Things I Like To Whisper About

Would You Hear Me Whispering

القلوب



كلنا بننولد بقلوب بيضاء صافيه قلبا وقالبا, و منختلف بمدّة احتفاظنا بهالقلب الابيض, او قدرتنا على ارجاعه ابيض مرّة تانيه, مع مرور السنين و مرور الاشخاص بحياتنا, مع تجاربنا و مأاسينا و افرحانا و احزانّا و اخطائنا ببدا هالقلب يتلون, ببدا الموضوع بنترات سوداء مع جروح بسيطه مثل شكّة الدبوس, بتوجعنا بوقتها و ممكن تنزف بسيط وممكن لأ ولكنها اكيد بتشكّل نقطه ضعف في المنطقه لكن بضل القلب محافظ على صفاته من النقاء و البياض يطغى عليه.

بتمشي السنين و بدخل بحياتنا ناس, بارادتنا او بأرادة الظروف, و بتبدا هالنترات تصير بقع و تنتشر بأكتر من منطقة, اذا كنّا من سعيدي الحظ بيدخل بحياتنا الاشخاص الصح, ناس اثرو ايجابا على طريقه تفكيرنا و حياتنا و بفترة معرفتهم بتطيب الجروح و بترجع تصير بيضا مع الوقت

المشكله بس نضل نتعامل مع الناس الخطأ و تصير البقع الصغيره تتلاقى لتشكل بقع اكبر, و نوصل لمرحلة يصير قلبنا مدمي و نصير كل ليله نطوله و نمسحه و نظفه و نلفه و نخبية بعلبه بعيده عنّا و عن الناس, لابدنا احنا نستخدمه لانّا جربنا حالنا و لقينا انّا بنضرّه اكتر ما نفيده, ولا بدنا حد تاني يأثر عليه بحكم انّا ما عم نتعامل الا مع الناس الاسؤ.

بعدين بيجي ناس جديده بوهمونا بأنهم غير, مرات بنساعدهم بأنهم يوهمونا و مرات النترات البيضا البقيانه بقلوبنا بتقنعنا انهم غير, بنطول هالعلبه وبنعطيهم اياها و بنوصيهم انهم يديرو بالهم عليه و ينظفوه و يداووه و يخبوه بالعلبه, مع الوقت بنكتشف انّا غلطنا بحكمنا, بنطلب قلوبنا وبرجعو القلب و هو بنزف و بعتذرو انهم بغمرة الحياة نسيوه برّه العلبه و انهم مرّه وقعوه و نسيو يلفوه, برجع اسؤ من قبل, بنرجع بنلفه و بنلعن اليوم اللي خلينا شوية هالابيض تقنهعنا ان لسا في ناس كويسين, وهيك لننسى بيوم ان في النا قلب كان ابيض و كان يتحرك وكان نقي...

22 التعليقات :

كأنك بعقلي !!
للأسف أحيانا القلب ما بصير الا أسود...مريت بفترة طويلة و ما في ببالي الا انو أكره...بس القلب بضيع على حالو الأبيض لما يكون مفكر كلشي أسود

حلو كلامك و صحيح

 

يعني ذكرتيني بقصه ،القصه مشهورة ، انو في كان واحد كان كثير يجرح الناس و يأذيهم ففي يوم من الايام قرر انو كل ما يجرح شخص انو يدق مسمار بالحيط ، بعد فتره الحيط امتلت مسامير فقرر انو كل واحد اذاه انو يرجع يعملو خير مرة تانية ، و يشيل مسمار ، فبعد فترة كل المسامير انشالت عن الحيط ، بس شو بقي على الحيط ؟ اثار المسامير و الحفر اللي خلفتها هاي المسامير و هاي الحفر مش ممكن تتعالج .

اذا واحد ضربنا كف على سبيل المثال ، الضربة هي وقت أني و بتزول بسرعة ، بس تاثيرها بضل لابعد من هيك

 

Hello whisper ..
for me i believe .. enno elli byenkaser b hal denye shoooooo makan ma byetsalla7 o law tsalla7 el kaser beb2a m3allem .. law lazza2na b meet laz2a .. el nkasar bedallo mshawwah law she baseeeeet ..
ne7na mnet3amal m3 nas 3'alat .. sa7
bs 3'alatna ne7na akbar enno kol marra ma mmna5odesh 7azarna o ma mnet3alam mn hal 3'alat la2nna taybeen o 2loobna beyda MA3NAWEYYAN laken ta3i etala3i feeha musta7eel la2enno ad ma nda3ako 2loobna b hal 7ayah ... bayadha mn ktr ma 7awalna ne3'selha .. kala7 .......

