![](https://blogger.googleusercontent.com/img/b/R29vZ2xl/AVvXsEgrXGZp-0gH0Qvajq9KK7hI2CUVYOi5yWmk7sbsRxkmTdro-1iMPOPUyPgNyhGDDQs_YqHxIECDC88hyphenhyphenCOY9MZ0_bgAhTEzPQWeX-BulAsyuZWMGF840mu7LJIctfKpDJUrVgmyf7SsICY/s400/24761_10150169429930597_583385596_12107313_5803537_n.jpg)
حقوق
ارادة الشعب
حرّيه
ثورة
كلمات كانت في قواميس عقولنا في الجزء المخفي منه, حيث تتفلتر الكلمات تلقائيا في ادمغتنا بسبب قلة الاستخدام, لم يستوعب عقلنا زخم الكلمات المتجدده التي تدلف عليه وبخلال فتره قصيره من اعمارنا, طويله على من عاشوها.
ليست عقولنا نحن - عامة الشعب - فقط من تفاجأ بتلك الكلمات, ولكنني متأكده من اختلاف وقعها عليهم,فما افرحنا احزنهكم وما قوّانا اضعفهم وما عزز ثقتنا بانفسنا اخافهم وها هي الثورات تبدأ على كل حاكم جائر لم يراعي حق الله في شعبه.
كنّا ننظر و نحمد الله تعالى على نعمتي الامن والامان التي ننعم بها في وطننا الحبيب الاردن,لا ننكر وجود الفساد و الفاسدين و لكننا على ادراك تام بما نريده, نريد اصحاب قرار و اناس بمكان مسؤوليه يقومون بواجبهم ليس الا, حكومه بما فيها من وزراء و نواب, رجال اعمال, مدراء وهكذا وصولا الى اصغر موظف في اصغر دائره خدميه, ان يقوم الجميع بواجباتهم و باعطاء الناس حقوقهم, احسسنا بالامان خصوصا بعدما رأينا كم "الديمقراطيه" الذي حظي به من حالفهم الحظ بتنسيق و حضور المظاهرات التي تحتج على الغلاء وارتفاع الاسعار و ترفض الفاسدين و الفساد وتطالب بتطهير الوطن منهم, تطالب بمن وعد بتلبية الوعود, ومع ان احدى الردود كانت "ربطة" خبز تلقى في وجه طالب لقمة العيش الكريمه, فاستمرت المظاهرات تحمل راية ولاءها الى قائد الوطن و مليكها جلالة الملك عبد الله, و بعد ان رأينا الامن وهو يوزع العصير و الماء على المتظاهرين دعما لمظاهرتهم و اعلانا على وحدة الصف بين الامن و الشعب, حمدنا الله على توحيد الصفوف و على اختفاء الفتنه فلا اصول ولا منابت ولا ديانات قد منعت باقي الشعوب من الاتحاد وهذا ما وصلنا من مظاهرات الاردنيون جمعة تلو الاخرى.
حتى جاء اليوم و الذي نفذّت فيه ديمقراطيه من نوع اخر, كان اطرافها "البلطجيه" و رجال الامن الذين تركوهم يمارسون ديمقراطيتهم بان ينقضون على المتظاهرين بالهراوي و العصي, من هو هذا البلطجي الذي يسمح لنفسه بالمزاوده على وطنيه المتظاهرين و ولائهم لوطنهم و لمليكهم؟؟؟ من هم هؤلاء الذين بعدما انسحب المتظاهرون حقنا لدمائهم و دماء اشقائهم "البلطجيه" يهتفون " يا ابو حسين لا تهتم...احنا رجالك نشرب دم" دم من ستشربون؟؟؟ وبما تهتفون؟؟؟وهل تعتقدون بان مليكنا الغالي قد يرضى بذلك؟؟؟ من كذب عليكم و اقنعكم بانكم تحاربون اعدائكم و اعداء الوطن لتقتلو و تضربو دون اي رحمه او احساس؟؟؟كيف خيل لكم بان اخاكم هذا الذي تكسرون له الايدي و الارجل لا يحب وطنه و من اجل حبه هو هنا؟؟؟من اجل حبه لوطنه نزل الى الشارع ليهتف بسقوط من تسوّل له نفسه بتشويه الوطن و بتجويع اخوانه و اخواته,من اجل حبه لوطنه يريد القضاء على من يروجون للفتنه التي اصابت ادمغتكم, من اجل حب الوطن يريد ان يحيا بسعاده ليعمل و يبدع في وطنه.
