Things I Like To Whisper About

Would You Hear Me Whispering

الى متى!!




كان يحب السير كثيرا, يجد فيه الفرصه الوحيده لممارسه حريته, بحيث يكون لوحده, لوحده تماما وخصوصا مع سماعات الاذن التي تفصله تماما عن العالم الخارجي, يختار القناة المفضله فلا احد يزعجه ولا احد يعترض, ولا يسمع اي صوت غير صوت افكاره تقاطع ما يسمعه بين الحين والاخر, ولكن حديثا اصبح هنالك ما يقاطعه و يفصله عن هذا الجو الروحاني و الطقس الجميل الذي تعوّد عليه, مجموعه من الحجاره او سياره قد تركت الشارع بما رحب لتصطف على الرصيف الضيق بالمكان الوحيد الذي تركته "اشجار الزينه" كما يسمونها بالرغم من انها بنظره قد افسدت المنظر و شوهته و افسدت عليه حريته.

اليوم المشؤوم بالنسبه له هو يوم التقاءه صدفه باصدقائه وهو يمارس هذا الطقس الجميل, لقائه باصدقائة يعني التوقف و نزع السماعات وبذلك يكون انتزع تماما من عالمه و رجع الى ارض الواقع, حديث ليس له معنى قد يستمر اقله الى نصف ساعه و قد يتخلله بعض المكالمات الهاتفيه و جلب سيرة فلان و علّان و قد يتخلله ايضا زجاجه من العصير او احدى المشروبات الغازيه, و بذلك يرحع الى عالم تلبية رغبات الافراد و البعد عن "عالمي" كما يحب ان يطلق عليه وهو ما يتخلل الفتره التي يقضيه فيه اقلها ساعتين خلال سيره.

ولكن اليوم حدث ما لم يكن بالحسبان, اليوم سحب احد اصدقائة السماعات بشده كنوع من المزاح و انسحبت السماعات ليظهر الصوت عاليا مجلجلا في اذان كل من حولهم, و بدأت التعليقات من حوله " ما هذا!!"..." والله ما عرفتك"..." زي اللي عنجد"... و بدأت الضحكات تتعالى حوله, شعر بخجل كبير و لم يدري ماذا يقول وبماذا يبرر الذي حصل, " ياليتني اغلقته قبل ان اقف معهم" و فجأه احس بان العالم كله توقف من حوله و اختفى الاصدقاء و اختفى الشارع و احس نفسه في منطقه سوداء لا يظهر منها الا بقعه ضوء وحيده يقف تحتها, " ولم و من ماذا تخجل!!" سأله صوت من داخل عقله, " وما العيب او الخطأ بالذي تسمعه!!! ءانت الذي يجب ان تشعر بالخجل ام هم!! " و بلحظه رجع ضجيج الشارع و قهقهات الاصدقاء و حرارة نظراتهم المستهزءه .....نظر اليهم وقال " نعم وما العيب في ذلك؟؟؟ ما العيب في ان استمع الى ما احب ؟؟ " ثم سأل نفسه " و لماذا اخبئ ما اسمع؟؟؟ لعلّ العلّه موجوده في نفسي انا و ليس بمن حولي!! " ..."لماذا افكر في رأي الناس عندما اكون مقتنع تماما بما افعله!! لماذا دائما نسعى لارضاء الناس مع ان ارضائهم ان لم يكن مستحيل فهو يعني في كثير من الاحيان عمل مالا نحب و اجبار انفسنا على ممارسات لا نطيقها"

ابتسم....اشار لهم بيده مودعا....وضع السماعات جانبا, رفع الصوت و مضى

22 التعليقات :

هاي بتكون وحدة من نتائج انه الواحد يشوف حاله بعيون اللي قباله
بمعنى انه يلبّق عيشته ويفصلها مثل ما العالم بدها

وبتغيّرو العالم وبيجو ناس ثانيين , بلاقي حاله مشتت لأنه المعيار اللي عايش عليه اختلف
فا بحاول يلبّق من اول على الناس الجداد

وهكذا

عشان هيك لما يتطلع بالمراية بعد فترة ببطّل عارف حاله
:)

بدي اسمع شو ما بدي
والبس شو ما بدي
وآكل كيف ما بدي وشو ما بدي
وما بدي اروح العب لياقة عشان بس اشيل الكرش لأنك كل ما تشوفه بتقولي : ايش هاظ

:D

انا بحكي عن حالي بهاذ الكومنت
بس بإمكانك تقيسي على الموضوع نفسه
:)

يسلمو ايديكي وسامحونا
:)

 

A gr8 post indeed.. So creative..
It's true we always fear others.. though we should do what we feel is right..

