Things I Like To Whisper About

Would You Hear Me Whispering

مصطلحات قدييييمه



امبارح و انا بجهّز لاغراض المقابله - لسا في سلسلة مقابلات و الشغل بالامارات طلع :( الله يجيب اللي فيه الخير - من ضمن الاشياء اللي طلبوها بالاضافه للشهادات و صور جواز السفر والصور الشخصيه طلبو نجيب قلم حبر و قلم رصاص

كله تمام لعند قلم الرصاص....طبعا و كالعاده عندي اقلام رصاص و برايات و محايات لاني كل سنه بشتري :) عندي هوس بهالاشياء و بشتري وما بستخدمهم بس لازم اشتري

امبارح "بريت" قلم رصاص لاول مرّه من 1500 سنه :)
جد شعور غريب و الريحه و الصوت اشي زماااااااااااااان, و بعدين اجا اخوي بكتب فيه قام "فطعه" و بعدين هو التاني اللي موديل اواخر ال 80 - مع احترامي الشديد طبعا بس انو امبارح خلّص مدرسه - ال احساس غريب صابه بس برا القلم, و بحكيلي برّايتك "فطّيعيه" و مش "بوّيزيّه" و حكالي اخدتي معك "محايه" " نظيّفيه" ويلا لأ

جد كلمات الي زمااااااااااااااااان ما سمعتها و زكرتني بالمدرسه و ريحه الشنطه والكتب ...زكرتني بصاحباتي و ايام حلوه...احلى الايام

تزكرت كيف كنا اول ايام المدرسه محايات ريحتها بتجنن والوان و اشكال و برايه على شكل بيت او سياره ...ما في شهر زمان بتكون البرايه لحالها بدون الاشي اللي عليها و المحايه زي كل محايه قبلها, ما بعرف ليش لازم اخزقها بالقلم ....كل محايه اجتني بتصير فيها دائرة بالوسط و طبعا محيتين تلاته بتنكسر و بتصير قطع صغيره مخربش عليها :)

يمكن لانها كانت ايام بسيطه و كنّا بسيطين واهم شي بحياتنا هو ريحه المحايه و شكل البرايه لهيك كانت احلى الايام!!!

31 التعليقات :

كل التوفيق الك في مقابلتك،
ايه والله زمان عن المحايات والبرايات، الله يخلي اقلام الحبر :D

 

بذكر المحّاية العاطلة اللي كانت لونين : بني وأزرق , الأزرق بمحي الحبر على أساس

كنا نحكيلها محايّة وسّيخة
loooool

بذكر المحايات المعطّرة
كان عندي محاية على شكل ورقة شدّة , الله يرحمها

أحلى أيام بلا منازع , كانت أيام المدرسة
لحد اللحظة هاي , معظم أحلامي بتكون في المدرسة , شو ما كان السيناريو تبع الحلم

وربنا يجيب اللي فيه الخير اكيد ان شاء الله :)

 

Ahmad Hamdan

تسلم يا رب....انا صليت استخاره و ربنا يجيب اللي فيه الخير

كان انّا نكتب بقلم الحبر واحنا صغار اشي رهيب...لهلأ عندي الاقلام اللي فيهم 4 الوان :)


Abu Zaina

اه بتذكرها كانت خطيره بالنسبه الي لحتى اشتريتها...مش بس "وسيّخه" لأ و تمزع الورقه كمان :$
غير ريحة الكوشوك اللي طالعه منها مقارنه مع روائح الفراوله :)

انا نفس الشي...كنت بوقتها احكي بعمري ما راح احب المدرسه و ايامها, هلأ هي احلى ايام بالنسبة الي

امين...شكرا ابو زينه :)

 

طيب
هي فطعات ولا فعطات؟
:)
بستنى الجواب:))

 

ميسو

احنا بنحكي فطعات :)

قلم الرصاص اللي كان ما ينبرى و فيه "فطعات" بس تبطل مبوزه نقيمها و نحطها اخر شي :)

 

ههههههههههههههههههههه
والله ضحكتيني ويسبر.. "نظّيفة"؟؟ من وين جبتيها هاي؟؟؟
معلش بس أنا مع مياسي "فعطات" !!
شكلها اللهجة الربداوية غير العمّانية !!!

