Things I Like To Whisper About

Would You Hear Me Whispering

I'm still here :D


لساتني هون بالاردن :)

كان المفروض اني اكون بالامارات هلأ بس في مشاكل على اقامة نور فأجلنا سفرنا للخميس الجاي و اخوي سافر لحاله ليمشي بالمعامله

الاسبوع الماضي كان حافل و ميلان بالاحداث...و اللي حكا "وين ما رحت ولفيت ما في زي قعدة البيت" كان صاااااااااااادق بهالشي
** المصدر موجود بالفيديو اخر البوست ....وطير و فرقع يا بوشار :)

احلى شي بالدنيا قعدة البيت, صحيح عجئة وما في قعده و بوجود فرووحه حبيبة عمتها ما في نوم كمان بس برضه ما في احلى من الشعور بالحرية :)

اهم الاحداث هي عيد ميلاد بابا حبيبي , بابا صار عمره 68 سنه العمر كله يا رب, بابا عيد ميلاده ب 25 الشهر و اخوي الصغير ب 27 الشهر بالعاده بنحتفل فيهم مع بعض, بالعاده بعيد ميلاد اخوي علشان ما يزعل الا بال 60 احتفلنا بعيد ميلاد بابا لحاله :) و بسبب وجود اخوي و عيلته فأحتفلنا بكل واحد لحاله هالمره كمان , و بوجود فروحه فطفينا الشمع و غنينا لكل واحد 5 مرات عالقليله , جديد متعلمه تهف , احنا نغني و هي تطفي الشمع بمساعده حد من العيله بدون ما تنتبه و هي تزقف و تنط و تضحك







chocolate mousse
اشي دماااااااااااااااار بصراحه طعمها, و علشان اسامح حالي بعد ما اكل منها لا افطرت ولا تغديت يومها....بس اكلت منها عالحفله :)



يوم الاثنين زي كل اثنين بروح على بيت دكتورة بتجنن انا و بنات خالي و بنات خالتي و بعض الصبايا اللي تعرفت عليهم ببيت الدكتوره, بنروح وبتعطينا دروس, خلصنا كتاب الفقه و هلأ بتعطينا من "مدارج السالكين" اشي بجنن و برتقي بالنفس كتير و بنفهم معاني اسماء الله و صفاته بشكل روحاني جميل, المهم بعتتلنا الدكتورة انه ما في درس يومها بس حابه تشوفنا, فرحنا طلعت عامله زي حفله توديع الي :)
يااااااااا الله شو انبسطت, عامله اكل بشهي و اشياءات و حلويات يم يم ....و بالاخر اعطتني هدية كتاب بعنوان " عش هانئا" بديت اقرأ فيه و شكله بجنن و ملخصه انه التفاؤل و الرضا بجلب السعاده, بس اخلص قراءته بعطيكم Feedback كامل و اوضح ان شاء الله



انا حكيت من قبل ان المدونه عرفتني على اخوان و خوات بجننو و بعتبر تعرفي عليهم نعمة من رب العالمين, جد هالمدونه عرفتني على شخصيات بتجنن و كتير محظوظه بتعرفي عليهم, بشكرهم على تعليقاتهم و ايميلاتهم و اتصالاتهم و سؤالهم الدائم عني و عن اخباري و بعتذر اني انشغلت و غبت و شكرا الكم لسؤالكم....
يوم الاحد كان يوم بجنن كمان ....بعد يمكن سنه من التخطيط للقاء التقيت بمدونتين من زماااااااااااااااااان بنخطط لهالقاء, الحلو انّا من ساعه ما قعدنا و لحتى روحنا و احنا نحكي, كأنا بنعرف لعض من زمان و بنعرف قصص بعض, يمكن انا حكيت كتير يومها و بتفاصيل زايده :$ بس هاي عادتي السيئه, وحتى الفتوتشيني ما لهانا عن الحكي و كان خيار ممتاز و لذيذ :)

بأخر الجلسه اعطوني هالهديه اللي بتجنن وكانت مفاجأه الي ...." علشان تتذكرينا بريحه طيبه " اكيد دائما حتذكر الجميع باحلى الذكريات و اكيد ما حغيب كتير بعرف حالي....شكرا الكم يا قمرات :)




الحمد لله انا محظوظه بوجود الجميع بحياتي , اللي بحبهم و اللي بحبوني....وهاي نعمه من رب العالمين ان شاء الله ما افقدها و ان شاء الله ربنا ينعم عالجميع فيها




28 التعليقات :

