Things I Like To Whisper About

Would You Hear Me Whispering

جعلوني جبانة




و انا بالاردن و بدو الناس يعملو اعتصامات كان الي رأي باللي بصير بالبلدان و بالاردن, و لكن حكولي اسكتي ولا تحكي كلمه, انت "فلسطينيه" و بهيك مواقف ما بصير تحكي, هاي "مش بلدك" لتحكي و تخوضي بامورها و مش من حقّك تحكي اساسا.

وانا بالامارات بدي احكي رأيي بالاوضاع اللي بتصير بالبلدان و بالاردن, حكولي هس ولا نفس, اوعك اوعك اوعك تحكي بالسياسه, باركت لاهالي الاسرى الفلسطينيين بالافراج عن الاسرى عبّرت عن فرحتي بانهم مسكو القذافي بكلمات اقل من سطرين عالفيس بوك, حكولي كيف بتسترجي تكتبي, انت مش ببلدك لتحكي على كيفك كل اللي بدك اياه

همه ما بعرفو ان مفهومي للسياسة معدوم اساسا, وما بعرفو ان مفهومي للبلد وللوطن اكبر منهم, ما بعرفو ان هاي مشاعر و احاسيس خاصه فيي, هاي تعبير عن واقعي الشخصي اللي بعيشه و بتعايش معه, انا بعبّر عن فرحتي بحدث و بعبّر عن سخطي لحدث.

بس يسألوني انت من وين , بحكي انا من الاردن, بسألوني Oreginally from Jordan?? ...حتى انت يا بروتس!!! لا اصلا من فلسطين, بحكولي طيب ليش ما بتحكي انك من فلسطين و بتحكي انك من الاردن؟؟؟


ما ححكي شعارات ولا راح اقعد اغني و ادبك لاثبت اني بحب الاردن ,ولا راح اقنع حد ان الظلم و الخير اللي بعم باي بلد بدو يصيب كل قاطنيه باختلاف اصولهم و اعراقهم و دياناتهم, بس عندي قناعه ان اي انسان في بقلبه ذرّه احساس و في بدمّه نقطه حياء و في بمشاعره نقطه انسانيه, هالانسان الا ما يكون حب فلسطين مزروع بقلبه من جوا, حب فلسطين اكبر من الكلمات, و حب الوطن و حب البلد اللي بتعيش فيه و بين اهله و بتكون بدك تفداه بكل غالي عندك و بتدافع عنه و عن حقوقك اللي بلدك بعطيك اياها بس الرؤوس اللي ببلدك هي اللي بتحرمك منه هو واجب اكتر منه حق, من حقّي ومن واجبي احكي و من حقّي ومن واجبي اعبر عن فرحتي و من واجبي ومن حقي اني ما اقبل باضعف الايمان في التغيير, ولكن..... اذا انتو اللي زيي بتكممو صوتي.... معناته طبيعي اللي صوتي بزعجهم يكممو روحي...

ارجوكم...لا تصنعو منّا صف طويل من الجبناء....لانه ما ضل وسع بالصف


14 التعليقات :

ما ضل وسع حتى بالتفكير
لأني مرات بكون بدي ادخل خانة الكفر لما افكر كثير بهالشغلة

لعنة الله على اللي كان السبب بس

 

المشكلة يا ويسبر اننا نخلط ما بين السياسة وحبنا للوطن
هم السبب
ان تنقد خللا ما في بلدك
فانت تحكي سياسة وانت من المعارضة
السياسة دروبها طويلة ومتشعبة وقد يكون للكثير من متداويليها اجندات ومصالح خاصة
ولكن الوطن له اجندة واحدة هي حبنا له وحرصنا عليه وخوفنا من المجهول الذي ينتظره

دمتِ بخير

 

خط كثيييير رفيع ...
ومن زمان نفسي أحكي فيه ..
أفضفض أطلع كل اللي صاطحني ..

بتبع خطاكِ قريباً انشاء الله


شكراً على البوست اللي بحرك غصه في صميم كل واحد عند ذرة احترام لحاله ولبلده

 

this happens everywhere in our arab communities specially in jordan, even in work in many companies u can't disagree with people higher than u!

 

مياسي

شفتي بالله عليكي...اكوام اكوام بالصف :$

LUNAR.

بعيد الشر...الله يبعد عنّا هيك افكار

مع انه من وجهة نظر بعض الناس انك تفكر بالموضوع هاد كفر والحاد بحد ذاته :(

 

Yosef

مع انو ما الهم دخل بالمره....انك تكون بدك بلدك احسن و افضل بلد الك ولغيرك و بدك تخليه يوصل لاعلى المراتب بتكون انسان مش وطني و انسان ناكر و جاحد للجميل

Mr.Kooz

لا اخفيك ان الموضوع اله فتره ببالي و لكن موضوعك انت و من بعدك ابو زينه هو اللي خلّى الكلام يطلع

انخنقنا يا اخي شو نعمل

 

Mohammad


So true, and that is what really chocked me ,even here in UAE they keep talking about where are you "Originally" from?!?!?

I think no one is higher than any one when we talk about loving our home and country

 

I really loved the post... It's so true.. We can express ourselves in everything EXCEPT when it comes to our love towards our countries... Politics now is part of our life we can't separate it... Even if we don't talk it doesn't mean we can't see.

 

Tareq

Thanks Tareq...happy u liked it :)

A lot of nonsense red lines in our lives just to kill the words in our throats

 

وأنا بقوووول
كل هالحقد الطائفي اللي إنتي فيه طلع عشان أصلك فلسطينيه؟؟

يا شوم العيب
له له
له له
خلص,, رح أقطع كل علاقاتي فيكي
رجعيلي الكعكات إبليز


لا ’, انا مش من تلا اللد قريه القباب ,, ابداً

 

O_o
حقد طائفي؟؟؟
شو خليتي لهيثم؟؟؟

اما بالنسبه للكعكات....فااااا خلينا ساكتين....وخده بالك حضرتك :)

 

لا ما تخافي على الوسع و انتي هيك بحملوكي على راسهم

 

الله يسعدك يا رب

بهالزمن الكل بروح بين الرجلين للاسف :$

الله يستر من اللي جاي