absar sho lessa kondara b3eed 3anek a2l she .. btsma3i aktar !! 7ob m2atte3 b3do ..
el 7jab saba2 o jebet mawdoo3o b mudawantna sabeqan m3 yazid . o warjet addesh malhomesh 5as feyyo!
umm el taxis!! tle3et hadak el yom m3 wa7ad awal ma olet saba7 el 5er be2olli enty mase7eyyeh ? i was like !!!! la2 .. o ballash beddo yet7addas m3i 3n el adyan o keef kollo metel ba3ad o yeeeee halakni !! o ana waala nafas !!
el barnamij .. no comment kol el sha3b sho3'lo el sha3'el 7ob o fra2 ! she be2arref .. ma7babeh o aymeh!
nesyoo enno fi KTEER eshia bel denya tanyeh betseer o hommeh nazleenli ye7kooli 3n esas-hom el maz3oomeh !! she mu5zi fe3lan!
y3ni enty hon jama3ty kol she bye2har .. walla m3k 7a2 hehe
Wishing ya all the luck ;) Thanx BTW for linking my blog .. :)
I liked;
هالعالم عايشين حوالينا واحنا مش عارفينهم
فعلاً الواحد بكون بعرف ناس من ٣ سنين وبالأخر بكتشف إنو ما بعرفهم..
عن جد بهالوقت؛ القابض على دينه كالقابض على جمر..
الله يعينا..
التربية المحترمة و الصحبة الصالحة هي اللي خلت هالمسكينة تسب هيك عالتلفون, ظلمتيها يا همسة يمكن بتحكي لاخوها وينك يا كندرة شو بعرفك :d
علي سيرة التالكسي يا تري هل سواقين التاكسي بعدو يألفو قصص الوساخة اللي بالعادة بحكوها بس يطلع شب معهم بحكوها للبنت
الشعب عاشق يا اختي, فاضي اشغال ومعاه فلوس قارون فاكيد بدو يضيع وقتو على واحد تافه بالهبرنامج
شو بدي احكي غير الله بعين
mar7aba...ana el yoom ballasht aqra2 el blog tb3ik wo 3ajbatni...3ajabni keef haik enno fe taree2a tsharki el nas afkarik...bedoon ma ykoon 7ada mraqeb raddat fe3lik wo r7 ynshor bs eza howeh 3ajabo el klam...ana baqra2 akhbar kteer 3al internet l2nni msh bl ordon ...wo baje a3alleq bala2i ta3leeqi ma entashar aw t7arraf...kteer ishe be2hr...bs shft el blog tb3ik 7abbait el fekra,wo qarrart a3mel blog ele bs dayman elle kan ywa22efni howeh enno balki ma 7ada qara2 ele baktobo, r7 a7ess eni b7ki m3 7ali fa babattel...3ndk nasee7a la hal moshkeleh?
Ahmad Merie
2akeed ma b7kee 3an elkull, laken lel2asaf nesbeh kteereh ba6alat testa7e :S
yalla can't wait to read the post :D
Good day Ahmad, u r always more than welcome here :)
Zuzikabdo
Masha'allah 3alena...jad ma 3reftna :D
bs leash el7akee...nice analyzing :D
Farah
lel2asaf WALA SHEEEEEEEEEE :(
b3eed 3annek 7ob zbaleh had 2esmo :S forsa ye7termo el3alam 2elly btesma3 balash ye7termo ba3ad
elbarnamej besdem , m32ool fe nas heak !!!
Same to u ,ur post he 2lly zakartne bekul hal2esas :D
Rula A
yaaay :D
اهاا هاد موضع تاني, بس تعيشي مع ناس وتتعاملي معهم وبعدين تكتشفي انك ما بتعرفي عنهم اشي..
الله يعين و يهدي الجميع يا رب
Ahmad Hamdan
هههههههه يعني بصير تهزء اخوها!!
نيجي للجد...الصحبه هي اكتر اشي بأثر و الاهل بنسو هالموضوع و نا بتأكدو مع مين بتمشي بنتهم بالزبط
سواقين التكسي اعتقد بصيرو مؤدبين واخلاقهم عاليه, وزي ما حكت فرح بصيرو يحكو بالدين و هالقصص عاساس انه قمّه هالشب :$
و معكم بدهم يبينو دواوين :)
الله يعين ...