 

Abu Zaina

قبل ما انسى اول شي بدي احكيلك مبروك النيو لوك بس شكلك عامل شي لاغي التعليق بمدونتك :$


نرجع للموضوع

يا الله شو بكره هالشغله...لانه فعلا بتلتغي حياته و بفقد نفسه وهويته حتى انه ببطل يعرف شو بكره وشو بحب


طبعا انت حر..وكلنا احرار مدام عارفين نقطه عدم التعدي على حرية التانيين فأحنا حرين باللي بنعمله و مدام اجنا مرتاحين باشكالنا و بحياتنا فما حد اله عنّا


الله يسلمك و لا تنسى تزبط التعليقات :)

 

Tareq

Words came out from a writer as great as u means a lot to me

Thanks Tareq :)

 

الصراحة , مرات لما انزّل بوست , بلغي التعليقات الخاصة فيه , لأني بحسه اقرب للفكرة العابرة ومش مستاهلة التعليق

عملت اكمن بوست هيك , بس شكلي راح ابطلها هالعادة

خلص , البوستات الجاي ما راح الغي التعليق شو ما كانت طبيعة البوست ان شاء الله

هلا عمي :)

 

اهاااااااا يعني مقصوده O_o

هو ممكن انت ما بتنتظر تعليق بتكون لكن القرّاء مرات كلمه وحده بتخلي الافكار تتسارع براسهم

بس زي ما حكينا.....انت حر تلغيه تخليه انت حر :)

و عكلن طارو الكم من كلمه اللي كنت بدي اعلقهم :$

اختك ختيرت و الزهايمر عم يستفحل معها :)

 

مساء الخير
عندما نتحرر من أزمة إرضاء المجتمع لا شك قد تتسلل الراحة إلى أرواحنا المتعبة .

*
مدونة جميلة ولطيفة ... بالتوفيق إن شاء الله

 

اه صح نسيت , انا حر اعمل شو ما بدي
:D

اذا بتتذكري الكومنت بكون ممنون , وهيني رايح افتح الكومنت للبوست وبستنى
:D

 

مرحبا ويسبر

في البداية أود تسجيل إعجابي الشديد بالطريقة الجميلة التي تم فيها عرض فكرة الادراج وهذا يؤكد فكرتي الدائمة عن تميزك فأنت لديك القدرة في اتباع اساليب متنوعة في كتابة الادراجات ولا تكتبين من خلال نمط أو اسلوب واحد وهذا يعطي دوما مساحة للقارىء ليستمتع في ذلك التنوع والاختلاف

أما بخصوص الادراج فأعتقد أن فكرة خوف بعض الناس من انتقاد أو استهزاء الاخرين لهم على أمور يرغبون بعملها أو ممارستها هي ظاهرة مستفحلة في مجتمعنا وأعتقد أن حلها هو كما فعل بطل القصة في النهاية أي بمعنى آخر التجاهل و عدم الاكتراث

تحيه

 

أرضاء الناس
غاااايه لا تدرك,, لو شوماعملنا

بدنا نتعود نكون " إحنا" زي ما إحنا
قدامهم,,وقدام حالنا بالأول

بتمر على الواحد حالات,, بيحس إنه اللي بيعمله غلط,, مش عشنه " خطأ" لاء,, عشان أعراف وتقاليد العالم بتقيده فيها

هلأ,, بالنسبه لإم عمر
بتعمل اللي براسها لو على حساب اللي قبالها,, خاصه بس تكون مقتنعه إنهامش غلطانه

صباح الخير,, غلباويه

 

awwal shee: abu zaina: enta sherrrreeeeer :P

tany shee: salamtek whisper,,, bas l 3omor elo ظareebeh :evil:

l post 7ilo akeed,,, b sara7a fakkart enno 7ayi6la3 byesma3 Qur2an :)

bas l fikra nafsaha 3ala kollin ,,,

*min akthar el ashya2 elly bakrah-ha : kol zay ma biddak o elbas methel ma bedhom l nas ,,, ana biddy a3333333333eeeeeeeeeeeeeeeeeeeeeeeeesh zay maaaaaaaaaaaa biddy! #eh !

wa shokran :)

 

صباح الخير يا بطه

نحن نفعل الكثير الذي لا يرضينا ...لارضاء الاخرين
حتى نلقى القبول والاستحسان
فصورتنا في اعينهم هي ما تهمنا
للاسف معظمنا تربينا على هذا المبدأ
مبدأ لا تعمل هيك...شو بدهم يقولوا الناس عنك؟
لكن التمرد صعب وبحاجه للكثير من القوه لتستطيع الاستمرار عكس التيار

 

نور
مساء الورد


فعلا....تبقى ارواحنا هائمه دون ان تجد مكانها الصحيح للهبوط الا عندما نحدد ما الذي نريده و ليس ما الذي يريده الاخرون منّا


اهلا فيك ونورتيني بزيارتك و تعليقك :)

Abu Zaina

للاسف ما تذكرت الكلمات اللي اجت اول ما قرأت البوست, لكن انا مع ان التعليق يبقى موجود خصوصا بس يكون الموضوع مشترك بين المعظم :)

 

أشرف

اهلا و سهلا فيك اشرف ...زمان ما نورتني بحضورك و تعليقك :)