للاسف كلمه جديده دخلت الى قاموسنا ايضا...."بلطجيه"....واتمنى ان لا اراها في بلدي مره اخرى واتمنى ان يحاسب كل من يجب ان يحاسب ,ومرة اخرى لا تزاودو على وطنيه اي انسان, فالوطنيه ليست بالاقوال الوطنيه بالافعال ومن واجب كل مواطن يحب وطنه ان يطالب بالتخلص من الفاسدين و الفساد ليحيا الجميع.
16 التعليقات :
انا ما كملت الفيديو شعرت باني رح ابكي الكلمه الوحيده اللي بدي احكيها بكفي مزايدات واتهامات دخلنا جورة الاتهامات انه هاد وطني وهاد مو وطني ومين اللي بيحددها الله اعلم
آه يا ويسبر حاولي مره واعملي بحث على الفيسبوك وشوفي المجموعات القايمه والمشكله انه اللي عاملين هاي المجموعات شباب جامعيين يعني اذا المتعلمين هيك تفكيرهم بالك بدنا نلوم الاميين !!
للتو رأيت الفيديو!
جد مأساة
:(
Whisper
كلام حزين يلفظ به قلب جريح من طعن حب الوطن نزيف
اخي انت والاخرون يحرككم حب الوطن
والاخرون يحركهم اوامر مدمري الوطن
هذا هو الاختلاف
فهم يحقنوهم بحقنة الصرع
يمحون عنهم احاسيسهم الطيبة وانتمائهم للوطن
رغم قسمهم بحمايته هم يقسمون بحماية الحكومات وليس بحماية الاوطان والشعوب
انتم في بلادكم ملكية ونحن ايضا
لكن الحكومات قاتلة للشعوب
ياليتنا كنا في عهد شهريار
ملك يحكم بنفسه
في ولاة نعم
في وزراء نعم
لكن في حكمه هو هو الاساس
بوستك هذا ان دل فانه يدل على شئ واحد
اننا وصلنا لعصر الشعب
عصر
يتكلم فيه الشعب
عصر الثورات
لان التغيير قادم لا محاله ليس في البلدان العربيةو حسب بل في العالم باسره
التيار يمشي بسرعة جنونية يجرف ما يجد امامه
ستكون هناك خسائر نعم
دم نعم
شهداء نعم
ظلم نعم
لكن مقابل هذا سيكون هناك اصلاح وتغيير
قد لانشهد ربيعه نحن
قد لا نشم ازهار اريجه نحن
لكن نطلب من العلي ان يتمتعوا به اولادنا
فانا دائما اقول
نحن جيل مذلة عشنا الذل والمهانه
كان الله معكم ومعنا
اسفة عللى التطويل
تحياتي
تحيه
لقد تم نشر التدوينه في تجمعنا مدونات من أجل النغير
يااااة كانك بتحكى عن اللى حصل فى مصر الظاهر سياسة البلطجة دى فى كل بلد
قليل من الصبر والجهاد للوصول الى عزل الفساد وتحقيق الديمقراطية والحرية
تحياتى اليك والى شعبك الجميل
عجبتنى صورة البوست ملائمة للموضوع
اخي
كل ثورة وعندها سلبيات وايجابيات
تنبت الورد والشوك
بس دا في بدياتها علشان دي مخاض فيه الالم والامل
بس بنصبر ونتمنى الوليد يعيش
تحياتي
Sozan
اشي بصدم اللي صار....اكتر شي بكرهو هو لمّا الفتنه تتفشى بين الشعب لانه اكتر شي بضعف قوتهم و تفرقتهم بتتراكم عليها عداوات بتوصل لانهم ما حيحسو ببعض كبني ادمين
لسا تعليقات الناس بتصدم اكتر...الله لا يردهم وبدهم يخربو بلدنا, كأنا فريقين بالبلد هون مش شعب واحد بدو نفس المطلب
الله يهديهم و يهدينا
Sheeshany
محزن جدا اللي صار :(
شهر زاد
اللي عنّا هون فساد اشخاص و المطالبه بالاصلاح فقط
الحكومه القديمه خرّبت وما زبطت شي و الحمد لله صار تغيير وتعديل وزاري انا مش انسانه متابعه و بعرف انجازات الاشخاص ولكن اللي بفهمو وبعرفو حكو ان هالحكومه الجديده ما راح تختلف عن القديمه, اللي بعرفو انّي كمواطنه بعاني من اي فساد اداري حاصل و بعاني من غلاء الاسعار و بعاني من عدم تكافؤ الفرص و بعاني من الاحباط و قتل الابداع و بطالب بحقوقي لاقدر اخدم وطني بكل طاقتي لاحسّن من نفسي و لارفع اسم بلدي فوق
صديقتي
انا اختك بالله ويسبر ....انا صديقتك المتابعه لمدونتك الرائعه :)
مدونات من اجل التغيير
شكرا جزيلا
هبة
الحمد لله اللي خلصتو من العصر الدكتاتوري و ان شاء الله ايامكم الجاي تكون كلها خير و بركه عليكم يا رب
البلطجيه هدول ناس جداد علينا اول مره بشوفهم.....اللي بعتهم بس بدو يعمل فتنه بين الناس , المظاهرات سلميه لا تنادي باسقاط حد بتنادي بالاصلاح و كلهم رافعين صور لجلالة الملك تعبير عن محبتهم و تأييدهم اله, اللي بدهم اياه و بدنا اياه هو التغيير لحتى نعيش حياة كريمه
ربنا يخلصنا جميعا من ذيول الفساد لنعرف نعيش
الصورة لرسام الكاريكاتير الاردني عمر العبدللات وهو كتير معروف و مبدع دائما في رسوماته
نورتيني
فش حدا بحب الوطن وعنده 3% انتماء وبعمل اشي زي هيك
هاذ ترهيب وقطع طرق
حسبنا الله ونعم الوكيل
ما طلع الفيلم عندي
بس
من الحكي
.
