Things I Like To Whisper About

Would You Hear Me Whispering

عدّت خمس سنين !!!



هاد يا جماعه و بدون طول سيرة و بدون تبريرات بواقع مدمر ملهي مكسر الخاطر, وبنفس ما عاد الها نفس لشي بهالفترة, اكتشفت ان مدونتي احتفلت وحيدةً بعيدها الخامس قبل يومين و انا ولا تذكرتها ولاااااااااا عبرتها

فاااااااااااااا وفاءً مني للحيز المشرق بحياتي - ولو ان الكهربا مقطوعه عنه من فترة - و للمكان اللي استقبلني و حبني من قبل ما احبه, وللمكان اللي عرفني على ناس علموني دروس بالحياه , اللي كلها رفعت عندي منسوب الصفات  من قوة و فرح و تناحه و نكد و قرف و حب و كره... الخ , ومن موقعي هاد و بيوم الثلاثاء العطله اللي بنص الاسبوع وكلكم بتعرفوني بعشق العطل و خصوصا اللي بتيجي بنص الاسبوع بحب اشكر مدونتي اللي استحملت كل "البوح" اللي بقلبي و بعقلي, استحملت و فهمت الاشياء اللي مرات كنت اكتبها وانا نفسي مش فاهمتها, و بشكركم كلكم انكم استحملتونا انا و اياها و ان شاء الله  السنة الجاي تكون سنة خير علينا و على الجميع و ربنا يهدي بالنا اجمعين يا رب.

و دمتم


ملاحظه ع الهامش

اشتقتلكم :(

25 التعليقات :

الف مبروك. مدونتك من المدونات المفضله عندي واللي دائما بستمتع بقراءتها.
أنا غبت عن مدونتي وعن قراءة المدونات الأخرى ولكني راجع. فأرجو ان تمتعينا بالمزيد دائما.

 

يا رب يكون أول تعليق من (ما غيرها)

و يكون:
سنحك

-------------

5!
أكيد مش أكثر؟
2007 لغاية 2013 .. واااااااااحد اثنييييييييييييييييييني ,, ثيلاااااااااثة

!
شايفة
3!
يعني أكثر

يقطع هالتدوين اللي ما علمك الحساب بس!

---------
انتخبتي صحيح؟
:P

 

كل سنة وانتي ومدونتك بألف خير
اللي قراتها كلها وما خليت بوست يعتب علي صراحة كانت رائعة واثرت فية كثير ايجابيا وعرفت ليش اختي الصغيرة ليش مرات بتقلبها نكد :P طلع مش بس هي هيك لا جد مدونتك اكثر من رائعة بس ما تخافي ما سرقت اشي من افكارك زي ما صار معك بسلسلة عرسان :) والله يكثر من العطل اللي بتيجي بنص الاسبوع


ملاحظة من بين الخبيزة
اشتقنا لكتاباتك :)

 

سنحك هيشم

أنا ما بخلي شي بنفسك ترى :)

 

هازي بازي يووووه يووووه
هازي بازي يووووه يووووه هوه حد بيفتكر


يا مدونة ويسبر الوسابرة
تحية طيبة وبعد:

إنني ومن موقعي هاظا أتقدم لك بأرق التهاني والتبريك لوصولك السنه الخامسة
وبحب احكيلك لو سبقتي شوي كان صرتي من عمر إبني عموره

ياااااااااااه السنين بتمشي إزاي يا بت؟؟

 

كل عام والمدونه و صاحبتها بألف خير
ويالله لحلحولنا حالكم شوي يا جماعه بدنا نرجع اقوى من الاول ....
وين الدبيكه ؟ :))

 

إزا يا نيسانه بتاخدوني راس دور ف الدبكه
وبترميلي شالك او السبحه " المسبحه" ف أنا أول المتبرعين

وعليّ الكوفيه وعليّ ولولح فيها :)

 

ان شاء الله الى المزيد من التقدم و سنوات عديدة من النجاح
Happy blogoversary

 

أخيراااااااااا يعني يظهر القمر

كل سنة ومدونة ويسبر من تميز لتميز
وصاحبتها بكل خير وحب
ومتابعيها اللي أجمل وأرق وأحسن ناس
يعني ميش باحكي عن نفسي ^^ هههههه

كل العمر صديقتي الغالية ويسبر
مدونةً مميزة ورائعة دايما

 

تفضلي مودام ام عمر ...الميدان يا حميدان اتحفينا بتدويناتك الكعكيه....صحيح بدي اسألك: ضايل عندك كعك و معمول؟؟؟ عشان اذا ضايل نفسي آجي اعيد عليكي هههههههههههههههههه

 

أه ظايل
لإنه جددنا البيعة و عملنا كماااااان

أهلا وسهلا فيكي بأأأأأأأأأاي وقت بجد بحكي

 

ويسبر
هيلو
ما انو خمس سنين، وين الكعك؟؟؟؟

 

شكرا للجميع و شكرا لتواجدكم
اعذروني راح اعلق بعدين لكن ما قدرت على تأجيل الرد على صديقنا كعكي

كعكييييييي وينك يا مان الك عشرطعشر سنه مختفي ...الحمد لله على ﺍﻟﺴﻼﻣﻪ

 

شكرا للجميع و شكرا لتواجدكم
اعذروني راح اعلق بعدين لكن ما قدرت على تأجيل الرد على صديقنا كعكي

كعكييييييي وينك يا مان الك عشرطعشر سنه مختفي ...الحمد لله على ﺍﻟﺴﻼﻣﻪ

 

كنت عم بتعطوط ببلاد العرب واتغربت سنه ونيف
وليش كنت مختفي؟؟؟
كنت ملخبط باليوزرنيم يا ويسبر مؤ الباسورد
كعكي غبي أنا مليش عل التكنولوجيا

ام عمر!!!!!!!!!!!!!!!!!!!

