Things I Like To Whisper About

Would You Hear Me Whispering

عن الزواج و تكاليفه




الزواج و تكاليف الزواج, التقدم لخطبة بنت و انت مش جاهز ماديا, فكره الزواج تكون مطروحه و انت مش جاهز ماديا, موضوع اله فتره محيرني و بفكر فيه, بدا بحوار مع صديق و انتقل الى موضوع جدّي بالنسبة الي لانه بخص حد بعرفه منيح.


انا من زمان, ايام الشباب يعني :) , كنت مع ان اي شب ما يفكر بموضوع الزواج طوا ما هو غير جاهز ماديا, و ليش تجيب بنت العالم تمرمرها معك اذا انت حياتك مره, و لكن بعد ما كبرت - شوي -  و خبرتي بالحياه زادت نقطتين و نص - علشان الدقه النص - تغيرت وجهة نظري.

هلأ التغير ما بعني اقمه زغيوره تكفينا  و عش العصفور يقضينا, لأ فكرتي ان الحياه صعبه صارت و ضروريات الحياه صارت تفرض ان التنين يتعاونو و يشتغلو و يصرفو عالبيت, فكره الصرف عالبيت هاي من زمان وارده من منطلق ان انت سلمتي نفسك لانسان, فاكيد انت واثقه تماما منه و اذا خايفه على الفلوس الاولى انك كنتي تخافي على حالك, الفلوس ارخض شي بتقدميه بعد ما تختاري تدخلي الشخص على حياتك.

نرجع لموضوعنا, هلأ فكره ان انت ماديا مش جاهز للزواج حاليا, شو اللي بضمن انك تكون جاهز بعد سنه او حتى سنتين؟؟؟ و بس تشوف كل اللي حواليك متزوجين و مستقرين, موظفين الحكومه اللي بياخدو ملاليييييم - اه صرت منهم هلأ - ويلا الموظفين الكبار كله فاتح بيوت, بتشد عليهم بيوم و بتفرج بيوم, فاااا انا برأيي اذا معك الحد الادنى من مستلزمات الزواج فمش غلط تطرح الموضوع و تبدأ بتنفيذه مع وضع العروس و عائلتها بالصوره ليكون الموضوع واضح من اولها, في عائلات ما بترضى اكيد و هاي حريه شخصيه و وجهة نظر حقهم يتمسكو فيها و في ناس ما عندها مشكله.

يا ريت تفيوني بوجهات نظركم عن الموضوع لاني مش عارفه شو انصح هالشخص اللي كتييييييييير بهمني , اذا ما كنتو حابين تعلقو باسمائكم بتقدرو تعلقو كمجهولين, واللي لاول مره بيجي على مدونتي و بالصدفه قرأ هالموضوع يا ريت تفيدنا و تشاركنا بوجهه نظرك

و دمتم :)

19 التعليقات :

مساء الخير لكِ وللجميع

من لم يّكن جاهزاً للزواج اليّوم
لن يكون جاهزا ابداً

فالزواج ليس موضوعاً ماديّاً بحتاً
انه موضوع مسؤوليّة اولاً واخيراً

ومن يقول ان من يملك من المال ما يكفيه لفتح البيّت وتوابعه هو جاهز...؟؟؟؟

ومن يقول ان هناك ضمانات لمن يملك المال اليّوم ان يبقى معه ما يكفي من المال لتكملة حياته الزوجيّة في الغد...؟؟؟؟؟

المشكلة تكمن في العادات والتقاليد السيّئة المتوارثة والتي تثقل كاهل المتقدم للزواج واهمها المظاهر من حفلة وشبكة وهدايا ...الخ

انا في وجهة نظري المتواضعة ان من يمتلك الحد الادنى من القدرات الماديّة لفتح بيت متواضع يضمه هو وزوجته هو قادر ماليّا على الزواج

الاهل ....اهل العريس واهل العروس هما المشكلة التي تقف عائقاً امام من يرغب بالزواج ....طلباتهم المكلفة