.
.
انصدمت
نحنا دايما هيك اللي مو معك بكون خاين و عميل و ضدك
بس توصل للشارع
اظن انو لازم يكون في تحقيق بهيك مواضيع ؟
Whisper ..
و الله نفسيتي تعبت أنا :(
شو صار للعالم .. شو الاشي اللي مستاهل انه نطلع من آدميتنا و نخبط و نضرب بلا احساس ناسيين انه هاد اخو حد و ابن حد و ابو حد و غالي عند حد .. كيف بينسوا انه ها زيي من بلدي .. شو صاير ؟
الصورة معبرة جد ا!!
شكرا ويسبر على التدوينة. أنا والله شفت زيهم بعد انتخابات الجامعة!
وهلأ في أخبار بتقول إنه نائب هو اللي بعتهم، لو كان هذا صحيح كان الأمن العام قبض عليهم، ولكن هذا لم يحدث!
LUNAR.
معك حق....الانتماء ما بكون بالتخريب و الضرب و بالعصي , الانتماء ما بكون باني اعتبر اخوي وابن بلدي عدوي و عدو البلد و اتصرف بايدي
الانتماء ما بكون باني الغي عقلي و اسمع للاوامر و انفذها
حسبنا الله ونعم الوكيل
Jafra
هي لينك لفيديو تاني للي صار برضه بقهر و بسم البدن
http://www.youtube.com/watch?v=A9fDOWboOG4&feature=player_embedded#at=469
اشي بصدم بصراحه...الرأي و الرأي الاخر ما في عنا منو و اختلاف الرأي بفسد كل قضيه
المفروض ان في تحقيق حاليا ولكن للاسف ما في ثقه بالنتائج لان حاميها حراميها كان بهالمصيبه
هديل
معك حق....اكتفينا ظلم و مناظر وناس بتقتل ببعض, اخوان بضربو وبقتلو ببعض...
ما بعرف كيف بكون معموللهم غسيل دماغ و بفقدو انسانيتهم بلحظه!!!
الصورة رسمها الرسام عمر العبدللات بعد الاحداث اللي صارت
Rana
مش بعيده عالنواب اللي برضه نسيو عهودهم و وعودهم و لكن زي ما قلتي مش همه
في ناس - ما بعرف مصداقيه هالكلام -بحكو ان اللي ما يسمو بالبلطجيه اجو كلهم بباصات مكتوب عليها الامن العام
و الفيديو اللي حطيت اللينك تبعه لجفرا ببين ان بس الناس هجمت عالبلطجيه الامن تدخل فورا
الله اعلم مين جابهم و لكن اللي صار مأساه كبيره ولازم يتحاسب المسؤولين عنه
فعلا تابعت احداث اللي صار وكان مشهد بكل صراحة " مخزي" وما كان لازم يصير ولا الو اي عذر ولا اي تفسير ممكن يبرره
انو مش مجرد ناس مخالفين بالرأي بس ناس تخيلوا انو الآخر و الطرف المقابل متل ما بقولوا بالعامية
" ما الو خطية " و ضرب و أذى وتخويف بشكل خالي حتى من ابسط المشاعر اللي المفروض تحتويها الفطرة الانسانية !
اي عقل واي تفكير هاد ولا خلينا نقول اي قلة عقل و اي عدم تفكير
مش عارفة مين اللي ضاحك عليهم و قلهم انو هيك الوطنية !
حسبي الله و نعم الوكيل
إرسال تعليق