Things I Like To Whisper About

Would You Hear Me Whispering

ربيع وادي السير



من ضمن فعاليات النادي اللي كنت اروح عليه في رحله تحت شعار " افلا تتفكرون..." و كانت لمنطقة بوادي السير قريبه من عراق الامير, هي زي حديقه لو الاهتمام فيها كان اكبر كان طلعت بتجنن, مي و خضار و لكن قلّة نظافه كبيره, او يمكن مقصوده لتصير مكان للطحالب و الضفادع !!!! مش عارفه المهم انّه كان يوم حلو كتير قضيته مع مميتي و مع خالتي وبنت خالتي رفيقات النادي :)




بداية كانت بصلاة الضحى قبل الانطلاق






هاي ملبسة وزعوها علينا و حكولنا انها من "الضفة"
على زنجبيل وانا بحب اي شي من الضفة و اي شي على زنجبيل :)


كل شي كان بجنن و الحمد لله, الفطور و الغدا كان مشاركه, كل وحده بتجيب طبق و بنحط كل الاطباق و الكل بياكل من كل شي
مميتي كانت عامله كبة بالصينيه
وانا جبت حلو من عند عرافات " قراقيش"

و كل شي كان تمام
لعند ما اجت الاخت و ما لقت غير تقعد جنبي و تعكنن علي :(





هالسحسيله الكبيره من يوم يومها بتلفت نظري و نفسي لو انها كانت على وقتنا
و بما انه ما حد كان موجود حواليها غير انا و بنت خالتي و ولدين صغار
فااااااا
استغليت الموقف :)

صورة من فوق للتذكير :)



صوت الضفادع كان كتير قريب ومش عارفه من وين
طلعو الاخين عم يتشمسو وراي بالزبط :$




20 التعليقات :

هذا لأنهم شركس كلهم هناك - خخخخخ
:عنصري شوي:

عجبتني ال"مزلقة" :)

 

Sheeshany

يعني لولا ان اورانجي ممكن يصيبها شي من تعليقي الشرير لانك انت عممت الموضوع ويلا كان ابدعت بالرد :)

وانا كمان عجبتني :)
بتخوّف من فوق بس بدها قوّة قلب و قفزه :)

 

مرحباً ويسبر
الصور حلوين
أنا ما بحب الزنجبيل الا على الاكل
هاي المزلقه متل ما سماها هيثم ما يتخوف وممتعه حبتها في حفلة عيد لاولادي وأصحابهم ولاني من باب يعني السلامة العامه لازم اجربها وكانت ولا أحلى (لأعرف أمي لتضل تحكي والله يما الناس كلها بتكبر الا أنا بأصغر)

 

كاينه جنبنا وأنا مش عارفه
يابنت كان قلتي
كان إلتمينا في شي طلعه
:smile m3a9eb:

 

Sozan

الله يحلي ايامك :)

هي من فوق بتحسيها كتير عاليه و بتفكري انك راح توقعي, لكن الولدين اللي كانو يلعبو طمنوني :)

الله يرضى عليكي شو حريصه :) هاد اسمه حرص و تحمل مسؤوليه , اه ويلا ؟؟؟ ليكون بفكروكي كنتي تلعبي مثلا :)

نورنياتي


مهو كان بيوم دوام فحكيت ليش اسم بدنها و "اعصبها" للبنت :$

بس خيرها بغيرها, بنعوضها ان شاء الله ولا يهمك :)

 

ana b7b hay al zo7le2ah kteer mn zaman ma l3bt 3liha :(

 

آل إيه يا حسبو.. افتكرت مداوم و ما حتأدر تيجي معانا!

cc: نورنياتي

 

السلام عليكم اختي ويسبر

من هنا فعلاً رحلة جميلة وممتعة..
عظيم الواحد من حين لآخر
يقضي اوقاتاً طيبة مع اهله ومن يحبهم ويحبونه..
شئ لايعوض

