Things I Like To Whisper About

Would You Hear Me Whispering

انكتاب: القراءة عدوى



قرأت كلمة انكتاب اكتر من مره من قبل,و مع ان فكره و اهداف النادي عجبوني كتير "نهدف من وراء “انكتاب” إلى تشجيع القراءة باللغة العربية ونشر ثقافة القراءة في مجتمعاتنا وربما بين هذا و ذاك تطرقنا لهموم اجتماعية أو سياسية أو دينية. على صعيد آخر، نرجو أن يساهم النادي و لو بشكل بسيط في إثراء المحتوى العربي على الإنترنت" زي ما هو مكتوب في مواقعهم و عموقع الفيس بوك

بصراحه و للاسف ومع اني بعشق القرأه جدا ما اثار فضولي الموضوع كتير الا لمّا سمعت انه تم استضافة الكاتب مريد برغوثي و عن مدى الفرحه و الاستمتاع اللي صارت خلال مناقشة كتابه "رأيت رام الله" في مدونة صديقتي علا

قرأت التغريدات و التعليقات و حسيت بالغيره اني ما كنت معهم و اني ما شاركت بالنادي وانا موجوده بالاردن و من وقتها فضولي زاد ومتابعتي زادت لهالنادي, و اثناء تواجدي بالاردن اخر مره و احنا بنرتب طلعه حلوه انا و مياسي ذكرتلي انها ما بتقدر نتلاقى بيوم معين لانها رايحه على انكتاب ولولا الزحمه الاجتماعيه اللي كنت فيها كنت ناويه اروح معها

المهم اخر نشاط للنادي و اللي عجبني كتير وهو موضوع هالتدوينه فكره "بكتابك عبي جيابك" الفكره و بكل بساطه بيع و شراء الكتب المستخدمه, اذا في عندك كتب قديمه و حابب تبيعها لتشتري كتب تانيه هالنادي بساعدك بهالشي وما عليك الا انك تحكي معهم على واحد من هالارقام (0796391544 ) او (0795482737) حتى تحددو موعد تسليم الكتب اللي عندكم او بتقدرو تروحو على المركز العربي الثقافي من الساعة ٤ لل ٧ كل يوم وحتى تاريخ 5\6\2012 لتسليم الكتب اللي بدكم تبيعوها, لكن هالشي لازم يكون قبل تاريخ 6\6\2012 لانه بهاليوم راح يكون في معرض كبير لعرض الكتب للبيع,المعرض راح يكون ب 6\6\2012 من الساعه 4 للساعه 9 في المركز العربي الثقافي و بتلاقو عنوانه باخر البوست

برأيي الفكره لازم ما تمشي بدون ما تستغلوها, للاسف وجودي بدبي راح يخليني اخسر فرصه شراء كتب قيمه و بمبلغ لا يتعدى الدينارين, عندي كتب قرأتها 5 مرات يمكن و هلأ الها سنين محطوطه بدرج المكتب, وفي في بالي كتب كتيره حابه اقرأها , غير ان فرصه انك تاخد رأي قارئ للكتاب و نصيحه منه راح تكون متوفره و بسهوله وهاد شي مهم جدا برأيي, صحيح في اختلاف في امزجتنا في نوعيه و مواضيع الكتب اللي بنقرأها و لكن اي توصيات بتحببنا اكثر او بتلفت نظرنا اكثر لنوعيه المواضيع بالكتب اللي بنقرأها..... روحو و اشترو الكتب عني و عنكم و ان شاء الله المره الجاي اللي بكرر النادي الفكره تكون اثناء وجودي بالاردن.


عنوان المركز: المركز العربي الثقافي - جبل اللويبدة - دوار باريس
قرب مستشفى لوزميلا- شارع فؤاد سليم - بناية رقم (8)





13 التعليقات :

أنا أحب انكتاب :)

أكثر من رائعين مع إنه للأسف مع إني في الأردن لكن للآن ما حضرت ولا جلسة بس ان شاء الله ناوية أروح على المعرض.

