Things I Like To Whisper About

Would You Hear Me Whispering

تحيّة من العين



كيفكم وشو اخباركم؟؟
ان شاء الله يكون الجميع بأفضل حال
انا اموري تمام التمام و الحمد لله, وصلنا بالسلامه وكانت الرحله كتييير سهله والحمد لله, يعني تقريبا اسهل رحلة بتمر علي, اول شي ما دخت :) ولا صار معي شعور الغثيان الغريب اللي بخليني مسطله كل الرحله, وكنّا حاملين هم فروحه حبيبتي قد ما هي حركه ما نعرف نسيطر عليها قامت نامت ساعتين و صحيت تغدت و وصلنا :)

وقتي كله مقضيته لعب مع فرووحه , كل شي بدها "ناني" تعمله الها, و ما تفكرو بالاسم بالنسبه الها تاني و كاندي و اسمي بنحكو ناني ,اذا اسم بنت خالتها ريم بتناديها "لولو" واسمها "فرح" بتحكيه "توتا" يعني الاحرف ضاربه عندها لسا :)

ما صار شي بالنسبة للشغل عم بستنى لسا و شكله لبعد العيد ليصير شي, لكن اجمالا كتير مبسوطه والحمد لله, هو صحيح كل ما حكيت مع ماما ببكي لانها هي بتبكي :( شكلي والله اعلم ما حستمر اذا بضل الوضع هيك, لكن اخوي اللي حاليا موجوده عنده مش مقصر لا هو ولا مرته,و بدينا صيام اليوم :) اخر الاسبوع بدنا نروح عدبي عند اخوي التاني واللي حقضي عنده الفترة الجاي و لاخر العيد بعدين ارجع عالعين, حضلي متنقله لحتى يصير شي بالشغل, حاليا عايشة الاجازه على اصولها :)

اخوي سافر قبلنا بأسبوع علشان يكمل اجراءات اقامة نور و اول ما وصلنا البيت لقناه محضّر مفاجأة لكل وحده فينا و حاططها بفرفتها
هي كانت مفاجأتي :)






بس حبيت اطمنكم علي- انو يعني انتو قلقانين ال ...مش هيك الثقه...وثقة من نفسيها :) - و اتطمن عليكم طبعا



ملاحظه ع الهامش

بتحسو هالبوست كأنه ايميل صح O_o

بالنسبة للرسم التوضيحي للخلطبيطه بالقرابة اللي تهتو فيها ف بلبال...انتظرونا قريبا :)

15 التعليقات :

صباح الخير يا بطه

اه طبعاً قلقانين عليكي....وضلك احكي معنا كل يوم...يعني اكتبيلنا كل يوم يا بطه

حلوه حركات اخوكي...الله يسعده
انبسطي واستمتعي بالاجازه والشغل لاحقه عليه

بوسات لفروحه
سلام

 

هههههههههههههه
ما في غير العين تسلمي علينا منها؟!! :)

يا سلام عالإجازه وحلاوة الإجازة
بعدين احكي لفرح بيكفينا الصور الفنية هاي:))

ما بنتحمل إحنا:))

 

الحمد لله عالسلامة
ان شاء الله تنبسطي عالآخر يا رب

 

تحيه من العين وإلا من الذان؟؟

صباح الخير,, الحمدلله ع سلامتك عسوله

 

حمد لله على السلامة

أحلى شي ال "بفرفتها" :p

بيصير أخوكي يتبناني "شوي" ..مؤقتا ً
لأنو شكله لطيف و أليف + مزوق :)

عيشي الإجازة ويسبر

:)

 

الحمدلله على وصلك بالسلامه

ارتاحي و انبسطي و استمتعي بالاجازة لانه لما يبدأ العمل يمكن ماراح تلاقي وقت, فانبسطي الان

الله يوفقك يارب و يعطيك الخير كله

:)

 

اول اشي حمد الله ع سلامتك :)

تاني اشي سلميلي عليها كتير -العين- عشت فيها خمس سنين بس زماااان
لازم تروحي عجبل حفيت .. وكان فيه زمان العين الفايضة والهيلي .. مش عارفة اذا لسه موجودين بس فيهم كتير من زكريات الطفولة :)

انجوي عالاخر .. وموفقة :)

سلامات

 

لا الأمور باينتها تمام ، ان شاء الله تنبسطي هناك و يتيسر كل شي عندك

 

اولا الحمدلله على السلامه
ثانيا ما صارلك يوم وبتقولي ما صار شيء بالنسبه للشغل. بدك طولينا بالك شوي :)ـ اكيد اخوانك فرحانين فيكي وما اعتقد حدى راح يخليكي تستعجلي بالتدوير على وظيفه. اعتبريها فترة راحه حتى يقربوا يخلصوا المصريات :)
ثالثا شكرا انك ما زلت مستمره بكتاية همسات :)ـ
ندعو لك ان تجدي وظيفه ترتاحي لها وبراتب مغري ان شاءالله

 

حمد الله على السلامة يا قمر
ياناني ^^

أكثر شئ استمتعي مثلما أنت الآن ،بكل لحظة ، لانه ما أن يأتي العمل
الروتين والضغط يبدوان غير منتهيين.

جميلة بزاف
كعادتنا بك
الرحلة و فروحة وكل حاجة منك
لأنك أجمل أكيد ^^.

واللفتة من أخوك والله ماشاء الله عليه وعلى الفهم..
ياريت يتعلم منه الناس الثقيلة الفهم يارب ههههههه
الله يخليكم لبعض.

هو تقرير شكله ، لكن ميش اميل
انما ماشاء الله عليك كلما دخلت أقتبس منك بعض النور وبعض السعادة
ومن كل قلبي أتمنى ان تدوم
ان يدوم مصدر سعادتي
مدونتك وقلبك اللي يسع الكون.

انا رغاية ،اليوم ححح
وعمالة أقول ماشاء الله مشان مايتقال علي عيني وحشة ولا حاجة ياعم
خخخخخ

 

كيفيك يانور العين ؟
^_^
الحمد الله ع السلامة (:
الله يسهلها يارب ..بس جد بوستاتك إلها فقده ):

موفقة يارب
(:

 

Your brother is so sweet, lucky you :)
Inshallah tenbesti in UAE.

 

انبسطي السفر متعه وبيكون احلى متعه لما يكون مع ناس بتحبيهم

 

الله يسلمكم جميعا :)

بكره ان شاء الله رايحه على دبي لاقضي العيد هناك...كل عام وانتو بالف خير يا رب و ان شاء الله ايامكم كلها فرح و عيد

بدي احكيلكم خبر محزن
والده المدونه رولى عرفات توفت امبارح :(
الله يرحمها و يتقبلها و يغفرللها يا رب
بعد الذكرى الخامسه لوفاة والدها
بيوم توفت والدتها

الله يصبرهم :(