Things I Like To Whisper About

Would You Hear Me Whispering

رمضان كريييييييييييييييييييييييييييييييم





اول شي كل رمضان و انت بالف خير يا رب و ان شاء الله ربنا يتقبل منا صيامه و قيامه و يقدرنا ما نقصّر باي عباده و خصوصا المفهوم الرئيسي لشهر رمضان, ما بدنا طبايخ كتير وما بدنا نضيّع وقتنا بالطبيخ و العزايم, نزيد من نوافلنا و نزيد من دعائنا و تقربنا من ربنا و ان شاء الله ما ينتهي هالشهر الفضيل الا و ربنا مكرمنا بيعتق رقابنا اجمعينمن النار.....اللهم امين.

رمضان السنه غير بالنسبة الي, بس بدي اتفائل و ما اكتئب, هو اي نعم ما في "اهلا اهلا يا رمضان اهلا وسهلا يا رمضان" زي كل سنه , ما في بوسة ايد بابا و ماما الله يخليلي اياهم يا رب و سماع رضاهم بمناسبة اعلان رمضان, وما في صلاة تراويح بالمسجد من اول اعلان لرمضان و شوفة الجيران و الاصحاب و اصدقاء المسجد زي كل سنه, ما في قيام ليل و احياء العشر الاواخر في المسجد زي كل سنه, بس الحمد لله ربنا اكرمني بان خواني يكونو معي و ما اضل لحالي بكل ما تعنيه و تحمله الكلمه من معنى موحش :)




اشي تاني وهو انّا لازم نبدا هالشهر بصفحه جديده و قلب جديد صافييييييييييييي ابيض , لا فيه حقد و لا غل و لا كره لاي شخص بهالدنيا, و قبل ما نطلب هالشي من الناس المفروض نكون مطبقينه....فااااااااااااااا من موقعي هذا بدي اعترف ان في اشخاص بحياتي مش قادره اسامحهم :( اه الاعتراف بالذنب فضيله, في اشخاص مش قادر قلبي يسامحهم و كتير بقعد اتحاور مع نفسي ان ليش هيك وان ربنا راح يعوضني خير و يجازيني على مسامحتهم بس مش قادره :( الله يقدرني على الوصول لهالدرجه من شفافيه القلب و قوة الايمان لاقدر اسامح كل الناس.

بعيدا عن العيله اللي فوق - اه هي عيله كامله علشان تعرفو قديش قلبي اسود- فاااااااا من موقعي هذا اعلن اني مسامحه كل شخص اذاني و كل شخص استغابني و كل شخص ذكرني او ظن بي السؤ, مسامحتهم دنيا و اخره, مثلا لمّا زرت ام عمر و حكينا عن كل مدون و مدونه بالخير طبعا و على سيرة الكعك ذكرنا عمو صال صال و حكيتلها مش فاهمه هو عمو و يلا مش عمو ؟؟؟ يعني كبير؟؟؟ حكتلي اه كتير اكبر منا , بحكيلها كم يعني , بتحكيلي 34 او 35!؟!؟!؟ و انا بهديك اللحظه كنت 34 O_O فلكم ان تتخيلو مشاعيري اللي تبعثرت, كرهتها ...ليش الكزب كرهتها لفواني معدوده بس انفش قلبي بس سمعتها كم كلمه عن انو بالله عليكي و شو قصدك والله يسامحك :(, هذا على سبيل المثال لا الحصر, فااااا ام عمر...الله يسامحك :)

اشي ثالث, هلأ ظروفنا مش متشابهه في اللي ظروفه بتسمحله يصلي كل صلاه بالمسجد و اللي بتسمحله يقوم كل ليله, عفكره قيام الليل مش معناته ما ينام الواحد , قيام الليل حسب ظروف الشخص ما بين صلاة العشا لصلاة الفجر, خلينا كل واحد قد ما يقدر يحاول يقوم ولو جزء بسيط من الليل ندعي لانفسنا و ندعي لغيرنا و ندعي ربنا يفرجّها على الجميع ولا يمكن انكم تتخيلو قوّة الدعاء و اثره على حياتنا, لانه حتى لو ما صار الشي اللي بندعي اله عالقليله بنعرف ان ربنا الذي لا يرد الدعاء مخبيلنا اشي احسن و ممكن اللي بندعي بحدوثه يكون بظهره خير النا و لكن باطنه سيء فربنا بتقبّل دعائنا بانه يكتبنا الخير ولكن في وقته.

