Things I Like To Whisper About

Would You Hear Me Whispering

فكرة حلوه كتير

من الاشياء اللي بتتغير بحياة الشخص بس يتزوج هو اكتسابة لبعض العادات من الطرف التاني و اللي بتصير تلقائي عاداته هو, في منها السيء و في منها المنيح, مثل حب القراءة مثلا, في ناس بتشجع الطرف التاني للقراءة وفي ناس بتشجعه على اهمال القراءة و البعد عنها ومش عن قصد هالشي, هو بس انه ما بحب القراءة و يومهم ما بكون في وقت مخصص للقراءة.

انا و اخواني عندنا تعلّق رهيب باغراض الماضي و خصوصي الاواعي, يعني اكيد بنحب نتبرع بالاواعي و لكن في اشياء كتيره محطوطه بالخزانه بركي بيوم صحلّنا نلبسها او كنّا نحبها بوقت ما كان موديلها و مش قادرين نستغني عنها و الها سنه او اكتر بالخزانه, مميتي دايما بتعاني منّا بهالخصوص و لكن للاسف ما عرفت تخلصنا تماما من هالموضوع.

تزوجو خواني واحد ضلّت عنده هالعاده و مرته بتعاني منه و واحد "شفي" - على اعتبار انها حاله مرضيه يعني - زوجة اخوي التاني ما بتحب تخلي شي ما بتستخدمه و هالشي يطبق على كل شي مش بس الاواعي, اذا اشترت تنورة جديده القديمه فورا بتنحط للتوزيع, هي هيك طبيعتها من الاردن و بالامارات استمرت, انا بالاردن بس اقرر اعمل غارة عالغرفه لانظفها بالرغم من استمرار الحاله ولكن بطلع بكم كيس للتوزيع, كنّا ننقلهم من مكان لمكان مش عارفين وين نروح فيهم و لمين نعطيهم و مرات نعطيهم لاي حد بنتوقع انه يستخدمها بس مش دايما في احتماليه لاستخدام الاواعي لانه مستحيل كل شي يكون مقاسه صح, و بعدين اندليت على جمعيه صنّاع الحياة و اللي الهم مخزن خصوصي لهيك شي و في منهم شباب و صبايا بوزعو الاواعي بين الصالح للاستخدام و الغير صالح للاستخدام و بوزعوهم حسب المقاسات, وهمه بعرفو ناس محتاجين و شو عندهم ولاد و بوزعو الاواعي, الله يجزيهم كل الخير يا رب.

الاشي اللي عجبني بالامارات هو اني شفت باكتر من مكان فيه تجمع سكّاني زي صندوق كبير مخصص للاواعي زي اللي واضح بالصورة هاي


حسب ما فهمت من اخوي انه هالصندوق تابع لشركه ممكن تعيد تصنيع الاواعي او توزعهم, هالصندوق بدبي شفته و اخوي ساكن بالعين, بحكيلي ان عندهم شي تاني وهو انه في سيارات كبيره تابعه للهلال الاحمر موزعه باكتر من شارع بالعين و الكل بعرف مكانهم, بياخدو الاواعي و همه ماشيين بحطوهم بهالسيارات و بضلهم ماشيين بدون ضروره ان حد يكون موجود او ياخدهم منهم و هالشي سهّل كتير عليهم موضوع التخلص من الاواعي القديمه و همه متأكدين انها ان شاء الله بتوصل لللي بحتاجها عن جد.

اشي تاني شفته بدبي لكن مش بكل مكان هو انهم بحطو سلاّت جنب بعض لتوزيع القمامه حسب نوعها حتى يصير اعادة تدوير الها هالشي مش الكل بتعامل معه لانه لسا عدد قليل اللي اساس بوزعو مهملاتهم بالبيت و بصنفوهم هيك ليسهل كبهم بالمكان المخصص و لكن كفكره و كبدايه كتيييييييييييير حلوه و مع الوقت الناس ببتعود.




