Things I Like To Whisper About

Would You Hear Me Whispering

Thanks LioneSS for the lovely day :)






من اول ما اجيت عالامارات وانا حامله هم نهاية هالاسبوع, لان هاد الاسبوع هو اول اسبوع بقضيه لحالي لان خواني التنين من غير شر مش موجودين بالبلد, كل واحد فيهم سافر لحتى يجيب زوجته من عند اهلها, وبالعاده نهاية الاسبوع بقضيه معهم فضليت كاتمه بقلبي ومش حاكيه لحد لكن الحمد لله ربنا يسرلي يومين نهاية اسبوع بجننو.

بدو بعزومة غدا يوم الجمعه من جيرانا اللي بالاردن و مقيمين بدبي , رحنا على مطعم لبناني اسمه الحلّاب اكله بشهي و قضينا وقت كتير حلو الحمد لله, والمشوار التاني و اللي كان يوم من احلى الايام اللي قضيتها هون هو الاتصال التاني و اللي كان من صديقتنا لبؤه بتعزمني فيه عالفطور يوم السبت و اللي كان اليوم ..... اليوم كان بجنن بكل ما تحمله كلمه بجنن من معنى, من زماااااااااااااااااان ما ضحكت من كل قلبي مثل اليوم, و المفروض تخلص العزومه عالفطور و اللي كان بشهّي زي ما هو واضح بالصور :)




يا دوب لبؤه بتحكيلي شو رايك تكملي اليوم معي لان PP و خواتها و صاحبتهم جايين عندي و انا ما خليتها تكمل الجمله و كنت موافقه على طول :)
رحنا تسوقنا و روّحنا عالبيت حضرنا الاشياءات الزاكيه واللي للاسف نسيت اصورها ....تبولة فرّمناها بكل دقّة و نعومه :) و لبؤة جرحت اصبعها :( و عملتلنا ازكى سلطة فواكه و انا عملت بلاك فورست و الحمد لله طلعت زاكية




قضينا وقت بجنن انا lioneSS و PP و اخواتها و صديقتهم, كتير انبسطت بتعرفي عليهم كلهم, حكينا و ضحكنا و انسجمنا....كتير مبسوطه اني اخيرا لقت حد هون مثلي و بطريقة تفكيري و عقلي بتوافق مع عقله, ان شاء الله الايام الجاي راح تكون احلى واحلى بوجودهم حوالي.

شكرا حبيبتي Lioness على كل شي....شكرا عاليوم البجنن ... وشكرا لانك استحملتي كتر حكيي لاني حكيت كتير عن الماضي و الحاضر و فشيت قلبي, شكرا انك حسستيني اني مش لحالي , شكرا انك فتحتيلي قلبك , شكرا على راحة البال و الاطمئنان اللي دخلتيه على قلبي بوجودك ....شكرا على تعريفي بصديقتنا PP على ارض الواقع ...و طبعا شكرا عالفطور و الاشياءات الزاكيه :)

ملاحظه ع الهامش

ابدا ابدا ما اخدت الصور بنيّه مقاهره اي حد ببدا اسمهم بام عمر....اطلاااااااااااااااقا مطلقا :)

32 التعليقات :

لا ابدا ما قاهرتيني
نيابه عن ام عمر بكرهك :))

 

طبعا طبعا طبعا ...جبنا سيرتك يا قمر
بس والله بالخير :)

 

بلاك فورست قلتيلي اه؟؟؟؟؟

اصلا شكلها مش حلو

وبعدين انتي بتعرفيش تعملي
مممممممممم
شو اسهل اشي بالدنيا
شو اسهل اشي بالدنياااا

بتعرفيش تعملي كاسة مي
:(

 

أنا بموووووووت بوجبة الفطور وخصوصا يوم العطلة.. إذا اليوم بلش بفطور محترم اليوم كله بستمر محترم ههههههه