عمر ابني تزوج مما وفره من عمله مشاركة بما وفرته خطيبته من عملها وانضمت اليه في بيته الذي كان يسكن به مستأجراً قبل الزواج والمكون من غرفة نوم واحدة وتوابعها كما نقول هنا ...وهيّ ليّست اجنبيّة اي انها عربيّة الاصل وهي من عائلة ثريّة نوعا ما وكانت تقيم مع اهلها في فيلا كبيرة ولها غرفة نوم مستقلة ....الخ

المشكلة في ثقافتنا ومفهومنا الخاطئ في كل شيء والذي يرتد على حياتنا وعلى ابنائنا سلباً ونكتفي بان نفتخر اننا لن نزوج ابننا او ابنتنا باقل من ايناء العائلة او الجيران
واللي ما معوش ما يلزموش

يا حرام ....
وبعد ذلك ندعي باننا ننتمي الى مجتمع الاسلام ....

قوليلو ...
توكل على الله وتزوج
وربك من خلقك ان كتبها لك وتم الفرح ان شاء الله فهو من سيرعاك ويرعاها

نفسي اوصل رسالة من هنا
ان الدنيا دوارة
وان من يعلم الغيب هو الله وحده


 

الله يعينه الصراحة... كل شي بتغير بمجتمعنا إلا عادات المغالاة في المهور وحفلات الأعراس.... العملية مش بيع وشراء الموضوع قرار مشاركة شخص آخر في حياتك.

شخصيا بشعر إن الحفلات مبالغ فيها وما الها داعي وبتكلف آلاف ممكن تنضب على بيت يسترهم.. كتير بعرف بنات بعملوا أعراس على قد العيلة وعادي

بس المشكلة جزء كبير من الجيل القديم ما برضى بنته تطلع من بيته "عالكتيم"..

ستي! رأيي إذا عن جد النية موجودة يتوكل على الله ويغوص في الموضوع والله يستر ههههههه

إذا تيسرت من الله فخيرا... وإذا ما تيسرت برضه عساه خير.. بعرف ناس ما كان معهم شيء ولا جتى شغل الشاب كان مستقر وسبحان الله ربنا يسر الأمور وهي ما شاء الله صار عندهم عيلة ومبسوطين ومستقرين في حياتهم... الأرزاق بيد الله سواء كان مال أو زواج أو أولاد

 

ابو عمر


انا تماما مع رايك الزواج مش ماده و للاسف الاهل و العادات و كلام الناس بخلوه مادي بحت

انا حكيتله يستخير و يتوكل و اذا فيه خير الهم ربنا بيسرها من عنده

يا ريت نﺏطل هالتقليد اللي بخرب على الشباب

الدين صار يتبع بالاشياء اللي بدنا اياها و بننساه وقت الجد،،الله يصلح الحال

ع الهامش
الموضوع شدك و نساك الله يرضى عليكي شكله :)

 

ابو زينه

الواحد بصير بالستين وهو بكوم نفسه بهالايام و يااااا دوب يلحق
فليش ما تكومو نفسكم مع بعض :)

برايي الحياه بتمشي و الارزاق على رب العباد ونيهالزواج لحالها بتفتح ابواب الرزق و الله ﺍﻋﻠﻢ

ما بقدر احدد المبلغ اللي يعتبر حد ادنى ولكن زياده التكاليف باشياء ما الها معنى و الاسراف و البذخ مبالغ فيه هالايام و اذا استثنيناهم بتمشي

الله يكتبله الخير و يسر ﺍﻣﻮﺭﻫﻢ

 

Aseel

فكره عمل عرس صغير و توفير الفلوس عالقليله ليسافرو شهر عسل حلوه بس الاهل مستحييييل يوافقو :$

جميل انك بتعرفي ناس عملو عرس ديق، عالقليله حد يبدى و بتنتقل العدوى بعدبن

يستخيرو و يتوكلو على الله و يشوفو شو بصير
بس فكره طرح الموضوع و البدي باي خطوه مرفوض عند بعض ناس خوفا من ردود فعل الاهل و الناس هي اللي ﺑﺘﺠﻠﻂ

 

I shall listen 1st and maybe say my piece :)