كل رمضان و انتو بالف خير....سامحوني جد اي شخص اسأت اله و اكيد ما كان قصدي فبتمنى انه يسامحني و اللي حامل بقلبه علي فيبعتلي تعليق وما راح انشره و انا بعتذر منه مقدما :) .....و لا تنسوني من دعائكم قبل الافطار, كتير مهمه هاي, ادعوووووللللليييي باي شي بتدعوه لانفسكم علشان ما تتغلبو بالتفكير و انا راح ادعيلكم اكيد :)

34 التعليقات :

رمضان مبارك علينا وعليكم إن شاء الله

 

واللي قلبه اسود من جوة وما بقدر ينسى ولا يسامح , شو يعمل بحاله ويسبر؟

عالعموم , برضه رمضان راح يدخل علي وانا بالرياض , عالارجح اروّح خلال اسبوعين , بس انه راح يدخل رمضان عليّ بدون اهلي - من غير شر

ما علينا , حياة وماشية شو بدنا نعمل

كل عام وانتي بألف ألف خير خيتي , ينعاد عليكي بالصحة وهداة البال , والله هداة البال اهم اشي بالدنيا

تقبل الله منكم صالح الاعمال يا رب

 

لووووووووووووووووووووووووووول
إستني ,, بديش أضحك
لوووووووووووووووووووووووووووووووووووووووووول
لوووووووووووووووووووووووووووووووووووووووووول
وك ,, بديشششششششششششش اضحك أنا بدي أعصب إنه كل هاد الوقت زعلانه مني ومش حاكيالي
بس مش قادره ما أضحك
لوووووووووووووووووووووووووول


ليش أنا نغشه صايره؟؟


الله يسامحك ع هيك موقف
مش لازمن سكتي عليها من يومها ل هاد اليوم
يعني, , من جهه مش محرز,, ومن جهه تانيه أنا بنزعلش من كلامي؟؟

رمضان كريم ومبارك علينا وعليكي
والله يعينك ع هيك وقت
وبلييييييييييييييييييز بديش عزايم مشتركه بينك وبين أميره و ليونس,, الله يرضالي عليكم حتى لو إنعزمتو لا بدي اعرف ولا بدي أشوف صور

بكرهكم,, كتير كمان

أنا رح أنزل شي عن المسامح ب بلوجي,,

 

كل عام وانتي بخير يا بطه....الله يبلغنا رمضان ويعيننا على صيامه وقيامه ويتقبله منا يا كريم.

ام عمر نهفه من نهفات هذا الزمان....اذا صالح بتقوله عمو!!!معناتو انا لازم تقولي يا تيته
:)

الله يسامحنا كلنا على ذنوبنا ويغفر لنا اخطائنا ويتجاوز عن سهواتنا ويتجاوز عن تقصيرنا.....اللهم آآآآآآآآمين

 

اي كل عام وانت وعيلتك بخير وكل رمضان مغفرة ورحمة وعتق من النار :)
هلا ع شغلة المسامحة حلو انك تعملي تنظيف لقلبك اللي انا ما بقدر اعمله بحاول لكن انه أنسى صعب يمكن لما الكبر ييجي والعمر يمشي أنسى وقلبي يسامح ما باعرف !

 

والله كل عام و انتي بخير و ينعاد على الجميع بالخير و البركة

 

كل سنه وانتي بخير وسبوره
حبيت الصراحه بهالبوست
وما تنسينا من دعائك
بفكر السنه اروح ع صلاة التراويح في المسجد اتخيلي!

