Things I Like To Whisper About

Would You Hear Me Whispering

هو انا مقلتلكوش!!!





متزكرين مرّه بالتعليقات حكيت ان سبب غيابي كان انه عندي امتحان تحليل نظم و كنت بدرس فيه

قررو انهم يعطو علاوة للمبرمج و علاوة لمحلل النظم للدارسين كمبيوتر بالوزرارت الحكوميه, علاوة المبرمج اخدتها بحكم سنوات الخبرة مش بحكم شغلي مع اني بشتغل مبرمجه , و محلل النظم كان لازم يكون الي خبره 7 سنوات, انا كان الي خبرة سبع سنوات الا شهرين و اكتشفت انهم اللي كان الهم اكثر من 6 سنوات قدمو اعتراض و اعطوهم , لكن مديري العزيز ما بلغّني....الله يسهّل عليه شو بدي احكي, المهم فالمفروض اقدم امتحان لاخذها, 30 نيرة زياده عالراتب :)

الامتحان شبه تعجيزي خصوصا انهم ما بدهم ايانا ناخد الفلوس, مادة الامتحان هي مادة تحليل نظم و هندسة برمجيات اللي بتدرسو السنه بالجامعات وانا الي 1000 سنة متخرجه, المهم انا قدمت الامتحان مرتين و للاسف ما زبط الوضع خصوصا اني كنت اخد من النت الماده, هالمره جبت كتب وهات يا نحت و يوم الاربعاء قبل العيد اتصلو فيي من شؤون الموظفين من الوزارة و حكولي اني نجحت :)))

يعني اخدت علاوة محلل نظم و صار من ضمن مسماي الوظيفي اني محللة نظم
طبعا مجال شغلي و من يوم تعييني قبل 10 سنوات تقريبا, هو تحليل نظم و برمجه و صرت محلله اكثر من 10 نظم و مبرمجيتهم عالاوراكل, و لمّا اجا الموضوع عالعلاوه حكو لاااااا لازم تقدمو امتحانات

الحمد لله انا الوحيده اللي نجحت من 15 موظف \موظفه من وزارتي , ما بعرف بالنسبة للوزرارات التانيه كم العدد, و من ثالث وحده بتنجح من الوزارة خلال 3 سنوات من يوم ما بدو موضوع الامتحان

ياااااااااااااااااي....زيادتي السنويه بطلت 3 دنانير....صارت....صارت.....6 دنانييييييييييييييييييييييير يااااااااااااااااااااهووووووو

اللي فرّحني بصراحه, اني كنت مفكرة حالي خلص مخي سكّر وما في مجال لاستيعاب اشي جديد, و بديت الغي قكرة دراسة الماستر لهاد السبب, بس هلأ بما انو لسا فيي امل ان شاء الله الخطه الخمسينيه القادمه هي دراسة الماستر :)

48 التعليقات :

alffffffffffff mabrooooooooooooooooook:))
fre7tellek wallah...:D
3ala fekra b3ref kteer sharekat fe dubai bedhom oracle programmer!!!

 

alffffffffffff mabrooooooooooooooooook:))
fre7tellek wallah...:D
3ala fekra b3ref kteer sharekat fe dubai bedhom oracle programmer!!!

 

وين الحلوان؟؟؟؟
ومبروك يا ويسبر عقبال ما أنا أركز عحالي وأدرس زي العالم والناس لامتحانات الشهادات

 

يللا الف مبروك ان شالله .. وعقبال ما تترقي اكتر واكتر بالشغل .. مين بيعرف ممكن تصيري وزيرة .. هاد من بركة دعاي اكيد

لول

موفقة

 

الف الف مبروك ، اللي بضحك كيف هم عن جد بصعبو الاسئلة عشان ما يدفعو اي مليم زيادة للموظفين ، بس على مين ؟ على ويسبر ،

ممتازة جدا جدا
و هاي كم نجمه عشان التفوق
****

 

