Things I Like To Whisper About

Would You Hear Me Whispering

باقي يوم




Blog for Jordan Day




اه ...بس باقي يوم ليوم التدوين للاردن و حضرتنا ابياااااااااااااااااااااااااض ولااااا اشي :( مش عارفه اركز يا جماعه, مش عارفه اكتب شي, بس املي كبير بكره و قبل اخر لحظه بنقطتين تنطلق الحروف....كل الحق على اخوي :(
ليش عليه الحق!!! هلأ بحكيلكم بس احكيلكم القصه من اولها

من يوم ما سافرو اهلي الله يسهل عليهم وبما اني عاطله عن العمل فاختكم بالله صايره تطبخ والحمد لله و بشهادة اخوي الله يرضى عليه الاكل بطلع بشهّي و الدليل صينيه الباستا اللي اكلوها على قعده وحده هو و صاحبه وانا برّه :) .....اه صايره لانو بالعاده او بالطبيعي ما بطبخ ولا الي دخل, بساعد بالسلطه بالتحريك بحط البهارات بعد سؤال مميتي 50 مرّه عن الكميه ولكن طبيخ طبيخ لحالي و مميتي موجوده ما حصلت, سامعه اللي بحكي نياطه و مميتي مدلعيتني و الخ الخ وسامعه اللي بحكي هي كم عمرها!!! 33 و 11 شهر و كم يوم, اه ولهلأ ما بطبخ :)

المهم من يوم ما تسهلو اهلي طبخت فاصوليا بيضا - حب اللولو على رأي مميتي- و عملت باستا و عملت ستيك جاج مع توابعه من صوص وسلطات وبطاطا مقليه , اليوم بدي اطبخ ,بعد 5 ساعات طبيخ منهم 3 ساعات لاقرر شو اطبخ بين كتاب الطبخ و التدوير عالنت و بين جاج ويلا لحمه قررت اطبخ جاج بالكاري و ساعتين وانا بطبخ و انا خلص بنظف الغاز بعد نهاية المعركه بتصل اخوي بحكيلي انو عازمني نتغدى برّه.....

طبعا شو عملت!!!!!
كرد فعل طبيعي للوضع
و بعد 5 ساعات شغل.....
ضبيت الاكل بالثلاجه و جهزّت حالي :)

اخدني عمطعم ياباني بعبدون اسمه نوديجيا Noodasia
انا اول مره بروح عليه, الاكل كان بجنن, اخوي طلب شرمبز و انا طلبت جاج وشوربة ذره لانو ما الي بالسي فود و هالقصص انا, ما راح احكيلكم عن الاكل قديش زاكي خلي الصور هي اللي تحكي :)







و بعدين اخوي بحكيلي شو رأيك نطبشها ونتحلّى....مجتش عالمليون ,و طلبنا قهوه و الحلو كان اوريو تشيز كيك يم يم من الاخر :)




المهم نرجع للموضوع الاصلي - كتيرة حكي انا بعرف - الموضوع انو واحنا قاعدين بنتغدى شفت كشك للشرطه و قاعدين يا حرام 3 فيه و الدنيا هوا بطيّر بره بتحدثو و بضحكو وبراقبو الدوار , حكيت لاخوي خلينا نروح نسألهم كم من سؤال عن شو بحبو بشغلهم و شو بكرهو و اطرف حادث صار معهم وهيك كم سؤال و اصورهم فيديو و بزبطه و بيكون فكرة جديده و حلوه و مبتكره.....من اول القعده لاخرها و اخوي بحكيلي انتي اكيد بتتخوتي وانا والله كنت احكي جد :$ و لمّا اجينا نروّح مسك اخوي ايدي و بحكيلي يا الله شو برد و صار يركض عالسياره و ما خلاني احكي معهم....لهلأ بحكيلي انتي اكيد بتتخوتي O_O
فها شفتو ليش الحق على اخوي
هو السبب ان ما عندي اشي جاهز لهلأ
ان شاء الله تكونو انتو صرتو مقررين عن شو بدكم تكتبو....واللي لسا ما كتب يكتب ماشي, حدور بعد بكره عالمدونات لاصلح الواجب و اللي باخد علامه كامله اله طبق كعك متوّصى عليه من مخبز من مخابز خميس مشيط :)

18 التعليقات :

ana kaman mesh 3arfeh shoo bedde akteb :S kteer mo5ee m5arba6 :S

 

يعطيكي الف عافية، السنة كثير مهم خصوصا مع الأحداث اللي بتعصف بالمنطقة
شكرا على التذكير

 

wallahe anna bahanni akhooki 3al ekhteyar...mat3am aktar mn momtaz...el makan 7elo wel akel zaki wel khedmeh momtazeh...dayman lamma nfakker ana wo mrti bel ejazeh el jay awwal she byokhtor 3la balna hal mat3am...
sa77a wo hana
bs fe 7ada ma be7eb el sea food?

 

صحتييييين
شكلها شوربة الذره مممممممممممم

...blog for jordan....i have no clue either,,,

 

ياربــــــــي
بعد قولة بالصحة والهنا يارب الكم..

