Things I Like To Whisper About

Would You Hear Me Whispering

لا أوحش الله منك يا رمضان






راح اشتاق للصيام و للقيام
راح اشتاق لصلاة التراويح
راح اشتاق لصلاة القيام و التهجد
راح اشتاق للمسجد
راح اشتاق لصوت الامام
راح اشتاق لخفّه دم و هدوء الشيخ
راح اشتاق لخالتو الحجه العراقيه اللي كتير صدف اني اوقف جنبها بالصلاه و بين كل ركعتين تحط الها و للي حواليها هاي جين
راح اشتاق لزوجة الامام وبناته السوريين اللي قضينا شهر بجنن مع بعض
راح اشتاق لخالتو الحجّه اللي كل ما تشوفني لازم تبوسني و تضمني و تدعيلي و دعوتها الدائمه...الله يبيض بختكم يالبنات :)
راح اشتاق للابتسامات اللي كانت موجوده على وجوه " بعض" المصليات و حتى اللي كانو بس يجحرو مش عارفه ليش برضه حاشتاقلهم
راح اشتاق لأحلى شعور نعس بالحياه :)
راح اشتاق لتحضير الفطور و لقعدتنا كلنا مع بعض بنفس الوقت
راح اشتاق لريحة رمضان
راح اشتاق لنسمات الصبح و احنا مروحين من صلاة الفجر
راح اشتاق للروحة للمسجد اللي حتقتصر على صلاة الجمعه



و مع هيك بكرة اخر يوم رمضان ....في تراويح اليوم....وفي تهجد ان شاء الله ...فلا تنسونا من الدعاء :)
ولا تنسو الستّه البيض :)
انا و صاحباتي كل سنة بعد الدوام بأسبع بنبدا صيام كلنا مع بعض فبنضل بنفس الجو


اللهم بلغنا رمضان القادم....لا أوحش الله منك يا رمضان :(




الجمعه العيد.... كل عام وانتو بالف خير, والله يعيده علينا و عليكم بالخير
كل معمولة او حبّه شوكلت او فنجان قهوه كولو و اشربو حبّه عني :)
و توصو بالقهوه لو سمحتو :)
و الشوكلت لا تاكلوها...خبولي اياها, الي 14 سنه تقريبا كل سنه انا بجمع الشوكلت اللي باخدها بالعيد و بلفها بلفّه حلوه و بنت خالي اللي بعمري تقريبا برضه بتجمعلي اللي بتاخده و بتلفه بلفه حلوه و بنتبادله بالعيد :) فاااااااا السنة بدي اجمعلها من كل مكان

24 التعليقات :

وأنت بألف صحة وسلامة يا همسة وينعاد علينا وعليكي بالخير

 

انا بصراحة انبسطت انو بكرا مش العيد...
مع انو يوم مش كتير، بس برضو بضل اسمو يوم من رمضان، خصوصاً إنو السنة رمضان مر بسرعة كتير...
ان شالله يكون ربنا تقبل منا و غفرلنا .. و عيد مبارك على الجميع :)

 

شكرا يا ويسبر لأنك بتخلي الواحد فعلا يشتاق لرمضان من وصفك. تقبل الله طاعتك وكل عام وأنت بخير.ـ
أول شيء بدي أعمله بالعيد اني اشرب قهوه، ما شربت طول رمضان لأني اذا بشرب قهوه بعد الساعه خمسه ما بنام طول اليوم.ـ

 

تقبل الله صيامكم وطاعاتكم بأحسن قبول ...وينعاد عليكي رمضان بكل خير ان شاء الله ...وكل عام وانت والعائله واحبتك بألف خير وصحه وسلامه

 

Ahmad Hamdan

وانت بالف خير احمد :)
علينا و عالجميع بالخير ان شاء الله

MrsH

وانا كمان :)
اليوم التراويح الها جو غير كان وما شاء الله المسجد مليان كان :)

كتييييييييييير بسرعه مشي...الله يتقبل منا
و عيدك و ايامك كلها مباركه ان شاء الله :)

 

Jaraad

ان شاء الله رمضان الجاي بتكون بوسط اهلك واحبابك, و بتكون معك رفيقة دربك كمان ...يلا :)

امين يا رب, الله يتقبل من الجميع ..وانت بالف خير

لااااا من غير قهوه ما بمشي يومي ولا تاني يوم, بشرب بعد التراويح عال 11:30 كان بأول رمضان و عال 1 اكون نايمه ولا كأنه في شي :)

و حاليا عالتهجد بنشرب بالمسجد لقبل الاذان بشوي و بنصلي الفجر و بنرّوح و عطول نوم

بالعاده اذا بشرب قهوه بسحبها صحيان لتاني يوم

الحمد لله رب العالمين
اذا توصّى بحصتي برضه بالعيد :)

Nissan

امييييييييين يا رب العالمين
الله يعيده علينا بالخير يا رب
وانت و اهلك و عيلتك واحبابك بالف خير يا رب :)

 

Eid Mubarak ya amar! Taqabal Allah ta3atukum :)

 

Eid Mubarak ya amar! Taqabal Allah ta3atukum :)

 

في بعض المواقف أفضل أن أقضي ذلك الجزء من حياتي في صمت.. هذا واحد منها..