اللهم صلي على النبي
يا عمي مين قدك محللة نظم
الف مبروك المسمى الوظيفي البريستيج الجديد. بس شو هالامتحان اللي ما نجح فيه غير ثلاثه خلال ثلاث سنوات. واضح انه امتحان تعجيزي.ـ
انا متأكد لو انك بتشتغلي بقطاع خاص كان زمان صرتي محللة نظم. ما شاءالله 10 سنوات خبرة برمجه تعتبر ممتازه. بإمكانك بسهوله تلاقي شغل ممتاز بالقطاع الخاص او حتى بالامارات عند اخوانك.ـ
على العموم اتمنى لك التوفيق والنجاح

 

الف مبروك ع الدماغ النضيفة أولا
وعالعلاوة ثانيا
الله لا يعطي الشيطان عافية، كل هالغلبة ع 6 ليرات؟

صحيح الحكومة بس مناظر:)
ما رح أحكيلك شدي حيلك وروحي ماستر:)

بلاش أكون متل المثل
انبسطت لك جد:))

 

مبروك السته الدنانير و عقبال مايصيروا مليون ياقادر ياكريم
:)

و ليش اليأس و الاحساس بانه مافي مجال للاستيعاب لساتك صغيرة و ان شاءالله تحصلي عل الاجستير و الدكتوراه يارب
:)

العام الماضي قرأت قصة لسيدة امريكية اخدت الماجستير بعد حلم طويل و اللي كان متعبها انها تركت الدراسه من زمان فكان لازم تتعب على الدراسه و الحفظ مرة تانيه بس قدرت و حصلته, عارفه كم كان عمرها؟؟
و الله ماكدب و شوفت صورتها و فيديو عنها كمان
98
سنه
بس
:]
ليش احنا العرب مانكون متفائلين زيهم كدا.

يارب تسهل لويسبر اللي تتمناه و تعطيها القوة انها تدرس لين ماتوصل للشهادة اللي تتمناها
و يوفقك يارب و يسعدك ان شاءالله
:)

 

من كل ما ذكر اعلاه,, ماشفت غير الرقم سته
وهيك بقدر احكيلك ومن هلأ انا ومياسي,, إلنا النصف و لكي النصف

فاكره بوست ضليتو شي يومين ع سيره مصاري وراتب,, يوم مسج البنك بتاع الصبح

بحب ابشرك,, هي واحد جديد,, للعيد الجاي رح ضل قابعه هون ت اخد مصاري

مليش دعوه

 

Ahmad Merie

Allah ybarek be 3omrak ya rab :)
teslam ya rab....w be5sos elsho3'ol fel UAE fa ana jahzeh ....2edy 3aketfak :)

Ahmad Hamdan

ولو...ازكى حلوان كمان
بنقسّم ال30 دينار على كل المدونين , شوف كم بطلعلك يا بنجيب فيها قبقاب غوار يا بتاخدو ناشف :)

الله يبارك فيك ....
ركّز عفكرة هي مشكلتنا انّا النا فترة مش ماسكين كتاب و مستمرين لساعات, بالبداية صعبه بعدين بس تستوعب بتنبسط و بتنسجم :)
بالتوفيق ان شاء الله وبنسمع الاخبار الحلوه عن قريب

 

مبروك ... مبروك...
انا حاسة بفرحتك والله الزيادة السنوية لموظف الحكومة الها طعم تاني ما حدا حاسس فيك متلي...
بس شو هالنقاط المشتركة بيني وبينك! يعني زميلتي في الكفاح والنضال في الدوائر الحكومية وكمان دارسة زيي كمبيوتر وبتشتغلي مبرمجة اوراكل؟
لأ هيك كتييير...

