Things I Like To Whisper About

Would You Hear Me Whispering

منح الحقوق





زي ما كلكم بتعرفو اني لا محلله سياسيه و لا دارسه بواقع و اقتصاد و بنيه تحتيه و رأسماليه اي دوله, هالمصطلحات واصلتني بمفهومها الطبيعي الواضح و ما ببحث و بتعمق بمعانيها و اثارها, ولكن عندي عقل مغلبني مرات و مريحني مرات اقل ,و عندي مدونه لحتى اريح راسي واكتب اللي بدور بعقلي لحتى ارتاح, ممكن حكيي يتعب بعض الناس و لكن لكل واحد حريته بالتعبير عن افكاره الشخصيه و فرض الرأي مستحيل يجي بالعافيه.

هالمقدمه اللي ما الها معنى يمكن لحتى ابدا بموضوعي الرئيسي , فكرة ان اي شخص بهالدنيا يتمنن على اي شخص تاني باني اتنازلت و اتعاطفت و قررت اني اعطيك ابسط حقوق الك بالحياه واللي كنت مانعها عنك مزاجا و خوفا على مصالحي و كسبب لانشغالك عن امور الحياة التانيه اللي مانعها عنك.

همه بصراحه خبرين قرأتهم رفعو ضغطي اليوم انا ما بعلّق على سياسة دول و قرارات مسؤولين انا بعلق كأنسانه بسيطه من "حقها" انها تفهم اللي بصير

الخبر الاول تحت عنوان "السعوديه :منح المرأة حق المشاركة السياسية "
كيف الحقوق بتصير منحه ؟؟؟
ما فهمت ولا راح افهم.... كيف بنحط شروط متى و وين و باي شي تمنح الحقوق؟؟؟ وليش لازم نهلل ونفرح ونبارك جهود مثل هيك قرارات ؟؟؟


و الخبر الثاني اللي قهرني جد
"10 جلدات لسيدة قادت سيارتها.. والأمن يحتجز ناشطة بتهمة «السواقة»"

موضوع منع المرأه السعوديه انها تسوق موضوع بسيط حبّو يعملو شائك لتلتهي العالم فيه, بصير الست تطلع مع السائق اللي مش معروف شو اصله ولا فصله بس انها تسوق لحالها....هاد فجأه صار منافي للدين والشرع و الحدود الاخلاقيه والعادات والتقاليد والاعراف ومرفوض, واللي بتقوم في مثل هالعمل البغيض "تجلد" !!!!
انا بعرف ان الجلد عباره عن تنفيذ حد او قصاص, من وين جابوها هاي بالشرع انها اذا ساقت بتنجلد؟؟؟
ما بدي احكي حقوق انسانيه ولا حقوق بشر...وين رفقا بالقوارير و ين عقاب الظالم وين مخافة رب العالمين؟؟؟
باي شرع واي قانون واي عادات وتقاليد واي اعراف تسمح ان انسانه تجلد او تحبس او تعاقب على ممارسة بسيطه مثل السواقه؟؟؟





19 التعليقات :

لما نصير نحكم بقوانين العباد مش بقوانين رب العباد كل شي بصير

 

المشكله انهم مقتنعين و بحاولو يقنعو العالم انها تطبيق لقوانين رب العباد

اشي بجلط يا اخي

 

كلها عادات وتقاليد ويسبر تعودوا ع المرأة انه ما إلها راي ولا قيمة وفجأة لما المرأة بلشت تتعرف ع حقوق وواجبات وبلشت تحكي صاروا يحكوا الدين وهو ف الحقيقة كله عادات وتقاليد مقيته

 

معك حق سوزان

الموضوع مش اكتر من قمع للصوت اللي بدا يطلع...تعودو على اصدار القرارات و السمع والطاعه و الاعتراض صادم باانسبة الهم

 

