Things I Like To Whisper About

Would You Hear Me Whispering

The Beautiful Blogger Award


مسائكم و صباحكم و كل اوقاتكم هنا و رضا يا رب
يعني الكسل صايب كل خلايا دماغي هالفتره, مش معقول وضعي بالمره, يعني انا ويسبر محبّة التاج يجيني تاجين تنين وما اعملهم!! شو بتقول واجبين!!! همه مش واجبين همه واجب و جائزه  بس لاخدها بيجي معها شوية اسئله على الهامش, فااااا بما اني قررت اعملهم فقررت ادمجهم سوا سوا بما انه فيهم جزء مشترك الا وهو معلومات عني



شكرا للصديقين الرائعين   GG   و الصديق جراد  على الترشيح

المفروض اني احط صوره الجائزه و اشكر اللي رشحني و اذكر 7 اشياء عن نفسي و ارشّح 7 مدونين
و الواجب التاني المفروض احكي 11 شي عن نفسي و اجاوب على 11 سؤال  من المدونه اللي رشحتني و ارشح 11 شخص و اعلق على مدونات اللي رشحتهم.....فااااااااااااا هيا بنا نلعب و بما اني بحب رقم  8 فراح اغير الارقام كلها الى 8 :)
1-      بعد الغربة اكتشفت اني بحب مناقيش الزعتر و الزيت كتيييييييييييييييييييييييييييير.
2-      بحب الافلام و حضرت افلام السنه عن 34 سنه مضيو, لا محدوديه للانترنت و هات تنزيل افلام :)





3-      لهلأ مافي غطاية قلم حبر بتسلم مني, وانا صغيره كنت اعضعضهم هلأ بضلي اطعوجهم :$
4-      بحب البحر و ما بشبع منه لا بالنهار ولا بالليل و لو بصحلي اضلي قاعده قدامه ساعات ما عندي اي مانع
5-     بعد تعاملي مع ناس من جنسيات مختلفه تعلمت اني ما احكم عالناس الا بس اتعامل معها و اهم شي بالانسان اخلاقه لانها  هي اللي راح تتعامل معها
6-      بحب التصوير كتير, بصور كل شي و اي شي الا نفسي, موبايلي و اللاب توب مليانين صور و لا صورة فيهم الي 
7-      انا افشل انسانه بالبيع و الشرا و لولا ربنا بيسرلي ناس براعو ربنا كان اكلت هوا رسمي
8-      حبيت حياة الاستقلاليه و الاعتماد عالنفس بالرغم من صعوبة بعض نواحيها, فكرة انك تكون ملك نفسك وصاحب القرار جميله جدا
9- نفسي اعرف مين اللي بحط ممل على معظم البوستات مؤخرا.....اه 9 مش 8 هلأ تزكرت هالنقطه و حبيت اضيفها 

    نيجي للاسئله واللي حختار 8 منهم 

1-      شو اكتر هواية بتفضليها؟
     السباحه, مع اني من سنتين تقريبا ما سبحت ولكنب بعشق السباحه واللي تعلمتها من وانا عمري 5 سنوات

2-      ايش نفسك تتعلمي؟؟
      نفسي اتعلم لغة جديده , و هالشي ناوية تطبيقه قريبا ان شاء الله

3-      شو اول شي بتعمليه بس تصحي من النوم؟
      بعد التغسيل و تفرشي الاسنان عالمطبخ لعمل كورن فلكس و مج من الحجم العائلي نسكافيه

4-      هل بتحكي مع حالك ؟؟؟ 
    نعم و مؤخرا زادت الحاله :)

5-      بتحب القراءه؟؟ اذا اه شو نوعية الكتب اللي بتحب تقرأها؟؟
     بعشق القراءه بالرغم اني بعيده الي سنه, بحب  الروايات و القصص العالميه, بحب الكتب السلسه بدون اي رمزيه.


6-      هل عندك موقع الكتروني مفضل بتحبي تشاركي فيه اصدقائك؟؟؟
      موقع دررسنيّه من يوم ما تعرفت عليه من صديقنا جراد و هو مرجعي في امور كتير

7-      شو اكتر شي بتكرهي تنظيفه؟؟
       بكره تنظيف الخلاط :$ زوايا و مثلثات و شفرات و قصص, و لازم يتنظف منيح ومن كل الزوايا  لحتى نضمن انه صالح للاستخدام المره الجاي

8-      شو اكتر موقع الكتروني بتزوريه؟؟
     الفتره الماضيه الفيسبوك هو الموقع الاول اللي بفتحه و اللي بياخد معظم وقت القعده عالنت
     