 

Abuelsharif

شكلنا كلنا مشينا و ماشيين بنفس الطريق :)

بعرف هالشعور :( مرّت علي مش اني بكره الناس بس مش طايقة حد

و فعلا بنبطل نشوف صح ولا الناس الصح :(

Dr.Mohammed


اه سمعت قصّه قريبة منها بنفس المعنى
جدا معبرة هالقصه

لكن للاسف اللي بجرحو غيرهم بعتبرو الاثر اللي بضل بالناس هاد عجز و ضعف , وبنسو ان اللي انجرح بني ادم بحس, بعيش و بستمر ولكن بضل في احساس بالاسى موجود

 

أنا قلبي مات من زمان من غدرالزمان
لووول
بس جد ويسبر معك حق و بتخيل كثير منا حيحكي إنك تكلمت بلسانهم

كثير أمرار بتصير معنا "حوادث" مؤسفة
و المصييييييبة إنها بتكرر! و هكذاو هكذا

:(((

ك"دائماً" أبدعتِ

 

Farah

2ahlan Farro7a :)

belzabt...ma betsalla7, benzabto w benmashshy 7alna feh, bs ma be6eeb 100%
LEAAAAASH....jad leash dayman be6la3o nas 3'ala6 w mesh ma7al theqa :(

w elmseebeh 2enno bnrod nethaq fe nas taneen w be6la3o 3'ala6 :(

LOOOL 7abeat kala7 :)
inshallah ma bekla7 w 2e7na bnseer n3raf w nmayez elnas :)

 

Haitham

هاي المصيبه....انها بتتكرر
بعرف انّا بنتحمل جزء كبير من اللي بصير عالقليلة باختيار الناس اللي بنتعامل معهم, لكن في امور " حوادث" ما بحكي عن ابتلاءات ربنا, هاي بنصبر عليها و بنحمد ربنا عليها..انا بحكي عن البشر اللي بدخلو حياتنا مش بأرادتنا ...او يمكن كله ابتلاء من ربنا :)

الحمد لله

شكرا هيثم :)

 

اعتقد انه اي انسان نقابله لهادي الدنيا بياثر فينا حتى السلبيون بيعلمونا كيف نكره السلبية-لما نشوفها مجسدة فيهم- و نتفائل و نحاول مانكون زيهم

يارب يخليلك قلبك الجميل ابيض و متفائل طول العمر يارب
:)

 

مساء الخير ويسبر

الانسان بطبيعته يتأثر حتما بالمجتمع الذي يعيش فيه ولذلك كلما ازدادت الطعنات المؤلمة للقلب الابيض النقي فمن غير الممكن أن يبقى على حاله وسيأتي وقت يصبح فيه كقلوب الآخرين مليئا بالسواد والكراهيه إلا من رحم ربي

ادراج رائع
أبدعت يا ويسبر

 

برأيي انه مهما الدنيا كانت قاسية اللي قلبه ابيض بضل ابيض!!
بس بيتعلم!! بتعلم كيف يتعامل مع الناس و كيف يحافظ على بياض قلبه!!
الضعف بيجرفنا و القوة بتخلينا محلنا!!
كل ما ننجرح بنتعلم!! و بنصير اقوى و القلب هو نفسه القلب !!
والطبع يغلب التطبع!

 

ويسبر
من الممكن إنو بعد جرحين أو ثلاثة من الجروح الصغيرة اللي بتحكي عنهم.. يصير الواحد منعزل و منطوي و حذر زيادة عن اللزوم من التقرب لأي شخص كان

فرح.. صحيح الجروح و لا عمرها بتشفى تماما.. و لكن الله سبحانه و تعالى ممكن لاحقا يبعثلنا أشخاص صادقين أوفياء نفهمهم و يفهمونا.. و نحجزلهم مساحة بيضاء كبيرة من قلبنا.. بحيث لو قارناها بشكات الدبوس السوداء.. ما تخليهم يبينوا

 

حتى بوجود هاذ السواد , لسه في مجال للإصلاح والتنظيف طول ما لسه البني ادم بتنفس

حتى الجروح بتسكّر , يمكن يظل اثرها , بس المهم انها بتسكر

يعني انه قطعنا النزيف مبدئيا

حتى محل المسامير اللي عالحيط , بنسكّره وبندهن فوقه وبرجع الحيط زي اول

ابتسامتنا واحنا بندهن الحيط , راح تزيد من متانته كمان

وقيسي عالقلب

وكل عام وانتي بخير يا رب

 

مش سهل نرجع نحاول
خصوصا لما يكون الوضع متل حالاتي
بس لفتني شغلة يقنعنا انو غير
ما في حد غير اجمالا في ناس بتغلط وبتصيب

بس يا ترى هم بيقنعونا ولا احنا بنقنع انفسنا؟

 

الموضوع بيصير أقرب للسرطان
وجود الشخص الغلط بحياتنا سرطان
بكبر,, ما إله حدود ت يوقف
بسبب الم و سواد قلب وظلمه

كتير احيانن بشبه حالي,, ف حياه بعض ناس بالسرطان

مش إني متشائمه,, بس عارفه حالي شو بعمل فيهم وشو بأذيهم

الله يفرجها علينا وعليكي

 

