Things I Like To Whisper About

Would You Hear Me Whispering

Home Sweet Home


اول ما استقريت بالامارات كنت ساكنه بسكن الشغل مشاركه البيت مع بنتين, ما حسيت بالاستقرار ولا هداة البال, ما حبيت الفكره او ما تأقلمت على مشاركة الحياه مع ناس غريبين, بيئات و اسلوب تفكير مختلف تماما ينفرض عليك مش انت تختارة و تهيء نفسك عليه و خصوصا بوجود خيارات تانيه بتريحك من هالوضع ضليت مش مبسوطه, كنت بس اروح من بيت واحد من خواني على هداك البيت اكون في قمّة الكئابه, كئابة غربه و ضغط نفسي اشي من الاخر كانت هديك الفتره.


بعدين الحمد لله بعدتوفيق من الله اولا و من ثم جهد وتعب و روحات و جيّات و ايميلات ربنا يسر اني اسكن بستوديو لحالي, الحياه بدت تنور شوي شوي معي, بديت اختار الالوان و العفش, بديت ارتب و انسق زي ما بدي, ريحه البيت غير نظافته غير, خواني ما قصرّو بالمره بشراية العفش, و انا كملت كم من غرض و بديت استقر,و صرت احبه كل يوم اكتر و اكتر و زاد احساس الذنب بحبّه يوم عن يوم ...احساس اني ما بصير اسمية "بيتي" ضليت فتره طويله احكي "بدي اروح السكن" بدي اروح عالستوديو و لكن كلمة بيتي مش قادره احكيها مع اني وصلت للشعور بالمعنى, بشتقله و بحس حالي بدي اروح عليه لارتاح, بس اي احكي بيتي كأني بلغي بيتي بالاردن مع اهلي, كأني نفصلت عن هداك المكان, و كأني بخون هداك المكان و بستقر و بنبسط و انا بعيده عن اهلي.

اعترفت لماما بهالشعور, ضحكت كتير علي و لامتني على الضغط اللي ما اله معنى اللي بزيده على حالي, حكتلي ان هالشعور بحب المكان
بخليها تطمن علي اكتر و يرتاح بالها اكتر

فااااا من هنا بعترف...... انا بحب بيتي الجديد, بيتي الجديد الزغنون اللي على قدّي, بشتقله و ما بصدّق اروّح عليه, بحب ريحته و بحب تنظيمه, بحب الوانه و بحب هدوئه, بحب اني الامره الناهيه فيه ...اه حتى لو انت لحالك ساكنه في شروط و قوانين بتحطيها انت لحالك و انت كمان بتكسريها و بتغيري رأيك على كيفك :)
بدي اغسل الساعه 12 بالليل, بدي اتحمم عال5 الصبح, بدي انظفه الساعه 2 الصبح, بدي الغي الطبيخ و اشتري اشي جاهز, ما بدي اعمل شي و بس اضل صافنه بالسقف :)




18 التعليقات :

Mabrouk ur cozy small house :)

 

الله يهدي بالك و الستوديو يصير فيلا يا رب و يوفقك على تحقيق كل طموحاتك

 

I lived about 7 years alone in my own apartment. It was excellent experience. It has of course pros and cons. By the way, learning cooking becomes very useful for me it is very good to pass time and for stress release :) The result of a delicious home made cooking is the best. You enjoy your cooking and it makes you happy. Happy new home. Missed your UAE pictures. More please.

 

hada akthar eshe behawin 3ala el wa7ad 3'orbetoh ..
lamma ykoon feeh makan ..
etha zeheg mn ayy eshe ..
aw geref ..
aw 7atta nifse ykoon la7alo ..
ylja2 la hal makan ..
o fe3lan yray7o ..


Welcome home .. ;)

 

أه يا خاينه
أتخونين البيت الأردني بهاذه الطريقه الساديه المارونيه البشعه

ههههههه,, حلو بيتك وتتهني فيه
عقبال ما نيجي انا وأطفالي إنكركبليك إياه
وتحلفي علينا إنام عندك
ومايضللك وسع غير ت تنامي ع رفوف المطبخ
بدناش جميله ليو هلأ
هههههههههههههههه

 

مبروك اولاً
واكيد شعور جميل جدا ان تكون ملكاً على مملكتك مهما كانت صغيرة وحتى لو كنت بمفردك

الله يرضى عليكِ ويسعدك
وتكون وجه الخير والسعد عليكِ

 

عن جد ألف مبروك .. وهاد لحاله انجاز حلو ودافي انك تعملي "بيتك" الصغير بإيدك

وعن جد ..بتمنالك كل التوفيق من كل قلبي يا أول وأعز أخت وصديقة تدوين عرفتها بحياتي

صحيح باركيلي .. ح أتخرج :)
_____
بفرح قبل الهنا بسنة .. هههه

 

nice post,, i like how u write the series of events :p

hope u'll always be happy w ur small home get bigger soon,

btw, i tried living alone but that was catastrophic,, for me it is better to share apartment with someone,,

 

أحبك، بلادي، حب الصبايا للفساتين
أحبك، بلادي، حب الطيور للبساتين
أحبك حب النحل للياسمين
أحبك حب الفراش للرياحين
أحبك حب الرهبان للقرابين
أحبك حب الجنود للنياشين
أحبك حب الشعراء للسلاطين
أحبك حب الكفار للشياطين
أحبك حب الكعبة للحجاج الميامين
أحبك في كل وقت وحين
ها أنذا قد أعلنت حبي ، يا بلادي