هاذ تعليقي مبدئيا , برجع ان شاء الله

http://www.algareda.com/2011/09/%D8%A7%D9%84%D9%85%D9%84%D9%83-%D8%B9%D8%A8%D8%AF-%D8%A7%D9%84%D9%84%D9%87-%D9%8A%D9%84%D8%BA%D9%8A-%D8%AD%D9%83%D9%85%D9%8B%D8%A7-%D8%A8%D8%AC%D9%84%D8%AF-%D8%A7%D9%84%D9%81%D8%AA%D8%A7%D8%A9-%D8%A7/

 

LUNAR

شكرا على اللينك
ما بننكر انه خبر مريح و فيه منع ظلم ولكن برضه بضل موضوع انه هاد حقّها اساسا وكان في اعتداء وهلأ الحمد لله راح

 

المضحك في الموضوع انه بس تيجي سيرة حقوق المرأه بيبلشوا يتعاملوا مع الموضوع وكانها كائن من الفضاء الخارجي...مع انهم بينهم وبين نفسهم عارفين انها حقوق عاديه جدا وما فيها مكارم ولا منح....بش شو تقولي في العقليات المتحجره

 

ويسبر, اقولك ليش هللنا و فرحنا بحقوقنا المسترده, لانهم من الاساس فهمونا انوه احنا عبيد و ملك لهم و ما لنا اي حقوق فلما اعطونا الحق دا فرحنا و بقوة كمان.. عارفه هي سياسه استعباد لااكثر و لا اقل " امنعوا عن الناس حقوقهم الى ان يتعودوا على الحرمان ثم اعطوهم منها قطرة و سيعتبرون انكم ابطال "
لكن على فكرة التطبيل و التهليل دا كله كلام جرايد.. تعالي اسمعي الناس العاديين في الشارع ايش بيقولوا؟؟ الاغلب معترض
باذن الله ساكتب سلسله بسيطة عن وضع المرأة السعودية و تشوفي العجب العجاب.
المصيبة الاكبر انهم بأسم الدين عرفوا كيف يسيطروا على اغلبية الشعب.. اذا فعلت كذا انت خارج عن الدين و لول فعلت التالي فانت خارج عن الدين و غيرها الكثير.. فما الحل في شعب لايعرف حقوقه و لايستطيع حتى ان يتحدى رجال الدين لانهم سيوصموا بانهم كفرة...
صدقيني الموضوع اكبر من مجرد قرار او حقوق اعطيت او تهليل او غيره بكثير

انتظروني عندما اترشح في 2015
:P

 

العالم بدون نساء أجمل

فزاع الهزايمة

 

السلام عليكم
شكراً للموضوع المطروح

من واقع رؤيتي وملاحظتي للمجتمع هنا, قد لا تكون فكرة قيادة المرأة فكرة صائبة من الناحية الاجتماعيّة

أعلم ان هذا حقُ بسيط من حقوق المرأة, ولكنّني لا أعتقد أن المجتمع المحيط سوف يتقبّل هذه الفكرة ببساطة

ومن الناحية الأخرى , فكرة الخلوة بالسائق الأجنبي قد لا تكون صائبة أيضاً , ولكنها مقبولة إجتماعيّاً هنا - للأسف

مدوّنة رائعة, أظنّني سأمضي الليل بقراءتها

 

Wafa'

للاسف هالسياسة متبّعه مع الشعوب العربيه بالمجمل ...زي لما يغلّو سعر الرز من دينار ل دينار و نص و بعد شهرين ينزلوه ل دينار و ربع كتييييير بننبسط على حالنا :$

بانتظار السلسله على احر من الجمر...لانه ما حد بقدر يعبر غير اللي بعيش الوضع و رؤيتي للامور من الخارج بتضلها محدوده اكيد

فزاع الهزايمه

رأيك و اكيد بحترمه ... نابع من تجربه شخصيه شكله

اهلا و سهلا فيك دائما

Black Rain


وعليكم السلام و رحمة الله وبركاته
اهلا وسهلا فيك في عالم التدوين و في مدونتي المتواضعه و وجودك شرفني ...بتمنى تقرأ اللي يعجبك فيها

