Things I Like To Whisper About

Would You Hear Me Whispering

عمى الدبب




اليوم بالشغل اتصلت فيي زميلتي الاثيوبيه من مكتب تاني بتطلب مني احكي مع المراجع العربي - اللي طلع اردني سبحان الله - اللي عندها لانه ما بعرف يحكي انجليزي و ما في غيرها بالمكتب
حكيت معه و كان صوته كتير تعبان و واطي و بشكي و بحكي لنستعجلّه بموضوعه انا مع الانسجام و الشفقه غلطت نفس الغلطه القديمه و حكيتله بنص الحكي و الشرح "عمو"....لحظه سكوت لمده ثواني حسيتها ساعات و شكرني وسكر السماعه

بعد 10 دقايق رجع رن التلفون, نفس البنت بتطلب مني احكي مع المراجع لانه بده شي و طلب يحكي معي ليحكي بالعربي, يا دوب بحكيلو الو بحكيلي و باقوى صوت بالدنيا " هيييه حجّة ....بدي اشرب مي, فهمي صاحبتك هاي اني بدي مي...ماشي حجّه"و اعطاها التلفون O_o

ما قدرت امسك حالي وهات يا ضحك, من هول الصدمه شكله :)


موقف تاني قبل فتره صار, بتسألني صاحبتي عن موضوع الساعه بحياة كل بنت " انت ليش مش متزوجه لهلأ انت مش ناوية تتزوجي؟؟" و بما اني سبحان الله كنت بحالة روقان حكيتلها " والله النيّة موجوده ليش الكزب...النيه موجوده , بس الرك عالاخ هيني بستنى بالشخص المناسب" ضحكنا و كملت بالسؤال اللي بعده " انت كم عمرك" و بعد ما حكيتلها و لا.... مستحيل... ومش مبين عليكي - الحمد لله - سكتت شوي و بعدين حكتلي " بصراحه...انت وصلتي العمر اللي لازم ما تستنيه ...لازم تروحي انت تدوري عليه" ثواني صمت و بعدها كل اللي بالغرفه وانا معهم حششنا من الضحك :)





ملاحظه ع الهامش

بدكم تستحملو المواضيع اللي بلا معنى ...بما اني قررت اكتب يومي هالشهر فاااا بدكم تستحملوني الله بعينكم :)


19 التعليقات :

معقول حتصيري تكتبي كل يوم؟ ياريت لأنه مواضيعك حلوه وظريفه.
عجبني الشب ردلك ياها انتي بتناديه عمو وهو بيناديك حجه :)

 

هيك النية ان شاء الله :)
من 20\6 ل 20\7 التزام تدويني مع احتمالية الغش باعادة نشر شي قديم وقت الزنقه

شكرا كتير لكلامك ...رأيك كتير بسعدني و ان شاء الله اكون قده

 

شو ما بطلع منك مقبول بس اكتبي خالتو :)
بس روحك رياضية خاصة في الموقف التاني أنا ما عاد عندي صبر أجاوب على هالسؤال، بالعادة برفع كتافي وبسكت علشان ما أدخل بدوامة أسئلة ما إلها طعمة!
نهارك سعيد :)

 

عاد يا ويسبرة أنا معتمد إنك من اللي حتعلقي على كل حدا و ما حتكتبي كل يوم!

هههههههه

يلا، بدور على حدا ثاني يشاركني المهمة

---
بدو مي آه! يلا مهو شوب و صيف الدنيا، حرام

---
من وين حتبدي تدوري صحيح؟ بدك مساعدة

ترا طربش عنده اتصالاته و أكيد ما بيعرف "بداية" المشوار

 

ويسبر ادا تدويناتك بهالطعم كتري منها
ريتو مرتين باليوم مو مرة

عمو...قتلتيه للزلمة

حجة..قام ردها وبنفس القوة

بستناكي هون كل يوم

 

:) بيكفينا حكيك معنا الية الف معنى

جميل كلامك وبوست خفيف والفضفضه جميلة تحياتى :)

 

كل شىء يجى منك يا قمر حلو كفايه انك منور وسطنا
سلامى لاجمل وسبر

 

منوره يا حجه :)
عقدتيه للعمو ههههههه خرجو بيستاهل :)

اما موضوع الساعه فربنا يريحك منه عن قريب ...ويشلبكك في مواضيع تانيه :))

 

:D

بتعرفي مزبوط مرات الواحد بيستحي لما يحكي مع ناس أكبر منه

مرات الموقف بيكون محرج

:D

 

القصة الثانية تحشيشش بصراحة
مش قادرة اتخيل المنظر :D

 

كيكي

الله يسعدك يا روح خالتو ويسبر
يلااا بما اني بالواقع ما حكون خالتو فاااا مقبوله :)

كان مزاجي رايق و الطريقه اللي انحكت فيها كانت لطيفه...مع انها صادره من بنت عمرها 21 سنه ..... زماااااااااان عال عشرينات :)

شيشاني

قرّو ...قرّو عالعالم....اليوم لولا اخبار مصر الحلوه كان ما كتبت اشي :$

ادور!!! طريش!!!
بديش اشي منه...بكفي انه مرافقك وهاي اقل مشاكله

 

زينه

الله يسعدك...دائما بترفعي من معنوياتي :)

مشكله دائما بوقع فيها.... من باب الاحترام مش اكتر...بس فهمني غلط

دائما منوريتني

richardCatheart

اهلا و سهلا فيك بمدونتي المتواضعه و شرفني مرورك

بشرفني تواجدي و حكي معكم بهالعالم الافتراضي الجميل

 

هبة

تسلميلي يا هبوش يا كل الزوووء انت


نيسآان

ان شاء الله....من تمكم لباب السنه و ربنا يكتبلي اياها و اصير حجه جد :)

مهو بتحزون علشان اساعده مع الانفعال طلعت الكلمه شو اعملو :$

الحياه مليانه مواضيع مشلبكه لا تخافي علي...معبيه وقتي عالاخر :)

 

ReMad

ري ري و ابو محجوب O_o
افهم من هيك انك صديقنا صاحب زنازين البوك ؟؟؟

بالزبط....بس تحكيلو اخي بحكيلك انا زي والدك و بس تحكي عمو بحكيلك انا زي اخوانك....شو احكي مش عارفه :$

مياسي

كل اللي بفهمو عربي بالمكتب حششو ضحك و اضطرينا نشرح للاجانب :)

 

يااا إم عمر... عيش يا قديش! وعود فالصو

 

يا ريت...يا ريت نركز وين بنحط التعليقات

صفّي النيه...صفّي النيه :)

 

الله يسامحك يا ويسبر، بتجريني بجريرة "الآخرين"

أنا لسا عندي أمل بعلاجه و مشان هيك مصر أظل ويّاه

 

جد حششت ضحك
و الله يا ويسبر عم بأذن العشا و انعجقت

بدي ألحق قبل الإقامة و خربطت و خلطت التعليقين!


هاي عن 1000!

1000 - صفر

:(
:اعتراف:

 

مهو يا اخوي يا طربش....المثل بحكيلك من عاشر القوم

على كل الله يعينك عاللي انت فيه....حااااسه معك كتير

شيشاني

تقبّل الله ...المهم اني فزت :)

هلأ بقدر انام مرتاحه :)