 

مين إم عمر بلا صوغرة؟؟

يوزر حكتلي,, يارب يفقع هاليوزر بنص صباحك يا ماو


--------

الرد المنطقي:

حمدلله ع السلامة كعكينا المبجل :)

 

كل سنة و مدونتك و انت بخير :)
و يا ريت ترجعي تدوني متل زمان
هاي امنيتي لمدونتك يا ريت تتحقق

 

كل عام والمدونة وصاحبة المدونة بخير يا رب :)

 

Jaraad

الله يبارك فيك صديقي و شكرا عالكلام اللطيف و على متابعتك للمدونه :)
ان شاء الله النية اني ارجع

Haitham

يعني كل مره بتحاول تزرع الفتنه بتقلب عليك المواضيع و بتنسحب و بتستسلم و انت مهزوم و لسا مصرّ تكرر المحاولات :)

في كبسة فوق في اعلى الشمال من الشاشة بتكبسها بطلعلك
في Blogger منذ أغسطس ٢٠٠٨
من وين جبت ال 2007؟؟ يعني ما بدها حساب ولا تفكير كاتبينلك اياها و برضه بتغلط
الشيب و وجع الرجلين ملهمش دخل فمن هلأ بحكيلك لا تتحجج
جدو هيثم بدون اي مناقشه :)

انتخابات؟؟؟ وين؟؟؟مين؟؟
ما حد عزمني :\

انا اللي بعرفه اني عطلت و هاد المهم

 


Mohammad Al Alawneh

وانت بالف خير صديقي :)

لا تتصور فرحتي بس اعرف ان في حد بقرأ التدوينات القديمه و لسا في حد بحبها
شكرا جزيلا صديقي على تواجدك و متابعتك
الهدف من السلسله , ان البنات يعرفو ان هالمشاكل مشتركه بينا و مو هي بس اللي بتواجه هالمواقف
و الشباب يعرفو شو الاخطاء اللي بوقعو فيها غيرهم و برضه موجهه للناس اللي بفكرو البنات بتشرطو و بطلبو طلبات كتيره و صعبه التحقيق لهيك برفضو العرسان
و ان شاء الله تكون حققت هالشي

المدونه بكل ما فيها تحت امرك....اسرق و الطش زي ما بدك ولو انت عنّا بتدوينه

اهلا وسهلا فيك صديقي و شكرا مره تانيه على تواجدك :)

Um Ommar

الله يرضى عليكي مش حارمتينا من اشي :)
هيثم... وصلتك هديتك اكيد

الله يرضى عليه و يسعده عموره اللي عرفته و حبيته من اول ما شفته من قبل ما اعرفك حتى :)
من يوم ما شفته واقف عالطاوله بالعرس ههههههههه

السنين بتمشي شو وراها المهم احنا...انا شخصيا مخططه عال 39 اوقف عندها سنتين وبعدين ابدا ارجع...38, 37.. لل 35 و ارجع ازيد لل 39 و هيك اضلي ضمن الرينج هاد :) رايحه جاي

 

نيسانة التدوين

وانت بالف خير يا رب
النية موجوده و في فكرة براسي شكلي راح اطبقها قريب هي قربت تستوي :)
بالنسبة للدبكه...قررو وانا معاكم :)

Qwaider

شكرا جزيلا صديقي...لولا دعمك كان من زمان سكرناها لهالمدونه :)

وكل عام و انت بالف خير و العمر كله تقضيه بالخير ان شاء الله وانت و عائلتك الجميله :)

 

لاتــــــــي

الله يسعدك انت القمر يا صديقتي الغاليه
وانت بالف خير ياااااااااااا رب
انت كل الرقي و الجمال صديقتي و وجودك و نعرفي عليكي و على كل اضدقائي المدونين اجمل هديه من هالمدونه

كعكي

الحمد لله على السلامه, ربنا يوفقك صديقي و يرزقك كل الخير دائما
بعيد عنك انت ابو التكنولوجيا كلها...هو لو في ثقة كان اهطيتنا اياه علشان نزكرك فيه بس للاسف الناس بطلت تثق بالناس :$

 

لبنى

وانت بالف خير يا رب
ان شاء الله كلنا نرجع عن قريب
بدها شدّه حيل و اصرار

Black Rain

وانت بالف خير صديقي..وشكرا لمتابعتك و تواجدك :)

 

ابو زينه
تسلم صديقي....و شكرا على متابعتك الدائمه, بتعرف انك كنت المتابع رقم 8 لمدونتي :)
متزكره لاني مره اجيت لقيت 7 متابعين بس و استغربت مين ناقص طلعت انت الله يسامحك شاطبني بس الحمد لله راجعت نفسك و عرفت غلطتك هههههه
شكرا الك صديقي لان من خلال متابعتك و من خلال مدونتك تعرفت على ناس ومحاجيب جداد كتير سعيده بمعرفتهم كلهم :)

خلص بدنا قرار و نية جماعيه عالرجوع

 

يلعن تبا

ana ethazzi2t ya jed3aaaaaaaaaan

(more than the usual dose ya3ni)

:~{{{