Things I Like To Whisper About

Would You Hear Me Whispering

Revenge...



كنّا بنحكي انا واخواني قبل كم يوم عن كيفيه مقتل القذافي و اللي صار معه, كيف مسكوه و كيف قتلوه و عن انه كان لازم يعامل معاملة الاسرى, و كدين اسلامي بنادو فيه الثوار مع مقولة "الله اكبر" مع كل حركه, حكينا انه كان الاولى مراعاة حقوق الاسير اللي علمنا اياها الدين الاسلامي , وبعدين حكينا انّا لازم ما ننسى برضه العذاب اللي تعذبه هالشعب وكم واحد منهم فقد عزيز وغالي و كم واحد منهم تشرد و اهين بسبب الحاكم والحكم اللي كان.

صفن اخوي و بحكيلنا, بتعرفو اكبر مخاوفي بالدنيا, ان اي اذى يصيب بناتي, يعني بتخيل لو شخص اذاهم شيء بسيط شو ممكن اعمل فيه, حكا ان اخر شي بكون بدي اياه هو اني اقتله, بدي اعذبه و افش غليلي بتعذيبه وما اظن يشفى, حكالنا انه كتير بحلم وبخطرله اشياء و مواقف بعيد الشر ممكن تحصل لوحده من بناته و انه فكر منيح بطريقة التعذيب....

راح يبدا بتقطيع ايدين ورجلين الشخص و يحرقهم بزيت مغلي همه والجروح حتى يلتئم الجرح و لحتى يفقد امكانيه ارجاع الاعضاء, و بعديها يبدا بالتعذيب... فترة صمت طويله سادت الجلسه و اخوي كان بحكي بجدّيه تامه... اخوي انسان متدين بأمن بالقضاء والقدر و مش انسان متهور او عنده اي ميول اجراميه

كلامه نابع من خوف ابوي تام....اب خايف على بناته من شي ما صار وان شاء الله بعمره ما بصير....فما بالكم باباء و امهات و اخوان واخوات شافو بعيونهم وعايشو قتل و تعذيب و سجن وظلم و اهانه.وفجأة الجاني صار بين ايديهم...هل راح يتحكمو بردود افعالهم بس يمسكو الظالم؟؟؟

مع اني مع مقولة... لا تبالغ بالعقاب فيصبح المخطئ شهيدا...ولكنني لا استطيع ان احكم على ردود الافعال اللي صارت هل كانت صواب ام خطأ.

13 التعليقات :

الصديقة العزيزة ويسبر

مساء الخير طالما اي محاكمة عادلة كانت ستؤدي بالقطع الى اعدام القذافي
من الخطأ ان يقوم احدهم بقتله دون محاكمة لاننا بذلك نكرس ان ما قام به القذافي ...مارسه من بعده من ازاحوه
وهذا خطأ ويلوْث نقاء اي ثورة للاطاحة بايٍ من الطغاة

دمتِ بخير

 

عارفه ويسبر اتظلمت كتير في حياتي -يمكن قرأتي بعض المواقف في المجونه- و احيانا كان بيجلي حقي بطريقة او اخرى.. بس اللي اكتشفته مع الايام انه مهما كان الظلم الواقع عليك و مهما كان العقاب اللي وقع على الشخص اللي ظالمك و الله و الله انه مابيشفيلك غليلك ابدا ابدا.. لانه انتي بس اللي عارفه قد ايش الظلم كبير عليكي و حاسه انه العقاب ماراح يكفي ابدا.. مع الايام بدأت اؤكل امري الى الله و سبحان الله كيف العقاب بيكون كبير و عقاب فعلا من جبار مو من انسان.. عقاب مستمر . شيء بيخوف و يخليك تفكري اكثر من مرة قبل ماترتكبي اي خطأ بحق احد..
اللي باقصده بكلامي انه انا معاكي اللي صار للشعب الليبي كبير جدا و كلنا كنا ضد القذافي لكن اللي صار بيتنافى و مبادىء الانسانيه كلها مو بس الاسلام.. و قتله والله اجزم انه ماراح يشفي غليل اي احد فيهم..
صحيح مانحكم عليهم بس لازم ندين اللي صار و لازم ندعي الله مليون مرة انه مايعمينا وقت الغضب و الثأر و الانتقام لانه عندها بس راح تكون الدنيا غابه..
وبعدين ايش الفرق بين الظالم و المظلوم لما كلهم يتحولوا لقتله.. ماراح يتحاسبوا كلهم من ربنا يوم الحساب العظيم..

