Things I Like To Whisper About

Would You Hear Me Whispering

بتصير معكم؟؟





كل مره...كل مره...كلللللللللل مره

بكون بعمل القهوه و انا بغليها بتنزل نقيطه بحجم 1\2 ملم * 1\4 ملم عالغاز
ولاني بسم الله ماشاء الله مرتبه و بحبش العوج بقول امسحها بلاش ما تخرب شياكه
 و نظافه و بياض الغاز وبلا ما تنشف... و يا دوب بمسح النقيطه
القهوه اللي نسيتها بتغلى على النار بتفور و بتفرد لعشرين متر :(

كل مرّه؟؟؟

 معقول؟؟؟ 
و ببدا بهدله بحالي و بالغاز و بالقهوه
و بتنسد نفسي و ببطل طايقه حد مما ذكر اعلاه و بنظف الغاز زي الاسد و ببطل اشرب قهوه :$


17 التعليقات :

صارت معي... بس مش كل مرة، يمكن كل ثاني مرة؟ :)
وبما اني مش من عشاق القهوة وبشرب شاي أكثر، فنادراً ما بتصير
;-P

 

بما إنه القهوة مش مفيدة للصحة، إللي بيصير معك فيه فايدة.
:-))

 

المفروض هيك شغلات ما بتصير مع البنات المعدلات. البنت المعدله بتعرف تعمل قهوه بدون ما تنكب نقطة قهوه على الغاز. الشطاره الها اصولها. مش مين ما كان بيعمل قهوه :)
انا مثلا هسا قاعد بشرب قهوه اعملتها بدون ما اكب نقطه لأني معدل :)
معلش مشيها اليوم صاحي بكير ومزاجي رايق :)

 

سيرة القهوة ياااااي

افطر ع القهوة وبتغذى ع القهوة،باتعشى ع القهوة..
عشق وسحر وافكار
وادمان لا ليس ادمانا..
لانه لايكون الأمر يوميا الا من فترة لفترة.

مرة من عامين تقريبا
صارت حالة المصران صعبة،وعند الطبيب
الذي توقعته يحولني على الجراحة..
يقول لي يابنتي كووووووووووولي
بدل نظام البحارة اللي انت عايشة عليه.
كان الشهية مفقودة ياعيني..
الا مع القهوة ..

ايه سيرة طويلة شوفتي ..

لكن ابداً لا يحصل معي مثلما يحصل معك..
ربما اني ميش مهتمة بالغاز والتنظيف، لتلك الدرجة..

صحيح يحدث ان ينسكب الحليب ع النار
لكنه ليس عادةً.

اعتقد عليك ياصديقتي ابداء بعض عدم الإهتمام بالتنظيف في حالة القهوة فقط
وسوف يتغير الوضع..^^

فنجان قهوة طيب ويسبري

 

shokran Sale7 & Malik

shokran

:)

-------
no2coffee
yes4tea

*هتاف*

 

أنا بفوّر الحليب ..
وبعجب عالدنيا ..
كل مره ..

بتنحسب والا لأ؟
:sofera:

@Saleh & Jaraad
ابدعتم
D:


@Haitham
روح من وجهي .. قال شاي قال .. :@
(اعتراض عشان الاعتراض بس)

 

أنا اللي بصير معي دايما اني بس اجي أمسح اللي نقط بتطب ايدي بحديدة الغاز السخنة و بحرق ايدي :( يعني احمدي الله اللي بتنظفي الغاز من غير وقوع اصابات هههههههه ع فكرة بككككككككره تنظيف الغاز :S

 

ياسمين

هههههههه شكرا عالدعم المعنوي :)
الله يرضى عليكي
يلا لو كل اسبوعين بس بتصير

 

Saleh

الله يسامحك يا صالح، هيك تفش قلب هيثم فيي :$

فكر منيح..القهوه مفيده صح :)

 

Jaraad

امممم... قلبي الصغير لا يتحمل :(

عكلن النتائج الرد فعليه لتعليقك انا فرجيتكم اياها عالفيسبوك و التويتر

معدله!! كلمه قويه جدا

ان شاء الله على طول المزاج رايق،بالعكس شكرا الك لاني صرت كل ما اعمل القهوه اتزكر التعليقات و اصير اضحك :)

 

لاتي


روحي الله يسعدك يا رب..ايوا هيك حسسيني انوالموضوع عادي و بالعكس " عداله" زايده ههههههههه

القهوه عندي ضروره قسوه للصحيان اول اليوم و بمنتصف اليوم مع بعض النثريات خلال اليوم :)

على قلبك صديقتي ﺍﻟﻠﻄﻴﻔﻪ

 

Haitham

تحكيش معي :$

الله يسامحكم يا صالح و جراد ،،شمتو الاعداء فيي

اين انت يا طربش تفسدلي عن المخبى

ال شاي ال ﻫﺎﺍﺍ

 

Jam7awi

بتنحسب و خاواااا بدها تنحسب :)
حليب ،شاي،قهوه ،،رز ،سكر كله محسوب اصلاطن

حغطرش عن فقره المدح و اقفز لفقره الاعداء بكفي عدو واحد حاليا

ايون اعطيه ولاااااا ﺗﺴﻜﺘﻠﻪ

 

hb

حبيبتييييي بعرفهم هدول الحروق لانه بتصير معي من فتره لفتره

سلامه ايديكي يا ﺭﺏ

هو ﻣﺸﻜﻠﺘﻪ انو ما بهدى بالك الا اذا كان بلمع و اذا كل المطبخ نظيف و الغاز وسخ بتحسي نص المطبخ وسخ :$

 

ya 3ammo gam7awi!

ya kooooooooooz

lah!
lah o se66a3ish lah

sa7ee7 e7na m7orbeen ba3ad bas mosh goddam l a3da2!

lazim solid front goddamhom

hatha 101 info ya kooz

forsa n3mal minnak booshar AW fooshar etha bt3eedha

 

زي ما حكي جراد انتي مش معدلة :)
اعملي زيي انا كثير معدلة ترى.. شو ما طرطش قهوة وطبيخ وشاي بعمل حالي مش شايفة.. لحد ما يمر اسبوع ويصير الغاز بيقرف بنظفه مرة واحدة وخلصنا!

 

pragmatism with kiki 5anom
:)

t3allamy ya .... t3allamy