Things I Like To Whisper About

Would You Hear Me Whispering

شكرا يا احلى ناس



الي فتره كبيره متغيره عالتدوين, كنت من زمان اكتب بدون تفكير و اي شي و كل شي و بدون تردد و تحليل, بعدين اشياء جديده طرأت بحياتي الواقعيه و الافتراضيه فتشلبكو مع بعض فالتأثير صاب الطرفين, و بدت سلسله عدم الرضا و التأزم و الشبه سواد.

الحياه الواقعيه رجعت تطورت و مشيت بمسارها الطبيعي, يوم حلو يوم مش حلو مواقف و احداث, سعاده و ضحكه و دمعه و غصّه, قهر و رضا ....يعني الطبيعي, وين المشكله؟؟؟ المشكله و اللي اليوم بس انتبهتلها هي ان حياتي بهالعالم الافتراضي وقفت مكانها وما تطورت, حاولت و بحاول ادفش فيها دفش ومش عم تتحرك, واكتشفت اني ما بشارك هون الا بالاشياء السلبيه, بطلت زي قبل اكتب عن كل شي, بس بكتب عن المشاعر و الاحداث و النظرات السوداويه.

يعني بشغلي كل يوم بصير موقف او موقفين تحشيش, و كل يوم بصير قصص جديده, ضحكات و نجاحات , صداقات جديده و بتزيد قوه ترابطها مع الوقت, طلعات مع الصاحبات و طشّات و عزايم, ولا عن اشي من هالاحداث كتبت هون, و بس تتأزم مشاعري باجي بفش قلبي هون.

ما بعرف هي طبيعه انسانيه انّا نشارك الناس باحزانا و ما نشاركهم بافراحنا!!!! بس انا ما كنت هيك...انا كنت اشارك الناس بكل شي, و معروف عني انّي و للاسف ما بمشي على مبدأ "داري على شمعتك تقيد" - للاسف لانها ضروريه بعض الاحيان - اللي بعقلي و قلبي على لساني على طول, الحلو و المر كلّه بطلع اول باول.

بدي استغل هالتدوينه اولا للاعتذار عن الفتره الكئيبه الماضيه و عن الغياب واللي ان شاء الله ما حيتكرر

ثانيا بدي اشكركم جميعا انكم استحملتوني الفتره الماضيه وما يأستو مني, و بدي اشكركم لانكم دعمتوني و ونصحتوني و و فتحتو عيوني على الملل اللي كنت فيه :)

و ثالثا و هون بنيجي للصور :)

اللي فوق هاد صوره chicken carry انا طبختو :) امبارح وانا بحكي مع مميتي كالعاده سألتها شو فطرتو وشو بدكم تتغدو و عن كل لفته وحركه عملوها او بدهم يعملوها, فحكتلي انهم طابخينها, اخدت الوصفه و طبقتها اليوم و شو طلعت......دمااااااااااااااااااااااااااااااااااااااار :)

و الاكله الدمار بدها حد يشاركك بالجريمه لتحس بطعمتها منيح....مين الي غير ليو :) كان في موضوع طلعه بس لأني بطبخ - زي اللي عن جد - ما قدرت اطلع فااااااااا تحولت سبحان الله لغدوه مع بعض, و طبيعي بعد الغدا الزاكي تحبس بفنجان قهوه و اشي حلو :)
و علشان احنا كتير كويسين و هدفنا و نيتنا بعيده كل البعد عن الخيانه.....حكينا مع ام عمر لنشرب القهوه اللي بالبندق برفقتها عالتلفون :)

ابدا ابدا ما سكرت الخط بوجهنا مرتين...و ابدا ابدا ما دعت و تحلّفت .... الحب و الرضا كان واضح من صوتها و هي بتحكيلنا " ما بدي اشوف ولا خلقة وحده فيكم بالاردن"



الفنجان لليو و المج الكبير الي.....هي القهوه بتنشرب بشي غير المج :)
و صحتين وعافيه على قلوبنا يا رب

17 التعليقات :

طيب انا المدونة الوحيدة اللي كنت افتحها بس ازهق هي مدونتك! و ما دامك مكتئبة كئبتينا كلنا :)