والله والله و الله و من خبرة ماراح يشفيل غليل اي انسان اتظلم الا رب العالمين و وقت مايريد هو سبحانه و تعالى

والله يحفظكم جميعا يارب و يبعد الشر عن اهلك كلهم يارب

 

صعبة!

عملية التعليق
على هيك شي

خاصة إنو "فشيت" غلي و علقت تا شبعت!

.
.
.
صعبة!

 

عارفة .. اني كنت مبسوطة انه مات وانه اللي قتله هم الثوار
لكن لما رأيت صورته شعرت بقشعريرة لاننا من ذوات الدم الطيب ولا نحب مشاهد الدم والقتل والتعذيب
كما اننا لا نريد ان يشاور على الاسلام ويتهموه بما ليس فيه والسبب انفعال الثوار .. بعدين في مشهد مقرف مابعرف اذا شفتيه ولا لأ لشخص يضع عصى في ... القذافي .. بصراحة المشهد مقرف وصعب ويثير الاشمئزاز

عموما القذافي مات ولقد أفضى لما قدم
بالنسبة لاخوك .. طبعا الواحد بيخاف على بناته زي عينيه بس بصراحة شديدة اخوكي عنده ميول اجرامية حتى لو حاولتي تنكري ذلك (^_*) ده بيقولك ح يقطعه ويحطيه في زيت مغلي

ربنا يبعد عنكم الشر يارب

 

وجهة نظر! الحكم بهاي الحالة صعب!

 
أزال المؤلف هذا التعليق.
 

في حديث شريف بحكي "البر لا يبلى والذنب لا ينسى والديان لا يموت اعمل ما شئت كما تدين تدان"

فهو بالزبظ زي ما عمل في شعبه انعمل فيه, و بصراحة موته كان رحمه اليه في الدنيا من عذاب الدنيا بس ان شاء الله بخلد في عذاب الاخيرة

انا عشت بليبيا الفترة اللى تجبر فيها بالناس و شوفت الاعدامات بعيني و شوف حسرات الناس على اولادهم اللي انحبس و الا انقتل, عشان عيك ما حسيت بلحظة شفقة إليه, هذا ما جناه على نفسه

بس بدي ارد لو سمحتيى على وجع البنفسج على موضوع العصى، لولا انه اللي عمله هيك بالقذافي مجرب نفس الشي ما ردلو اياها!!! في نص هالضجه و الناس شو خطر في باله يعمل هيك شي غير انه ألم هالشي لسه هو حاسس فيه او ابن او ابوه او اي حدا عزيز عليه
خليه شوي يذوف طعم الاهانه اللي عملها لشعبه.

احنا حسينا بالشفقه لانه شفنا المناظرة و الانسان السوي بطبيعته يأنف الظلم بس نسينا انه في اشياء اكثر من هيك انعملت لناس بريئين ضعاف بس احنا ما شفنها الله شافها و عاقبه من عنده.