---------

yousef didn`t leave much room though! :))

 

اخواني الاثنين اللي اصغر مني اتزوجوا لأني كنت اقلهم انه حالتهم الماديه مش راح تتغير بسنه اوسنتين فاتزوجوا قبل ما يتأخر الوقت زي ما صار معي. أنا كنت استغرب من اللي بيتزوج وما معوا غير راتبه اكتشفت انه انا الغلط. الشخص المعني اذا كان بيشتغل فهذا كافي له ان يقدم على الزواج. انا بعرف ناس كثير زوجوا بناتهم دون طلب اي مهر او مقدم او حفل الى اخره.

 

اذا بدنا نحكي انه الشب بدو يستنى حتى يأمن سيارة و بيت و ابو كم الف دينار فهاد معناه راح يتجوز على ال 50 , و اذا بدنا نحكي انه يتجوز و هو مفلس و ما معاه حق الدبلة فهاد معناه كمان ما حد راح يقبل فيه , مشكلتنا عويصة , من ناحية الاهل ما بقبلوها من طرفهم و بدهم بنتهم تطلع من عندهم لفيلا و الشباب مش لاقيقن حق البدلة , برأيي التعاون بين الاهل هو الحل ,يعني الشب بامكانو يوخذ قرض ب 20 الف دينار و يعمل بالرويال العرس بس هاد راح يضيق عليه حياته ل 10 سنين قدام

 

it is truly difficult to give a definite answer because a lot of things have to be taken into consideration..I am all for marriage where the two help in building it together..On the other hand we can not underestimate the pressure of finances on two that are starting their lives because it is not only the wedding, the parties, the gifts or the honeymoon........ It is the house, the rent, the monthly bills, the expenses, the must have savings for the unexpected and the future and the family that will grow at one point..I know some might say that I worry a lot and I am pessimistic..No,I am realistic. Those are facts of life that the two have to face and deal with...right?

Starting a marriage and a new life is difficult on its own.. and sometimes troubles of any kind can add to the pressure..I say if the two decide to go ahead with the marriage, then everything should be out on the table and on the clear and planned ahead of time.. Again, am not pessimistic, I am talking from what I see around me and in my family..My brother and his wife started with nothing, and on one to help with a penny..They thought that their commitment will carry them through and they don't need to even eat.. they both work, and here they are years later, two kids and still not able to keep up with the high demands of life, rent and the two boys they have.. he works two jobs now..and they live from pay check to pay check and he has to help my mother a bit too...I see them struggling and life has become like a heavy load on both of them..I wish they waited to have kids until at least they have bought a house but that is another story looool
I guess what am trying to say Miss Whisper is that it can work but they both should enter the marriage ready, knowing what is ahead and that it is not going to be easy and that a lot of sacrifices have to be made in order for the marriage to work..and I agree with the last paragraph of Mohd Jarrar comment.
and good luck...sorry, I have talked a lot today..ma3leish sam7eeni :)

 

السلام عليكم
أنا بحكي انه الي بده يتزوج و عاقد النية يتوكل على رب العالمين و يجزم لأنه الله سبحانه و تعالى يرزق من حيث لا تعلمون . لأنه ماشي بالحلال وسبحان الله ما بتعرفي كيف بتتيسر الامور ...
المصاري مش كل شي .. و لا أساس شي .. الضروري الدين و الاخلاق و التفاهم العائلة الطيبة ... .

 

Sheeshany *** Jaraad***W7l***Noura*** anounymos

شكرا الكم جميعا على مشاركتي بوجهات نظركم

انا نقلت التعليقات حرفيا للشخص و نصحته بوجهة نظري و ان شاء الله حيتوكل على الله و يمشي بالموضوع

هو محوش مبلغ بسيط و راتبه فوق المتوسط و حكا للبنت بالزبط شو وضعه و الله يجيب اللي فيه الخير للجميع :)

 

هوه الموضوع عويص
وحوليّ معظم الناس تجوزت بمساعدة أهاليها
إلا من رحم ربي

نفسي لمى أكبر اكون أنا اللي اساعد إبني عبيل ما يتزوج وبعديها يكمل طريقه لحاله
اكيد مارح أشجعه يتزوج إزا ماعنده دخل ثابت يكمل طريقه فيه

