Things I Like To Whisper About

Would You Hear Me Whispering

يوما ما سنجتمع هناك



الي فترة نفسي احلم بالرسول صلى الله عليه وسلم, و لكن للاسف ما تحققت امنيتي شكل الدنيا ماخدتني كتير , اخر مرّه حلمت برسولنا الكريم كانت قبل كم سنة وكان من اجمل الاحلام.

انا اكبر امنياتي بالحياة ان ربنا يحسن خاتمتي و اموت شهيده - ربنا يكتبلي اياها و يكتبها لكل شخص بتمناها - حلمت اني استشهدت و ان جميع الشهداء نايمين على تخوت زي تخوت المستشفى و بتحركو باتجاه باب الجنّة و عالباب بستنانا رسول الله صلى الله عليه و سلم و برحب بالروح اللي بتقوم من الجسد اللي بضل نايم عالسرير, اللي قبلي قامت روحه و رسولنا ضحكله و دخلّة على الجنه و اجا دوري, اجيت اقوم ابتسملي رسولنا الكريم و أشرلي بايده انّه لسا استني مش هلأ دورك

قمت مبسوطه كتير من الحلم, انا فسرته على انه ان شاء الله راح اموت شهيده ولكن مش هلأ و كتييييير انبسطت , الكل حس الحلم حلو الا وحده من صاحباتي بتحكيلي هاد دليل انك مقصره بشي لهيك ما دخلتي الجنه بالحلم , انا مش مع تفسيرها والله اعلم و خصوصا اني قمت مرتاحه و ان رسولنا الكريم كان ببتسملي

دائما بحكي لماما اني حاسة اني حموت صغيره و خصوصا اني مش شايفه ولا عمري تخيلت حياتي لقدام, مع ان كل اللي صار معي برضه ما كنت متخيلته ولا بعمري حفكر يصير و لكن برضه في شعور غريب بضل يجيلي و مع الاحداث اللي بتصير ومع موضوع الانتفاضة الثالثه هالشعور صار اكبر, حسيت انه ممكن تتحقق امنيتي, و طبعا بعد هالكلام ماما رافضة رفض تام اني اشارك باي فعاليه بتصير و حتصير, و بتحكيلي الدعاء مفعوله كبير ادعي ربنا ينصر الشعوب في كل مكان و ادعي للي راح يشاركو ربنا يوفقهم واقعدي عالنت و اكتبي اي شي بدك اياه و شوفي كل الفيديوهات و انشريها ولكن اكثر من هيك ما تفكري

فللاسف مشاركتي اللي كنت اتمنى تكون فعّاله و مؤثرة في التغيير راح تقتصر على اي شي ضمن حدود البيت....ربنا يجعلنا دائما من المغيرين للافضل و من محررين الاقصى الشريف, وربنا يجمعنا في صلاة جماعه في المسجد الاقصى عن قريب و يتقبلنا و يرحمنا و نكون في اعلى مراتب الجنه باذن الله.


22 التعليقات :

وعَنْ أَبِي عَبْدِ اللَّهِ جَابِرِ بْنِ عَبْدِ اللَّهِ الأنصَارِيِّ – رَضِيَ الله عَنْهُمَا – قَالَ : كُنَّا مَعَ النَّبِيِّ – صلى الله عليه وسلم – فِي غَزَاةٍ فَقَالَ : " إِنَ بِالْمَدِينَةِ لَرِجَالاً مَا سِرْتُمْ مَسِيراً، وَلاَ قَطَعْتُمْ وَادِياً إِلاَ كَانُوا مَعَكُمْ حَبَسَهُمُ الْمَرَضُ " . وَفِي رِوَايَةٍ : " إلاَ شَرِكُوكُمْ فِي الأجْرِ ". رَوَاهُ مُسْلِمٌ .

=============
لك الإجر إن شاء الله يا ويسبر حتى لو لم تقدري على المشاركة، وإن حرمك الله المشاركة الفعلية فلك أجر الدعاء، كما ان الجهاد ليس فقط بالتواجد الفعلي في ارض المعركة بل هنالك جهاد بالقلم وجهاد بالمال
تستطيعي المشاركة في الكثير من المواقع التي تتكلم عن فلسطين وتنشريها بين معارفك وأصدقاءك، كما تستطيعي التبرع بالمال لآسر الشهداء ولدعم المجاهدين في سبيله

أتمنى لك الشهادة في سبيل الله، فهذه أفضل ما يختم به العبد حياته في هذا الدنيا

اللهم أرزقنا الشهادة في سبيلك، وأحشرنا مع نبيك وصحبه أجميعن

 