الصور والأكل شكله بشهيييييي!!!! كثييير

الحمد لله شايفة الله ما بنسى حدا. :) كثير مبسوطيتلك الله يبعث لك اولاد وبنات الحلال بطريقك ويبعد عنك كل شر

 

ممممم
ماشي
اكيد بالخير حاكم انا شكاكه :)

 

عادي...جاكري ولا يهمك....مهي ام عمر طول نهارها بتجاكر فينا بالحلوانات والزيارات والزواكي....اصلا 3\4 تدويناتها جكر
:)

 

الله يرضى عليكي يا خيتي يا ويسبر.. لما بدك تقاهري ام عمر.. في عندها إيميل..في عندها تلفون.. في عندها موبايل.. في عندها فيسبوك.. في عندها مدونة تبعثيلها الصور عليهم

بس إنتي هيك ذبحتييييييييييينا مع ام عمر.. خصوصا يعني بلاك فورست شغل بيت.. و سلطة الفواكه اللي ما صورتيها

صحتين

 

LOL @ لبؤة & مقاهرة ام عمر

والله الشرف الي اشوفك واتعرف عليكي عن قرب
جد انبسطنا مبارح وكل يوم جميل بمعية الكل
:)
يعني سبحان الله ما كتبلي افطر معاكم بس كاتبلي اشوفك

وان شاء الله الإيام اللي جاي بننبسط اكتر وبنقاهر الباقيين اكتر
:p

 

أه أه جيبنا سيرتك يا مياسي بالخير
:)

ما بنتسوا الناس الطيبة
:)

 

wallahe ana mn el ashya2 elle betkhallini a7eb dubai wo ashta2elha kteer hommeh el shabab elle t3arraft 3alaihom hnak...f3lan b7es ennhom zy ekhwani, wel 7amdolellah la halla2 3alaqti fehom momtazeh...hawwano 3alay el `3orbeh kter...wo hada ishe 3m bafteqdo bel s3odeyyeh sara7a...ya3ni nafseyyat el 3alam b dubai a7san mn hon...kollo mabsoot b sho`3lo wo 7yato fa ben3akes 3la ta3amolo m3 el nas...allah ywaf2ik wo eyasserlik awlad el 7alal...bs aham she...bokra bs tseeri mo`3tarebeh mokhadrameh...la tensi el jdad, 7awli tsa3deehom zy ma allah ba3atlik nas tsa3dik :D

 

اخييييييييييييييييييييييرررررررررررررررن

متتصورنش قديش فرحت بهالخبر

أوكي غيرانه والنار رح بتاكلني
والدود طلع من أنفي
وجلدي بحكني
و
و
و
وبكرهكن

بس بيضل إني كنت أتمنالكن هالإجتماع
متل ما حكيت من قبل
كتير " بالنسبه إلي" إنتو ال2 بتشبهو بعض
كتير مو شوي

وكملت " بالنسبه ل مقايسيي" إنه ويسبر صارت مغتربه زي ليو


الله إيهينكم ويسعدكم وتضلو أُنــس ل بعض بالغربه
وما يكسركم مره تانيه

حوبكم أنا


إستنو,, مش هيك قصدي

بكرررررررررررررررهكنننننننننننننن
ضولغاص
سنحكم
تصورش أكل
كلو بدون صور,, مارح إنكزبكن
بكرهكن

شي غاد,, بطلت بدي ألعب معكم

 

تسجل حضور,, لوووووووول,و

 

سنترك الميكروفون لأم عمر

و بحب أنوه "أحذر" لبؤة ..

وضعك صعب

ديري بالك على حالك . ..

ألا هل بلّغت
:]]]
--
صححححححححححححة و هنا
من "نص" قلبي!

جررررررررررررررررررررررررر

 

فطور ،،، انا اعشق الفطور
و ليونيس بدك تحكي عن روائها و لزازتها

و بلاك فورست شكلها محشي فواكه كمان و التبوله خليها على جنب

انتي قاصده ام عمر و لا مصتقصداني خص نص
:(((((((((((((((((

بحب احكيلك انو ام عمر ما اتأثرت ابدن و بالاماره حكتلي تعالي لعندي و بعملك فطور ولا ازكى و تبوله و تشيز كيك لانها ما بتحب الشوكولاته
و بنزل الصور بس ما تفهموها غلط و تحكو عنها مغيوووووزة
:sc:

 

Good Good. zakartene be a7la ayam 2adetha b7ayate bel UAE....