تقبل الله منا و منكم.. و رزقنا الله و إياكم القبول و طول العمر لنعيش لرمضان القادم.... و جعلنا جميعا من عتقاء الشهر الفضيل

 

اولا شي كل عام وانتم بالف خير يارب
هادا اول رمضان الي بعيده عن رمضان واجواء رمضان اللي بتجنننن بعمان والعيد كمان مو حاسه ان في عيد لانه هون ما اجواء للعيد ولاحتى لرمضان
المهم انتي عيشتنا اجواء صلاه التراويح واجواء الرائعه اللي بتعيشها برمضان
للاسف ما راح اصوم معكم هاي المرة راح اصوم لحالي وكتير مشتاقه الكم ول- عمان سواء بالعيد ولا حتى برمضان
اخيرا طولت عليكم بس انشاالله كل سنه وانتم سالمين يارب وانشاالله يتقبل الله طاعاتكم

 

كل عام وانت بخير
الله يجعلنا ويجعلكم جميعا من عتقاء النار في نهاية هالشهر الكريم.

 

كل عام و انتي بالف الف مليون خير و صحة وعافية و بخت ابيض وجميل ووجوه حلوة و مبتسمه و رمضانات كتير كتير جاية تتعبدي فيهم زي ماتحبي وايام تصوميها و تقوميها

كل عام و انتي بالف مليون سعادة بنفسك و مع اهلك الرائعين و في عملك و في كل خير تسويه و تطلبيه و تدعي ليه

كل عام و انتي اروع و اجمل

كل عام و ربي يرزقك خير كتير كتير يارب

:)

 

kol 3am wnti bi alf 5eir o inshallah yn3ad 3aleiki o 3al ahel bel se77a wel 3afyeh :)

 

كل عام وانتي بخير:) وينعاد عليكي بصحة وسلامه

وانا كمان بصوم بعد العيد مباشرة بس تقريبا لحالي
:) بس عادي اتعودت

 

تقبل الله طاعاتكم و إن شاء الله ينعاد علي الجميع بالخير و الصحة و السلامة

و كل عام و أنتم بخير

 

كل عام وأنتي بألف خير قرابتي,, وإن شاء الله بشوفك بالعيد :)
راح أشتاق لرمضان وزياده عنك حشتاق لأخواتي عشان همه من غير شر بسافرو بعد رمضان,,

ههههههههه كتير حبيت تبادل الشوكلاتات,, أنا ما بقدر أمسك حالي باكلهم وأنا عند الناس :)

 

Susu

Thanks ya amar :) menna wa menkom inshallah
Happy Eid to u and ur sweet family

جعفر

فعلا في مواقف كل الكلمات تعجز عن وصفها و الصمت هو افضل شي

امين يا رب...منّا اجمعين
و كل عام وانت والاهل بالف خير

 

Fostog


اخيرا زبط التعليق :)))
وانت بالف خير يا قمر
اشتقتلك كتيييييييييييير :((
لا المكتب حلو و لا اي شي حلو من غيرك...من غير شر
جد الشغل صار 10 اضعاف النكد بعد ما سافرتي

الله يعينك و يخليلك زوجك و الامورات يا رب
يلاا بتهون ان شاء الله شو بدك تعملي

و انت سالمه وغانمه يا رب
و حطيلنا صور البنوتات عالفيس بوك نشوف اولعي العيد :)

الكيل بمكيالين

وانت و الاهل و الاحباب بالف خير يا رب
امين يا رب العالمين

 

Wafa'

و انتي بالف خير يا قمر
الله يسعدك عاكلام الحلو هاد, و ان شاء الله بكون النا كلنا نصيب منه
امين يا رب العالمين
جد تعليقك خلاني ابكي ....الله يسعدك و يهنيكي و يعطيكي ليرضيكي ياااااااااااااااااا رب
الله يعيده على الجميع بالخير والسعاده

Hb

w 2enty w 2ahlek w 2a7babek b2alf 5ear
3alena w 3alekum bel5ear ya rab

 

مياسي

وانتي بالف خير يا رب

بنصوم سوى هالمره..والدعم مني معنوي من بعيد :)

Saleh

امين يا رب...منّا اجمعين
و انت و الاهل بالف خير

 

RuRu

و انت و الاهل بالف خير يا رب يا احلى قرابة بالدنيا
لاااازم ان شاء الله
الله يسهّل عليهم...هاي حال الدنيا شو نعمل

انا امبارح اخوي اتصل بحكيلنا انو بدو يجي بأخر 9 :)))))))
يا الله شو انبسطنا
فروووووووووحتنا بدها تيجي
و الحفيده الجديده " نور" ان شاء الله حتنورنا باول 10 على خير :)

طب خبيلي حبّه وحده :$
هههههههههه بمزح معك...صحه و هنا يا رب
في اشياء مشهيّه ما بتتقاوم
خصوصا اللي فيها كروكان ...يممممم شو زاكيه

 

ويسبر كل سنه وانت طيبه ينعاد عليك يا رب وربنا يحقق امانيك كلها
تحياتي

 

كل عام وانتِ بخير

وعيدك مبارك وايام سعيده ان شاء الله

سبحان الله ما كأن صمنا 30 يوم

 

Saba7al5air

وانتي سالمه وغانمه يا رب
امين ...الله يحقق امانينا كلنا
اهلا وسهلا فيكي يا قمر

I am visible

و انت والعائله بالف خير يا رب
الله يسعدك...الله يحلّي ايامك و كل اوقاتك
مشي الشهر بسرعه كتير
الله يبلغنا رمضان القادم
:)