 

Ahmad Al-Mahrouq

الله يبارك فيك...تسلم
امييييييييييين يا رب...وساعتها المنصب بجبرني اتغير و ابطل اتعرف على حد و بعدين بتكتر الدعاوي علي

احكيلك...بطلت ما بدي :$

انت بس ضلك ادعيلي و اكيد ربنا حيوفقني ان شاء الله :)

Dr.Mohammed

الله يبارك في عمرك...شفت بالله عليك
و تقول هالزياده اللي بتكسر الظهر يعني

الحمد لله ربنا ما ضيع تعبي هالمره

يااااي ...نجوووم
زمان على هالاشياءات
:))))
زكرتني بأيام الطفوله

 

هيك ما في مجال صار لازم تغيري عفش المدونه تدهنيها

ان شا الله الف مبرك
منها للي أحسن منها

 

Jaraad

اللهم صلي على سيدنا محمد
:))

الله يبارك فيك يا رب...

الامتحان اللي قدمتّه اون لاين فالمفروض تظهر النتيجه بنفس الوقت, لكن طبعا ما بينت لحتى همه يحسبو ويشوفو ويقررو الاعداد

مش عم تزبط اشتغل بالخاص :( بعمل مقابلات و امتحانات و كلّه ممتاز و بنتفق عالراتب و بعدين بوقف الموضوع

و شكله والله اعلم في روحه عالامارات :)

تسلم...وشكرا :)

مياسي

الله يبارك فيكي يا رب :)
شفتي بطلع من اختك :))


انا شفت واحد من اللي بشتغلو بديوان الخدمة و سألته عن الامتحان, حكالي انه ما في فلوس كفايه ليعطو المحللين كلهم - عأساس مبلغ مهول بطلعلنا - و انهم لحتى ما حد يعترض بعملو الامتحان و بقررو مين وكم واحد نجح

الله يسعدك وان شاء الله دايما بتسمعي اخبار تبسطك :)

 

Wafa'

هههههه...الله يبارك فيكي يا رب
امييييييييين يا رب

هو الموضوع بصراحه موضوع كسل و التفكير بصعوبة الرجوع للدراسه

انا بحب القراءة و ممكن استمر بالقراءة لساعات
لكن دراسه يعني نعس و ملل....او هيك كنّا واحنا صغار و ضلت الفكرة ببالنا

اعتقد اني قرأت عنها هاي السيده ... الجميل انه الواحد يحدد هدف بحياته و يضل يشتغل عليه ليوصلّه

امين يا رب...تسلمي عالكلمات و الدعاوي اللي بتشجع

و ربنا يوصلّك لتحقيق جميع اهدافك وطموحاتك و امنياتك

يسعد اوقاتك

Um Omar

زي ما حكيت لاحمد بنقسمهم عالكل و انتي الك تختاري لون حبه قبقاب غوار :)

المسج اللي صحتني من احلى نومه و بتحكيلي ان الراتب نزل...احلى مسج بالحياة....ولاااااا بتزكرها :)ولا بعرف عن شو بتحكي
:-b:

بتنوري المدونه اصلاطن :)

 

الكيل بمكيالين

الله يبارك فيكي يا قمر

انتي الوحيده اللي بتعرف شو يعني زياده حكومه :(

الله يعينا

يعني طلعنا كتير بنشبه بعض
انتي بتشتغلي مبرمجه و اوراكل كمان !!!

لاااااا لازم يتم التواصل قريب جدا :)


بركي تعاقدنا معك لتدربي الموظفات بالمديريه اللي تابعه لوزارتنا عندكم
المساكين فجأه حطوهم يشتغلو عالكمبيوتر بدون اي تدريب او تعريف لاساسيات التعامل مع الكمبيوتر و على طول بتوهو :(

طيب انتي شو صار معك؟؟؟ و يلا لسا تعيين جديد

ثائر جبر

هههههههههه والله فكره
انا اساسا ناويه اغير الديكور...جبتها هاي حجّه بحاجه :)

الله يبارك فيك...تسلم يا رب

 

لولويشششششششششششششششش الف مبروك عقبال ما تصيري مديره الحاسوب الله يوفقك يارب

 

yaaa reitoooo meeeeet alff mabrooook :D

 

طيب رشي دينارين ونص حلوان بس يكونوا شلون وبرايز

 

منا أصلاتن عارفه إنه عند حضور الفلوس ( الست نيرات) رح تبيعي كل صديقات المدونات الغلبانت الشقيانات