Hay el moshkeleh enno el w7ad bel3'orbeh yorbot 7alo be nas mo7adadeen y2ade nehayt el osboo3 3ndhom..
daymal 7awli t5alli badeel la sama7 allah sar m3k hek mawqef again,, enti fe 3'orbeh o el nas elle fel3'orbeh mesh madmon wojodhom da2emaan,..

ana kol weekend kont atla3 m3 s7abe.. btw kol asdeqa2 tofolte bel UAE.. o eza weekend ma tle3na.. kont aroo7 3nd bet 3ammi.. ... o eza bait 3ammi mesh mawjoden.. kont atla3 3nd a5oy 3l 3ain...
o eza a5ooy not available kont aroo7 3nd sadee2 ele fe el sharja.. o eza kan not available kont atla3 m3 el room mates.. hehehe o eza ma kano available bablash fe 7ali.. ya baroo7 a3'sel el car aaw b3mal ay shee bs ma fe weekend ma 3mlt feeh eshe hnak kan 3ndi kteer options:P

o Estamerri:P

 

LUNAR.

:) وشوووو طلعت...بتشهي بشهادة الجميع

كاسة مي!!!
اصلاطن بعرف وهيني مبدئيا نقعت رز :$

Aseel

الحمد لله كان يوم بجنن من اوله لاخره...طول اليوم وانا مزاجي حلو لاني بتذكر تفاصيل امبارح :)

سبحان الله كيف ربنا يسرلي احلى الناس لاقضي معهم الاوقات اللي كنت حامله همها

امييين يا رب...اجمعين ان شاء الله

 

مياسي

لااا اتطمني و حطي رجليكي و ايديكي بمي بارده....كله خير الخير كمان :)

Naysan

هههههههههههههههههه...معك حق
بس بيني و بينك ولا تجيبي سيره ..على قلبنا زي العسل ليش الحكي, و بدونها من غير شر بكون في شي كتييير مهم ناقص

 

جعفر حجير

اللهم اميييييييييييين :)
ههههههههه معك حق, بس هي كانت مقاهره جماعيه مبطنه باسم ام عمر :)

سلطه فواكه و عليها سكوي ايس كريم ...بس علشان الصورة التخيليه تكون واضحه :)

PP

لا تتصوري فرحتي بالتعرف عليكي شخصيا امبارح, جد انسم بدني بس حكتلي ليونس انك كنتي ناوية تيجي عالفطور وما قدرتي ...لكن سبحان الله مكتوبلي اشوفك

ما شاء الله عليكم انتِ و خواتك و صاحبتكم, بتجننو كتير و حسيت حالي مرتاحه لاول مره من وقت جيتي عالامارات

ان شاء الله....لا خلص انا ما صدقت لقيتكم :)

 

مواطنون بلا حدود

wallah 2embare7 w la2awal marra men youm ma wselet 3ala Dubai banbase6 w bad7ak w bansa kul shee...m3 2enno kan fe shwayet 7aky 3an 2yam bkrahha bs bardo 2enfash 2alby :)

Teslam ya rab.... ameeeeeeen , 2ajma3een inshallah, elsa7eb elmnee7 behawen kul shee bel7ayah, inshallah da2yman rabna yejm3na m3 el 2asdeqa2 al sadoqeen

Ana b6abe3ty b7eb 2akoon 2arebeh men eljdaad w b7eb 2ahawen 3alehom :)

UmmOmar

هلأ بدك الجد
شكرا الك كتير كتير كتير لانك عرفتيني على ليونس, لا تتصوري مبارح قدريش انسجمنا بالحكي وفعلا سبحان الله في اشياء كتير بتجمعنا :)