كل عام وأهلك بخير وانشالله بتروحي على الإمارات بالسلامة بس أكيد أكيد راح تشتاقي لعمان لأنو حرام على الواحد ما يشتاقلها

 

ان شاء الله أمولكم كلها تتيسر قريبا..
مش عارف ليش خايف حياة الإمارات تلهيكي شوي عن التدوين..بس ان شاء الله خير
الله يخليلك كل الأهل و الأصدقاء و الحبايب.. و اضح إنو في كتير ناس رايحين يفتقدوكي :)

 

الله يديم الصحه والسعاده على الجميع. قررت تسافري على الامارات؟ ان شاء الله بالتوفيق. ما بعرف رايحين نقرأ بوستات اكثر ولا اقل :)ـ
اسأل الله ان ييسر أمرك في بلاد الغربة وان لا يطول غيابك عن والديك.ـ

 

حلو التغيير و الحلو الواحد يلاقي كل هادا الحب حوليه و حلو الكيك و الشمع و الكتب و الدروس الدينية و حلوة العيد ميلادات و اجتماعات المدونين
ونا وانتي
و دقي يا مزيكا !

 

ان شاء الله بتتيسر المرة الجاي
كل عام و بوكِ و اخوكِ بخير
و شو ضل مناسبات؟لول

الأغنية سنة الخشبة صححححححححح كيف خطرتلك يا الهي!!!
و ما بدك تقوليلنا مين المدونات اللي التقتيهم؟؟؟:)

الكتاب شكلة حلو،رديلنا جواب قريباً عنه

and don't feel bad about that yummy yummy cake!I always say birthdays are an exception for diets :P

 

كيفك ويسبر
اشتقت لحكياتك
المهم انك موجودة و مبسوطة :)

 

7bebte ya retha se77a w hana 32lbk awlan
w tanyan bs t2ree el ktab ana kter interested ene a3raf 3n hl ktab ele kteeeeeeeeeer sm3t 3nno :)

 

يااااااااااي شمعة حبنا:))

المهم تكون ريحتها حلوه وعجبتك

وبعدين ياختي ما تزعلي كلو بربر وأخد راحتو يومها:))

بالعكس كتير انبسطت انا بالحديث

وهديك المره شفت صاحبتي-اللي حكيت لك عنها- بحكيلها صاحبتي بتحكيلك الحكومة ما بترّوح الناس بس الناس بترّوح منها:))

وكل سنه والوالد والاخوان سالمين ان شالله:))

 

والله نور الفضاء الالكتروني
اول ما فتحت الجهاز حسيت انو الشاشة ضاوية زيادة عن اللزوم، والله الك وحشة
لا تعيديها وطولي علينا مرة تانية، الفترة المسموح فيها بين البوست والبوست 24 ساعة بس
يعني كل يوم في بوست

 

أول شي ...كل عام وانتم كلكم بخير والله يحفظ الوالده والوالده لكم بصحه وعافيه واحسن حال با رب على طول

تانياً...كسبناكِ كمان اسبوع يا بطه...قبل ما تنشغلي بالوضع الجديد والشغل الجديد وان شاء الله بالتوفيق وين ما تكوني

تالتاً...شهيتيني على الشوكليت موس...الله يسامحك وانتي عارفه انه الوضع مش مستحمل ولا موسايه :))))لول لول لول

رابع شي ...كمان شهيتيني على الهديتين...الكتاب والشمعه
من شكلها ...الرائحه خرافيه

خامس شي...يا رب اخلص تشهيات قبل ما اوصل لعاشراً:)))كمان لوللايه


سادساً ...و اخيراً
نحنا المحظوظين فيكِ يا بطه والله يكتر الحبايب حواليكي دايماً

سابعاً وأخير الاخير
يسعد مساكِ بالفل والياسمين والاحبه و,,,الشمع المعطر

 

اولا كل عام و الوالد بالف خير و صحة وعافية يارب و يخليه لكم و يخليكم لهوعقبال الالف سنه كمان
:)

و كل عام و اخوك بخير كمان يارب :)

ايام حلوة قضيتيها قبل المغادرة . الله يوفقك و توصلي بالسلامه على الامارات

و تكون بلد خير على وجهك و تتوفقي هناك و تكون اسعد شخص بالدنيا و يارب ينيلك اللي تتمنيه و تكوني سعيدة و مبسوطة
:)

 

ويســــــــــــــبر

انا اسف .. لآني من النوع المقصر
:(

ع كل تروحي وترجعي بالسلامة .. ومو مشكلة انه تأخر السفر
:)

وكل عام و"عمو" بألف خير .. الله يخليلكم ياه .. ويخليكم اله :)

انا بحب الكيك والفيتوتشيني .. حرقصتيني
لول

سلام
:)

 

Happy birthday to your dad and brother! Allah y5allelek eyahum.

