Things I Like To Whisper About

Would You Hear Me Whispering

قفزات تفكيريه



افكار مش مترابطه بدي اكتبها قبل ما تطير

اول فكرة

هلأ بس يبدا شي فاسد مش اكيد جدا انه يخرب و يعفن و تطلع ريحته؟؟؟

اللي ببدا خطواته بفساد طبيعي ينتهي بريحه عاطله
واللي ببدا خطواته برشاوي و مناسف و عزايم و مجاملات و خمسين دينار لكل صوت...طبيعي جدا يكون هالشي اول الغيث و تشتي الدنيا فساد وطمع و جشع ....واللي بشتري العالم طبيعي جدا يكون اله سعر كمان لينشرى.... ويلا انتو شو رأيكم

ويلا احكيلكم...ما بدنا نغتال شخصيه حد عاخر هالمسا الله يسعدكم



القفزه قصدي .....الفكرة الثانيه

مقولة انك تندم على شي عملته افضل من انك تندم على شي ما عملته صح ويلا لأ؟؟
وهالشي ممكن نعممه على كل شي بحياتنا ويلا في مجالات بتنعكس فيها الايه؟؟؟

لهلأ ندمانه الف مره و لسا بندم على اشياء عملتها...غيرتني و غيرت طريقه تفكيري...غيرت نظرتي و شككتني بتمسكي بمبادئي....والندم مرات بربطني و بربط لساني و بشككني بحكمتي و قراراتي
هل ممكن يكون الشعور بعدم خوضي بهيك مواقف و تجارب اقوى من شعوري الحالي؟؟؟
مش عارفه



هب نقفز لاخر مرّه

كتير مقهورة من حالي....المفروض ان قلبي طيب و بسامح و بنسى و مرات شوي...هااا شوي بعطي عهبل بارادتي و غصب عني مرات ...و بسامح من كل قلبي
بس في كم شخص مرو بحياتي مش مسامحتهم, مش عارفه يمكن الزمن يشفي... و ممكن لأ
اللي قاهرني ان في شخص من هالاشخاص توفى ...و مش طالعه من قلبي ولا من لساني كلمة الله يسامحه :(
ما كنت اتوقع يكون قلبي بهالقسوه و كتير مقهورة من حالي, بعرف الاجر اللي حنوله اذا سامحت - ان شاء الله - و نفسي فيه و بعرف الراحه اللي حتصيبني لو سامحت...بس مش قادره
الاذى كان كبير و جرحه ما طاب ولا حيطيب ..... مش قادره غير اني اقول " اللهم ارنى فيهم ثأرى وأقر بذلك عينى"
نفسي اوصل للمقدرة على اني اسامح هالشخص بالذات و كل شخص اذاني :(

21 التعليقات :

واو ويسبر كل مواضيعك اللي كاتبتيها باسطر بحاجه الى مدونات انا ما بدي اغتال شخصية حد لاني قرفت !
اما بالنسبه للندم بييجي من انك مش شايفة المكان المشرق للشيء اللي عملتيه بتوقع اذا دورتي ع الجانب المشرق بيخف الندم
اما الاخيره فهي صعبه لانه انا مثلك ف ناس ماتت وكانت اذيتهم كبيرة الي لكن كل اللي باحكيه حسبي الله ونعم الوكيل واطلب من الله العون ع هيك مشاعر !

أشتقتلك :)

 

الفكرة الأولى = ما معبش مصاري فما حأغتال "أشباه" شخصيات :)

---
#2
ما حنعرف إلا تا نجرّب مهو :)
--
#3

يا للقساوة!

بس بدون تخويث..
مهو صعوبة أن تسامح من ظلمك/آذاك بقدر كبير هو الأساس هنا

سامحي يا ويسبر... صعبة و يمكن عمرو الواحد ما يرتاح 100% من بعض المواقف
اللي عملوها ناس معينيين بس بكفي إنو نسامح لنيل الأجر

صح؟
خاصة إذا كان بصعوبة

 

1. saba7 el 5air ..

2. maleesh bel fikrah el awla .. seyaseh ..