يا ريت نبدا نطبق مثل هالافكار بالاردن ليتشجعو الناس على التخلص من الاشياء اللي مش محتاجينها و بطريقه سهله و يسره , و لحتى شوي نحافظ على البيئه اللي عنا, هو اي نعم في مواقع كتيره بتكون سلات القمامه محطوطين بكل مكان وفاضيين و الارض مليانه اوساخ و كياس و قناني و علب عصير و بلاوي زرقه, اي مرات بشوف بامبرز بيبي مرمي بنص الحديقه هيك ولا حتى مسكر زي العالم والناس :$ بس برضه يمكن يمكن يكون في امل لو حد بدا و بعدين الباقي قلدو او استحو عالقليله.

29 التعليقات :

مرحبا
أنا من زمان رأيي بدبي أنها بلد سبق اللي حواليه بالتطور و نوعية الحياة...أفكار زي هاي مش جديدة أكيد بس بتدلل أنه في اهتمام من الدولة و المؤسسات الرسمية بكل شي...يعني فعلا بتحس أن الرجل المناسب في المكان المناسب...وهادا اللي بيخلي الأمارات رغم تأثرها بالأزمة المالية لكنها أكثر تطورا من الدول اللي حواليها مثل السعودية اللي للأسف مليانة فلوس بس أنا بصنفها من الدول الفقيرة و دول العالم العاشر

 

واضح مدى التطور الحضاري الموجود في الامارات. للأسف قبل ما يكون مثل هاي الصناديق سواء للألبسه المستعمله او لتوزيع القمامه لازم يكون في وعي عند الناس والا تم تخريبها. في الثمانينات تم وضع سلات قمامه في جميع شوارع وسط بلد اربد وبالطبع تم تخربيها او حرقها جميعها. قبل ما يكون في سلات لتوزيع القمامه بدنا نعلم الناس ترمي قمامه في سلة القمامه مش بالشارع او بجانب السله. هاي الصناديق موجوده في كل مكان زرته في امريكا. حتى انه كثير ناس هون بتوزع القمامه داخل منازلها.ـ

 

فكرة جميلة
أنا أمي بتلاقي صرفة للأواعي خصوصاً بينتنا أنا و أخوتي و ما بتصل أخر واحد إلا هي غير صالحة للاستعمال

 

والله بتمنى الاقي شغلة زي هيك في الاردن
بحسها ابصر كيف اني احمل الاواعي واورح عالجامع
!

انا شفت كمان بالرياض اشي زي هيك , صنديق كبيرة مفتوحة من فوق والناس بتحط الاواعي فيها

 

فكرة جميلة جدا بوركت عليها
تحياتي

 
أزال أحد مشرفي المدونة هذا التعليق.
 

فكرة جميلة يا ريت تطبق فى بلدى وبلدك وجميع البلاد العربية
مشكورة حبيبتى

 

Hi, whisper

we have this in the state from long time ago, I wish if they would do that in Jordan that will be great, but I need it take time and some effort from the people because they are not used to doing this but we say inshallah, you can start your self whisper by say this idea for friends and family in Jordan and you never know it might work, one family at a time you know.

Good luck it would be amazing if it works and see some improvement in Jordan.

Have nice day.

 

فكرة جميلة جدا !! وعنجد بتحافظ على البيئة
أحمد الشقيري حكى كمان عن اشياء متل هيك بموسم من مواسم خواطر

 

تحيه
لقدم نشر التدوينه في تجمعنا مدونات من أجل التغير

 

بتعرفي انه كل يوم بتخطر هاي الفكرة ببالي لمن اشوف كيف الناس البسيطة بتصحى من الصبح تلم الاشياء الي ممكن تكون الها قيمة زي اشي حديدي او بلاستيكي
عن جد بحزنو كل يوم بكونو صاحيين الصبح من عز البرد عشان يطلعلهم اشي و يقدرو يبيعوه
الله يفرجها علينا و نصير نعمل اشي مفيد للناس

 

صباح الفل ويسبر

الفكره ممتازه ومطبقه بمعظم دول العالم المتحضر

سهله بس متل ما حكى "جراد " لازم نعلم الناس يكبوا الزباله بمكانها المخصص اول وبعدين نعودهم على الفرز و اعادة التدوير

للامانه شفت في ساحة مسجد في وادي السير
حاويه لتدوير الورق عليها عباره من نوع انه اعادة التدوير نوع من الصدقه او هيك شي...عجبتني فكرتهم كتير ويا ريت تتطبق في كل المساجد
شوي شوي بيتعود المصلي انه يحمل معه على الاقل كل يوم جمعه الجرائد القديمه وكتب المدرسه القديمه وغيرها

 

فكرة طيبة و موجودة هون بالسعودية و ما بدها إلا شوية تنظيم و بس!

