Things I Like To Whisper About

Would You Hear Me Whispering

فراقة عيد



كيفكم و شو اخباركم؟؟ ان شاء الله كلكم تكونو بالف خير

الي فترة بقرأ وما بلحق اعلّق مع انو في مواضيع كتير حبيتها, ما في وقت بالبيت و عندي موضوع بالشغل ادعولي ربنا ايسرلي الخير يا رب :$

مش مصدقة انّا صرنا بال 10 الاواخر...حاسة رمضان طاااااااار بسرعه :(
لسا قبل كم يوم كنّا نحكي اللهم بلغنا رمضان , تخيلو بعد اسبوع و شوي حيخلص رمضان
ان شاء الله نكون قمنا بالطاعات على اكمل وجه و ربنا يتقبّل منا و يغفرلنا اذا قصرّنا او نسينا او غلطنا بأي شي

من وانا صغيرة وانا بسمع جملة " فراقة عيد" وكنت افكرها انها جد بما انه بعد رمضان بيجي العيد و لكن بعد ما كبرت و صار لرمضان مفهوم جديد و عزيز و كبير بقلبي و خصوصا بعد ما الحمد لله ربنا يسرلي صلاة التراويح و القيام بالمسجد و بمسجد بحبة من كل قلبي بالنسبة الي فراق رمضان كتير صعب, و بالدعاء بس يحكي الشيخ " وداعا وداعا يا رمضان" ما بستحمل و دموعي لحالهم بنزلو
ما في بركة بوقتنا بالمره, ان شاء الله نقضي اوقاتنا بكل شي برضي ربنا

فبالعكس فراق رمضان بترك غصّه بالقلب, واللي بصبرنا انّا ندعي ربنا يبلغنا رمضان اللي بعده و ان شاء الله ربنا يستجيب

يلااا انا رايحه عالتراويح وعفكرة انا بدعي لكل اللي بتزكرهم, صح حيكون بالاسم التدويني تبعكم بس ان شاء الله ربنا يتقبل و انتو ادعولي وخصوصا انّا بدينا بالعشرة الاواخر و ما بتعرفو ايمتا بتكون ليلة القدر فأبتداء من اليوم حنبدا نتحرى ليلة القدر " اللهم بلغنا ليلة القد يا رب"
لا تنسوني من الدعاء :)

22 التعليقات :

الله يسعدك يارب ويعطيكي لترضي يا ويسبر :)فعلا رمضان خلص بسرعه وان شاء الله نكون قدمنا فيه اللي منقدر عليه

 

رمضان هو تعليم النا .. تعويد لنطبقه باقي الايام .. بس الخسارة انه منفكر رمضان بيخلص وبتخلص معه المعاملة المنيحة بين الناس .. ومتل كأنه حمل وانزاح عن ضهورنا ... وانا أول الناس اللي مابصدق اتخلص من هالحمل

مع انه حمل كتير حلو ولذيذ .. حمل خفيف جداً .. بس ماعدنا نتحمله

ان شالله ايامك كلها عيد ورمضان :)

 

هو بيني وبينك , والله في ناس فراقهم كرنفالات مش بس عيد

بس رمضان لأ , فراقه عيد وفرحة
بس بنظل عايشين بشوق على امل رمضان الجاي

ما تنسينا من الدعاء

الله يتقبّل منا جميعا

 

يا الله كيف مر الشهر بسرعة
الله يبلغنا في العشر الأواخر يارب
ويوفق الجميع ويارب يتقبل منّا الصيام

عن جد رمضان غير عن باقي الشهور واول مايعلنوا عن ان بكره العيد افقد رمضان من هذي اللحظة

الله يبلغنا جميعا ويارب يعطينا العمر نصوم رمضان في السنة الجاية

الله يوفقنا جميعنا ويستر علينا

 

الله يجزيكي الخير ويسبر
بدعوانتا على الدوام صدقيني

العشر الأواخر هلت
و فيها ليلة أعظم من عبادة 83 سنة! فهيا هيا

*قرأت العنواو أول شي "جرافة" = tie لوول

 

بركاتك يا حجّه"بإذن الله قريباً" و لاتنسينا من دعواتك بالاسم التدويني ...بالاسم الحركي ...بالاشاره حتى ...ما في شي بيخفى على رب العالمين ...وما دام هيك احساسك برمضان ...ان شاء الله كل طاعاتك مقبوله

 

نيالكم انكم بتحسوا بروحانية رمضان. للاسف اللي عايش في بلد غير مسلم ما بحس برمضان ابدا وللأسف بكون حاب انه يخلص بسرعه لأنه ما اله طعم هون. نسأل الله أن يتقبل صيامنا وقيامنا ودعائنا.ـ

 

حرما و تقبل الله منك يا ويسبر
هلا ادا دعتيلي مو مهم الاسم النية بتكفي :)) هادا اذا بتتذكرينا
:(
بالفعل فراق رمضان بترك غصة لانو شهر بالسنة الو ملامح خاصة و حلو
و مريح نفسيا
بتدايق بس بدو يخلص

الله يتقبل منك يا ويسبر خاصة اذا بتدعيلي
و يبلغك ليلة القدر يا رب

 

Sozan

امين يا رب :)
و اجمعين ان شاء الله

ان شاء الله ربنا يتقبّل منا

والله يهدّي بالك و بال الجميع

Ahmad Al-Mahrouq

معك حق, هو التطبيق المفروض يكون بكل ايام السنه, لكن للاسف المعنى الحقيقي و الهدف من رمضان بختفي بممارسات الناس اللي ما الها دخل

الله لا يحرمنا من هالحمل ان شاء الله :)
و ايامك كلها خير و سعاده يا رب

 

LUNAR.