The two cakes really look yummy. Sa7tein and don't feel guilty, they worth it :)

Allah ma3ek in UAE. Inshallah mwafa2ah :)

 

wish you happiness in every step you make ,
in every breath you take ,
we love you , and you love us mish heik ?
(: (:
i just miss to be among ur lovely words ..
happy birthdays and hope for them an overwhelming happiness ya rab in their life (:
and lucky you !
for the gifts . They look awesome !

im not gonna comment on the pics of the yummy cakes :$

in any country you will be , whish best of luck cuz you deserve that !
your pure heart deserves that!!

<3 <3 <3

 

DON'T STOP BLOGGING! ;p no really, please do not!

I wish you all the good luck in UAE! You deserve it :)

P.S. Thanks for the song =)

 

كل عام و هما بخير :)

ما بدي أبلش بالكلام عن الأشياءات الزاكية لأنو ما بخلص :] لوول

قعدة البيت حلوة بس بشروط :)

و الله يا ويسبر حنشتاقلك، إنت شايفة كم واحد "خايف" إنو بوستاتك يخفوا شويتين... هذا كله لأنو معزتك كبيرة
و للأسف أنا بتوقع أول كم شهر تكون فترة انعدام وزن بلوغري بس انا بقول حوشيلنا الذكريات و لو ببوست صغنون كل مرة ... الإمارات الشغل فيها متطلب و حيكون الوقت أقل للتدوين :(

*سمايلي مدمّع ... و بس*

 

كل عام وابوكي بخير ان شاء الله وعقبال العمر كله
فروحه اموره شكلها الله يخليها
بس لاطولي علينا ويسبر اشتقنالك

 

Ahmad Hamdan

وانت بالف خير...امين يا رب
اكيد حشتاق اذا من هلأ بديت اشتاق فكيف بس ابعد
لكن برضه كتير حابه اجرب شي جديد و ربنا يجيب اللي فيه الخير

جعفر

تسلم يا رب...
ان شاء الله راح احاول ما ابعد مع انه زي ما حكيت في لهوه اكبر هناك
تسلم يا رب, و انا والله حشتاق لناس كتيره كمان
الله يسهل الامور

 

Jaraad

تسلم يا رب...اللهم امين
اه ان شاء الله, موعوده بكم شغله هناك و في شبه اتفاق على واحد منهم, الله يجيب الخير
ممكن افاجئكم و افاجئ حالي و اصير اكتب اكتر :) ما بتعرف
امييييييييين يا رب...اجمعين ان شاء الله
اللي مهونها ان بابا وماما ان شاء الله بدهم يروحو عالامارات بشهر 12 :)

Sharif

ههههههههه...ايش هاي عراضه كأنها :)
الله يحلي ايامنا اجمعين يا رب

 

Rain

وانت بالف خير يا قمر :)
اه من 1000 سنه الاغنيه...بس فجأه خطرتلي كلماتها :)

هاد يا ستي ...من زماااااااان انا ومياسي و مدونه معتزله اسمها رزان بنتفق انّا نتلاقى وما بتزبط, تلاقيت انا و رزان اللي اكتشفنا انّا جارات برمضان بالمسجد و صلينا التراويح سوا و ضل نجتمع لتتعرف مياسي و رزان شخصي و اخيرا زبطت :)

ما خليت فرصه للندم...اكلت منه لقلت بس :$ و طمنت حالي اني بشد تاني يوم مش مشكله
بدي احتفل وشو الاحتفال بدون اكل؟؟؟ :)

Jafra

اهلا اهلا بالقمر
اشتقنالك كتييييييييييييييير
الف الحمد لله على سلامه عمو وما يشوف شر يا رب
ربنا يشافيه و يعافيه

الحمد لله...الله يديمها نعمه :)

 

Marwa

3ala 2albek ya 7elweh :)
kont beddy 2ajeeb zay 2elly jebtoa la 3ammo b3eed meladoh bs ma 3refet men wean :$
5alas wala yhemmek...ana badeet feh w shaklo momte3 jeddan :)

مياسي

ههههههههههه...ايون هي بزاتها :)
الله يسعدكم يا رب...بتجنن ريحتها حتى فرووحه حبتها , بتضلها بدها تشمها و تحكي الله :)