حبك كتير كتير كتيييييييييييييييير :)

نيجي للجد التاني ...الاكل كان بشهي و الجمعه كانت رهيبه, ما حسينا بالوقت بالمره, و الشوبنج قصّه لحالها...وتنقاية البقدونس و شمّه لنعرف هو بقدونس ويلا كزبره و طلعنا بنعرف نميّز :)

 

Sheeshany

انت بس اطلع منها و كل شي بضل وبكون بالف خير .... على قلبك يا رب :)

Euphoria

ايون ايون...حشيتها فواكه :)

سبحااااااااااااان الله...صارت ناوية تعزمك...مش هيك التقليد مش هيك
ئلودين انتو

و اذا جد فاااااا
لااااا ما في اجتماعات بدونا....بدكم تستنوني لانزل عالاردن و بتجتمعو, اما بدوني من غير شر عن قلبي ممنووووووووووع

 

Ahmad Merie

Ma fe 2a7la men el 2asdeqa2 .... el 2yam betseer 7elweh kteer m3hom, mhooo ana lessa mesh mestaqerra w 7aseh 2enno bs 2a5od el ro5sa elwade3 beseeeer kteeeeeeeeeer 2ahwan inshallah
Allah yjeeb 2elly feh el5ear

El roommates bero7o 3ala el night clubs belweek end...beddak 2yany 2arooo7 m3hom O_o eltar wala el3ar ya sadeqy :P

7a 2astammer :D

 

ويسبر
مساء الخير

صدقيني بنبسط كثير لما بعرف انه هالعالم الافتراضي بيوصلنا الى لحظات فرح وسعادة

الحمد لله انك قد امضيتِ وقتا طيبا في غربتك مع الصديقات

دمتم بخير

 

مساء الورد

هالعالم الافتراضي فيه المنيح و فيه المش منيح و لكن توفيق رب العالمين هو اللي جمعني مع اطيب و ارقى ناس تعرفت عليهم بحياتي

محظوظه جدا بتعرفي عليكم جميعا ...اخوان و اخوات بتشرف بمعرفتهم

و محظوظه بوجود اخت مثل ليونس قريبه مني و هي من اللي بدخلو القلب بدون استئذان

 

الاوقات الجميلة تبقى ذكراها العطرة

تحياتى

 

ويسبر هاي خيانننننننننننننه لا اقبلها انا رايحه احكي لابونا يوسف وافتن عليكي!! زعلانه انا واواواوا مفاجيع هه
يا ريته صحه وهنا يا رب مش راح احكي لبابا خلص سماح هالمره ومن شان الله بطلوا صور الاكل لانه عن جد كل ما بشوف اشي شوكولاته بدني بيصير يحكني لحد ما آكل ووزني بتضاعف حررررررررررررام :)

 

هع هع هع ام عمر :D

و الله و راحت عليك يا ام عمر
و راح عليكي النميمه و القرَ اللي قريناه ... ما خلينا بلوغر يعتب علينا و ما جبنا سيرته بس و الله كله بالخير :)

و راحت عليك البلاك فورست
يا لهوي شو طلعت زاكيه

و عشان تعرفي الاستغلال تاعي
ما ضل نصها بعد الجمعة الحلوة
رحت عزمت دار اخوي تاني يوم و طعمتهم منها
ما هي كسبه الضيافه موجودة :D
كيف الاستغلال بالله :D


ويسبر يا قمرة :hug:
فعلاً كان يوم حلو كتير بس لانك كنتي انت فيه ... لانك جد بتحلّي كل شي بلطفك و طيبه قلبك

ما حسيت ابدا ابدا اني جديد تعرفت عليكي ... حسيت اني بعرفك من سنين ... فما كان عندي مشكله افتحلك قلبي بكل ما فيه من افراح و احزان و اشركك في امور حياتي :)

الله يسعدك يارب و يرضى عليكي و يرضيكي من واسع كرمه يارب

و ان شاء الله بنعيدها مرات و مرات كمان :)