 

كيكي

ان شاء الله عطول الابتسامه تضلها على وجهك يا قمر

عراسي كل اهل اربد ...نسايبنا هدول:)
جد...فعطات!!!!

فكرت ميسو بتمزح :)
و منكم نستفيد... طيب بس البراية تكون مش منيحه بتحكو عنها "فعيطّيه" !!!

 

بصراحة المصطلحات هاي ما كانت دارجة عنا بس مفهومة لانها لغاية مشتركة :)
على فكرة الشعور ببري قلم الرصاص حلو
انا بعتبروا مرض عندي
بس جربيه و حاولي تعملي شي من الخشب انا هيك بعمل احيانا بس افكر بشي
بس بدك تتحملي التنضيف

 

الله يوفقك يا رب... إن شالله الله يكتبلك الخير وين ما كان حبيبتي...
ذكرتيني بقصص المحايات... أنا ما كنت أحب أجيب إلا المحاية البيضاالكبيرة، و أضل مغلبة حالي فيها على طول، و بس أمحي فيها، أحاول أنظف طرفها عشان ما يبين أي شي أسود عليها... و بعد ما أخلص محي و دراسة و كل شي، أجيب محرمة ألم فيها كل الفتافيت عشان ما توقع على الأرض...
ذكرتيني بكمان شغلة... المسطرة اللي كنت أسطر فيها بالحبر الأحمر، و بعد كل تسطيرة أمسح طرفها كمان بالمحرمة عشان ما توسخلي الدفتر :p كان إخواني يتمسخرو علي دايماً.. بس شو أعمل .. ولله بتوسخ الدفتر و إيدي كمان!!!!
ذكرتيني بأيام حلوة كتير، و خليتيني قاعدة بالمكتب ببتسم متل الهبلة لحالي عالصبح :p
Thanks :p :p

 

شكلك ما بتبري قلم الكحلة :p
فطعات vs. فعطات كانت دايما نقطة خلاف.
يتتزكري البراية اللي كانت زي هاي http://cdn.dickblick.com/items/214/18/21418-1001-3ww-l.jpg

مو أي حدا كان عنده منها وبس حدا يجيبها الكل كان يتجمعوا بدهم يبروا :)

 

looool
بالتوفيق يا ويسبر

إن شاء الله خير

و الله مبارح بس كنا بنحكي أنا و زوجتي عن المصطلحات

هيام عندها "طقم" برايات و كل براية مع مجموعة ألوان معينة و هيك

فإجت كلمات زي
"فطيعيّة"
و بويزيّة

lool

 

ذكرتيني بأيام المدرسة!! يالله شو كنت احب اشتري اغراض جديده للمدرسة
المهم موفقه بمقابلتك :)

 

مسا الخير :)
من لمّا شفت عنوان التدوينة تبادرت لذهني مباشرة هدول الشغلات :)
بالنبسطة لفطعات وفعطات على اختلاف كبير بس ممكن اقبلها عالوجهين وبالفعل أهل إربد شكل وأهل عمان شكل وأهل عجلون بيحكو عنها (بروات !!) يعني روايات مختلفة بحسب المكان
انو زمان كنّا نحكي عن المحاية النظيفة شفيّطة ما بعرف ليش :) انو أنا كمان عندي هوس المقلمة والعدة وخص نص علبة الهندسة :) بس ما بحب أكتب بقلم قصير أبدًا لهيك نادرًا ما يكون معي براية :)

موفقة بالمقابلة وبالشغل وبكل حياتك يا رب وبجد انبسطت وقت رجعت لهيك ذكريات .. تركتها من ست شهور :)

 

Jafra

اذا بعمان غير عن اربد فاكيد الكويت راح يكون حكي تاني تماما :)

هالمره كان غير شكل بس بالعاده عادي بري قلم :)

بتذكر بالمدرسه واحنا صغار عملنا لوحه من بري الالوان :)
يابااااااااااااايييييييييييييييه هلأ تذكرت :)

