Things I Like To Whisper About

Would You Hear Me Whispering

باقي اسبوع



باقي اسبوع لنهاية مدّة التصويت للموضوع اللي ان شاء الله راح نكتب عنه في اخر اسبوع من شهر نيسان




بناءا على التصويت اللي موجود في مدونتي و في مدونة زميلنا يوسف فلهلأ النسبة الاكبر للكتابه عن موضوع "المعاقين و المسنين...نحن معهم ام عليهم" بنسبة 56% من الاصوات و اكيد لسا باقي اسبوع و ما بنعرف اذا ممكن تتغير النسب لوقتها

اصدقائي المدونين و المعليقين اقترحو مواضيع جديده لحتى نصوت عليها في الشهور القادمه, و بتمنى انكم تشاركونا بالتصويت و الاقتراحات و اكيد بالكتابه

في يوم 24 الشهر من كل شهر راح نكتب عن الموضوع الاكثر تصويتا و لمده اسبوع كامل لحتى الجميع يشارك معنا للفت النظر لهالمواضيع اللي مرات بتكون مهمشه بين الناس او بتختلف اراءهم فيها و بهيك بنفتح مجال اكبر لتبادل الخبرات و وجهات النظر و للحوارات البنّاءه ان شاء الله


للاسف كنت مشغولة كتير الفتره الماضيه كان نفسي اعمل شي غير عن مدونه عاديه بس مبدئيا هي المدونه اللي جهزتها و ان شاء الله من اليوم ليوم 24 بكون عامله شي افضل , صديقنا وحل برضه حابب يساعدنا واذا صار معه وقت بعمللنا شي افضل من هالمدونه :)




________________________






اليوم 17/4 وما حد بنسى يوم الاسير الفلسطيني
ربنا يفرجها و يفك اسر جميع الاسرى في جميع سجون العالم
اي كلام ممكن نكتبه نعتذر فيه لاسرانا انّا بنعيش حياتنا بشكل عادي وما عملنا شي لنحررهم او نحرر ارضنا الغاليه فلسطين ما حيكفي , للاسف اكثر من الدعوات - مع يقيني بقدرتها على التغيير - ما بنقدر نقدم في الوقت الحالي ولكن ان شاء الله ربنا يجعلنا من مغيري الواقع اللي بنعيشه


كبر الأسير

تتموَّج الذكرى, وبياراتُ أهلي
خلف نافذة القطارْ
وتغوص , تحت الرمل والباردود , دارْ
كل النوافذ أُشرعت في ذات يوم
للعيون السود, واحترق النهارْ
وَلَعاً بساحتك الصغيرة
وأنا كبرتُ..كبرتُ..
حَطَّمْتُ المرايا كُلَّها,
ونفضتُ أجنحةَ الغبارْ
عن جنَّة نبتت بصورَهْ
ورأيت وجهك في السنابلِ
وهي تبحر في سماء الضوء
في فرح الضفيرة
يا حبي الباقي على لحمي هلالاً في إطار !
أترى إلى كل الجبال , وكل بيارات أهلي
كيف صارت كلّها .. صارت أسيره؟
وأنا كبرتُ, كبرتُ يا حبي القديم مع الجدار
كبر الأسير , وأنت توقدُ
في ليالي التيه أُغنيةً ونار
وتموت ’ وحدك , دون دار

محمود درويش





ملاحظه ع الهامش

اي عدم ترابط في الكلام او اخطاء فكل الحق على ام عمر اللي حكت معي الف مرّه - هاد يختي المشغوله فيه كنت و خده بالك حضرتك وحاضر راح اشرب الحليب وانام منيح وما انسى احط الورده الحمره بكره :) - و على نيسان اللي ما بترد على تلفونها, اقرأي ايميلك يا بطه و اسفه اني رنيت عليكي بوقت متأخر كل الحق على ام عمر :$


4 التعليقات :

:)
هلا شفتو هاد البوست....بعد الهنا بسنه:)

ايميلي فاضي ...بيهووي يا بطه
روحي شوفي لمين باعته الايميل بالغلط...ههههههه
الله يستر وما يكون في تخبيص!

 

مش خبريه :$
بدي يكون البوست وصل للكل تذكير بالموضوع

بالنسبة للايميل فهلأ اكيد وضحت الصوره :)
استفقدنالك اليوم

 

This is interesting,I'm following even though I don't completely get it
I hope you come up with more subjects kman

 

هلأ حددنا 3 مواضيع لنصوت عليهم و اللي اكثر تسويطا بنبدا نكتب عنه من 24-4 و ل 30-4
و باول شهر 5 بنحدد 3 مواضيع جديده لنكتب عنهم و حسب التصويت بنبدا نكتب ب 24-5 و هيك

في مواضيع اقترحوهم المعلقين بس كتبنا عن الفكره و بنرحب باي اقتراح جديد :)

هي فكرة و تطبيق جماعي ان شاء الله :)