تا نشوف اذا بتزبط
ملاحظه: رمضان في الامارات حلو وصدقيني بساعد عالعباده فوق ما تتخيلي

ما رح اسامحكم انتو وام عمر الا تا اعرف شو كنتو تحكوا :)

 

نورنياتي

ربنا يتقبّل صيامنا و صلاتنا و قيامنا يا رب :)

LUNAR

كلنا بالهوا سوا...الا ما يجي يوم و يصفى هالقلب, المشكله ان واحد من هالعيله اللي قلبي اسود عليها توفى قبل كم شهر :$ و تخيّل اني ما قدرت احكي الله يسامحه :( جد انقهرت من حالي

يلااا هانت ان شاء الله كلها اسبوع و بتشوف خالتو و المدام و زينه القمر عن قريب ان شاء الله و بتجتمعو على الشفره سوا سوا :)

 

UmmOmar

بدي اروح هلأ بس كان لازم اكتب اني بنفس الوقت حكيتلك اني بكرهك و شو قصدك و سامحتك :)

انا احمل بقلبي عليكي....اناااااااااااااااااا؟!؟!؟!؟
اعوذ بالله

للجميع

الي رجعه للتعليق
كل رمضان و انت بالف خير ...هلأ لازم اروح عالشغل :$
يس دوام شفتات و اليوم مسائي :(
سلااااااااااااااااااام

 

Ramadan mubarak, inshallah b yen3ad 3leiki b so7a w salameh... Allah ykoun ma3ek w yes3dek, and you are not alone , you have all of us supporting you and thinking of you..

Your age is not by the number of years, your age is measured by how you feel and think.. To me, you are no older than 20 :) el3mor killo ya rab..:)

 

ramadaaaan kareeeeeeeeeeeeeeeem o rabna yatqabbal ta3atkom o inshallah shaher 5eir o barakeh lel jamee3 :D

 

كل عام وانتِ بخير

انا مسامحك اكيد
بعدين مهو ام عمر هندها عمو للكل زي اكل سلطة الفواكه بالصيف ...على الطالعة وعلى النازلة عمو

وشو المشكلة ...اخنا هون متعودين عمو وخالتو للكل

هههههه

رمضان مبارك لكِ وللجميع
والله يرضى عليك م ويسعدك م
كلكم

 

كل عام و انت بالف خير و صحة و عافية يارب
:)

 

كل عام وانتِ بألف خير

مبارك عليكِ الشهر ياحلوه :)

 

كل عام وانت بخير وصحة وسلامة والله يعينا ويعينكم على الصيام بالشوب هاد وقيام الليل وكل العبادات

 

كل عام وانت بألف خير

وحلوة كتير المسامحة والمحبة

ربنا يديمها بينا وبين الجميع يارب

 

كل عام وانتي والجميع بألف خير

وعلي قصة المسامحه,,والله يا وسبر انا زمان<وركزي علي كلمة زمان
كنت بسامح كتير فوق ما تتخيلي لاني غبيه انا صار الكل يستغل الموقف بيستمتع بالجرح وعلي امل لنو انا في لحظة بسامح

بس هلىء في هالحظات في ناس معينه مش قادرة اسامحهم مو اني حاقده عليهم يمكن لو حكو معي بلطافه ارجع بغباء اسامح لمره المليون

بس الالم جواتي تاعبني وهاد شيء حال مابين اني احكي الله يسامحهم لاني حاسة انهم مستمتعين بيلي عم يصير فيني هلىء

فالحل لازم تيجي منهم لو حسيتهم رجعوا مناجح هسامح بس غير هيك بيكفي ماعد في مجال لتسامح مع ناس اساسا مش عم يفكرو بزعلك او فرحك

ويارب نقضي رمضان بابعباده والطاعات وهاد الشهر الي بنستناه بفارغ الصبر والله ربنا يكتبنا معغفرة ويعتقنا جميعا من النار

وانا عندي اقتراح شو رايكم نعمل جدول ديني مع بعض يعني نحدداجزاء من القرأن كل يوم نقرؤ سوا,,ونقترح علي بعض كيف نكسب حسانات وندرب نفسنا وروحنا علي طاعات

تحياتي واسفه علي الاطفاله ^_^

 