يلا المهم انك بااك

 

صديقي الدكتور وحل

الله لا يجيب اكتئاب بعد هيك.... و ان شاء الله كلنا ويل بي باك سووون :)

ما علّقت عالصوره :$
بعد ساعه و نص محاوله على afterfocus
وما زبط...شكله لازم اعمل زوووم, بالبدايه بكون شكلها كتير حلو و بس تكبر بتصير مش حلوه, الواضح لحاله و الخلفيه لخالها :$ فااا اضطريت احط هاي

لسا بدي وقت لاسوق عليه منيح :)

 

أنا عندي سؤال واحد بس

شو الكاميرا اللي صورتي فيها الأكل؟ ما شاء الله شو واضحة الصور ! :سمايل بحاول ينسى انه الأكل شكله بشهّي وحتى القهوة اللي ما بشربها شكلها زاكية:

 

أول تعليق
ومع أخر إغلاق للخط بوجهكن,, طلعت مسكرة التلفون و وووووووووين ت إكتشفت الهبل اللي أنا فيه

تباً لكما
وكما حكتلكما
بديش أشوق خلقة حدن فيكن ,, ولا وجهها كمان

بكرهكن,بكرهك
لا وحاطات سبيكر ,عشان يضحكن جماعي عليّ
بكررررررررهكن,وبديش أحكي معكن
وهــــــــــــــــــه كمان

 

الدنيا متل ما اسلفتي حلوه ومره
وإحنا لمى بنشارك ال "مره" بس عشان نخفف عن حالنا ونرووح عن أنفسنا,ونلاقي حدن يطبطب على كتافنا ويصبرنا ويورجينا قديش فيها الدنيا " حلو" لقدام

الوضع الطبيعي إنه ال "مر" يلزق على لسانا أكتر,لإنه بشغل بالنا وبنكد عيشتنا وبخلينا مش مجمعين وبدنا حل "سريع" و "سحري" و "فعال" وخلصت فكت

ف بتضل دوائرنا كلها حولين موضوع النكد والقرف عبيل ما يرووح من بالنا
يا بيروح من " إنفراج من ربنا" يا بيروح إنه " إحنا نسينا" وهالشغله نعمة

الإسدكاء ما بيأسو من بعض,بالعكس بتقاربو أكتر عند هيك مواقف وبحاول يلزقو أكتر ويحشرو حالهم أكتر وأكتر
وهون بتعرفي من مصاحبك عشانك وعشان شخصك ومين عم بحكي معك مجاملة

الله يفرجها عليكيم كلكم ,قلم قايم
ونرتاح من قرف نكدكم,,قادر يا كرم

هههههههههههه

وصحه وهنا,واسفه أزا سكرت الخط,بس بجد إنحرق راسي من ضحكاتكن وخياناتكن المتكرره

من هاليوم,رح بعطيكو الضو الأخضر للخيانه,, الله يجمعنا فيكن على خير

بكرهكن برضو :((

 

مممممممممممممممم الصور شكلهم بشهي!!!!! صحة وعافية يا رب.

كل الناس بتمر بهادي المرحلة لما أي شي يضايقهم بسبب لهم اسوداد في النظرة فما بنتبهوا للأشياء الحلوة وبركزوا على الاشياء اللي ضايقتهم.

ان شاء الله تضلي مبسوطة على طوول

 

صحتين وعافيه على قلبك وقلب ليو .

صحيح انك جننتينا شوي بس برضو بتضلك حبيبتنا و"مامتنا" :)

 

el soora kteer 7ilweh I love food photography but I suck at it

 

بجد بجد بجد انا احترت من بتوع الاردن
بالذات انتى و نيسان

كل يوم شاغلين فى موضوع الاكل و واضح جدا ان الاكل بتاعكم فوتو شوب
لازم ندوق و ناكل
شوفى حل هناكل ازاى
عطلتينى كنت ماسك سندوتش الفول و سندوتش الطعمية
هما دول الحاجة الحقيقية الوحيدة
ههههههههههههه

سلام

 

ويسبر :)

