Things I Like To Whisper About

Would You Hear Me Whispering

اطلع من راسي ....و شكرا 5


مقهورة كتير وفي اشياء كتير جالطتني هاليومين و بدي احكي و افش قلبي و تذكرت اني كنت عامله سلسلة فشّة قلب بالمدونه و زمان ما شعبرت براحتي فيها


للست اللي اجت عند مرة عمي اللي بالعدّه و جاي تحكيلها و تلومها لانها طلعت من البيت و ال بنتها المصونه للجارة متدينه كتير و عليها واجب التبليغ بانه ما لصير مرة عمي تطلع من البيت, واللي طلعت لحتى تعمل وكالة لابنها الكبير ليتصرف بالاملاك و المحل و السيارة و اللي اتصلت بدار الافتاء لتسألهم بصير اطلع او لأ وحكولها اه, و بعدين من ضمن الحكي تحكيلنا الجاره عن عرس بنتها - المفتيه- بعد كم يوم و انه حيكون مختلط!!!! و العروس محجبه!!!! و انا ما صدقت و وقفت على هالموضوع بما انهم الجماعه بحكو شو حرام وشو مش حرام و بترد بتحكيلي مهي اتفقت هي والعريس شو بدي اعمل انا.... اطلعي من راسيييييييي


للست ذاتها اللي كل ما حكت كلمه عن قريبتها تحكي لمرة عمي " تأخذينيش مهي ارمله" ومرة عمي تنئز على كلمة ارمله و على كلمة متأخذنيش.....اطلعي من راسييييييييييييي


للاخت اللي طول القعده تحكيلي حبيبتي و بطريقه بتنرفزني وانا اضل اقنع حالي "اسكتي يا بنت انت جاي هون لله" و ضلت تضرب على عصبي بطريقة حوارها واضطرتني اهاجمها و كل اللي بالجلسه يهاجموها لانهم طلعو واقفين على دقره.....اطلعي من راسيييييييييي


للحرارة اللي مش راضيه تروح و اللي خلتني انام من الساعه 10 للساعه 10:30 و اصحى كأني نايمه من امبارح و شوي اشوب و شوي ابرد ومش عارفه تنزل بالباندول..............اطلعي من راسييييي بدي اناااااااااااااام....بريضه انا :(

لكل اللي هنوني بعيد ميلادي و كتبولي هون و بمدوناتهم و عالفيس بوك و بعتولي مسجات و بعتولي ايميلات...... شكرا كتير لتواجدكم معي

لللي علّق التعليق اللي جلطني و شاكه انه سبب مرضتي - حره انا القهر بعمل فلوزه و حراره - و لسا بستنى التوضيح لكن بما انو المعلق بمون علي بالتعليق فانا بمون عليه اني احكيله......اطلع من راسيييييييييييييي

للمدونه اللي مش راضيه تضلها على التنسيق اللي بعمله قبل النشر....اطلعي من راسي :$

وبس ....خلص فشيت قلبي :)

الاجزاء السابقة



30 التعليقات :

walla ana 3asabet :D

salamtek :)

 

أف أف أف هدي هدي يا عمري الدنيا والله مومستاهله وسلامتك والله ما بنعرف انك
مريضه وبعدين انو مزعلك احكي انت والله لاروح واعمل حرب بلوجريه عليه يييييي احنا ما النا غيرك بحن علينا هون:)
وبعدين ما في اشطر من الفتاويه في بلادنا وخليهم يفتوا وما دامك فشيتي غلك فيها ما في داعي تعصبي
هييي ليكون انا اللي علقت وازعلتك احكي بعدين صورة البيبي الزعلان والله اني حزنت من قبل ما اقرأ
ويسبر اتركي كل شي لربنا شوف انو اللي بيحكي اللي لما تضرب الفيوزات بتصير تحكي تركي!!

 

You just made me curious to know what the comment was about :)
I agree. Some people are unbearable sometimes!

 

مع انه ضهري دبحني من الوجع و المفروض انام بس قلت لازم اميّل عليك اطمن .. و طلع عنجد بدك طلّة يا وسبووورة ألف سلامة عليك و طلعيهم انتي من راسك هدول لانه بعرف النماذج هادي ما بتطلع بالزوق لحالها :)

 

لووووول
اشاعات اشاعات
شو بالنسبه للتعليق؟
وسلامتك من الحراره
-لاحظت هلأ اني صايره اعلق مثل هيثم
مقطع موصل

سلامتك
بي. اس. اتخيلتك بالاخر رح تحكي للي هنوكي اطلعوا كمان من راسي :))

 