أشكيلي لأشكيلك, ناس بتعتقدها أنها إخوان ألك و أول ما تصحلهم الفرصة مستعدين يطعموك للكلاب بالمعنى الحرفي, بس شو بدنا نسوي تغيرت الدنيا وصارت نسبة كبيرة من العالم السيئة فيها

 

Wafa'

بس للاسف الاثر لسلبي مرات بس يتكرر بغطي على كل الايجابيات بحياتنا, او احنا هيك البشر بنركز عالسلبي :)

المفروض الانسان تكون نظرته ايجابيه بكل شي و حتى السلبيات اللي بتمر علينا المفروض نطلع منها ايجابيه

تسلمي يا رب..امين
الله يديم الايجابية والتفاؤل بحياتنا

أشرف محيي الدين

مساء النور أشرف :)

ان شاء الله ما تصير قلوبنا سوده بيوم من الايام و تضلها نقيه حتى لو اختفى البياض

اهلا وسهلا فيك اشرف :)

 

Ahmad Merie

بضل منيح بس بضل قلبه بوجعّه :(

ليش دايما لازم نتعلم من بعد ألم؟؟؟ ليش ما بنتعلم بتجارب عاديه

عجبتني
"لضعف بيجرفنا و القوة بتخلينا محلنا!!"

معك حق, مش دايما القوة بتدفعنا
لقدام

جعفر

معك حق...بصير الخوف هو اللي بمشينا خوفنا من جرح جديد لانّا عارفين انّا ما حنستحمل شي جديد

ان شاء الله دايما نتعامل مع الناس اللي قلوبهم بيضا و اللي بكونو صح و يبعد عنّا اللي قلوبهم سودا وما بحبولنا الخير

 

LUNAR.

بتسكر و بتطيب, لكن بتضلها موجوده, بننساها ولكن بس يدخل حياتنا ناس غلط جداد بتفتح كل الجروح القديمه اللي فكرناها طابت :(

بنضلنا متوكلين على الله و بنحمده و نشكره على كل حال و بنستمر و بنمشي و بنرجع نضحك, لكن اللي بالقلب بضل بالقلب

و انت بالف خير ...انت اول واحد يعيد علي :)

مياسي


مش سهل بالمره... و خصوصا اذا جربنا و ردينا تعاملنا مع الناس الغلط, بعديها بنفكر مليون مرّه نرجع نحاول


في هيك وفي هيك....

في ناس بقنعونا انهم غير صدقيني ...اسألي مجرب :)

 

Um Omar

بعيد عنك...انت احلى شي بحياة كل اللي حواليكي تأكدي من هالشي

انا ما بعرفك شخصي و لكن معرفتي المحدوده فيكي بتخليني متأكده من هالشي

خفّة دمك و روحك الحلوة و طيبة قلبك مبينه من كتاباتك

الله يفرجها عالجميع يااااااااااا رب

Ahmad Hamdan

والله يا صديقي شكله بحياة الكل في هالناس الغلط اللي بتعامل معهم و بثق فيهم وهمه مش اهل لاي شي

بحاول الواحد ما يفرض سؤ النيه بالناس و يتعامل معهم عأساس انهم بفكرو زيو و برد ينصدم :(

 

سلامة قلبك يا قمر...والابيض ابيض مهما حاولوا يخربشو عليه ...معلش انظري للجانب المشرق من الموضوع ...اعتبريه نضوج وخبرات جديده في الحياة....والله بيعين

 

والله فكرت كتيير بهالموضوع ! انو كلنا بينطبق علينا هدا الحكي بطريقة او التانية!
الحل الوحيد اللي طلع معي انو الواحد يعيش جوا صندوق و يسكر على حاله منيح لانه ما في الوقت بغير كل شي حتى البني لآدم! و اللي بيوم من الايام كان ممكن نأمنله او نعتبره "غير" بيتغير و بسير بالأخر متله متل اي حدا تاني "ما بدور الا عمصلحته" . بس المشكلة انه حتى هادا الحل ما زبط عشان "الجنة بلا ناس ما بتنداس"... و بالآخر شكله هالقلب تعود على الجرح و راح يضل ينجرح.

 

Nissan

الله يسلم عمرك يا رب...الحمد لله لسّا في شوية امل :)

المشكلة اني هيك بقنع حالي ....انو خبرات و هو هاد الصح ولكن كترت الخبرات يختي يا نيسان :( خلص استكفيييييييييييييت

الحمد لله

Ahmad

معك حق..كل واحد اله نصيبه من هالعالم الغلط

ليش؟؟؟ جد ليش الكل بالاخر اهم شي مصلحته؟؟
حتى اللي بتغطو بغطاء الدين وانهم ايش ما شاء الله عليهم و بنسو انه
" لا يؤمن احدكم حتى يحب لاخيه ما يحب لنفسه"
لا يؤمن يا جماعه...فاهمين شو يعني لا يؤمن
و برضه بتضل مصلحتهم فوق كل شي

الحمد لله...وربنا يصبرنا و يرزقنا ناس صح تمر بحياتنا