زي ما حكيت لاختي وفاء اكيد نظرتي من الخارج عالموضوع تختلف عن اللي بعيش الوضع, و واضح ان الرأي الذكوري يختلف عن رأي السيدات اللي بعانو من الوضع

بانتظار تكتبلنا تدوينه مفصله عن وجهة نظرك لتتوضح الصورة

 

عزيزتي

حقوق المرأة حفظها الاسلام ولكن العادات والأعراف هي من أضاعتها
وفي المجتمعات تتفاوت هذه الإضاعة فمثل مجتمعاتنا هنا المرأة لها من الحقوق والانفتاح ما يعتبر محرم وخروج عن الملة في مجتمعات أخرى مثل المجتمع السعودي
.............
بالنسبة لموضوع قيادة المرأة للسيارة هو أمر عادي وطبيعي جدا وفي كل دول العالم العربي والغربي والاسلامي وغير الاسلامي مباح إلا أن للمجتمع السعودي ظروف خاصة تمنعه من اباحة ذلك.. لماذا نتحدث عن أمر السيارة وننسى ما هو أكثر عمقا وهو خروج المرأة وهي ترتدي الحجاب العادي أي اظهار الوجه والكفين غير مباح لدى المجتمع السعودي وهو مباح في الاسلام
بالنسبة لي شخصيا أمر قيادة السيارة أهون من هذا الأمر
... لقد طرحت صديقتنا بوليت "فرح " موضوع قيادة السيارة وكان لي رأي يؤيد قولها لكني اليوم وبعد أن سمعت شهادات من أناس عاشوا في المجتمع السعودي أيقنت أن قيادة المرأة للسيارة يأتي عليها بالخطر وليس فقط بالضرر هي أولا ومن ثم المجتمع .. قولي هذا لا يعني أنني أؤيد منع المرأة من القيادة بل يعني أنه يجب أن تأتي خطوات تسبق هذا الأمر بسنوات عدة .. ومن هذه الخطوات هو أن يرى الشاب المرأة على أنها إنسانة تمشي أمامه في الشارع وليست رموت كنترول يرسل إشارات مباشرة لنزوته ...

طرح هام
أعذريني لاطالتي
تحيتي

 

يا حبيبتي يا ويسبر احنا في زمن البدع
سبنا منهج نبينا و سبنا معاه كل الانسانية و الاخلاق
احنا بعالم تحكمه المصلحة الشخصية لذوي النفوذ
و الباقي مشغول برغيف خبز و بأجار بيت
عالمنا ما في شي مزبوط و الله !
و لهيك لما بيمنح حق بنهلل !!
الله يبعث فينا الدين اللي يصلح حالنا اجمعين :(

 

عزيزتي ويسبر

أول شي ما بدي تفهمي إني بدي أدافع عن أي إشي .. أو حدا ..

انا بس بدي اناقش موضوع فكرة "الحقوق" اللي طرحتيها ..

هسا .. في نوعين من الحقوق ..

حقوق أصيله .. وحقوق مكتسبه ..

الحقوق الأصيله .. مبنيه بالاساس على الحاجات الاساسيه للبني آدم ..

الطعام .. الشراب .. الكساء ..

الحقوق المكتسبه .. اشياء انبنت على اختلافات المجتمعات وتطوراها .. على مر الزمن ..

يعني ..

زمان كثير .. لما ما كان في انتخابات .. ما كان في اشي اسمو حق الانتخاب أو المشاركه السياسيه ..

لا لذكر ولا لأنثى ..

الفكره صفت كالتالي ..
في مجتمعات استوعبت هاي الحقوق المكتسبه .. ومنحتها للشعب ..
ومن هاي المجتمعات .. اللي ما بفكروا بالنوع أو الجنس .. منحو للكل على حدٍ سواء ..

في مجتمعات .. لحقت الركب متأخر ..
ومنها .. اللي بميز .. يعني المجتمعات الذكوريه .. منحت متأخر .. وللإناث متأخر أكثر ..

انتي صرتي تحسي إنه هاظ الحق تلقائي .. لأته المجامع والتظام .. اعطاكي ياه من زمان .. لدرجه إنه صار يتصنف تحت الحقوق الاساسيه ..

