Things I Like To Whisper About

Would You Hear Me Whispering

Standards




اول ما سكنا بيتنا بال 99 كان لازم نركب مطبخ جديد, و للاسف بابا و كالعاده قرر يستعين بخبرات عائليه,  قريب النا بشتغل بالموضوع و وكله فيه.

ماما في بيتنا القديم وبما انها قصيره مقارنة بطول عائلتنا كانت تعاني من ارتفاع المطبخ بالبيت القديم و اللي سببلها ديسك و وجع ايدين و كتاف دائم, فبما انه لما تزوجت كان المطبخ القديم راكب ما في مجال للاعتراض فبالبيت الجديد حبت تختار الارتفاع المناسب الها بما انها بتقضي وزي كل الامهات بالمطبخ 99.9999% من يومها.

مناقشات و محاورات بينها وبين قريبنا على الارتفاع و بالاخر عمله زي ما هو بده لانه وبناء على كلامه و تكراره للكلمه "هاد الارتفاع الستاندردز بين المطابخ"

بما انه "قريبنا" ومن ناحية بابا, فاااا بابا كان معه و تم عمل المطبخ بارتفاع مناسب للستاندردز العالميه بالارتفاع, ومن ال 99 وماما بتعاني من هالمشكله و كل مرّه ماما بصير يوجعها ظهرها كلنا نشاركها بالدعاء و تحميل المسؤوليات, وبابا بعد بفتره حس بالذنب ولكن خلص "اللي صار صار وشو بدنا نعمل" هيك برد

اللي ذكرني بالقصه خبر قرأته في جريدة الغد اليوم

الخطيب: الانتخابات النيابية الأخيرة تقترب كثيرا من المعايير الدولية

قديش بتقترب؟؟؟ كيلو مثلا؟؟
و هالمعايير من وجهة نظر مين صحيحه و صحيّه؟؟ و من وجهة نظر مين مناسبه؟؟ ومين اللي قرر انها تطبقت ويلا لأ؟؟
والسؤال القوي..............مين اللي راح ياكل هوا من وراها؟؟؟

ودمتم

11 التعليقات :

الله يكون بعونها للست الوالده لإنها متل هالوطن,, وال ستاندرد مابناسبها

 

أنا سياسة + مطابخ = ما بحكي!

*سمايلي متكتف و ساكت و حاط أصبعه على ثمه*

 

ستاند رد والا ما ردش مش هذا هو المهم المهم انه الستاند يضل محله و يضل يتحكم فينا ....واللي مش عجبو يفل ويدور على ستاند لاند ثانية

 

عجبني انو قريبكم عامل ارتفاع المطبخ ستاندارد على اساس انه كل شي بالاردن معمول على الستاندارد :)

سلامتها الوالده.

 

الله يعينها على الستنادرد العالمي ، مشكلتنا بالأردن لما تحكي لواحد فكرة تعديل ، برد : ما بصير ، ليش؟؟ ، لأني صرلي 20 سنة بعملها هيك ؟؟

بس حلوة المقارنة :) و صايرة سياسية ، النية على المجلس الجاي

 

مساء الخير ويسبر .. حبيت سلّم .. دايماً بالبال .. و أَلف سلامة لماما ..


 

Um Ommar

اللهم اميييييييييين :(

Haitham

في عالم جبانات بشااااااااااااااكل :)

هو من قليل بياكلولك الساندويش بالمدرسه...قصدي الكليه :)

 

Yosef

اهااااااااا...لاااا قاعدين على قلب كل كارهي الخير للبشر حتى ولو ورااااء الشمس :)


Jaraad

ههههه خبير ومطبق للمقاييس والمعايير عالمية الشب :)
الله يسلمك يا رب

 

وائل


واااائل!!!
اخيرا عرفت مين صاحب المدونه :)
اهلا و سهلا بوائل

فكرة عدم تقبل التغيير و رفضة بدون حتى اعطاءة فرصه للتجربه بتحد من اي تقدم

لاااا شو سياسية الله يسعدك
انا بحكي عن المطبخ و المطاااابخ لا اكثر بس الشيء بالشيء يذكر

Rain

:) صدفة بحته

Noura


مساء الورد والفل و الياسمين
وينك انت اه وينك؟؟؟
كتييييييييييييير طولتي :(
اشتقنالك كتير كتير

 

مش ساندوييييييييييييييييييييييييييييييييشة

(شاوزيطة عرأي جيرانّا السوريين بالسعودية) O_e_

علبة حمص كااااااااااااااااااااااملة (آه يا قلبي.. أتذكرونييييش)

حقها 1.10 باونط (ده عنجليزي.. إيوه)

:P

بالله ما أوعزتي لحدا من الملاكات الماشيين على الأرض - فرع أوروبا يعمل هيك؟

احكيلي و ريحيني

مسامجكو بس بدي أموت و أعرف هال(بطل)
--------
**في آراء إنو = عاااااااااااااادي.. بكون واحد/ة سكران/ة
.. نظرية محتملة

فكرك إم عمر؟ همممممممممممم