يا ريت تصير بالأردن كمان

 

فكرة كتير حلوة.. و بتسهل عالواحد إنو يتبرع بالأواعي اللي ما بدو اياها أول بأول، و ما يستنى لحد ما يتجمع عنده كميات كبيرة عشان يوديهم بمشوار واحد... إن شالله نشوف هاي الفكرة بكل بلد عربي لإنو المحتاجين كتار و إحنا ما بنعرف نوصلهم دايماً، و هيك بنسلم الموضوع للمسؤولين اللي بعرفو...

بأبوظبي كمان بلشو يطبقو نظام الأنواع المختلفة من سلات القمامة اشي للورق و اشي للبلاستيك و اشي للسوائل و ما بعرف شو كمان...بش لهلأ ما شفتو إلا عالكورنيش... يمكن ينشرو الموضوع شوي شوي على ما تتعود الناس :)
إن شالله بصحلنا نشوفك هناك :)

 

في الأول الناس لازم تتعلم كيف تحافظ ع نظافة البيئة مثل ما اتفضلتي، و بعدين بنيجي لفرز القمامة و إعادة التدوير و غيره

 

Wow.. Really it's a nice idea.. I'll try to do something similar at school..

 

عن جد فكرة حلوة كثير كثير ، ياريت تطبق عندنا في كل دولنا العربية وبما فيهم فلسطين ..
تقبلي مروري ..

 

مواطنون بلا حدود

مراحب
بصراحه في اهتمام كبير هون بهالموضوع ...الشوارع و الحدائق و كل مكان كتير نظيف و منظم كمان
و الكل بتعاون وما في حد بخرب او بوسخ
انت عشت بالبلدين لهيك انت اكتر قدرة عالحكم بهيك موضوع

Jaraad

كتير في مظاهر بتدل على التطور و التحضر بالبلد, بكفي موضوع منع التدخين بالمولات و تطبيق القانون مش زي بالاردن ممنوع و بتلاقي الكل بدخن حتى الامن

للاسف الوعي عنّا لسا قليل و مش مستوعبين خطورة الموضوع, لكن في عنّا ناس عندها حب التقليد فبركي قلدو هيك تصرفات بدل التقليد الاعمى لاشياء غير مناسبة النا
بالامارات برضه في ناس بعملو هيك و لكن اغلبهم الاجانب لانهم زي ما انت حكيت متعودين ببلادهم هيك يعملو

 

Mhamed

اهلا و سهلا محمد
كتير بيوت و منهم بيتنا هيك صار بين الشباب, لكن انا البنت الوحيده فما في لا وراثه ولا توريث للاواعي فكل مره فيها تنظيف و تنزيل شتوي او صيفي فيها تجميع كياس اواعي وما بنعرف وين نوديهم او لازم نجمع كميه اكبر لتصير محرزه المشوار

Abu Zaina

ان شاء الله يجي هاليوم اللي نصير فيه هيك و مش بعيده بالمره لو كل واحد بدا بنفسه شوي شوي الكل بصيرو هيك
المشكله انك ما بتعرف وين تحطها و لمين بدك تعطيها ...الحمد لله بس اندليت على جمعية صناع الحياه صار اسهل و لكن برضه بدي اعرف ايمتا بكونو موجودين فلازم اتصل لاتأكد

هيثم برضه حكا ان في بالسعوديه و لكن الفكرة مش منظمه كتير, المهم انهم بدو بهالشي

 

شهر زاد

فعلا كرة حلوه و يا ريت تتطبق بكل مكان
نورتيني :)

هبة فاروق

يا ريت يزيد الوعي بهالموضوع الكتير مهم و تطبق بكل مكان
اهلا و سهلا فيكي

 

