Things I Like To Whisper About

Would You Hear Me Whispering

ظاهرة ملفتة




ظاهرة غريبة منتشره هالفتره بالشغل, ظاهره سمعت عنها من صاحباتي وانا بدبي بس الشوف مش زي السمع بالمررره, الظاهره هي العلاقات الغراميه بين الموظفين و الموظفات , كتبت قبل عن الموضوع تحت عنوان اهواك بلا امل  من قبل , الموضوع مش حاله فرديه و في حالات موظفتين متزوجتين على علاقه بنفس الموظف  المتزوج و وحده منهم بتبكي و بتحكيله "بدك تتركها" O.o, كبار و صغار و في بنات انصدمت بانهم قبلو على حالهم هيك موقف و انسو الشباب اللي صارو يفكرو حالهم اشي ما حصل, بحكو معنا كأنهم دنجوانات زمانهم و ياااااا نيالنا بوجودهم معنا و هو مع احترامي الشديد لو يقعد 100 سنه بوجهنا ما بنفكر نصبح عليه, مش تقليل من قيمتهم او تكبير بنفسنا لا سمح الله بس جد شوووو بالنسبة !!!!
مرّه كنت بدي اعلق على موظفه بوجهها صارو صاحباتي يسكتوني .... و بس ....والله يخليكي ما بدنا نورط... انصدمت منهم حكيتلهم  الدنيا صارت بالعكس, اللي بعملو المصيبه بعملوها علنا و اللي بدو ينكر المنكر بتسكّت , طلعو محاولين ينصحو وحده قامت ردحتلهم رسمي و صارت تصرخ و تقاتل

هلأ في ظاهره تانية لفتت نظري و خلتني افكر اكتر بالموضوع, كل مره بروح عالمول او بسمع صاحباتي بحكو عن ازواجهم و عن حياتهم بلاحظ البعد و الجفاء الغير طبيعي بين الازواج, جفاء يبعث على الاكتئاب :$
اللي بالمول بكونو كل واحد صافن بجهه لو لحالهم او معهم اولاد, لو صغار او كبار كلهم مكشرين وماشيين وحتى لو باكلو كل واحد مكشر و بياكل وما حد بحكي مع حد ولا حد بضحك مع حد, لدرجة اني مره كنت انا و بنت خالتي بالمول واحد و مرته ماشيين وشكلهم يوحي بانهم متزوجين جديد التنين امامير و صغار شفناهم بضحكو و بحكو و كأنهم بدورو على محل و همه ماشيين البنت مسكت ايد الشب قام سحب ايده من ايدها بطريقة خلتني انا اللي ما الي دخل انكسف , انا شهقت بنت خالتي بتحكيلي شفتي ؟؟؟ البنت المسكينه احمر وجهها و اختفت ضحكتها اشي بصدم

الموضوعين كتير خطيرين لو فصلناهم عن بعض, الفتور المبكر و الملل و الزهق اللي بصيب الزوجين مشكله كبيره, و العلاقات الخارجيه حرااااااام و خيانه و قرف و قزز,  هلأ اللي فكرت فيه انه هل هالموضوعين الهم علاقة ببعض؟؟؟ معقول واحد منهم مسبب للتاني؟؟ و اذا اه مين فيهم سبب للتاني؟؟ يعني هل العلاقات خارج اطار الزواج هي السبب بالفتور و الاكتئاب اللي صايب المتزوجين؟؟ ويلا العكس ...الفتور مسبب ان التنين يدورو على ناس تانيين يملو الفراغ ؟؟؟ 


4 التعليقات :

:| لاحظت ناس زي هيك كتير بالشغل!!!

بس ليه وكيف؟ مش عارفة!! يعني بحاول ما أحكم على حدا بالآخر أنا مش متزوجة ولا بمكان يخليني أستوعب ايش اللي هم فيه.. لكن في النهاية بحكي إذا الواحد أو الواحدة في جفا ومشاكل بينهم وبين الزوج أو الزوجة يعني بدل ما يبذلوا مجهود يتعرفوا عحدا تاني ويعيشوا "فانتاسي" ابذلوا هذا المجهود في تحسين حياتك مع شريكك في الحياة. في النهاية هذا كان خيارك بالأول! ويلا شو؟؟

 

معك حق اسيل
المشاعر و الطاقات المبذولة في علاقه ما الها اي فائدة لو تركزت على العلاقة الحقيقية بين الزوجين ممكن ينصلح الحال

خصوصا ان اللي بشوفهم عنا بعزمو بعض على فطورات و تسالي و تحلايه و نظرات و هدايا لو هاد انصب بالعلاقة الزوجيه اكيد بنجحها :)

 

LOOOOOL Swan Lake u made it loud and clear bel example 2elly darabteeh....jad hal 2ensaneh m7ayertny 2ad ma el shabab mayteen 3aleha w he 2asasan 2alelet 2adab 3alanan O_O

elmoshkeleh el bo3d 3an el deen w soo2 el2a5la2
kullo 6afaseh b3eed 3annek :$

 


:-(

El mawdo3een mutarabe6een... el3alaqa correlation I guess, mesh causality...

Ana bazon enno el sabab enno ba66al fi 3enna eshi esmo 'standard', ma 7ada 3endo tasawur m3ayyan la2aya eshi fel 7ayah...

Y3ni...

Betla2i el shab bet2adam la benet, lesh? Hek! la2enha mnee7a... es2aleeh: shu ya3ni mnee7a? ma be3ref yjaweb!

El benet bte2bal be shab, lesh? la2enno mnee7! Es2aleeha 3ala aya asas mnee7? Ma ra7 te3raf tjaweb!

Bs yetjawwazu ma bekun fe eshi benat-hom byorbo6-hom fe ba3ad la2enhom tjawwazu "heek"...

Bs yeshtaghlu, el benet betseer mo3jabeh be shab ma3aha belshoghol, ghaleban hu kaman metjawwez "heek"... w bema enno hu metjawwez "heek" bela2i hadi el benet 2oddamo, fa byo3jab feeha "heek", es2aleeha lesh bet7ebo? ma ra7 te3raf tjaweb, es2aleeh hu leeh be7obha, ra7 y2olek "heek"! Y3ni nafs el benet law 2abelma teshtaghel m3o marrat janbo bel share3 bejooz ma yshufha...

Ajeeblek mithal mshan afahmek shu 2asdi?

Dayman kanu el zlam mu3jabeen be nejmat Hollywood 3ala 2asas 7elween w kasmat w kaza... w mshan heek maratat-hom mesh m3abyeen 3eenhom...

Kim Kardashian, la sha2ra wala s5am, w shekelha aQal men 3adi... bet2a66a3u 3aleha el shabab, bte7mal el 5anom, w btensa7, w besser kasemha zayyo zay ayya sett jehmeh nes7at men el 7amel!!! w l2enha btelbas dayye2 w kashef be6la3 manzarha muqazzez... bs still bemutu 3aleha! M3 enno kasemha neswan el3adeh!

Y3ni lesh el shab be3jebo had el kasem 3ala K.K w ma be3jebo 3ala marto?

la2enno 2asasan ma 3endo eshi esmo ME3YAR 2aw MEQYAS... Fish standard... fish Criteria... mshan hek bna5od qararatna 3ala 2asas el wala eshi, w bnen7aref 3ala 2asas el wala eshi... w kol 7ayatna mashyeh heek... e3teba6i... 3ala 2asas el wala eshi!!!!

Best Regards,

Swan Lake