بارك الله فيك على مشاركتنا
شئ يرفع المعنويات

 

ايش شكلو عم بنحن للبلاد :)

 

Hannoooosh

W ana kaman :) b3omree ma jarbt-ha 2abel la2enno bekon fe kteer nas w lal z3'ar fa 3eeb :$

Sheshany

اطلع منها انت يا وحيد :)

 

لاتي

وعليكم السلام و رحمة الله و بركاته

فعلا كانت كتير حلوه و خصوصا انها مع ماما , اي مكان مع ماما بكون بجنن و مع بنات خالتي و خالتي بكون اكثر من رائع :)

اللهم امين....شكرا صديقتي و اختي الغاليه و ان شاء الله دائما المعنويات عاليه جدا

مياسي

اه...وبشدّه

لسا اليوم بحكي لصاحبتي واحنا مروحين اني كل ليله و بس احط راسي عالمخده بصير اسأل حالي انا شو اللي جابني هون :(

الحمد لله و ان شاء الله الوقت بمشي بسرعه و بتأقلم و بشوف الاهل قريبا

 

عنا مناطق بتججن لونا بس نحافظ عليها
الصور كتييييييييير حلوة
خصوصي صور الضفادع
<3 :D

Glad you had fun :*

 

^_^
عجبتني صورة : من فوق للتذكير (((:
المهم انبسطوا
وذكرتيني بقصة الأطباق وانو كل وحده بتجيب شي بأيام الجامعة كنا هيك يوم اللي مايكون في ضغط محاضرات

(: الله يسعدك ويعطيكِ ليرضيكِ وسبوورتي

 

Rain

اه صح...الضفدع

لو شفتيه اخضر و مبسوط و بتشمس كمان :)

معك حق, المشكله عنا ما في اهتمام كبير ولا نظافه و بالعكس لو مكان مرتب بس الناس تندل عليه بخربوه

Bullet

اهلا اهلا يا قمر
شو هالغياب المش مسموح هاد؟؟؟ ما احنا ما صدقنا تخلصي جامعه , لشو هلأ الغياب اه؟؟؟


بالنسبة للصورة فكان لازم اسجل هاللحظه التاريخيه .....بركي ما عدتها :$

امييين يا رب....تسلميلي يا ذوق انتِ
اجمعين ان شاء الله :)

 

ماعليش -_- ضايعة أنا
حقك عليي
يمكن ع ايام الجامعة بتابع وبجلس ع النت ومابغيب بس يمكن لأنو هلأ تنبلت فاا امتدت هالحالة ع النت كمان
-_-

 

الله بعين...استغلي هالايام بكره بيجي الشغل و بتبطلي تنامي ولا ترتاحي بالمره :)

 

والله عنجد هاي الصور بالاردن ؟؟ في عنا مي و خضار ؟؟ اول مرة بعرف كيف وين بدي اروووووح و جد خسارة والله بتسير احلى جنة :)

 

اهلا و سهلا رانيا :)

معك حق تنصدمي لاني انا كمان انصدمت, طلع في مناطق حلوة بالاردن احنا ما بنعرف عنها و مناطق بنعرف عنها ولكن للاسف مدمرينها العالم :$

ببيادر وادي السير على طريق عراق الامير....في اكتر من حديقة هناك و ماما بتحكيلي الرحله اللي قبلها راحو على حديقة احلى :)

 

^_^ يعني احلى من هيك و اكثر من حديقة و الجمعة انا رحت على منطقة ابو السوس روعة لكن من دون ماء :$

 

اه رحنا عليها مره برضه قريب البيادر او بالبيادر...كتير حلوه المنطقه :)

متذكره ايام ما كنا نحضر يسعد صباحك كنت اشوف مناطق بتجنن بالاردن و للاسف ولا بنعرف عنها, هلأ بطلنا نشوفها ولسا ما بنعرف عنها :)