اخوي برى فوق السله و مع هيك في اشياء طلعت برّه و زفيتو :$ بكره هالشي من ايام المدرسه

Hanadi

تسلمي يا قمر....يلا بركي صرنا جيران :)

لااااااا كتيييييييييير هيك...هو شهر و بالكتير شهرين وكلّه بتدمر معي :)

المسطره معك حق...ياما وسخت الصفحه بايدي بعد ما تطب بالمسطره :$

بعيد عنك...ان شاء الله دايما مبتسمه تضلك

 

Rand

بستخدم قلم كحله ووتر بروف بنلف لف ما بنبرى ...ومرات اي لاينر ;)
جد بحكي :)

فطعات...فعطات مش بيناتنا :)

انا ما كان عندي منها :( بس لمّا اشتغلت جبتها :)

Sheeshany

تسلم هيثم...الله يجيب اللي فيه الخير

سبحان الله..دايما افكارنا وحده...مش مطمئن الوضع...معقول اصير شريره زيك مع الوقت
::وجه مسكين بريء عامل حاله متفاجأ وعيون نازلين لتحت من الجوانب لدعم موقف المسكين::

و برضه اكتشفت ان انا وهيوم في عنا كتير اهتمامات مشتركه :)

 

Hana

احلى اشي بصراحه...و لهلأ بشتري
يعني مهرجان العوده للمدارس بسعدني انا كمان زيي زي الطلاب :)

تسلمي يا رب...اليوم كان في مقابله و حكولي بنرجع نحكي معك :)

Khadija

مسا الفل و الورد و الياسمين :)
صح اشي قديم !! :)

بروات :) جديده برضه لكن بتصب بنفس المعنى

شفيّطه....انها بتشفط الرصاص شفط هههه

انا القلم كان يوصل لمرحله غريبه....المحايه رايحه و معضوض...ايون هالعاده كانت عندي ما بعرف ليش :$ و ياااااادوب عارفه امسكه باصابعي قد ما هو قصير و دائما بتبهدل من مميتي على هالشي كنت :)


تسلمي يا رب
اهاااا.. لتكوني زي اخوي بتدايق بس احكيله انه "جديد " لسا :)
ولا تزعلي 6 شهور كتير و بعدين الرك عالعقل دائما مش عالعمر و انتي ما شاء الله عليكي...انا تفاجأت بس عرفت انك بس 18 ....بتعرفي عأساس اني معمّره :)
انا اكبر منك ب...... O_o
خليهم 4 سنين و نص وكم شهر :)

 

مرحبا ويسبر:
تسلمي يا عسل :)
هيك عرفتيها بالاربداوي "فعّيطة" مش "فطّيعة"!!!!
بس "بوّيزة" نفسها عنا وعندكو :)
عالعموم البوست حلو وإجا بوقته لحتى الواحد يغير جو شوي ويضحك بدل الأخبار اللي بتنكد عالواحد صبح ومسا...
تصبحي على خير

 

اخ عأيام الفورصة!

 

اه على علبة الهندسة و الفرجار اللي كان الاستخدام الوحيد اله هو لعب لعبة "الغزة" انك تغزيه على الدرج "المقعد" او على ورقة عليها اهداف !!
في كان نوع من الاقلام كان ييشجع انك تظلي تبريه و كان بعمل اشكال حلزونية حلوة !! و لا ريحة المحاي اللي كانت تشهي انك تاكلها لان طعمها زي المودي !!
صحيح احنا كنا نحكي فطاعية و نظافية !!

 

كيكي

اه مشتركين بالنوعيه المنيحه من البرايات...بويزه :)

وهي خديجه عرفتنا ان بجرش بحكو بروات :)

بصراحه انا ترددت بكتابته بس حسيت انو بده الواحد يغير...
بحكي لماما كل ما احس حالي انضغطت من الاخبار بقول الله يعينهم و يصبرهم اذا احنا بعاد وهيك فكيف همه :$

تلاقي الخير و احلام سعيده
اللي بداومو هلأ بنامو و المعطلين هلأ ببدو سهرتهم ;)

Rain

هو في احلى من الفرصه و مناقيش الزعتر او ساندويشات الفلافل مع القعده بالمكان المخصص للشله :)