انا واجبي السنوي ف 15 ماي
يوم التدوين عن فلسطين أو لأجل فلسطين.
وهذه المرة وقف حمار حجا ..بره خالص

ان شاء الله توفقي في الكتابة في هذا اليوم
واكيدة أنك سوف تذهلينا كعادتك.

يوماً طيباً ويسبر

 

I have the same prob. sometimes had a lot of topics to write abt but finally I can't gather my thoughts,
btw, u good chef ;) nice dishes

 

الله !! الأكل شكلو زاااكي
أنا كمان مابعرف أطبخ ! بس إذا صرت جوعانة بعرف هههه
::
سؤال ... يوم التدوين الأردني اللي بتحكي عنو أو شو ؟ :S:S
و شو المفروض نكتب عنو؟
::
ما تواخذيني مابعرف شي وهاليومين بحط قهري بالنوم :S
::
ماتنسي تحكيلي شو قصدك و شو القصة مشان بدي آخذ العلامة الكاملة وصحن كعك كمان :D

 

SimSim

Allah yelhemna bel2a2t elmonaseb :S mesh 7elweh ma nsharek y3nee....ra7 yensam badnee kteer :(

قويدر

الله يعافيك يا رب
مهاي هي المشكله...الافكار بتتداخل بطريقه غريبه وما في تركيز, اشياء كتيره نكتب عنها لهيك ضايعه

شكرا الك على الفكره الحلوه

 

We're supposed to write about Jordan?
Anything we want?

 

مواطنون بلا حدود

Ana 2awal marra baroo7 3aleh w jad kteeer 7elo w 2akloh yummy w fe3lan el 5edmeh feeh momtazeh jeddan
3ala 2albak my friend :)

Yes....Meeee 7awalet bel2eqna3 w belda3't men mama w ma zaba6 :$

Naysan

على قلبك يا قمر...كتييييييييييييير زاكيه, اخوي ضافها للقائمه عنده علشان يطلبها المره الجاي :)

حبيبتي لو رحتي على اللينك اللي عالصوره بتفهمي كل شي عنه وانا برضه كنت كاتبه قبل سنه عن الموضوع و هي اللينك :)

 

لاتي

على قلبك يا صديقتي الغاليه :)

اه هاد واجبنا كلنا وكل سنه بتجدد الموضوع ربنا يفرجها عليهم يا رب.... و هلأ واجبنا ندعم اهل فلسطين ب 15 الشهر بيوم رفض الانقسام ربنا يكتبلهم الخير

تسلمي يا قمر, ان شاء الله و شكرا عالاطراء بكفيني تواجدكم و شكرا الكم اللي بتستحملو عكّي بالكلام :)

ايامك كلها طيب و مسك يا قمر

Gemini Girl

Exactly....thats why I'm lost so many topic to write about and can't concentrate on any :S

LOL I wish :P
Thanks

 

Bullet

انا بس ماما تتسهل بصير مبدعه :)

هو في احلى من النوم؟؟؟ انا من عشّاق النوم فعادي خدي راحتك عالاخر :)

هي اللينك بوضح عن هاليوم و لو كبستي على الصورة بتروحي لمدونة قويدر صاحب الفكرة اساسا و شارح عنها في مدونته :)

Rain

Yes ...this is the 4th year for writing for Jordan day :)

U can click on the picture up to transfer u to Qwaider's blog the owner of this idea and u can visit this page and read what I wrote befor about this day :)

 

I love Japanese food. Sa7tein :)

 

It is very delicious specially their sauces yummy :)
But of course all is nothing comparing to ur cooking :)

 

وبعدين مع حالات التعذيب هاي ساعة اكل ياباني وساعه كعك يا جماعه ارحموا شوي ناس هون عامله حميه وتتعذب!
صحتين وعافيه وان اشاء مطرح ما يسري يمري وخليلك اخوكي يارب :)
انا والله ما عندي ولا حبه فكره يلا باستنى بالالهام تييجي :)

 

حبيبتي سوزان
كلّه جمعيه ليوم ال OFF :)
لولا هاليوم كيف بنقدر نعيش فكرك ...انا بحب الجمعه و زادت محبتي اله لانه الاوف تبعي ...بفتري اكل الجمعه عن باقي الاسبوع كله :)

على قلبك يا رب...الله يسعده بفش قلبي كتير بهالحركات

ان شاء الله يجي الالهام قبل ما يخلص بكره :(

 

قال مرة كعك مرة صور اكل و ختمتها بـ تشيز كيك !!
انتي عارفة انو في ناس بتشوف الصور و بتصير عندها حالة " بدي منو بدي منو " يعني روقي :(

المهم انشالله الف صحة وهناعلى قلبك
ومشان موضوع يوم التدوين للاردن ان شاء الله رح تلاقي موضوع ويكون اكتر من روعة لانو انتي هيك وتعودنا على هالشي منك :)

 

حبيبتي همووووس

بعرف لاني من هدول الناس :)
خلص ولا يهمك...هلأ بسيطر شوي عالوضع وبروق

على قلبك يا قمر....الله يسعدك يا رب على رفع المعنويات هاد على اخر الليل
ربنا يخليلي اياكم كلكم

ان شاء الله يطلع معي شي و بتمنى يعجبكم :$