LOOOOOL
بعيد الشر عنك يا رب , سلامتك

هذول الستّ وبنتها واصلين دينيّا , فا عادي يعملوا شو ما بدهم , وبالمقابل اذا بشوفوا اشي "غلط" من وجهة نظرهم لازم يعلقوا ويدحشوا حالهم دحش بالقصة

كان انتي والا امك الفاضلة , شو دخلكم بالعالم؟؟؟
شوفوا حالكم اول وبعدين احكوا

انداري

 

بديش أطلع

حررررررررررره أنا

 

أول اشي عظم الله أجركم

قلتيلي الحفلة مختلط..بس عليها واجب التبليغ!!؟ هو ليش الأحكام المتعلقة بالأرملة بتشددوا فيها بطريقة غلط مش عارفة.

بعدين ما أظن انه حرارتك رح تنزل بالبانادول..هو المرض لما ييجي لازم تمري بكل مراحلة المرة حتى لو بتوخدي دوا..الا انه الدوا بخفف الأعراض أو المدة بس بعد ما الواحد ينهار..سلامات إن شاء الله وما تشوفي شر :)

 

تصفيق حار لجرأتك
ولا يهمك فشي غلك فينا احنا اسرة واحدة وكلنا بنمر بحالات ضيق واختناق وما اكثرها عندي
ولا يهمك قولي احنا سمعنيك وفهمينك
اجمل حاجه انك تطلعي الي جواك
وزي ما قلت ناس اكثار هنئوك بعيد ملادك خلاص دا كفايا الاستثناء بقى متنبنيش عليه القاعده
خليك جامده واوعي ريح الاخر تهزك
تحياتي

 

خلص طلعنا بس ما سكرنا الباب كامل! تركنا ضلفة صغنوطة مشان نشون رقم 6

:))))

 

:) أشكال الجارة كتار للأسف. هم الستات بصراحة عليهم أشياء بتجلط!!
سلامتك :)

 

SimSim

LOOL laaa ana ro2et :)
Allah ysalmek ya rab

Sozan

الله يسلمك يا رب....والله مسطله عالاخر, راسي تقيل و حلقي مسكر و حاله :(

لااا خلص طلع سوء تفاهم بس انا من اللي دج دجتك العافيه وما صبرت لافهم :")

شفتي بالله عليكي....بس بدها تفتي عالعالم و الها تحلل على كيفها
و النعم بالله....الحمد لله احسن بكتير بس امبارح كنت مخنوقه من كتير شغلات

 

Susu

LOOL it was just a misunderstanding ,it was a mail containing comment about a post and I got it wrongly and very personal :S

And lucky me I have them a lot around :)

هديل

سلامة ظهرك يا قمر
الله يعطيكي الصحه والعافيه يا رب

الله يسلمك ...مهو بس كتبت طلعو :)

القلوب دائما عند بعضها :)

 

مياسي

هههههه.....خلبطيطات قصدك :)

الله يسلمك....التعليق توضح و انا اللي كانت مقفله معي شكله

ههههههههههههههههه.... عجبني التشبيه :)

لاااااا هدول اصحابي و حبيبات قلبي ما يطلعو....كل واحد يضل بمكانه :)

LUNAR.

اولا سلاماااااااااات .....فهمت انك "إمريض" انت كمان

الله يسلمك يا رب

يا الله شو بكره هالنوعيات, يعني يا اختي خليكي بحالك و ما تدخلي بالعالم هاد يعني اذا مصرّه ما تراقبي تصرفاتك انت بالاول

شفت بالله عليك ...اشي بقهر

 

UmmOmar

مبدئيا و تحسبا لاي سؤ فهم و على رأي صديقه مشتركه....بكررررررررررررررررهك

وك انتي من ضمن اللي حكيتلهم...جيرة الله ما انتو قايمين :)

Dreamy Villager

شكر الله سعيكم...شكرا يا قمر

اه و انا قمت بدور التبليغ على اكمل وجه...حتى ماما تدايقت بتحكيلي زودتيها :$

الحمد لله بالاخر نمت و صحيت عالفجر مسطله و الصبح برضه ولكن مع الوقت ومع الاشياءات السخنه بتحسن الوضع
الله يسلم قلبك يا قمر :)

 

شهر زاد

شكرا جزيلا...هي ليست جرأة هي تفريغ مشاعر من القلب والعقل

لاااااا اعوذ بالله, انا لو بعرف انها حتيجي فيكم ما بكتب, انتو الكم المحبه فقط :)

الحمد لله على وجود هالاشخاص بحياتي لانهم بهونو كتير امور بتمر علينا

شكرا يا قمر ...وجودك و كالعاده بسعدني جدا

Sheeshany

لا لا خلص تعالو....انا قلبي ابيض و بسرعه برجع ...طيوبه انا :)