بدي اعترفلك بش :$ بس ما تضربيني :) لاني بعرف اللي ببالك

و انا راجعه من عندك دعيت الله تضلي جارتي، و الله ما يحرمنى الصحبة و الجيرة الطيبة معك :) بجد بتمنالك الخير و السعادة من كل قلبي وين ما كان و وين ما الله بريد لانه جد بستاهلي كل الخير على قلبك ابيض متل التلج :)


نيجي لأم عمر هع هع هع
بس شو كانت غدوه من اللي قلبك يشتهيها :) و الا القهوة بطعم البندق و الحلو كمان من الاخر، اشتهيناك تكوني معنا





بس مش عشان تشاركينا
عشان المجاكرة تكون وجه لوجه مو بس على التلفون D:

هع هع هع

 

فاكره الدعوه اللي دعيتها عليكين وإنتنت بتتضلغصن

بالزبط هيك تخيلت شكلكن
http://www.youtube.com/watch?v=gGNs1VXeFJA

نيههاهاهاهاهااا

 

اصدقائي و صديقاتي...
الي عوده للتعليق بس اسمحولي ارد على اخر تعليق لام عمر

انا ما بلومك....انا بلوم حاي :( متأكده انه اشي مقزز و زي الشاطرين حضرته :(

لساتو عايش ابااااااااااااه :"(
مجرمين و مئلعطين و الاخت مبسوطه و فرحانه بشبابها

 

LUNAR

ههههههههههههه بنخلي السمايلي يضحك علينا و نغيّر الموضوع و الك علي المره الجاي اصور ملوخيه علشان ما تزعل :)

كاميرا الموبايل السامسونج :)
الابلكيشن رهيبه اللي فيه

UM OMMAR

ههههههههههههه مهو من الغل شكله :)

الخق علينا بدنا نستانس بصوتك وما نعمل شي من وراكي و نشرب القهوه معك

ام عمر...الله يسعدك يا رب و مهما حبيتينا احنا بنحبك اضعاف اضعاف و انت متأكده من هالشي اكيد

 

UM OMMAR 2

بالزبط...ابدعتي بالتحليل
بدنا حد يخفف عنا و يطبطب علينا... الله يفرجها عالجميع و يسهل نسيان المراره اللي بايامنا و يخلينا متذكرين اللحظات السعيده بس

على قلبك يا قمر.... والله كانت ناقصتك و كل مره بنتلاقى انا و ليو بنتذكرك و بدعيلك انك عرفتينا على بعض :)

Asoooleh


على قلبك يا قمر...الحمد لله ربنا بيّض وجهي وطلعت زاكيه :)

السواد بعم و بصير هو اللي مسيطر على النظر
اميييييييين يا رب...ربنا يفرح قلوب الجميع و يفرجها عالجميع ان شاء الله

 

نيسآان

تسلمي يا قمر
هههههههههههههه بيني و بينك....حسيت اني زودتها بس انتو قلبكم كبير دائما :)

Rain

لااااااااااااااا مستحيل....سارة القمر في بيتنا...يا مرحبا يا مرحبا
زمااااااااان هالقمر ما بان

بالصدفه طلعت معي و لله الحمد...غير انو ليو غششتني البوز المايل :)

 

ابراهيم رزق


ههههه...لا هو تخصص نيسان بس انا اعتديت على حقوقها الطبيخيه بهالتدوينه :)

الطعم الذ من الصوره عفكره...و في شهود :)

فول و طعميه...صحه صحه
نفسي ازور مصر و اكل الفول و لاطعميه من هناك...خالي المقيم في مصر بحكيلنا ان طعمهم غير عن الاردن و الذ كمان

Lio

حبيبتييييي انت
لو تعرفي يا ليو قديش معرفتي فيكي هوّنت هالسنه علي و انك سبب لاكثر مواقف سعيده صارت معي

صحيح ام عمر بتكرهنا بس تعريفنا على بعض كان احسن شي عملته بحياتها :)
ههههه الله يسعدكم و يهنيكم يا رب و يكتبلك و يكتبلنا كل الخير

UM OMMAR 3

بكرررررررررررررررررررررهك على هالفيديو :(

 

قصدك الشي الوحيد اللي رح أعض أصابع رجلي ندم عليه

لووووووووووووووول,قال اشي منيح

تباً