Things I Like To Whisper About

Would You Hear Me Whispering

مجرد سؤال!!



كيف بقدر الانسان يكون اناني بدون ما يحس؟؟ كيف بقدر يفكر بس بنفسه و ينسى مشاعر و حياه الناس التانيين؟؟؟ مرات بفكر و بتختلط الامور عندي....معقول همه الصح وانا الغلط؟؟؟ معقول ان اللي بعاني منه حساسيه زايده؟؟؟ معقول لازم اتعامل مع الناس من منظوري الشخصي للعلاقه بغض النظر كيف همه بفكرو؟؟؟ معقول العلاقات لا تبنى الا على المصالح الشخصيه؟؟؟ معقول العلاقات و المشاعر المصاحبه للعلاقه تتغير بتغير الزمان والمكان؟؟؟ تتغير بتغير الفائده من هالعلاقه؟؟؟
معقول مشاعر البشر عباره عن ازرار وريموت تحكم, الغي هالانسان ضيف هالانسان, كأنا قنوات بنحضر منا فيلم و بعدين بننسى هالقناه لحتى يجي يوم وما نلاقي شي تاني عاجبنا فبنرجع نفتح عليها, بنحدد علاقتنا ومتى يمكن نتواصل مع الشخص حسب المزاج, جاي ابالي اضحك يلا بحكي مع فلان, جاي ابالي احكي و اتفلسف يلا بتواصل مع فلان؟؟ بغض النظر شو مشاعر فلان بهاللحظه, هالعالم بفكرو  باقي البشر بس بستنو اشاراتهم وحياتهم واقفه.

لهدرجه صرنا انانيين حتى باغلى و ارخص شيء بنملكه.....بمشاعرنا؟؟؟

5 التعليقات :

تدوينة راقية مؤلمة
الانانية وتهميش مشاعر الآخرين أصبح شيء ملموس في كل محادثاتنا و تواصلنا ..
للأسف للصداقة صار مفاهيم أخرى

حروفك جاءت نابعة من القلب
تحيتي

 

للأسف الأنانية أصبحت متفشية في زمننا هذا!

 

الأنانية
= أنا و بس!

---------

جلها مبنة على المصالح ، أجل .. حاى صباح الخير و / أو ممكن سؤال = مصالح * مصالح

 

شعور مش حلو إزا حسيتي إنه اللي قبالك
" أناني"
بس بتعرفي وين المصصصصصصصصيبه

إنه مابكون حاسس ع حاله شو بعمل؟؟
بتصدقي
يعني معظم تصرفاتنا الشريره ما بتيجي من تخطيط مسبق وتحضير وجلسات أرواح
بتيجي وليدة اللحظه
وحتى الناس الكويسين هيك برضو

ف مابتعرفي الناس التانيه بأي خانه حاطانا

أنا مني وعليّ مابهتم إزا شفت انانيه و تسلط من اللي قبالي
خلص بختصره وبقننه وبعطيه أقل من حجمه وبتعامل معاه رسمي برسمي
لشو أوجع راسي؟؟

 

شكرا لكم جميعا على التعليق
التدوينه كانت من نابع تجربه و غيظ لحظي انتابني و هلأ صرت احسن :)

للاسف انانيه بعض النس بتخلينا نبطل نشوف المنيح حتى اللي جواتنا :$

مسائكم فل و عنبر :)