على فكرة ويسبر هم كمان موجودين في موقع goodreads.com

وفي الموقع راح تلاقي كثير آراء عن كتب لناس قرؤوها. كثير حلو هذا الموقع شوفيه

فيه كمان twitter book club اللي شيشاني كان مجننا فيه هيهيهي بقرؤوا كتاب كل شهر وبناقشوه بمدونتهم

 

أنا اسمي مكتوووووووووووووووووب!
---
و دا مقرر جديد يا "حسبو" برضك؟ مين انكتب كتابو؟ و على مين؟ و لويش ما انعزمت حضرت"نا" و لويش ما كنت ضمن كوكبة الجاهة! إه
BIG
إه كمان

----
قبل أسبوع كان فيه "قعدة" مع جمال ناجي - آخر رواياته: عندما تشيخ الذئاب -

و خبرونا عن الحدث :)
أنا رااااااااايح

و مش حأبيع شي! رايح أشتري و بس! (و أبصبص على الصبايا أكيد)

 

يسلموا ويسبر على نشر الفكرة:)
ان شالله المرة الجاية بتنضميلنا، دائما في فرصة لأجدع ناس :) :)

 

@mayyassi:
شو اللي تيجي ويسبر! بتمزحي .. :(

أي بتخرب السوق كله

ملايين الملايي"ر" من الدراهم و الدريهمات معاها هاي!

أبدناش وسبريرات = شريرات ، بتخربلنا السوق!

 

والله راح عليكي ... كان خرافي :))

 

Asooleh

موقع goodreads.com
كتير بحبه و مشتركه فيه من زمان و لكن للاسف ما بصحلي وقت اقرأ هالايام زي قبل

اي موقغ فيه شيشاني انا مقاطعته اساسا :)

شكلك بتستنيني لاجي عالاردن و نصير نروح سوا :)

شيشاني

اه...اه ...فاول علينا شو وراك انت :$


هو بيني و بينك...مي دونت لايك ذات بيرسون :$
مع احتراكي الشديد لكل الفانز :)

 

أي فائز! :ملخوم:

و يا ستي الشيشاني ما عنده حساب على ال جود ريدز أني موور ف ... يلا اتفضلي

و بالنسبة لنادي الكتاب فانت مستواك أعلى مننا (آه مننا) فأي طلب من قبل حضرتك مرفوض! (عم نقرأ sirens of Baghdad ) بالمناسبة ، آخر حزيران :) "عأساس إنك عندك وقت تقري يعني"

 

مياسي

لا شكر على واجب يا قمر...جد كان نفسي اكون موجوده...خيرها بغيرها ان شاء الله

شيشاني

يلاااا السمعه ولا العدم...اه اي نعم سنه بس كياس كياس الفلوس :)

فائز؟؟؟مين جاب سيره فائز....fans

اعترفلك بشي...طل مره بتكتب اسم كتاب بنزله و بحطه عالموبايل لاقرأه و لساتهم بتحوشو لينقرأو بيوم ما :$

 

NasEr

امبارح كنت اتفرج عالصور و اتحسر

بس ان شاء الله حيتكرر و حكون معكم المره الجاي عالاكيد ان شاء الله :)

 

يومّا ما .. يوما :)

فهمنا موبايلك بيتخزن عليه أشياء! ضروري تعايري العالم بتلفوناتهم بالعقل
-----

انتبهوا، ويسبر حتغرقكم بتعليقات لكل المدونات من تاريخ 3 أسابيع للآن!

الحق علي بشترك بالتعليقات ! بدي أبطل

و بكره إم عمر بالمناسبة لأنها بتتطاوش معي عتويتر كثير هالأيامات!

انتهى

 

يا باااااااااايييييييييييييييه كيف بتحول كل شي للشر !!!!!

و بعدين مكنوش تعليقين حطيناهم ويلا انت مقهور من موضوع الشوكلت اللي اكلناه انا و ليو :)

 

ويسبر كيفك ؟ بما انك انضميتي لقائمة المغتربين
صار لازم نتضامن ليكون جدول الفعاليات الحلوة هاي بالصيف بس مش من اولو ممكن كم شهر 8 او بعد رمضان لانو الكل تقريبا نازلين بعد رمضان لازم يا ويسبر نتضامن مشان حقوق المغتربين :)))

 

مشتاقه كتير والله :)

خلص تم الاتفاق مع مياسي و ناصر باعاده الحدث و بوجودنا ان شاء الله

تم يا شباب؟؟؟ﺃﺃ