له له,, شه شه ,, كه كه
سمايل بعيط,, وبكف كف دموعه وبيهرب

 

مبروك حبيبتي و ان شالله منها للأحسن دايماً :)

 

ألف مبروك يا ويسبر ومنها للأعلى انشالله :)

بصراحه وبعيدا عن العائد المادي اللي تحقق من نجاحك في الامتحان بهنيكي على إصرارك ومثابرتك وإرادتك للنجاح وهذه من وجهة نظري هي النقطة الايجابية اللي لازم تركزي عليها في المرحلة القادمة عند تفكيرك في أي أمر بدك تعمليه :)

مبروك مره تانيه :)

 

Fostog

اهلا و سهلا بالقمر
رفيقة الدراسه بالسنوات الماضيه
متزكره كيف كنّا نطلع من النت المواد, هالمره ام اللول جابتلي كتاب الجامعه و درست 16 وحده :(

الله يبارك فيكي يا رب الحمد لله ...خلصت منّه
عقبالك بس ترجعي من الاجازه على خير ان شاء الله

HB

Allah ybarek be3omrek ya rab :)
thanks ya 7elweh

 

أم عمر

ما خصنا بدنا فلوسنا
ويلا نبلش مظاهره:)

 

Shaheen

دينارين و نص !!!!!
هاي اسمها بعزقة و اسراف :(

هو حلوان واحد على قدر الزياده المهولة اللي اجتني :)

Um Omar

اهاااا...بدينا بأسلوب المشاعر و هالقصص

سمايلي بحكي بصوت عالي ليسمّع الجيران

زيك زي باقي خوانك و خواتك
انا ما عندي حد احسن من حد

سمايلي بوشوش وشوشه

خلص خلص لا تبكي..الك نص الزياده ولا يهمك :(

 

MrsH

لله يبارك فيكي يا قمر...تسلمي يا رب :)

أشرف

الله يبارك فيك ..تسلم

انا الحمد لله هاد اللي فرحني, بتعرف بس تكون ثقتك باستيعابك بدت تهتز شوي و تعمل شي يثبتلك العكس ...هاد اللي صار معي :)

الله يبارك فيك :)

 

مياسي

هي انا اعطيت لام عمر نص الفلوس.....شوفيها اذا هي لسا عند رأيها تعطيكي النص :)


ملاحظه عالهامش

حاسة حالي هيثم :$

 

أحسن!! بدك تكمشينا ببعض!!
:)

عجبتي الملاحظه الهامشيه:) في مكانها

 

ألف مبروك ع النجاح و ع العلاوة، قلتيلنا صارت ست نيرات! يالله مناح أحسن من البلاش، برضه الست نيرات الخظر بينفعوا في الأيام السودا
الله يبيض كل أيامك و أيامنا

 

مياسي

ما هاد هو منبع الملاحظه الهامشيه :)

مسكين تلاقي هلأ دانه بتصن..او بتطن مش متزكره الكلمه :)

Saleh

الله يبارك فيك يا رب :)

الحمد لله على كل شي مع ان هالنيرات الخظر تقريبا بطل الهم استخدام هالايام :$

اذا الصغار بطلو يقبلوهم عيديات :)
واعيين ماشاء الله عليهم

الله يبيض ايامنا كلها يا رب

 

يا ريته مبروك بس وين الحلوان لا اقبل باقل من الكنافه !!!

 

الله يبارك بعمرك يا رب

احنا اساسا في بينا عزومه كنافة مسبقا...هي صارو عزومتين :)

 

يعني بعد اللي حكوه الأخوة والخوات شو بعد بدي احكي
(:
غير اني قول روووووووحي ياوسبر الله يفتحها بوجهك كمان وكمان ويوفقك يارب
وشدي همتك للماستر
(:
دعواتي الصادقة لكِ

Bullet ...

 

Mabrouuuuuuuk :)

Menha lal a7san inshallah!