كل عام و انت بخير يا بطة
و الله يتقبل منك صيامك و قيامك و صالح الأعمال

رمضان السنه الماضيه كان من أجمل الرمضانات اللي مروا علّي، قضيته صلاه تراويح و قيام وهالسنه بدعي الله يقدرنا زي السنه الماضيه على العبادة و عمل الخير فيه

الله يهونه عليكي و علينا يارب و يتقبله منا و يرفع فيه درجاتنا بكرمه و حرمته :)

رمضان مبارك

 

كل عام و انت بخير يا بطة
و الله يتقبل منك صيامك و قيامك و صالح الأعمال

رمضان السنه الماضيه كان من أجمل الرمضانات اللي مروا علّي، قضيته صلاه تراويح و قيام وهالسنه بدعي الله يقدرنا زي السنه الماضيه على العبادة و عمل الخير فيه

الله يهونه عليكي و علينا يارب و يتقبله منا و يرفع فيه درجاتنا بكرمه و جوده :)

رمضان مبارك

 

أنا "شبه" مساااااااااااامحك

:)

:)

رمضان كريم يا ويسبر ..
كريييييييييم

و ما حيتخلى عمن يكرمه فما عليك :)

اللع يعينّا على استقباله خير استقبال

إنت مو نانا لهذا الشهر ، خلص

عمتو و بس!
مليح هيتش؟

لوول
---

آه آه ... اشطبي اسمي من دفتر الغياب!

و حطيني بالنتأخرين

و لأنك كريمة بكرة انقلوني لدفتر الحاضرين

:)

 

كل عام وأنت بأل خير و رمضان كريم والله يكرمنا جميعا و يتقبل منا الصيام و القيام وقراءة القرآن والأهم يعينا على القيام بهذه الأمور.الله يعينك و يصبرك و إنشاءالله بمر عليك رمضان بسهولة و تلاقي حلو،،،
آمين يا رب العالمين

 

كل عام وانت بخير

 

mar7ba whisper sweet heart just wanted to wish u a ramdan karem inshallah yan3ad 3ailke and ur family bels7a wa al3afia inshallah ya rab .

 

Ramadan Kareem ya amar.
nchallah byen3ad 3alyki o enti ma3 3ayltek o kol a7babek. xoxo

 

السلام عليكم ورحمة الله تعالى وبركاته


رمضان كريم ان شاء الله

تدوينة جداً لطيفة جداً
لأنها كالعادة طالعة من قلبك الجميل والصافي..

الله يسعدك يارب اختي ويسبر
ويستجيب دعواتك في هذا الشهر العظيم
القريب الى قلوبنا

 

رمضان مبارك
كل عام وأنتم بالف خيــــر

 

كل عام و إنتم جميعا بخير و ربنا يعينا ع الصيام و القيام و حسن العبادة.

قرأت الإدراج هاظ بسرعة و لأنه إسمي مكتوب راح أرد عليه بسرعة بدون ما أفهم شو الموضوع أو أقرأ التعليقات و الردود عشان أهدي الخواطر: إم عمر قصدها ٣٤ أو ٣٥ عن فرق العمر مش عن العمر نفسه، و بعدين تعالوا لهون، بتغتابوني و أنا غايب؟! طيب روحوا مسامحكم دنيا و آخرة.

 

كل عام و انتِ بألف خير و يا رب يطلع هالرمضان أحلى مما تخيلتي
أنا مني و عليّ مسامحيتك
:P

مش فاهمة ليش زعلتي من أم عمر؟

 

كل عام وانتي بخير وصحة وسلامة يا رب:)

 

كل عام وانتو بالف خير
و ان شاء الله ايامكم كلها هنا و رضا يا رب

ربنا يتقبل الطاعات من الجميع

ام عمر ما حد بزعل منها اصلاطن و القصه من باب الدعابة كتبتها...بس واضح ان دمي مش خفيف فيها :$

الفكرة دعوة للمسامحه و تصفاية النفوس قبل رمضان مش اكتر :)

 

نكشاً للقبور
ههههههههههههههههههه