3. el fekrah el thanyh b ra2yee daymn sa77 ..

i mean, ennadam 3ala eshe ma 3melteeh daymn r7 yt6'amman ennek tetsa2ali .. sho elle momken yseer .. o t2annbe 7alik la2innik kasarte ga3edeh aw ma konte shoja3ah .. etc.
o bel a5er, mish r7 tkone et3allamte tajrobah mn eshe ma sar ..
3ala ennaqee6' .. tendami 3ala eshe 3milteeh .. akeed r7 ykoon feeh ta2neeb lalnafs wel 6'ameer .. bs, r7 tkone 3arfeh kolshe, o kolshe makshoof .. plus, el tajrobah sho ma kan no3ha feha dars .. r7 tkone gderte tet3allami had el dars .. :)

4. a5er eshe, ana 7ases feke .. fe 7ada ele maat mn kam saneh, kan 3amel eshe o ma kont msam7oh 3alyh, b3d fatrah sama7toh .. a5dat wagat, bs weslat bel a5er, lazim te3rafe enno masha3rek hassa ma bet3'ayre eshe .. el bani adam elle bte7ke 3anno, sar bain edain rabboh .. wel 7sab kollo 3indo .. :)

sabaaaaa7 el 5eeeeeeeeeeer ..
:P

 

you've been served ..
:ch:



http://mjaddarah.blogspot.com/2012/04/blog-post_14.html

 

مسموحلي أبلش من العكس؟

تراني عندي ليستة صغيرة
متكونه من 5 أشخاص
معروفين للعالم اللي حوليّ
وأقسمت يمين قدام كتير ناس
إنه لو يجيبولي إياه مكفن وروحه معلقة مش راضيه تطلع عبيل ما أسامحه
مش رح أسامحه
وحقي رح أخده من عيونه قدام ربنا يوم القيامه

لا تسامحيهم, حقك اللي ما أخدتيه من الدنيا ربنا رح يجيبه من عيونهم

أنا قاسيه بهاي الحيثيه بعترف,بس مش بإيدي
وأنا قد كلامي,لا سامحتهم ولا رح أسامحهم
والله يكون بعونهم يوم ما أقتص منهم




أنا مع مقوله إنه أندم إني عملت الشغله ولا أندم إني تراجعت وتقهقهت وضليت مكاني بستنى فرج ربنا
أكيد ربنا رح يفرجها
بس مش وإحنا مكتفين وساكتين ومنستنى الدنيا تتلج علينا مصاري و حلول؟

ندمك هاد شعور طبيعي إكمنك بعدك عم تتعلمي
وبتصور لو إنحطيتي بهيك موقف مره تانيه رح بتختاري نفس الشي
مابعرف,هيك حاسه أنا ترى

 

"هيثم يطرق مفكراً"
:

يا ترى أكمن واحد عندو إم عمر ب " ليسة" صغيرة

"لا لا، مش رقم لا نهائي... مش لهالدرجة"

 

يوهيئلي إنك مش ناوي تجيبها البر
وأيضن, أنك حابب ينحكالك سنحك؟

كتار اللي بكرهوني
مابنكر هالشي
لكني عمري ما تعمدت أأذي حدن
وإزا أذيت شخص ,وعرفت , بعتذر بأي طريقه

إلا إنتو,, وضعكو غيرررررر

 

انا عالموبايل ومش عارفه ارد عالتعليقات
بس بنشر كنوع من تهدايه النفوس :)
لي عوده بس الاطافيل ينامو :$

 

سوزان

مساء الفل يا قمر

كنت بدي اكتب الافكار بسرعه قبل ما تطير ...عندي مشكلة قحط تعبيري لهيك اختصرت حتى ما اشت والغي الموضوع من اساسه :$

ما بنكر ان في جوانب مشره عالقليله الخبره اللي تعلمتها من هالاشياء

الله يمنحنا القدره على المسامحه....الله يهونها علينا لنقدر نوصل لهالمشاعر

شيشاني

اللي سمعته ان هالشي كان اكتر شي منتشر بالزرقا بس مش خابه احكي انا :)

معك حق....عنضلنا نفكر لنجرب و بعدين بنفكر ليش جربنا :$
حلقة مفرغه شكلها

جد نفسي اسامح ...نفسي بالاجر و نفسي بصفاء القلب هاد
للاسف مش قادره ....الله يقدرني بيوم

 

Mr Kooz

مساء الخير

صف مع العالم الجبانات بشكل يلاااا بسررررررررررعه

لهلأ ما في شي تدمت اني ما عملته الا وربنا كشف انه افضلي 100 مره اني ما عملته ...و الحمد لله عملت اشياء و اخدت قرارات كانت غلط من اولها لاخرها و ندمانه عليها اشد الندم و مش عم تمشي الامور
اخدت خبره و تعلمت ما بنكر بس لسا عايشه جرائرها
و وين المشكله....بالرغم من الدرس تكرر نفس الشي لانك رجعت شوي تتطمن للعالم :$

الله يرزقني هالراحه....نفسي اسامح و نفسي ابطل ادعي و اتحسبن عليه
لا حول ولا قوه الا بالله

مسااااااااااااااااء النوووور

Mr Kooz2

الموضوع اني مش فاهمه الاسئله
انا حط ايدي عالسؤال تلاقيني فريره

يعني اي نعم انا بعزّ هالنوعيه من التدوينات و بصير اسعد سعيد بالدنيا بس حد يختارني
بس هالمره ....مش فاهمه اشي
كيف احلام يقظه و ايمتا اكتشفت انها مش حقيقيه O_O
طب مهي يقظه!!!...في لخبطيطه كبيره بدي اركز و احاول اجاوب :$