 

good luck :)

http://hana-ihjoul.blogspot.com/

 

Bullet

تسلمي يا رب ....الله يوفق الجميع :)
ان شاء الله....هي النيّه للماستر موجوده بس الهمّه اللي مش ولا بد

الله يجيب اللي فيه الخير

وين كنتي مخبية عنّا هالمدونه؟؟؟
هلأ بخلص رد و طيران هناك لاقرأ و من هلأ متاكده اني اللي حقرأو اكيد حيعجبني :)

Susu

Allah ybarek be3omrek ya amar :)
inshallah...thanks :)

 

يالهوي !! هو أنا سجلت بإسم المدونة :$:$
بس كلها خربشة وخربشات مش قد المقام والمقامات(:
يالله طيري يس مش راح تكون متل مدونتك صافية ونقية (:
Bullet

 

بإسمي وبإسم كل الجماهير الغفيره المتضمنه
أنا,, وإم عمر,, وإم بيسان,, ومياسي,, وصال صال( عمو يا عمو إنضم معي هالمره وبس)
أوطالب بتوزيع التالي

البند الاول,,حلوان من عند شوكلاه الفرسان يتضمن سفط بحاله لكل حدن من المتظاهرين

البند الخامس,, توزيع نسب الأرباح المتراكمه قبل إضافه الضرائب وقيمه الشحن عليها

البند الأخير,, متى القبضه,, جاي عبالي اشرب فناجن سنكافيه بلاك عندك

 

Um Omar

هههههههههههه عجبني انا و ام عمر و ام بيسان :)
3 في واحد ما شاء الله

خلص كلكم بتمونو
انتو اطلبو واللي بدكم اياه انا جاهزه..اسمي بشتغل بالبنتجون وراتبي شيء و شويات

وبشكرك و بعمق عالقفزه النوعيه من البند الاول الى البند الخامس

و بالنسبة للبند الاخير....فااااااااا بتنوريني
يااااااااا ريت و الك ازكى سنكافيه بالدنيا, بس 3 ان ون برضه :)

 

خليكي عند كلامك بالنسبه للشوكلاه
تغيروهش
عبيل ما أنادي الربع وأجي
تسيووووووووووو

 

Um Omar

طيب بس ما تطولي لانه حد الذاكره عندي 72 ساعه و بعدين بعمل اوفر رايت عليهم

اي شوكلاته!!

هاااا شايفه....بدا العد التنازلي شكله , هيني بحكيلك
لااا تتاخري

 

مــا شــاء الله عليكي يا وسبر,, قدها وقدود,,
مبروك الزياده :)

 

شفتي قرابتك..مش قليله بالبلد طلعت :))))

الله يبارك فيكي يا قمر

 

ألف مبروك أختي الكريمة، ومنها للأعلى إن شاءا لله

لا تنسيني من خالص دعائك، فأنا أيضا سأبدأ دراسة هذا التخصص عن قريب جدا

كنت هنا

 

الله يبارك فيك اخي خالد
شكرا جزيلا...وبالتوفيق في دراستك ان شاء الله, اذا كنت تحب هذا التخصص فمجال الابداع به كبير و سوف تستمتع في دراسته

شكرا لمرورك :)

 

آويهااااااااااا و نجحت ويسبر
آويها و زيادتها صارت الضعف
"يا حسرة"
آويهاااااااااااااا و عرفنا إنها نردوديييييييييييييه

آويهااااااااااااااا و عقبال الماجستير

طاخ طاخ طااااااخ

*ترا ما قرأت التعليقات و بعرفش إذا مكرر التعليق/الفكرة

so happy 4 u Wallah , way to go :))))

 

تسلم..تسلم يا الاخو

مش هيك بحكو برضه

و ركزلي على زيادتها صارت الضعف...خصوصا اني بأخر مرّه راجعت لاشوف شو صار بحكولي ما انتي مجازه خلص ليش تزبطيها :$

شغل حكومه من الاخر
كل شي بدو طوشه لتاخده

* فكره ابداعيه ما خطرتش على بال حد بصراحه :)

Thanks ya man :)