مابعرف,, بس انا من الناس اللي تزوجو ع حسابهم,,
وماساعدنا لا أب ولا خال,,والكل إنعزم ع العرس عزيمه لإنه كل شي كان من جيابنا وتخطيطنا

الله يكون بعون العالم يارب

 

ام عمر المتمرده دائما :$

الموضوع فعلا عويص
احنا بنقدم النصيحه و الله يعينهم و يوفقهم ان شاء الله

اللي خايفه منه انهم يتعلقو ببعض و يبنو احلام ورديه و بس يجو للتطبيق يوقف الموضوع و ينصدمو صدمة عمرهم

صعبه كتير :$

 

متمرده؟؟
له له؟؟

قبل ما يتعلقو ببعض يشوفو وضع أهاليهم إزا تقدملها رح تزبط وإلا كله عركسات ومصايب
وماينسوووووووووش الإستخاره

انا مش متمرده, انا اكلت نصيبي ههههه

 

محاولة لعدم تكرار أو الغوص بعيدًا و لكني سأفشل ....

----------------

المسألة -زي كل مسائل هالدنيا المعقدة- لها جانبان أساسيان -برأيي- الأول خاص و تفصيلي (بمنطق أنه يجب التفكير بتفاصيل و معطيات الزواج و مقدماته من تكاليف و شعور بالمسؤولية و محاولة إرضاء الحموات من أولها و .. الخ :])

و الثاني عام شمولي و يحيط بالمسألة التي هي متشعبة بالأساس لأننا لا نوقف دوائر/عجلات الحياة الخاصة بنا (بدون إدخال عنصر تدخل/تمازج حياة الآخرين بنا/معنا)
و نقوم بال (الزواج) بمعزل عن كل ذلك.
(بمنطق أن اللي عليك عليك و ربك هو الرزاق و أن التخطيط و لو بعقلانية و موضوعية عادة لا يجيب نتيجة و أن منظورنا لسببنا على الأرض هو نفس الدافع الذي يجعلنا نتوقف عن التفكير المهموم بالزواج (و غيره) و نسلم أمرنا و نتوكل) طبعًا هنا أنا أتحدث (عنا) و عن مفهومنا كما أراه (مسلمين/شرقيين/عرب)
الحيرة هي في إيجاد التوازن (و هو غير متأتّ!) و نحن نعلم أن ذلك صعب جدًا و نقبل بمستويات توازن مقبولة (في أذهاننا على الأقل) و بعدها نضع خطط لتحقيق ذاك التوازن

-------

عتبك على اللي فهم شي!

ههههههههههه

*ذاهب لأخذ الدواء*

 

استخارو و استشارو و الشب مخبر اهله عن الموضوع و البنت المفروض تخبر اهلها هاليومين

الله يسهل الامور اذا فيها خير

شيشاني

انا بقول تزيد الجرعه لان الجرعه الحاليه ما بتعمل مفعول كويس معك :)

الموضوع متشعب كتير و مسؤولياته كبيره بنتمنى انهم يكونو مستوعبين اللي بدهم يواجهوه منيح و خصوصا الشاب

 

akthar min haik = jareemeh!

max. limit

------

laweesh 5osoosan l shab!
eh

tamyeez gendary :PP

 

غير الدوا غير الدكتور تصرف
انا بحكي لمصلحتك

الشب المسكين اللي حيضل يشتغل و يجيب
هاي دعم نفسي مش عنصريه :)

 

شخص ما عنده القدرة الكاملة انه يفتح بيت, يعني باقل التكاليف, بصراحة بنصحه يتزوج لانه اذا عمل هيك بعمره ما بيعملها و فعلا انه اللع بيسر الزواج و بيرزق و دائما الناس بعد ما يتزوجوا بكونوا حالهم بس لما يضلوا عزابيين ما بيعملوا اشي, بالاضافة انه الزواج نص الدين و في حفظ للنفس