""وربنا يجمعنا في صلاة جماعه في المسجد الاقصى عن قريب و يتقبلنا و يرحمنا و نكون في اعلى مراتب الجنه باذن الله""

آمين يا رب :)

 

الله تسلمي
دنت رجعتيني لايام انتفاضة الحجارة عندما انتشرت اغاني مرسيل خليفة وقعبور ومجموعة العاشقين
اللهم حرر الاقصى يا رب
تحياتي

 

Allah y7meke w y3teke elly b balek :))
w inshallah eno hal sho3ob tetwa7ad w hal intefada tjeeb ajalhom lal yahood :(

 

مش قادر غير أقول

آمين

:تقصير:

 

Mashallah, mashallah, mashallah! What a beautifu dream. I wish to see sayedna Mohammad in a dream one day. But I'm not sure if I'm good enough to have one.

 

Allah yejma3na honaak ! ameeeen !!

 

الله يحققلك مبتغاكي . يجمعنا بالجنة يا رب العالمين
اكيد الشهادة في سيبل الله تعالى وفي سبيل تحرير الارض المحتلة هو من اجمل اللي ممكن يحصل لاي مسلم

بس ما بعرف كيف الدنيا صايرة مقلوبة . والله يسترنا من يلي جاي


اشتقتلك هموسة كتير واسفة لاني ما بقرأ كتير مدونتك ولا اي مدونة تانية

بس اليوم اشتقت كتير ارجع متل ايام زمان

الله يوفقك وكتاباتك كالعادة بتدخل القلب كانك انتي قاعدة وبتحدثينا
يا رب دايما للاعلى :)

 

سراج الماضي

اللهم امين

همسة

ان شاء الله و قريبا جدا يا رب

 

شهر زاد

مرسيل خليفة و سميح الاشقر لهم تأثير كبير في نفسي و يشكلون معنى من معاني الانتقاضه في ذاكرتي

اللهم امين

Anonymous

Allahumma ameen
inshallah, elyoum 3refna 2en elsho3ob bedha tetwa7ad bs nas tanyeh hy 2elly mesh men masla7et-ha halsho3ob tetwa7ad :(

bs bardo inshallah 2ajal el sahayeneh qareeeeb w jeddan

 

Sheeshany

اللهم امين....ان شاء الله يجي اليوم اللي نقدر نعمل اللي في بالنا واللي بنحكيه و بتأمن فيه

قريبا ان شاء الله

Susu

I can't explain my feelings when I woke up that day or when ever I remember that dream :)

inshallah we both will soon, I think it depend on us to forget about "donia" life and focus on "al2a5ereh" in our hearts and acts

 

SimSim

Ameeeeen ya rab and soooooooon inshallah

Enas

اللهم امين

ربنا ينولنا اياها و نكون من اللي بستحقوها

وقت ثورة مصر كنت اتفرج على فيديوهات اللي معموله عن حياة الشهداء

ربنا يرحمهم و يتقبلهم جميعا, كلهن اثرو فيي و خصوصي قصه الشهيد محمد الصاوي و الكل كان يحكي عنه و كيف كان متعلق بالدين و بالمسجد و حتى اطفال المنطقه صارو يبكو عليه كان يعلمهم انجليزي و قرآن و فكرت ان فعلا انسان بستحق الشهاده

ان شاء الله ربنا يقدرنا نكون مثلهم يا رب و يتقبلنا في جنان الفردوس


احنا اشتقنالك اكثر يا قمر
شكل عبود ماخد كل وقتك ....حبيبي ما شاء الله عليه بجنن طالع لمامته :)

تسلمي يا قمر و لا تطولي الغيبه لان احنا كمان اشتقنا لكتاباتك و طلاتك مع ان مدونتك ابصر مين كأنه واحد امريكي اخدها و اضطريت الغي اللينك من عندي :$

حاولي ترجعي للتدوين و حتى لو كتبتي اشي كل كم شهر

 

الله يجمعنا بالجنة كلنا وكل الناس اللي بنحبهم يارب :)
الرسول بالحلم دائما خير مشان هيك انا كمان مش مع انو تقصير خصوصا انو كان بيبتسم و الرسول وانشالله يكون خيررررر :(
بالنسبة للشهادة الله يكتبلك اياها اذا هاد اللي بدك اياه ويكتبها للي بدو اياها بس انا برأي انوا بالزمن هاد الشهيد مو بس اللي بحارب وبموت بالحرب الشهيد هو اللي بخدم الدين بحق واخلاص وبموت وهو عم يخدم الدين طبعا هاد قياسي الخاص يعني كونو اللي بموت بالحريق او غرق يعتبر شهيد فما تاخدوا مني ما بدي احمل اثم حدا !!
بس اذا كنتي بيوم شهيدة امانة اتشفعيلي :(