ا  اختاري 6  اصدقاء للجائزه و\ او  ليعملو التاج

1-      نورا....اللي غايبه عنّا الها مده
2-      سوزان...بعرف ان الدراسة والبيت والشغل ماخدين كل وقتك بس برضه اشتقنالك 
3-      سوسو... نفس سوزان الدراسه و الشغل و البيت و برضه اشتقتالك
4-      هديل....عروستنا الحلوه 
5-      ام عمر... لانك بتكرهيني و ليختفي البوست اللي كتبتيلي اياه من مدونتك 
6-   ايكوسان...كوز...ابوقرعه...لاني ما عملت الواجب اللي اعطيتني اياه





15 التعليقات :

صباحك ورد يا جارتنا :)
اشتقنا لحكياتك يا صبية
مو حرام عليكي هيك تعملي بالغطايات :(

 

لبنى

يا صباح الخيرات و الليرات :)

اشتاقتلك العافيه يا رب ... هيني بحاول :$

ههههههههههههه اسكتي ما صدقت بس لقيت الصوره...هاد فعليا اللي كنت اعمله فيهم و لولا الكبر و عيب قدام الناس كان لسا بعمل فيهم هيك :)

 

شكرا يا قمر. اه والله مشغولة كتير في البيت ومع الاولاد وكمان الاسبوع الجاي راح اناقش رسالة الدكتوراة، اخيررررررا :)
ادعيلي
مجرد ما اخلص اوعدك اعمل الواجب ان شاء الله

 

SuSu

الله يعطيكي العافيه

مبرووووووووووووووووك مسبقا و بالتوفيق يا رب :)

بانتظار سماع الاخبار الحلوه :)

 

شكرا على البوست فكرت نسيتي :)
ان شاءالله هاي بداية جيده للبوستات اليوميه او على الأقل الأسبوعيه القادمه.
أنا بحب البحر كمان بعتبره أجمل شيء على الاطلاق مع اني للأسف عايش بعيد عنه.
نعم موقع الدرر السنيه فعلا موقع قيم جدا.

 

ممل ممل

boooooooooooooooring

*هيثم يخبئ كافة الأقلام ...و بسرعة*

-----------

لغة شو يا حجة!
------
قال سباحة قال
بتغرقي بشبر شكلك! كلو من النميمة اللي بتمارسيها و/أو كمية الكيك المهولة في الإمارات

 

مشان ال"ممل" أكيد أم عمر
ومشان الخلاط حطي فيه سائل جلي ومي وشغليه شوي بعدين اغسليه وخلص :)

 

لا مش أنا اللي بظل اكبس ممل
هيه كانت مرتين

هيا البقبوقه وبدها إتدبها ف ظهري

بكرهك بقبوقه,, خليتني أخرج عن صمتي,,
بكرهكم كلكم

 

Jaraad

شكرا عالترشيح....لاااا ما نسيت :)

ان شاء الله...بركي التغيير بغير النفسيه كمان

انا بدبي في بحر ولكن خلال سنه ما زرته الا مرات معدوده للاسف...الشوب هون ما بخلي حد يستمتع بشي :$

شكرا على الموقع المفيد...مرجعي الاساسي خصوصي بصحه الاحاديث

Sheeshany

شوووو بشوف العربي اشتغل بمدونتي سبحان الله...علشان تعبر براحتك

انا بصراحه شاكك فيك بس مطنش

ماااااشي بهاد انت حفزتني لاتعلم و بنشوف ...وانا احط شي بدماغي خلص بتنّح عليه :)

مع اني ما فهمت شو الرابط العجيب بين الكيكه و النميمه و السباحه لكن ما راح اناقشك...من يوم يومك غريب ما اجت على هاي

 

Rain

نوّرت ...نوّرت
عاش مين شافك ببيتنا المتواضع يا قمر :)

انا 75% شاكه بشيشاني و 25 % بام عمر و شكرا على تعليقك اللي اثبت ان شكّي بمكانه و ال 25% طلعو من ام عمر :$

بالنسبة للخلاط هاي المرحله الاخيره من التنظيف ...تكرر مرتين او 3 حسب تغير لون السائل, بس التنظيف الاولاني لا بد منه :$

Um Ommar

عجبتني اخرج عن صمتي :)
يا كتووووووووم انت... يلاا مسامحه بالمرتين اما التانيين مش مسامحين

يلااا يا شطوره كملي كرهك بعمل الواجب و الشعبره على راحتك :)

 

azonn inny msh 7ada m3addal kteer l2eno bil nesbeh ely hay el 5otweh el w7eedeh :P

Um Omar
خفي علينا

 

انت ست المعدلات بس انا اللي بزيدها شكله :$

ام عمر... رينو بتمووووووت بالبوم اصلاطن :)

 

It is because of people like you that I always come back and will always be attached to this world.:)
So, please visit me in my new blog, new address..the old one is completely gone!
see you around :)

 

Noura

Welcome back ...we missed u alot

never leave us .. this virtual world couldn't be perfect without all of u being in it

Congratulations for the new "house" :) see u there