NrJordan

Ahlan ya amar
I wish that too, people get used to that in the States because their awareness started early.
U r right, I hope everyone starts with him self to be a good example for the people around him, by time the number of people applying that in their lives will increase

Thanks ya amar.....u too have awonderful day :)

Hana

خواطر بكل اجزاءة و بكل حلقاته كان فيه دروس كتير عظيمه يا ريت الناس تطبقها بحياتها لنتغير للافضل
لما تكون البيئة نظيف هاد بنعكس على حياتنا و نفسيتنا و كل شي حوالينا

 

مدونات من اجل التغير

اهلا و سهلا و شكرا لكم

Anonymous

الله يعينهم و يرزقهم و يوسّع عليهم يا رب
جد منظرهم كتير بحرق القلب
الله يفرجها عالجميع
اي تحسن او تقدم بحياتنا بخدم الجميع و بدرجات مختلفه اكيد
اهلا و سهلا

 

Naysan

يا صباح و مسا المسك و العنبر
الفكرة كتير مهمه و يا ريت تطبق عنّا .....الوعي البيئي عدم عنّا بصراحه :$
ما بعرف هو عناد و لا جد ما بحسّو انهم بعملو اشي غلط

حلو كتير ما عمري سمعت او شفت هالشي بالاردن....ممتاز اذا بدا عند حد و بهيك مع الوقت ممكن يزيد عدد المطبقين لهالشي

Sheeshany
اول مره بعرف منك ومن ابو زينه انها مطبقه بالسعوديه
ان شاء الله مع الوقت بتنظم الشغل المهم انها بدت هالفكره و الناس تعودت على وجودها

ان شاء الله تصير بالاردن لانه الوضع كتير مأساوي

 

Mrs H

فعلا مرات بكون في عنّا شي للتبرع و لكن الصعوبه بتوزيعه
و بدنا توصل للناس اللي فعلا بحاجة هالاغراض وما بنعرف حد

شكله بكل الامارات الفكرة مطبقه و هالشي كتير حلو و الحمد لله, ان شاء الله تتنتقل لكل الدول العربيه عن قريب و الناس تتقبل الفكره و تطبيقها

ان شاء الله تزبط و نشوف بعض...احنا بنضل عتواصل ان شاء الله لنرتبها :)

Saleh

معك حق هيك الكل اجمع....الوعي عنا اذا مش معدوم فكتير قليل

ان شاء الله بيجي هاليوم عن قريب قبل ما نندم :$

 

Tareq

It's nice and make u feel good about ur self.
Very good idea...to start this from childhood and get use to it early
Inshallah u will success in that w rabna yejzeek el5ear :)

وجع البنفسج

اول شي اهلا و سهلا فيكي و شكرا لمرورك و تعليقك و للمتابعه

يا ريت تطبق عند الكل لانه المشاكل اللي صارت و اللي بتصير بخصوص راح تدمر كل شي حوالينا

نورتيني :)

 

انت راح تحبيطينا من العيشة بالاردن...بس الله يعينك بس ترجعي ساعتها راح يكون الاحباط الحقيقي

بس عن جد ما اسهل تطبيق الفكرة يعني راس مالها مش اكثر من صندوق حتى انو ممكن سيارات النفايات نفسها تلم الاواعي ، بس اخ عليكي يا بلد

 

W7l

الصدمة الحضاريه حاصله حاصله :$
الموضوع كتير سهل بدّه شوية تنسيق مش اكتر ولكن للاسف ما حد بدى فيها

ما بتعرف بركي بيوم كل هالاشياء تحققت :)

 

هاي الثقافة إحنا محتاجينها وإشي مضحك ومحزن إنا نوصل لل2011 ولسه ما بنعمل تدوير!! شكرا ويسبر:)

 

اهلا رنا

فعلا محزن الوضع....فكرة بسيطه و تنفيذها سهل هاد الشي اللي بخلينا نستغرب انها مش مطبقه

بركي ب 2011 بدينا نفكر بالتدوير و لل 2020 بنبدا نطبق :$

شكرا لتواجدك :)