النقطه 6 مش تعليق منشور, تعليق وصلني عالايميل و كنت فاهمته غلط و هلأ توضح كل شي :)

 

Rana

للاسف معك حق...اللي بس بمشو بين العالم و بدل ما يصلحو بخربو

بعض الستات...بلاش بعض الناس يستغلو هالنقطه ;)

الله يسلمك يا رب :)

 

Salamet albek ya batta. Zakartini be 7ali, when I am tired or having a bad day I use the same expression...etla3 men rasi la osso ;)
As Haitham said; tle3et bas ra7 5ali elbab mwareb o owe3ek tossi rasak eza ma tle3na ;)
Hope you are feeling better by now .

 

slamtek ya 2mr
wala yhemmek min 7ada,wallahy noone is worth it

 

Dr.N

Allah ysalmek ya amar :)
LOOL exactly ... I feel like I'm in another world and as if there is many voices in my head and no need for extra voice :$

Noooo.... u r all welcome into my head and my heart :) a lovely tender voices makes me getting better at once

Al7amdolellah no26a better....don't know why at night it's getting worst specially the fever :(
Thanks ya amar for the following :P

Rain

Allah ysalem 2albek ya amarah
7ader....but 3alashan el7ala wel 7aram the comment was from a good person bs ana ma fhemet-ha mnee7 :$

 

الله يسلمك , شويّة التهاب قصبات وذنين , سلامة خيرك :S

عالعموم انا حسيت اني بلشت اخبص بالكومنت , فا اختصرته , لأنه هاي المواضيع بالذات بتضرب عالعصب مباشرة

هي الناس بس لو تتطلع على حالها وتعامل كل اللي حواليها زي ما بتحب الناس تعاملها , بنحل مشاكل كثيييييييييييييييييرة

الله بعين

 

سلامة قلبك حبيبتي ويسبر
دايما بحكيها هالكلمة .. يابا اطلعوا من راسي!!
وحياتك ماحدا بيستاهل بس أهم شي تفشي خلقك وترتاحي
::
ياريت بيسكتوا
ياريت الله خلقهم طرمان
ياريت عايشين بعطارد وتاركين أرضنا
استغفرالله بس
::
انتبهي ع حالك ياقمر وماتشوفي شر يارب

 

إلى كل الناس اللي بمثلوا الدين ... اطلعوا من راااااااااااااااااااااااااسي :)
ما يهمك من جارتك عااادي هاي العينة بكل مكان لسا هاي جارة مو وحدة مضطرة تشوفيها كل اسبوع مثلا

 

LUNAR.

تقريبا انا نفس العفشة ضاربه عندي...حلقي ابيض كله و حراره و اذاني بطلعو اصوات مع كل بلعة ريق :(

الحمد لله

هدول العالم بضربو عالعصب فعلا, بكره اللي بتغطى بغطاء الدين وبعدين بصيرو يمشو الدين على كيفهم, القواهد تطبق حسب حاجتهم بوقتها مرات حرام ومرات حلال

اكلو راسها لمرة عمي المسكينه حرام وما بصير وهي المسكينه بالبدايه تايهه خايفه تعمل شي حرام و بالاخر قررت تسأل دار الافتاء بكل شي و همه يحكولها الفتوى الصح

Bullet

الله يسلم عمرك يا قمر

في ناس بدهم هيك وخصوصي بس تكوني واصله للحد الاعلى من النرفزه و فرفطة الروح :$

تسلمي يا حلوه

 

Hana

مش عارفه شو بستفيدو بس يعملو هيك!!! يعني فرصه تنتبهو لتصرفاتكم وكتر الله خيركم

ويلا مالها...كل يومين تلاته بتزور مرة عمي...ال بدهاش اياها تقعد لحالها :$
الله يعينها بس

ملاحظه ع الهامش

كل مره بدي احكيلك اني كتير حبيت الصوره اللي حاطتيها و بنسى

 

فشي غلك ولا يهمك

وانا في براسي كتير اشياء وناس نفسي اطلعهم ومش قادره

بدي افش غلي.....مش زابط معي

الله بيعين يا ناني

 

U r right.. If we count suck ppl.. they r so many..

 

Naysan

فشي غلك انتي كمان بتلاقيهم طلعو :)
جربيها...جد بترتاحي

صحيح....بتسلم عليكي رولا :)
امبارح مرت علي و لفلفنا سوا و سألت عنكم كلكم

Tareq

Yes....and every day u add some one to ur suck people list :$