قال الله عز من قال
"قل لن يصيبنا إلا ما كتب الله لنا "

فاللي صار مكتوب من الله و عقاب و عبره للظالمين لانه الله لا يحب الظالمين


قَالَ النَّبِيُّ صَلَّى اللَّهُ عَلَيْهِ وَسَلَّمَ : " ثَلَاثٌ لَا تُرَدُّ دَعْوَتُهُمْ : الْإِمَامُ الْعَادِلُ ، وَالصَّائِمُ حَتَّى يُفْطِرَ ، وَدَعْوَةُ الْمَظْلُومِ ، فَإِنَّهَا تُرْفَعُ فَوْقَ الْغَمَامِ ، فَيَنْظُرُ الرَّبُّ جَلَّ جَلَالُهُ فَيَقُولُ : قَالَ النَّبِيُّ صَلَّى اللَّهُ عَلَيْهِ وَسَلَّمَ : " ثَلَاثٌ لَا تُرَدُّ دَعْوَتُهُمْ : الْإِمَامُ الْعَادِلُ ، وَالصَّائِمُ حَتَّى يُفْطِرَ ، وَدَعْوَةُ الْمَظْلُومِ ، فَإِنَّهَا تُرْفَعُ فَوْقَ الْغَمَامِ ، فَيَنْظُرُ الرَّبُّ جَلَّ جَلَالُهُ فَيَقُولُ : وَعِزَّتِي وَجَلَالِي لَأَنْصُرَنَّكِ وَلَوْ بَعْدَ حِينٍ "

لو بضل اكتب 100 صفحة ما بخلص من سرد اعمالهم الظالمة في الشعب الليبي بس لتعرفي كما شوية تقاصيل أقرأي هون

http://enassm.blogspot.com/2011/09/blog-post_05.html

 

شفتي كيييييييف

يعني مستحيل نحكم ع أخوكي إنه مجنون او مرتد او او ,, لإنه ( في حال لا سمح الله يعني) إنحط بظروف كانت فوق طاقته البشريه

أنا من هاد الباب ما بحب أحكم ع حدن من شي شفته او سمعته عنه
حتى لو كان شي شنع وبايخ و حتى لو غير منطقي

الله يحفظنا يارب

 

تجنب ابداء الرأي في هيك حالة هو الاصح .. لسببين.
1. ولا واحد فينا إلي من وراء شاشاتنا وفي أمان بيوتنا .. وبثقافتنا ومورثنا المختلف إلى حدٍ ما عن هالثوار .. ممكن يعرف كيف بيحسوا وحسوا هظول الثوار ..
أو من أي بيئه وخلفيه همّا جايين ..
يعني همّا من خلفيات مختلفه .. بس جمعتهم كلمة حق على سلطان جائر ..

2. اللي صار مقدر ومحسوب .. لا من أمريكا ولا اوروبا .. لأ من رب العالمين .. وحسب ما علمنا رب العالمين .. الميت عدو أو صديق .. ظالم أو مظلوم .. ما بتجوز عليه غير الرحمه ..

 

حبيبتى وسبر
تصدقى انا كنت متأثرة بموت القذافى بالطريقة البشعة دى رغم انى كنت اتمنى ان يعدم وكتبت بوست تريقة علية لكن صعب علية كان يجب ان يحاكم والقانون هو اللى يضع النهاية لكن تعذيب ودماء شىء سىء جداااا
وبالنهاية مش عارفة هو مات شهيد ولا ؟؟؟
الحكم بيد الله وحدة وربنا يحسن خاتمتنا جميعا بأذن الله
تحياتى لويسبر الجميلة

 

أهلا ويسبر
كيف الحال؟

أكيد الشعب ما غلط .. وانا اصلا كنت مع فكرة تعذيبه قبل ما يموت
بس انه قتلوه بهالطريقة.. اكيد بيستاهلها
لآنه اللي عمله .. أبدا مش قليل

وانا اكيد مع اللي بيحكي اخوكي .. انه يمكن كمان اعمل اكتر منه

تقبلي مروري

 

حذفت تعليقي....الله يرحم اموات المسلمين

اتركوها للتاريخ يعني الزلمه مش احسن من شجرة الدر

 

اصدقائي...كل عام وانتو بالف خير
سامحوني على التأخر بالرد و عالتأخر اللي راح يستمر بسبب ظروف اللمّه و العيد

نراكم ان شاء الله