Things I Like To Whisper About

Would You Hear Me Whispering

سرقات




بالفترة الاخيرة كتر الكلام عن موضوع السرقات اللي بتصير ان كان بيوت او سيارات  او شنط, خالتي اللي عمرها بالثمانين بتحكيلنا انها بتعلق مفتاح البيت برقبتها لانه 2 من الجارات اللي بنفس العمر تقريبا و بياخدو معها درس الدين كل اسبوع  تعرضو لسرقة شنطهم و انسحبو عالارض و انضربو, فخوفا من انه يصير معها نفس الشي بتحكي عالقلقله اعرف ارجع عبيتي.

انا كنت احب المشي كتير وخصوصا ان مكان سكنّا مناسب للمشي نسبيا, ولكني فعلا صرت اخاف, كتير ناس بتهموني بالمبالغه و انه الدنيا امان, بس القصص اللي بنسمعها كتير بتخوف ومش مستعده اعرض نفسي لاي موقف لا سمح الله, ربنا يحمي الجميع وبعرف اللي ربنا كاتبله شي حيشوفو بس انا ماشيه على مبدأ اعقل وتوكل

من بين القصص الكثيره بخصوص السرقات اللي سمعتها في قصّه صدمتني كتير,حكاها موظف بشتغل مع قريبه الي عن اخته, مستأجره عند جماعه كويسين و علاقتها معهم ممتازة وبعتبروها زي بنتهم, اتصلت فيها الست صاحبة البيت بيوم و طلبت منها تنزل عندهم لتسشور شعر بنتهم الصغيره لانه عندها حفله , وفعلا نزلت و حطت مفتاح البيت على التسريحه قدامها وبدت تسشور شعر البنت, فجأه فقدت المفتاح ما لقته, دورت عليه بالغرفه ما اله اثر, قورا طلعت وراحت على شقتها و لقت الباب مفتوح و الصدمه الكبرى انها لقت الست صاحبة البيت حامله بايدها اشياء وطالعه من غرفة النوم, انصدمت المسكينه و صارت الست تترجاها ما تحكي لحد وخصوصا لزوها صاحب البيت, وصارت تحكيلها انه بخيل وما بصرف عليهم -عاساس حجه مقنعه للسرقه - و وعدتها انها راح ترجع الاشياء و راح تدفعلها حق اشياء سارقتها من قبل!!!  اخت الموظف كانت تفقد اشياء بس ما تفهم وين ممكن تروح وما حد بيدخل بيتها و غرفتها.

ما عرفت شو صار بعدها وشو قررت الست تعمل, بستنى اشوف قريبتي لاعرف منها :$
لو انا مكان هالست شو ممكن اتصرف, بسكت ويلا ببلغ عنها , ما قدر احدد بصراحه ....ربنا لا يبلينا بهيك قصص 




5 التعليقات :

وهاي زيارة و عيدية بنفس الوقت .
كل عام و انتي و لمساتك بالف خير.

و سرقات الشوارع اه منتشرة بشكل مخيف و تنتين من قريباتي حصلت معهم بمناطق مختلفة بعمان معك حق تخافي
بس موضوع الجيران !!!! الله يجيرنا ،،،ايش هاد?!!!

 

هاد تعليقي الثاني عشان تعرفي مدى اهتمام قرائك بما تكتبين.
القصه اللي ذكرتيها غريبه فعلا. وما اتوقع في شيء ممكن تعمله صاحبة العلاقه غير أنها تترك البيت أو تحاول تتناسى الموضوع وتكون أكثر حرصا.
والآن إلى الموضوع الأهم اللي شايفه انه البلد اختلفت جدا. صاير الكل بده يكسب على حساب الاخر بأي وسيلة كانت.
الشيخ محمد عبده العلامه المصري قال عندما رجع من فرنسا في نهاية القرن التاسع عشر رأيت الإسلام ولم أرى المسلمين. وأنا الآن في الأردن اقول رأيت المسلمين ولم أرى الاسلام. أخلاقنا في الأردن لم يعد لها وجود. الإسلام ليس صلاة وصيام فقط. تعاملنأ مع بعض يسبقه الحذر دائما لافتقاد الثقه بين الناس.

 

@نيسانة التدوين

كل عام وانت بالف خير سوسو :)
كتير مراجعين بحكولنا قصص صارت معهم جد بتخوف

اللهم امين

 

@مالك

شكرا شكرا لاهتمامك الدائم صديقي وبالمناسبة تحفيزك و تذكيرك الي بالتدوين من الاسباب الرئيسية للرجوع :)

راح اكتب اي شي بيجي في بالي بدون تنميق بركي رجعت زي زمان و ربنا يعينكم علي :)

نرجع لموضوعنا..

انا لما رجعت عالشغل, حتى الموظفين و الموظفات اللي متعوده اشتغل معهم كتير فرقو علي بنفسياتهم و اسلوب تعاملهم

للاسف المفاهيم الاسلامية و الانسانية اختفت عند عدد كبير من الناس الا من رحم ربي


 

"حق اشياء سارقتها من قبل"

yaaaaa salaaaaaaaaaaam

:(

I used to think that such things would be really "away" from us but it seems they r -sadly- now daily practices!!!


* btw, o jad, I am -again- not getting notifications of new posts!

naughty blogger
or maybe he just knows how I truly feel so ..
:P

** deero balko mn umm 3omar! deeeeeeeero balko