حبك في الله :)

 

@ مياسي

شكلنا رح منعمل ميتنج خنفشاري مداري حار,, دقارف فيهن


@ نيسان

بكرهك,, تحكيش معي
بدل ما إتدافعي عني بتحكي هيك؟؟
تسوء,, واااااااع,, تسوء


@جعفر

برضو بكرهك,, إحكيلها مابيصير أصلاتن إتجاكريها للأموره إم عمر


@ بي بي

باطل سأنتقم



@ هيشم

شكلي رح أتحالف معك,, هااااااااي هيه أخرتها



@فرطش

وانا بقووووووول ليش بتسحبي معي ع الناعم
خلص,, لعيونك أحلىى عزومه إمداقره من اللي بالي بالك

 

ست بطيخه
إلك رد لحالك,, بكرهك

سبحان الله,, الطيور على أشكالها تقع
لوووووول
قصدي بالمعنى الكويس

ليو وإنتي,,من اطيب الشخصيات اللي قابلتها بحياتي
وقبل ما حتى تزورو مدونات بعض حكتلكن كل وحده على حده إنه لازمن تتعرفو ع بعض

بس ليش دخلتو إيمان بالنص؟؟
بتكرهني إيمان,, بتطيقنيش


وأنا حوبك,, وحب ليو كومايات كومايات كماناه

الأكل شكله محروق وصورتوه بس عشان إتداقروني
أصلاتن,, البلاك فوريست طعمها مش زاكي من مره,, إيعوووووووه


عادي,, الغيره ذبحتني,, هاتيلك شي جديد
:((

الله يوفقكن لكل شي خير يارب,, تتهنو تتهنو

 

صحتين ويسبر الك و لاصحابك معك
احنا المفروض نتشكرها للبؤة لانها هونت عليكي هالاجازة
بس طبعا رح نشكرها بعد ما ندوق
ال.........
كل اشي ذكرتي فوق

:)

 

ابراهيم رزق

اهلا وسهلا فيك و شكرا على المتابعه :)

فعلا...ربنا يديم علينا الاوقات الحلوه و الذكريات الجميله

Sozan

هههههههههههههه.... له له له يا سوسو :)
ان شاء الله ربنا بكتبلنا نجتمع و الك عندي ازكى بلاك فورست و بعديها بنبدا دايت سوا :)

على قلبك يا قمر :)

 

LioneSS

احكيلها احكيلها...خليها تعرف شو راح عليها :)

شكرا الك على كل لحظه يا قمر...جد لا تتصوري كيف مزاجي لليوم بالعالي من ورا هداك اليوم :)
الله يسعدك يا رب ...و ان شاء الله راح نضل نعيدها

اللهم امييييييييييييين....مهو لان الحال من بعضه فورا انطلقنا انا وانت :)

احبك الله الذي احببتني فيه :)

لبنى

على قلبك يا حلو :)
الله يسعدها اجت بالوفت الصح و غيرتلي نفسيتي 180 درجه :)

ههههه... تعالي عنّا يا قمر و ان شاء الله بندوقك كل شي....حتى بندوقك من المكسرات اللي المفروض كنت اذكر ليو تحطهم :$...عرفت على مين تركن :)

 

بطيخه!!!
من زماااااااااااان ما اكلت بطيخ :( بدي اجيب قريب ان شاء الله لانه مميتي جابتلي معها جبنه - بضم الجيم لانها نابلسيه - و زعتر و بعتولنا تنكة زيت :)

الله يستر من بعد فتحة الشهيه هاي من كم كيلو زياده :$

الله يسعدك مهو لهيك انا وهي وقعنا عليكي :)

امون بتجنن ...حبيتها قبل ما اعرفها عالواقع و حبيتها اكتر لما عرفتها ...ربنا يديم المحبه بينا كلنا و دائما يجمعنا بالخير و عالخير ان شاء الله

ههههه..وهو المطلوب اصلاطن ;)