كان مكانا تحت بورد السله دايما :)

 

W7l

اه...اه ..هاي كانت لعبة خواني
او مرات بحواض الزريعه بس تكون مسقيّه, طينه و اشي ممتاز :)

اه بتذكره...طرافه مكزكزه زي الورده كون البريه :)

بحب احكيلك ان طعمها ولا الو دخل بالمودي ...اسأل مجرب :$

شكله كلنا كنا نستخدم هالمصطلحات :)

 

الله يوفقك بالشغل إللي بتتمنيه

كنت بافكر أنا لحالي ما باعرف استخدم محاية الحبر، بتوسخ الورقة، و مرات بتمزعها و في الآخر ما بتمحي، كنت بافكر حالي مش عارف أستخدمها، طلعت هاي شغلة معروفة، ياللا تعلمنا شغلة جديدة ع كبر

 

Saleh

تسلم يا رب
كنت كل مرّه بالغلط امحي فيها يا تنمزع الورقه يا تتوسخ :$

و كل سنة اصرّ اجيبها و بعدين اندم

 

إذا بتشدي حيلك بتصيري زيي بالشر

و ما ضاع حق وراه مطالب

و استوصوا بالنساء خيرا ً و لا عشرة على الشجرة

:=]]]

بعدين عمتو ويسبر، الشوكولاطة و هوس التسوق و الكندر سبرايز مو "اهتمامات" ! هاي جلطات للغير

واخدة بال حضرتك ...

 

لااااا شو زيك....رحم الله امرئ عرف قدر نفسه....ولا يمكن اوصل للشر اللي عندك...اذا بدكاش تجيب للبنت شوكلط ...الله اكبر
مستحييييييييييل


ادفع يا دفييييييع...ادفع يا دفيع :)

 

مش دافع!
خلي صاحبة الاهتمامات المشتركة تدفع "مثلا ً"

أو صاحبها
خطيبها
زوجها

المهم فلوسي إلي!

 

صاحب...خطيب...زوج مين بالزبط!!
اذا انا فراحت على هيوم
و اذا هيوم فراحت عليك :)

خلّي الفلوس تنفعك :(

 

^_*
أولا : ولا مصطلح فهمتو ههههه ولاتسأليني شو بتسموه لأني مابعرف !! بجد مابعرف !
بجد ذكرتيني بهال إيام وخصوصا لما حكيتي عن صوت القلم لما بتبريه وريحه المحايه (: جد بساطة وكنا مبسوطين(:

تعي هون وشوفي كومة أقلام الرصاص :$ مابتقولي غير : مصنع أقلام الرصاص يرحب بكم هههه

موفقة بالمقابلة يارب وان شاءالله بيشخطو الموافقة شخط (: بتستاهلي كل خير والله..

 

وين هالغيبه يا قمر...حكينا بتخلصي الامتحانات و بتفضيلنا...قمتي رجعتي اختفيتي

المصطلحات هاي عنا بالاردن مستخدمه :)
بس اعتقد فهمتي المعنى بالمجمل

انتي لسا في جو القلام و البري بالجامعه شكله :)

تسلمي يا رب...ان شاء الله اذا فيها خير تمشي

الله يسعدو الزووووووء كله
نورتي

 

http://a1.sphotos.ak.fbcdn.net/hphotos-ak-ash2/60000_162476043763229_153989737945193_586056_217517_n.jpg


إستمتعي بإختيار محايتك النظيفيه


http://a2.sphotos.ak.fbcdn.net/hphotos-ak-snc4/61764_162483847095782_153989737945193_586065_1108372_n.jpg

قلم الألوان

http://a3.sphotos.ak.fbcdn.net/hphotos-ak-ash4/183422_203262263017940_153989737945193_866218_6694586_n.jpg

دفتر ابو 16 ورقه

:shy:

 

ياااااااااااااااااااه حبيت المحايات المستخدمين :)
و تجليدة الدفتر...اشي كتيييييييييير قديم خصوصي انّا بالاخر و بوقت اخوي الصغير صرنا نستخدم التغليف الشفاف فالي قرون مش شايفه تجليد بني :)