 

اللهم امين

ان شاء الله يكون خير, وانا هيك كمان بسمع و بعدين انا صحيت مبسوطه لو مش خير لا سمح الله كان قمت منزعجه

صح كلامك والله اعلم
و خصوصا ان في طرق كتيره للجهاد في حياتنا و في ناس بكونو شهداء وما بكونو استشهدو بساحة معركه

ربنا ايسرلنا اسباب الخير و يرزقنا العمل الصالح لنكون جديرين بالجنه ان شاء الله

 

ya rb w ana kman ya rb,ana nifsy amoot z'3eereh kman mshan amoot 2bl emmy w abooy allah ye7fazhom

 

السلام عليكم ورحمة الله وبركاته

الجميلة ويسبر
مرة حلمت باني باشرب من حوض النبي صلى الله عليه وسلم وطوال ذلك اليوم بعدما فقت وانا سعيدة بشكل خيالي..
واثناء حلمي كنت اضحك بشكل صادق من قلبي
فيما عيلتي ضلوا يضحكوا علي ساعتها وانا نايمة لغاية الصباح وحكيت لهم الموضوع.
كل المنى رفقة النبي صلى الله عليه وسلم في الجنة..
وانا من سنوات في دعائي اطلب لوالداي حجة في الدنيا ورفقة النبي صلى الله عليه وسلم، بينما اطلب لنفسي صلاةً في المسجد الاقصى ورفقة النبي صلى الله عليه وسلم..
اطلب بشدة شهادة في سبيل الله، في سبيل القضية.

يارب تتحقق لنا
ومثلك سبحان الله دايماً حاسة باني ساموت مبكراً..مازلت اشعر بهذا
ومااظنه غير خير لكي نعمل لاخرتنا والخير في دنيانا..

ان شاء الله تتحرر فلسطين ويموت المحتل الصهيوني وكل الخونة معاه.

 

انا ما بعرف في الاحلام لكن رؤية النبي عليه الصلاة والسلام من اروع الاحلام واكيد هالحلم كان فأله خير عليكي !
والله يطعمك ويطعمنا حسن الختام ونقف على الجنه ونقابل نبينا الكريم يا رب
الله ينولك اللي في بالك يا ويسبر

 

يا الله ايش اشتقت لهالبلوج ولصحبتو الي يومين بحاول اقرء كل البوستات الي فاتتني بس لسه ما علقت انشالله بس اخلص امتحنات حستنفر بالمكان ههههه

انا اجت فتره سكرت الفيس بوك ورجعت فتحتو بس ما كنت منتبها انو اسمك كااان محظور والسبب اني انتبهت وحده من اصدقائي بتحكيلي ليش عاملالي بلوك قلتلها كيف؟؟ بعدين علمتني بالسولافه وانا اطلعه ما الي دخل بالموضوع كلو....

يا شيخه خليها مستوره هينا صرنا نعرف نفتح فيس بوك

الي رجعه تانيه انشالله وهينا اعرفنا الطريق هههههه
:)!!

 

Rain

Allah yoktoblna 2yaha

b3eed elshar 3an 2albhom...Allah y5alelna 2yahom foo2 rosna 3ala 6oool

Marra 7aket hal7aky la mama sarat tebky w te7kely "beddek 2yany amoot b7aserty 3aleky" :'(
7aketelha 6ayeb 2abel bda2e2a :(

لطيفة

وعليكم السلام و رحمة الله و بركاته

ما شاء الله...حلمك بجنن
ربنا يجمعنا حول حوض النبي و يسقينا بايده الشريفه شربة ماء لا نظمئ بعدها ابدا

اللهم امين

الله يرزقنا حسن الخاتمه و الشهاده باذن الله....

اللهم امين ...ربنا يخلصنا من كل الكيان الصهيوني و كل الخونه

 

Sozan

انا هيك بعرف كمان والله اعلم
ان شاء الله يكون خير يا رب

اللهم اميييييييييييين
و يكتبلك كل الخير و ينولك كل اللي بدك اياه و بتتمنيه

Jarat

اهلا اهلا يا قمر
احنا اللي اشتقنالك كتيييييييييييييييير
طولتي الغيبه علينا هالمرّه

ان شاء الله بتخلصي امتحانات و بترجعي تنورينا

ماشي ماشي ...انا بتعمليلي بلوك!!!

هههه لا يا قمر...اذا انا جديد عرفت عن موضوع البلوك هاد, من بعد تجربه عرفت فعادي خدي راحتك اخدت عالوضع :)

بنستناكي فلااااااااااااا تطولي علينا
موفّقه بالامتحانات

 

:( Allah y5alelna 2yahom ya rab