 

ام عمر

:( شعور جدا محزن عفكره و بقهر...و بعرف انك ما بتقدري تتحكمي فيه
العالم اللي اذتك بالصميم مش سهل تسامحيها و خصوصا اذا لسا الاثر دائم و قدامك

و النعم بالله....ربنا راح ياخدلنا حقنا ان شاء الله
بس القلب مش سهل يصفى للاسف

في منو هالشي...من مبدأ اني عملت اللي علي مش ضليت واقفه و العالم اختارتلي
معك بهاي انا

المشكله الكبرى ان "بعض" الاشياء اللي بندم عليها عم بكررها زي "الشاطرين "

الله يعينا و يلهمنا الصواب

شيشاني

الله يسعدك اترك مفكر بحاله مش ناقصه طروقه

خخخخخ دمي خفيف فطريا يا جماعه :)

انا راح اتركلكم حرّيه التشعبر على راحتكم لتصفيه النفوس
و لكن للتنويه
اي ذكر لصاحبه المدونه راح يلتغى التعليق و ممكن يتعدّل و مكان كل كلمه مش منيحه بحقها راخ ينحط صفه فريده مميزه

هاي لهشيم الرعد التنويه

 

خليني أسكت و اختصر
وراي كوم لحم
لازم ما أعند و أفكر صح

"مين قال جبان"

جبان و لا 100 مفكّر!

 

@Whisper
mish safef .. ana mish gabanat .. :@
aslan ana mawhoob o raheeb .. >__<
bekaffe mawahbe el moseqeyyh .. u__u

allah yjeblek erra7ah daymn sadeqate .. :)

o mithl ma 7aketlek hnak ..
ana ma da5alni ..
biddi el wajeb ettadwene gbl nehayt had el osboo3 .. -__-

 

احلام اليقظة مشابهة إلى حد كبير الأحلام يلي بتشوفيها بمنامك أشي بعيد عن الواقع بحد كبير
أمنياتك ورغباتك بتكون أقرب للواقع وأقرب للتحقيق على عكس أحلام اليقظة في أغلبها

زي لما تنحرمي من شي مثلاً وتتخيلي حالك مليونيره بلمح البصر وجبتيها وقهرتي كل الناس يلي حواليكي وعشتي الدور

حابه أحكيلك مشكلتك عويصة حاولي قد ما تقدري
وإزا ما قدرتي حيليها لحد تاني

 

نورنياتي و مستر كوز

والله شكله اختكم ولا الها دخل باحلام اليقظه :$
و حكتب بوست عن الموضوع و احول الواجب الى جهات اخرى
بس ارجوكم ما تحولو اوراقي لام عمر :(

 

سيادة مفتى الدوله ما أنا؟
القاضي اللي بلبسو قدامه أحمر وبحكيلهم شو أخر امنياتكم
أه؟
ماشي
ماشي

 

ولا تسامحي مخلوق غلط بحقك حتى لو كان اقرب اقرب الناس الك

هاذ كل اللي خطر ببالي آسف

 

المسامحة نابعة من النسيان
والنسيان يكفله الزمن ربما في بعض الحياة وربما لا في معظمها...

مشتاقين لأفكارك
اكتبيها أول بأول
ونحنا هون مداومين على مسا وصبحية
بس خلي المسامحة طبعك راح بترتاحي
والثواب عظيم


بتعرفي برغم الحكي الي حكيته فوق
هالبوست فشلي خلقي

 

و لا فهمت اشي؟
تحياتي

 

ام عمر

كله ولا زعلك الله يخليكي
ترى بركاتك بتحل علينا دائما....الله يسعدك ما تجيبي اخرتنا :$

قصدي....لااا شو مفتى الدوله
انت قاضي القضاه صاحب القلب الحنون اصلاطن :)

ابو زينه

لااااااا بدنا نساعد بعض عالمسامحه بركي وصلنا بيوم لهالهدوء النفسي و الرضا
لانا طول ما احنا مش مسامحين بضله ضميرنا مأنبنا :$

 

زينه القمر

مسا الفل :)

المشكله بالنسيان....وهاتي الواحد ينسى وهو كل يوم بعيش احداث بتذكره باللي سووه هالعالم ...الله يرزقنا النسيان و القدره عالمسامحه

الله يخليلي اياكم...مين الي غيركم افضفضله بافكار و خصوصا مع الشبه عزله اللي عايشتها


خبر

:$
هي لخبطيطه افكار كتبتها فورا بدون ترتيب لهيك يمكن مش واضحه