شكرا لكلماتك الرائعه و اللي اسعدتني, هي محاولات متواضعه لترتيب الافكار بدها وقت لتنضج اكتر, وسعيده جدا انك استمتعت بقراءتها

فعلا التجاهل هو افضل حل, بما انك لا تتعدى على حرّية غيرك فافعل ما شئت


UmmOmar

بالزبط و للاسف بنضيع وقت كبير و احنا بنحاول نوصل لهالغاية

تعدد الوجوه والاقنعه بنسينا الوجه الاساسي النا و مع الوقت ممكن نبطل نحب نشوفه لانه بحسسنا بالذنب اللي بنعمله

واللي بتعمله ام عمر - مع احترامي الشديد للاعمال الشريره اللي ممكن تمر - هو الصح 100%
صباح و مسا الورد والياسمين :)

 

Sheeshany

About Abu Zaina ...ho berod 3aleek mesh ana :)

About el 3omor wl ظrayeb faaa 2asla6an ana akbar mennak ....ro7 3ala 3'orfetak w ma fe twitter 2ellak elyoum :P


halla2 mawdoo3 2enny 2atnabba2 be tasarofatak 7elw kteer bs el3aks la22a mesh 7elo ....Keef 3refet O_O ana kont katbeh el post 3ala 2asas 2enno besm3 Qura'an
b3deen 3'ayarto w tarakto maftoo7 el2e5tyar ...

2akeed btkrah halmaqoleh 5ososan 2enno 3endak badleh monasebeh lal ghrafeh :$

wa ya hallah :D

Naysan


يا صباح ومسا العنبر يا قمر

هو صحيح ما صار اللقاء الا مرّه وما صار اتصال الا مرّه بس جد جد جد اشتقتلك :"(


للاسف تربينا على انو عيب.... وما بصير علشان فلان بزعل.....و مش قدام فلان تعمل هيك

و كبرنا و ضل معنا هالخوف و راح نورثه للاجيال اللي بعدنا بدون ما نوقف للحظه و نفكر بنفسنا وشو اللي بدنا اياه

المشكله انّا بس نطالب بابسط حق النا و هي حرّيتنا بتهمونا بالتمرد :)

 

هوه أنا إتبذلت و اللا إيه؟

مرسي الشيشاني إتهزم يا مينز! :حسرة و ألم:

لوول

جد بالله كنت كاتبه هيك بالأول؟ :)

بطل أنا و بستاهل "شبه" نجمة ... بس برضاي عليكي خالتو (خالتو! try عمتو :شر: ) خلي النجمة تلبق مع البدلة و الجراغة... اتفقنا؟ اتفقنا ... مشان أكون "قنبلة" المو"ا"سم

 

له له له حزنتني ....خلص ارجع اشتغل عالتويت سماح هالمره

اه كنت مكمله الموضوع انه بسمع قرآن و بعدين غيرت رأيي :)

زكرتني ببنت خالتي....بس وحده من خواتها يزعلو ابنها بتحكيله شو عملتلك "عمتك" و بس يكونو مناح بتحكيله " شو عملتلك خالتو " فأنت هلأ اعتبرتني عمتو...انو شرررررررررر
ماشي ماشي
بعد كم بوست بفرجيك كيف اني عمتو منيحه و طيوبه

ولا ما في نجم ولا في صح حتى.... بس شوهد و بكفي

 

يا الله كأنك عم تحكي عني لول
مرة صارت معي بس حمدت الله إنه الراديو بيفصل لما تنسحب السماعة هههه

إنه مش اني خجلانة من الموضوع بس فضيحة يلعلع الصوت بالباص لول

بس بجد أحيانا الواحد بيزهق من الحكيييييي و بدو ينفرد بأفكاره بس
:)

 

شوهد و كفى
لوووووووووووول

لأ ، زميلي بالمكتب ما خف إيمانه من صوتي
:]

*my account is مريض ! :(

I don`t recieve new comments :(

I read this as I went through yr 2 newest entries,,, biddy 3ilaaaaaaaaaj fa33al ya "5alto" :P

 

Rain

صح زي رنّة الموبايل اللي بتكون حلوه كتير و بس ترن بموقف غلط بتحسيها فضيحه

بتزكر يوم كتب كتاب اخوي كنت وقتها حاطه رنت "اكتر" لاصاله نصري و بس روح المأذون و قاعدين العيلتين وجو هدوء فجأه رن موبايلي :$
وطبعا اكيد بطلت عارفه الاقيه بالشنطه المهم هاي كانت اخر مرّه بحط فيها اغاني لرنة الموبايل :)

Sheeshany

انت بس لو تعمل بنصيحتي الدائمه الك...
صفّي النيه وكل شي بمشي :)

 

LOOOOL
In the worst most awkward situations..YOU NEVER FIND IT IN THE BAG!!
it's like a rule or something! XD

 

LOOOL ...sa7!!!

Da2eman heak beseer :$