Things I Like To Whisper About

Would You Hear Me Whispering

Lovely Web Sites


تاج المواقع الالكترونيه...مع اني ابدا ابدا اطلاقا مطلقا ما بحب " التاجات "وما الكم علي يمين بس شو اعمل الواجب واجب



1- من أرسل الدعوة؟

حبيباتي كيكي و جفرا


2- ما هي المواقع المفضلة لديك (كِ) وتزورها باستمرار؟ ضع (ي) رابطها و ما تستفيده منها ؟

اول شي بفتحه موقع القرآن Mp3Quran و بختار واحد من الشيوخ و بالعاده بختار سورة الرحمن بالبدايه و بعدها سورة يوسف

تاني شي هو مجموعه مسميتها My فيها مدونتي و الايميلات Hotmail ,Yahoo & Gmail موقع Qwaider Planet
ومن مدونتي بفتح المدونات اللي بحب اتابعها دائما و بشوف شو في جديد عند الشباب و الصبايا

ثالث شي بفتح مجموعه News واللي فيها




بما اني عاشقه للافلام و قبل فتره كنت مصابه بحمى "grey's anatomy" فموقع Myeygy كان اله اكتر زيارة باليوم وانا بستنى الحلقات, هلأ اله زياره يوميه او اسبوعيه لاشوف شو الجديد بس مش متل اول


وفي موقع لترجمه الافلام , لمّا يكون في حكي روسي او فرنسي او اي لغه ما بعرفها فبنزل الترجمه منه حتى ما يخرب مود الفيلم من هالموقع

المواقع اللي بتحسنلي مزاجي و اللي مرات بكون فيها المضحك المبكي

- موقع بطاقات Hallmark شوفة Hoops & Yoyo دائما بتسعدني وبتزكرني بأيام حلوه :)


جوجل طبعا ما في عنّه غنى و Translate Google



مواقع الفيديو



مواقع الكتب

- مدونة أكبر مكتبة أدبية عربية ....لكن مشكلتهم انهم بعتمدو على موقع Rapidshare واللي دايما عليه ضغط


مواقع الصور واللي ممكن اقضي عليها ساعات

كل الصور بس اول شي بشوف شو جديد صور يافا ...
- او ممكن اعمل بحث على اي موضوع عالصور و اضلي اتفرج خصوصي اللي فيهم اطافيل :)

و اخيرا الموقع اللي ما الي غنى عنه DataBase Journal جدا جدا مفيد هالموقع و بستفيد منه لمّا يكون عندي مقابلات شغل لانه في جزء لاسئلة المقابلات


3 - ارسال الدعوة إلى أربعة مدونين :

اهااا اجينا للتوريطه على رأي الناس :)
في ناس كتير ما بتحب موضوع التاج - زيي بالزبط سبحان الله - فالموضوع اختياري الا عأول اسم :)
بدي احاول اتزكر ناس ما صار عليهم الواجب اساسا

اول شي بدي اكتب ام عمر ...اه انتي وما تحكي مين ام عمر...انتي, انتي... ما تحاولي :)


تاني شي بدي اورط صالح....او عمو صال صال زي ما بنادوه اصدقاءه المدونين




و الدعوه عامه طبعا....اعذروني الي فترة غايبه فمش عارفه مين وصله التاج ومين ما وصله :$



14 التعليقات :

المشترك بينا غير عمنا الكبير جوجل
hallmark
وعلى راسي مواقع الاخبار

 

ما بتحبي التاج؟ صدقتك!
شكرا لانك شاركتينا مواقعك المفضلة في منها ما بعرفها راح أجرب أزورها وأتعرف :)
سلام

 

شطورة هيك التلاميذ و الا بلا
رح اشوف المواقع اللي حكيتي عنها

 

قط البكتريا

هو في بعد
Hallmark
كتير بفتح عليه و بضل اتفرج عالكروت, صاحبتي بالمكتب
Fostog
كانت تزهق من صوتهم

كتير في تشابه اذا :)

الكيل بمكيالين

بحكيلك...ما الك علي يمين, ناسية لأيش بحكيها هاي :)

شكرا لانك وجهتيلي الدعوه , ان شاء الله يعجبوكي المواقع الجديده

 

Jafra

شفتي كيف....بعد امتحان تحليل النظم بالشغل صايره جد طالبه نجيبه :)

انا بجنن اصلاطن :)

ان شاء الله تلاقيهم مفيدين :)

 

ضحكنتيني على ما الكم علي يمين بس مواقع كتيره وحلوة كمان
هلا انا لازم اعمل الواجب ييييييييييي بس خلص يا معلمتي لعيونك:)

 

ومنكم نستفيد .. فما أكثر المواقع الهابطة التي مررت بها .. سأحاول زيارتها بناء على نصيحتك ..

وشكرا على الحوار العفوي والجميل

 

أول حاجه يا بيـــه
مين إم عمر هاي :k:

تاني حاجه,, عمو صال صال,, إز تريد مارك إلي

بكرهك :k:

 

شكرا كتير ويسبر على مشاركتنا بهالمواقع الحلوه :)

يسعد صباحك

 

بالعكس يا ويسبر
Hallmark
كتير حلوين وهادا دليل على في اشياء بسيطة بتسعدك زي الاطفال
انا شخصيا طبعا اول شي الايميل وبعدين facebook ,
google هادا شي اساسي
وكاله عمون وموقع اجبدو طبعا واهم شي مدونتك بحس اذا في يوم ما دخلت عليها وماقرأت ايش كاتبه بحس انه في شي ناقصني وجديد صايره اقرأ جريدة الرياض
وعلى فكره كتير بشبك على موقع حياه fm وبسمع الردايو
وكل ما اسمعها بنزكر ذكرياتنا واحنا بالمكتب نسيت احكيللك شغله وانا عم
بسمع الراديو
لازم اشرب زعتر
سخن

 

Sozan

ههههههههه ....وصلت يعني :)

تسلم عيونك يا رب
بدنا نستفيد بصراحه, لاني بحسك ماشاء الله متابعه و خصوصا للاخبار :)

المجهول

ان شاء الله ان تجدها مفيده

اعتذر على اللغه العاميه في الكتابه, اعلم انها قد تؤذي القارئ ان كان من الملمين باللغه العربيه الفصحى, ولكن بالعاميه استطيع الكتابه بدون تفكير ليخرج الكلام من القلب

 

Um Omar

كلنا سوا.....اقوى زقفه للشطورة ام عمر اللي حلت الواجب بسرعه

طلعت بخوف وانا مش عارفه :)

مهو انتي بتكرهيني بتكرهيني فحكيت اخلي الاسباب تزيد شوي :)
الحق علي بديش اياكي تكوني ظالمه و شريره

هيك الدنيا...خير تعمل....كره بتلقى

أشرف

العفو...اهلا اشرف
ان شاء الله تلاقي اشي منها مفيد الك

مساء الخير

 

Fostog

يا الله ما احلاها من ايام

ان شاء الله بنرجعها لكن بعيد عن الشغل :)

ال facebook
يمكن ملاحظه اني مش كتير, هو بس اعرف ان حد فيكم منزل صور فورا بروح :)

بتزكر موقع اجبد علشان مقالات المجالي

بتعرفي اني زماااااااااااان ما قرأتهم

هههههههههه....احلى ايام ايام الزعتر :))))

 

حبيت مواقع الكتب :)

شكرا لأنك حطيتي هذي المواقع :)