فهل تحبيني؟

 

كيفو الحلو
اشتقنالك يا صبية
يا ستي هادا الشعور كان يصيبني اول ما سكنت بالسكن بالجامعة مع انو اهلي اجرولي ستوديو بسكنات الجامعة بس بردو السكن شي و البيت المستقل اللي الو باب منفصل شي تاني
بعد هيك سكنت بشقة و حسيت احساسك بتصيري تحبي البيت اللي انتي مسؤولة فيه
دكتاتورية مطلقة :))
تتهني فيه يا رب

 

Tareq

Thanks Tareq...Allah ybarek feek :)

Saleh

اللهم امييييييييييييين على هداه البال ...هي افضل شي بالحياه و بعديها تلقائي بفضى الواحد لتحقيق الطموح

ربنا يهدّي بال الجميع

 

Jaraad

Mash'allah...7 years

You are right regarding the cooking part...I used to love preparing sweets before but now I'm enjoying cooking more and adding my touch to every thing makes me feel proud :)

Thanks my friend

Actually...I have only one or two pictures I didn't post yet....soon inshallah I'll take more pictures and post them all

Kooz

Kteeeeeeeer behawen bsara7a... w 5ososy bs t7eso mkanak w 2elak la 7alak b36y sho3or belra7a 2akbar.

Thanks My Friend :)

 

Yosef

الله يبارك فيك يا رب

كل ما كانت صغيره كل ما كان احسن...بتحس حالك مسيطر تماما عليها بدون احساس الاغتراب ببيتك...بحس البيت الكبير لحالك موحش فالافضل يكون مكنكن :)

اللهم امييييييييين

Ahmaf

صديقي احمد

الله يبارك بعمرك يا رب...الله يسعدك يا احمد كلماتك اسعدتني جدا

ربنا يديم المعزّه بينا كلنا بهالعالم الرائع اللي بجمعنا مع اصدقاء و اخوان ما بتعوضو

الف الف مبروك...يلااا فصل بمشي طيران ان شاء الله وما بتحس فيه
كيف الزمن بمشي...لسا امبارح سجلت و كنت تحكي عن تغيير التخصص...سبحان الله كيف مشي الوقت بسرعه

 

Mohammad

Thanks ....Happy u liked it :)

I love it more cause its small and cozy :)

At first I asked to have my single room and didn't mind sharing the apartment, but living with those girls effected me sooo badly :(

for me living alone is much better than sharing ...I'm happy now wal7amdolellah :)

Mo

اهلا و سهلا فيك بمدونتي المتواضعه

سعيده بتعرفي على مدونتك....للاسف ما بعرف فرنسي و شكرا لجوجل اللي ساعدني بالترجمه...صحيح ان الترجمه بتغير بعض الكلمات لكن جمال المعاني بقي موجود

 

Um Ommar

O.o
شكله ليو ما وصّلتلك الميكرويف و التلاجه؟؟؟

الله يحلي ايامك يا قمر...ولو بتنوروني اصلاطن

يااااااااااااااا ريت تعمليها و تيجي تقضّي كم يوم اجازه عندي والله بشيلك بعيوني...كم ام عمر عنّا

عجبتني الفكره :$
يا يا ياااا تعالي كم يوم :)

لبنى

جد جد جد اشتقنالك يا قمر...بتغبي كتير, اي نعم انا بغيب ما بنكر بس انت غياباتك اكتر :)

بكفّي بتسكري الباب و بتقعدي متطمنه لا حد بدخل ولا حد بطلع

حلوه الحياه بس تاخدي قراراتك المطلقه فيها و تتحملي كامل المسؤوليه و يكون تأثير قراراك ايجابي او سلبي بصيبك انت بس و بتحلي امورك بينك و بين حالك

يا سلاااااااااااام

الحمد لله رب العالمين

 

الأستقرار هو من أجمل الشعور في بلد الغربة . أنا لو كنت في مكانكِ لشعرت بالضيق لمشاركة أشخاص مثلهن , مختلفات عنّا , لن أقول أن جميعهم سلبين ولكن هناك شيء في داخل كل شخص يزداد يوماً بعد يوم ألا وهو السكينة والاستقرار في منزلك , عن نفسي لا استطيع النوم في بيت أقربائي , لقد اعتدت على غرفتي فلو اضطررت الذهاب لبيت جديد يومالا أعلم كيف سأبرمج عقلي لتقبل ذلك ؟

وبما أنكِ احسستِ بهذا الشعور فهذا يعني أن البيت آمن لقلبكِ ولقلب أهلكِ , حمى الله اهلكِ وأطال الرب في عمرهم

 

This is Babulerman.

 

تسلمي يا قمر

انا كنت ما اعرف انام غير بتختي و بس اروح انام عند حد او حتى اغير مكان نومي بالبيت لازم اخد مخدتي معي


اخر زياره للاردن بحكي لماما شو مغيرين بالتخت و وين مخدتي...بتحكيلي انهم ما غيرو شي

تخيلي اني بطلت ارتاح فيه :$

سبحان الله اكيد العامل النفسي اله تأثير كبير بالموضوع

تسلمي يا رب...ربنا يخليلنا اياهم كلهم على طول