في السعوديه .. المجتمع .. والنظام .. بعده متمسك بالعادات والتقاليد القديمه جداً .. ببساطه .. لإنها بعدها مانحه للقياده .. والرجال .. السيطره .. اللي شافوا كيف المجتمعات الثانيه فقدتها ..
وبدخلوا الدين في الموضوع كغطاء ومبرر إلهم .. ولكل مصادر الضغوط الخارجيه والداخليه اللي عليهم.


وآسف على الاطاله
:)

 

زينه زيدان

انا معك باللي حكيتيه...

من رحمة ربنا فينا انّه وضحلنا دينا و حقوقنا و واجباتنا بشكل مش بحاجه لافتاءات جديده, الدين الاسلامي كرّم المرأه وكتير بنقهر بس تهان المرأة و تحت اسم الدين

اللي يطبق حاليا افكار شخصيه باليه, باي وجه تطبق عليها حدود شرعيه ؟؟؟

خايفين على الستات من الفتنه ومن الرجال...منهم همه....لو همه طبقو الشرع و كل واحد من الطرفين عرفو حقوقهم و واجباتهم الدنيا بتصير بالف خير

اهلا وسهلا فيكي و شكرا للتعليق

هديل

الله يهدينا و يهدي الجميع يا رب

لقمة العيش شاغلتنا كلنا....الله يفرجها

اللهم امييين...ربنا كبير وما في شي بعيد
ربنا يصلح الحال

 

ΣcoŞan

عجبني التصنيف و منطقي كتير

هاد تقريبا بدور بنفس موضوع حوار دار بينا انا و اخواني....ان التأخر بتطبيق الحرية المكتسبه مش دائما بكون بسبب عدم توفر بنيه تحتيه و لا لاي سبب غير لاسباب شخصيه للكبار خوفا على كراسيهم

زي سوريا لما جديد فتحت فيها بنوك و جديد النت, هاد تأخر متعمد و هون انت تدخلت بحريتي وما تتوقع انك بعد ما خنقتني باختيارك انبسط لانك خففت ضغط ايديك عن رقبتي...هاد قصدي

اي شي جديد بكون مرفوض باوله و لكن في رفض تناحه و في رفض منطقي

اللي بالسعوديه يعتبر تطبيق للاسلام و هو بالاصل عادات وتقاليد وفي اشي منها ما اله دخل بالاسلام وهاد اللي بقهر بزياده

شكرا على التعليق و شكرا على الاطاله
فاهمه وجهة نظرك تماما بس لسا مقهوره :)

 

السلام عليكم مرّة أخرى :)

أعجبني مصطلح "الرأي الذكوري" على الرغم من أن رأيي كان ممكن أن يصنّف لمصلحة الإناث, قد رأيت بأم عيني فئة الشباب وطريقة التعامل مع الإناث في المركبات على الطريق - الا من رحم ربّي طبعا

بغض النظر أن هذا حقٌ للمرأة أم لا , لا أعتقد أن المجتمع بشكل عام مستعدّ لخوض هذه التجربة بكل ما تحمله من جوانب سلبية وإيجابيّة

 

its sad but true!
I hope one day their eyes will be open

 

Black Rain

وعليكم السلام ورحمة الله وبركاته

اي شي جديد عالمجتمع بكون مرفوض اكيد و مش كل ممكن يتطبق بشكل عام ..لكل بلد و لكل بيئه خاصيتها

انا معك بهالشي

اللي زاعجني ان الرجال رافضين ان الستات يسوقو لانهم "خايفين" عليهم من انفسهم , يعني بدل ما ان كل واحد يتقي الله و يعرف حقوقه و واجباته و يطبقهم بطلب ان الطرف الثاني يفقد حريته علشان هوما يغلط

مش عارفه اذا واصله الفكره او لأ

و جد بتمنى انك تكتب عن الموضوع لافهم اكثر

شكرا لتواجدك

Crown of Creation

Waiting for that day...

Thanks for passing by