مواطنون بلا حدود
2ahlan wa sahlan feek, w kteer mabsotah 2enn el blog 3ajbatak :)
kteeeeeeeeer moree7 w 7elo 2ennak toktob kull 2elly byo56or fe balak
sa7 kteer men el news sites ya ma benshorow el comments ya be3'ayro w be2as2eso fehom :S
ana 2awal ma badeet el blog ma kan fe 7ad yqra2 wala y3alle2 :(, bs m3 elt3lee2 3ala other blogs w 2aham 2eshe 2en my blog ndafat 3ala Qwaider planet heak ana t3arrafet 3ala blogs ra2e3a w elnas t3arafat 3ala my blog
I'm going to add ur blog to my blogroll :D
and this is the link for Qwaider planet
http://qwaider.com/
lol
ذكرتيني بحبي الأول
في عمان كنا صغار و منعلب طلعت على سطح بيتهم و رمت علي نص بلوكة الله وكيللك أربع غرز ,,, الله من فوق سترني أني كنت رافع فوق راسي - واقي - خشبة
لولا الخشبة كان - الفـــاتحة
لمن سألوها ليش عملتي هيك قالتلهم بمزح
معه
امها جابتلي حسنات -شوكو و خلافة
وانتهى الموضوع
هذا هو الحب
مش كندرة و ما كندره هاد دلع هاد
سلام
ثائر
هههههههههههههه
الله يسهل عليها كاينه نغشه :)
الله ستر
زكرتني باخوي...كان رايح عالمدرسه و ال بدو يحكيلي باي , قام رمى علي حجر علشان انتبه واجا بنص راسي , بس الحمد لله سليمه كانت, بس راس تاني طلعلي لمده يوم وبعدين اختفى :)
i will comment about the first paragraph , i keep saying that this our main problem ; "the theoretical talk", we are very smart in giving directions, we are very genius in knowing everything, we are very courageous in spreading our wisdom , how easy we can "neftee" in everyday troubles, how bold we are when giving advices for others, but when the real moment comes!!! hmm....we start looking for someone to help us! you can apply this in everyday situations, starting with religious fatawa from who know nothing about religion, ending with our professional people, for example ; did you ever heard a university professor says "i dont know" ?!!
we have to start taking actions, i will assume that we have theoretical ability - and i dont question that- but what we need to do is taking another step ahead , and start realizing our theories, i am not saying for someone who assume himself know everything about space then he had to be an astronomer! no, think more simpler, if you have the ability to generate all these thoughts and instruct people what they have to do , start applying these wonderful concepts on yourself, that's what eastern communities did, we achieved the first step in developing perfectly, we mastered the theory part, but we stopped just there, we didn't advanced to actually doing what we are saying!
we have to do more and talk less!
كل الموضوع على جنب، و آخر شي حكيتي عن على حنب
برامج العشق و الغرام عالهوا... و يا عيني من عمايل الهوى!!
البنات دايماً بحكوا و هم بوشوشوا، تقولي بحكوا من الحمام يا اختي عشان ما حدا يكتشفهم؟ (كونو انو الحمام هو البقعة الوحيدة بالبيت اللي فيها خصوصية)... و طبعاً المذيع صاحب الصوت الرخيم الدافئ، و يللي بحط جنبو صوبة مشان يدفيه بزيادة... و صوت البيانو و الـ"سوفت ميوزك" ورا، و بتحسي ضل هيك شوية ضباب سجاير و قزايز اللهم عافِنا
و الشباب دايماً متدمرين وبعيطوا... و البنات بسمولي حالهم اسماء عجيبة: اميرة العشق... العيون الذابلة... وردة الغرام... اي تعي لهووووون انتي وياها اللي مش لاقيين عقل يمسككم ولا حدا يضبّكم! في وحدة محترمة بتسمي حالها "أميرة العشق؟" ايش يعني عأساس العشاق عايشين لحالهم معزولين و حضرتك اميرة حطوكي عليهم؟ و عأي اساس أميرة؟ اشنطط وحدة فيهم يعني؟ اكتر وحدة حبيبك مسح فيكي الأرض؟ نيالك والله على هالامارة تبعتك!
