Things I Like To Whisper About

Would You Hear Me Whispering

عمري 38 ...




بحب اعمل دنبه بنص راسي و امشي بالبيت...بحب اسشور شعري واضل اقيس اواعيي...وزني اقل من وزني وانا بالعشرين...نفسيتي احلى من نفسيتي وانا بالعشرين...وفي ناس بحكولي اني احلى من وقت العشرين...مع اني بحس حالي نفسي وبكرههم هدول الناس...بس عالقليله من وجهة نظرهم حكو شي منيح.
بحب بس تخلص الطحينيه  ويضل الشي اليابس بقاع العلبه اخد العلبه واحط فيها معلقتين سكر واجيب معلقه واكل من العلبه ....كتير زاكي...بحب اكل خلطه الكيك ني ...بحب الذرة بكل اشكالها...بحب المراجيح والسحاسيل...بعشق السباحه...بعشق البحر والغروب
مرة وحده شفت الشروق بحياتي...بحب يكون عندي فلوس بس راضيه  برزقتي والحمد لله.

حبي ماما وقلبي ماما وعمري ماما وبعدين بيجو كل الناس من وراها باختلاف معزتهم بقلبي...بحب الهدايا مهما كانت وشو ما كانت...بحب التسوق وبحب اكتر اشتري كحاويش ابو كل شي بدينار و بنص دينار وبطلع شاريه ب 40 دينار وانا بضحك
اول ما اوصل البيت ببدا اقيس اللي اشتريته و بفرد الكحاويش وبتطلع عليهم وانا سعيده...سعيده من قلبي.
بس ان اشياء بسيطه بتفرحني ما بيعني ان عقلي كبير و بتفهم وبستوعب...مرات بكون هيك...ومرات بكون عقلي صغير و بزعل و ببوز وبتدايق...بس قلبي كبير وبيرضى بسرعه..ومرات بكون هبول و براضي اللي زعلني لاني اقتننعت بالحجج اللي اعطيته اياها في بالي

قلبي مسكين داق كتير...مو حب وهاللخبطه...لا بس داق وانكسر و عملت حالي داويته...ببين قويه وانا من جوا هشه...بس حياتنا و واقعنا و مجتمعنا بدو تكون الوحده قويه...ونفس هالمجتمع بدو اياكي تكوني مهيضه الجناح...حسب المزاج

المهم شو بدكم بطول السيرة... انا عمري 38 وبحب اعمل دنبه بنص راسي وامشي بالبيت

11 التعليقات :

نفسية وروح الانسان هي اللي بتحدد عمره. تعرفت على صديقين واحد عمره خمسن والأخر ستين. الأثنين بقعد معه بحس كأنا شباب بالعشرين.
الأصدقاء كمان الهم دور كبير في نظرتنا وحبنا او كرهنا للحياه.
سعيد انك رجعت للكتابة

 

happy birthday to 6oooooo

:)

hana's 1st bday is tomorrow!!

*smiley m3asseb*

danabeh ya mt3allemah ya bett al ra7at 3a dubai o haika

heheee

ok,

happy birthday o bas
:)

 

مالك

فعلا الطاقه اللي بنكتسبها من اللي حوالينا بتنعكس على نفسيتنا و على تصرفاتنا
العمر رقم مو اكتر واحنا من جوا يا معجزين يا لسا شباب
الحمد لله :)

النيه هالمرة ان شاء الله ارجع واكتب اي شي وكل شي لاني اشتقت للتدوين والمدونه :)

 

شكرا صديقنا ابو عمر :)


هيثم

ماشاء الله صار مارق سنه !!!
كل عام وهناء و عيلتها الجميله بالف خير العمر كله تقضيه بالصالحات ان شاء الله

انا عبد ميلادي بشهر 3 بس شكرا على كل حال... ما في عتب على عمو هيثم :)

تنويه...تنبيه...دنبه..ربطه...مش بيناتنا :)

 

oppppppppppppppppppppppsy opps
!

but
but

ooh never mind, I am old.. laweesh al 7aki

 

سنة حلوة يا جميل..
عقبال المئة ان شاء الله بصحة وسلامة
وذرية صالحة يارب..

الشهر الماضي دخلت ايضا سنتي الجديدة 36
يا للهول كم تجري الاعمار
بينما احس الى الان اني طفلة وما زلت غير جدية في
ردود افعالي اتجاه الدنيا نفسها.

تمنياتي لاحلى ويسبر بحياة طيبة
ملؤها الحب والعطاء
والتفوق.

 

BIG like
وسمايلي معجوق من الفرحه 😁😁 :)

 

حبيبتي لاتي
اللهم امين
وانت بالف خير يا احلى عروس العمر كله يا رب
هو عيد ميلادي بشهر 3 بس ما عندي مانع احتفل فيه كل سنه :)

كلنا في داخلنا طفل بسيطر علينا في موقف او وقت معين

 

مشتاقالك و مشتاق للتدوين و المدونين و المدونات و العالم الحلو اللي كان يسحبني من زحمة الدنيا و يرسيني لجواتي .. للاسف هلأ الزحمة هي اللي ساحباني و ما عدت رسيت .. على السريع بس حبيت أقلك قديه مشتاقالك يا اهضم من عمل دنبة بنص راسه :D

 

هدووول
الله يعطيكي العافية يا قمر ...كلنا الدنيا ماخدتنا الحمد لله الله بعين
وانا اشتقتلك كتير كتير كتير يا قمر...ربنا يهدي بالك يا رب