Things I Like To Whisper About

Would You Hear Me Whispering

وثقة من نفسيها :)


مسائكم فل و ياسمين

ندخل بالموضوع على طول ....هاد يا جماعه الخير اختكم ويسبر قررت تشارك في مسابقه المئة تدوينه من فلسطين ,وبما انه مسموح النا احنا اللي عايشين خارج فلسطين الحبيبه المشاركه فحبيت اشارك :)

هالتدوينه علشان اعرّفكم عالمسابقه اذا حابين تشاركو لان الفكره كتير اعجبتني, هيك مسابقات بتعرّفنا على مدونات جديده رائعه و بتستحق المتابعه و على ناس جداد بشرفنا يكونو اصدقائنا الجداد بهالعالم الافتراضي, بالاضافه الى طلب زغنون, و هون بتيجي مرحله "وثقه من نفسيها" يا ريت تساعدوني باختيار التدوينه اللي اشارك فيها -عأساس الابداع لا متناهي ومش عارفه الملمه -بدي انتو تختارو شي جد عجبكم و يكون مناسب للمشاركه بهيك مسابقه


هلأ انا بعرف ان المدونات المشاركه و اسلوب الكتابه و المواضيع راح تكون بمستوى عالي لا يقارن مع "الاشي" المتواضع اللي بكتبه بمدونتي, ولكن فكرة المشاركه عجبتني فمن
باب شرف المشاركه حبيت اشارك.


عفكره انا ما راح انشر التعليقات ....لحتى كل شخص يختار براحته ويعلّق براحته عالفكره...و تاني شي و اهم شي علشان احفظ ماء وجهي في حال ما حد علّق او رشّح تدوينه :)

ايون حفظ خط الرجعه....نراكم


تحديث

* التدوينه المرشحه ممكن تكون عن اي موضوع و باي لغه عاميه او عربية فصحى

* انا حابه اشي بتختاروه من ضمن شخابيطي الوسبريه :)


2 التعليقات :

تحديث

* التدوينه المرشحه ممكن تكون عن اي موضوع و باي لغه عاميه او عربية فصحى

* انا حابه اشي بتختاروه من ضمن شخابيطي الوسبريه :)



http://2esas6arma.blogspot.com/search/label/Sha5abee6%20Whisperyeh

 

شكرا الكم جميعا اللي شاركتوني بالتفكير

ان شاء الله راح اشارك بتدوينه ...يوما ما سنجتمع هناك

http://2esas6arma.blogspot.com/2011/05/blog-post_15.html


شكرا للي زكرني فيها لاني كنت ناسيتها و حسيت ان افضل شي المشاركه بشي بخص فلسطين

اما باقي الاقتراحات فانا رجعت و قرأتها و في اشياء تفاجأت اني انا اللي كاتبته و النيه بما ان الافكار مش زابطه اني اعيد نشرها مره تانيه :)

تقزيز يعني من الاخر

و اللي سكّر الفيس بوك يرجع بسرعه لانّي ما بستغني عن صوتو ....ماشي :)