هدول ما بحبوا، هدول بتمايصوا و ببرّدوا وجه مش اكتر... الحب ارقى كتييييير من هالأشكال هاي
الحب مو وظيفة فُل تايم!! و لا هو هواية بحيث انو ناس بيتخصصوا فيو
بعدين شو قصة الأردنية اللي كلهم بيقلبوا لبنانية عالهوا؟ و شو قصة كلمة "الرأم" بدل "الرقم"؟ و "رأم تلفوني" بدل "رقم تلفوني"؟
بس بتعرفي شو احلى نهفة؟ بتعرفي مذيع اسمو عمر العزام؟ هاد اللي كان يقدم برامح من هالنوع و كان يقدم حتى برنامج متل هيك عالتلفزيون على وطن تي في... هاد الزلمة الو جمهووووووور و بتابعو برامجوووو و دنيا و عاااالم
مرة قررت اسمع برنامجو مشان اشوف مين هو هالكيوبيد اللي بيحل مشاكل العشاق... قضيت هديك الليلة و أنا بسمع و بضحك :-) مو متل البرامج التانية... هاد بحكي بصراحة و بدجهم دج، و ربنا الله بحكي بالأردني و بس تسمعيه بتحسي انو برنامج من هالبلد... خرج بس تسمعيه كيف بينصح العشاق المتبهدلين ههههههه
"طيب يعني هي ما بترد عليك؟"
"آ يا استاز عمر"
"طيب... يعني مطنشتك"
"لأ مو مطنشتني"
"ما بترد عليك يعني مطنشتك... خلص وحدة مطنشتك ليش تتمسك فيها؟ انساها"
و وحدة تانية بتحكي عن حبيبها اللي فاجأها و خطب وحدة تانية
"هو خطبها ولا بس تقدملها؟"
"لااااء يا استاز عمر خطبها و كتبو كتابهم"
"يعني شرعاً جوزها؟"
"لأ هو مو جوزها هم بس خطبو و كتبو كتابهم"
"يعني انتي خلص خلص دورك... الشب خانك و انتي مو معقول تخربي حياتو و تخربي بيت البنت التانية اللي ما الها ذنب! خلص انسيه و امشي بحياتك و الله بعوضك"
وااااا... بس خلاص
:-)
هالبرنامج من الربيع الماضي بدي احكي عنو!!
بس الحمدلله على نعمة الفضاوه ( بتخوت طبعا)
بس جد جد فيو نهفات وناس مشرّته من الاخر الله بيعين
Sorry for the late reply :)
Dr.Mohammed
The problem that this kind of people increased these days :S
The most thing annoying me is the "fatwa" thing.. why can't them just say I DON'T KNOW????
"we have to do more and talk less! " exactly
Naryat
اول مره قرأت التعليق فرطت ضحك...و هلأ بس رجعت قرأته رجعت ضحكت
عجبني موضوع الوشوشه ...هههههههههههههه
جد صورتي اللي بكون في خيالي بس اسمع البرنامج ....لبتعرفي عاساس جو رومنطيقي مناسب للوضع :)
موضوع اللغه هاد بدو بوست لحاله, اذا يا اختي بنات عمي...بنات عمّي اللزم صارو يحكو فيو, و هونيك ....جد الله يرحمو جدو :)
مين هاد المذيع, ما بعرفه. بدي احضره خليه يفش قلبي بهالعالم
شو "بس خلاص" ... مش لازم قبليها المبتدأ رجاءا حقوق الطبع لازم تكون محفوظه و تكون كامله
"و اييييييييييييييييييه"
اقتضى التنويه :)
معلش بحاول اتناغش على هالصبح :$
مياسي
اكتبي عنه...اكيد في اجزاء بكون ناسيتها, او باسلوبك بكون اله نكهه تانيه الموضوع :)
الله يعطيكي العافيه يا رب
عادي ويسبر دخلك انت متأكده انك عايشه في الاردن يعني هاي اول مره تسمعي هيك كلام ويسبر حبيبتي طنشي
Sozan
اهلا وسهلا يا قمر :)
الموضوع عم بزيد عن حدّه وهاد اللي بخلينا نقلق
بنطنش بدل ما يوقفو عند حد تخلّف معين...بزيود بالانحدار :(
whisper, lazim ti7dari 3al hal asas barnamej il doctora Foziyyeh , ismo seeret il 7ub!!! ishi bijannen!! :)
Tamara
yaaa allah shooo bakrahooooooooo halbarnamej :(
marra wa7deh shofet 5 min w ma 2deret 2akamel :$
هيهيهيهيهيهيهيهيهيهيهي..عنّا بغزة أمّر من هيك..والله لو تيجي ع غزة وتشوفي البنات رح يصيبك جلطة دماغية بعيد عنك..طبعا مش كلهم بس أغلب البنات بيجلطوا
زكرتيني بهالوحدة الله يرحم أيامها
تحياتي
ههههههههه له له له طيب ليش هيك؟؟؟
اكيد ما بنعمم لكن للاسف الاغلبيه العظمى وخاصه بالجيل الجديد هيك صايرين :$
اهلا وسهلا فيكي دائما :)
إرسال تعليق