هههههههههه لاحظتي...من ساعه ما قعدنا و هات يا حكي :)

اه تذكرتها .... اسألي مجرب ولا تسألي طبيب ;)

وانت سالمه يا رب

 

Scorpion

ههههه...تسلم يا رب هاد من ذوقك :)
لا خلص ان شاء الله...هالفتره في مواضيع في بالي اكتب عنها, ان شاء الله ما ارجع لجفاف الافكار مرّه تانيه :)

خلص...ولا يهمك

Naysan

وانتي بالف خير يا رب
تسلمي يا رب و ربنا يخليلك اهل و احبابك و يخليكي الهم يا رب

امين يا رب و ربنا يوفق الجميع...انا اللي كسبت معرفتكم اكتر والله :)

بجنن بصراحه....اشي زاكي كتير , لا بستحمل الوضع لا تحكي هيك, مهو لازم يكون في يوم اوف لهيك اشياءات زاكيه :)

ريحتها بتجنن كتير ...الله يسعدهم يا رب جد كلهم ذوق الصبايا الامامير

ههههههههه على حسابك كل شي ولو انتي بتموني.... الا الشمعه :$

هههههههههههههههههههه حبيتها اللولايه الاخرانيه :)))

امين يا رب ...احلى شي الصديقات و الخوات اللي بمرو بحياتنا بدون ما نخطط ولا نحسب حساب...وانا الحمد لله ربنا اعطاني خوات بجننو زيكم , اتصالك كان منعش جدا و خليتيني اشوف الاشياء صح قدامي :)
الله يسعد كل اوقاتك يا رب

 

Wafa'

وانتي بالف صحه و سلامه يا رب

الحمد لله ايام كتير حلوه, قبل كم سنه و بمتل هالايام حياتي كانت جدا سيئه و لكن الحمد لله بوجود اهلي حولي هانت و مشيت :)
الله يخليلي اياهم و يخليلك اهلك واحبابك يااااااااااااا رب

امين يا رب.....الله يسعدك على قد ما بتسعديني بكلماتك و دعواتك
اجمعين ان شاء الله :)

Ahmad

مسامح لانك من النوع اللي بدرس :)
الله يعطيك العافيه يا رب

الله يسلمك و زي ما بحكو كل تأخيره وفيها خيره ...في كم شغله كنت مش مخلصيتهم هيني بنجزهم هلأ :)

وانت والاهل بالف خير يا رب..... هو في اشي ازكى من الفتوتشيني و خصوصا على جوع ..خلص خلّي خالتو تعملك اياه بكره عالغدا :)

 

Susu

Ahlan ahlan be Um Abdulrahman :)

Thanks sweety ... Ameen ya rab
They were very yummy what to do...I have to eat from them :$ 3ala 2albek ya amar
Thanks ....Inshallah

Bullet

Thaaaaaaaaaaaaanks ya amar, ur words made me very happy,I love u too for sure :)

I know u were busy in ur studing Allah y36eke el3afyeh, but at least knowing that u r here even if it's from time to time make me happy too :)
I loved the gift as much as I loved the cakes :P lool

Thanks ya 7elweh for ur sweet complements ....la2enno 2albek 2abyad betshofenee heak

 

W ana emta dori? :( sheklek ra7 tsafri w ana ma ra7 yeeji dori :(

Kol saneh w kol ahlek salmeen ya Rab

 

Rand

:(
lel2asaf :(((
bedon ta56ee6 zabtat hal6al3a w 3alsaree3, bs inshallah bs 2arja3 laaaaaaaazem 2ashofek

W 2ente salmeh ya rab :)

 

وااااو مدارج السالكين !!!!
الدروس هاي كتيير حلوه ومفيده وخاصة لو كان في الدرس بنات من جيلك وصبايا ....عنجد الواحد لازم يتفقه في الدين ويتدارس القرآن ....بشجعك كتيير على هالشغله والله يبارك فيكي ويبارك بأهلك اللي ربوكي .....:-)

 

معك حق...كتير المواضيع حلوه و بتخليكي تنتقلي لعالم تاني

اه احنا تقريبا كلنا بنفس العمر و الدكتورة اللي بتعطينا الدروس يتجنن و اسلوبها رائع ما شاء الله عليها

اخر درس كان عن الغرباء....طوبى للغرباء

تسلمي يا رب ...الله يقدرنا و يسهللنا انا نفهم امور دينا اكتر :)