اذا اجيت للناس....في كتيييييييييير فراقهم بدو عرس وعراضة شامية كمان

الله لا يحرمنا من شهر المغفرة, و ربنا يقوينا لنحافظ على هالروح طول السنة ان شاء الله

اكيد ولو...انت و زينة وام زينه كمان :)

امين يا رب العالمين

Haitham

امين يا رب...اجمعين ان شاء الله
تسلم يا رب, ربنا يتقبّل منا اجمعين
وانت و هيام وام هيام بدعواتي كمان :)

اللهم بلغنا ليلة القدر, ان شاء الله نكون من اللي ربنا برزقهم احيائها يا رب

هههههههه...شكلك بتفكر باواعي العيد :))))

 

White freedom

كتير بسرعه, وما حسينا فيه بالمره :(

امين يا رب العالمين ...اجمعين ان شاء الله

احنا بس يعلنو ان بكرة العيد بنروح نصلي العشا بالمسجد و جد المنظر بكون كتير محزن بس يكون مصلى الستات فاضي :(

اللهم امين

Nissan

ياااااااااااااااااا رب...والله من نفسي و كتير دعيت ربنا يرزقني الحج و يرزق كل مشتهي يا رب

بالزبط....ربنا اعلم بكل شي لهيك بذكر كل واحد بالاسم

امين يا رب..الله يتقبّل من الجميع

 

Jaraad

قرأت البوست اللي كاتبه...جد الله يعينكم

للاسف في ناس كتير عايشين بالبلدان الاسلاميه و ما بخطرلهم يروحو يصلو لا قيام ولا تهجد, و ربنا بعلم بما في القلوب و ان شاء الله الك الاجر و الثواب

اللهم امين

Jafra

جمعا ان شاء الله :)

ولو يا قمر...اكيد دائما كمان

فراق رمضان صعب كتير خصوصا للي بحس بحلاوته, ان شاء الله ربنا ببلغنا رمضان القادم

اللهم امين :)

 

ولله معك حق...
أول رمضان يمر بهالسرعة،و أنا بصراحة حاسة حالي مقصرة كتير السنة :(
الله يغفرلي و يقدرني على الصيام و القيام و حسن العبادة بالعشرة الأواخر، و يبلغني و إياكم ليلة القدر...
ياااااااااااااااااااا رب
الله يتقبل منك و الصلاة و الدعاء، و يحببنا كلنا برمضان زي ما انتي بتحبيه و حاسة فيه :)

 

Mrs H

كل رمضان بحسّه بمشي اسرع من اللي قبله
يمكن لان ايامنا اساسا بطل فيها بركه :(

امين يا رب العالمين...كلنا مقصرين, انا اول مرّه ما بختم القرأن لهالوقت, لكن ما بعرف كيف بمشي الوقت
حتى اخر بوست استحيت اعلق عندك لاني لسا مش ماشيه منيح
الله يقدرني يا رب اختمه

امين ..منّا ومنكم ان شاء الله

 

بالله لا تنسي تدعيلي انو ربنا ينولني اللي ببالي

 

Don't forget me in your Dua', Whisper! Taqabal Allah 7abibti.

 

انا من المتابعين لمدونتك من زمان بس انا حاليا بشعر بالملل لانك يا دوب كل اسبوع بتكتبي مرة

 

دايما الشي الحلو بيخلص بسرعة
:(

الله يكتبلنا الاجر و يتقبلنا

الله يوفقك دنيا و اخرة و يسهلك كل امورك يارب
:)

 

Dr.Mohammed

ما نسيتك و دعيتلك بان ربنا ينولك اللي ببالك....بس اذا كان فيه خير الك ان شاء الله :)

ربنا ينولك كل اللي بتتمناه وفيه خير الك

Susu

اكيد ما نسيتك يا قمر...انت و العيله و السيد عبد الرحمن كمان :)

الله يتقبّل منا اجمعين ان شاء الله

 

Anonymous

انو مش بس تأخر بالكتابه...لا وتأخر :$ بنشر التعليق و الرد

الله يعينكم علي هالفترة, عشرة اواخر وما في وقت
ربنا يتقبل منّا يا رب

وشكرا كتير لكلامك اللي اسعدني :)

Wafa'

للاسف ...دايما الاشياء و الاوقات الحلوه بتخلص بسرعه :(
امين يا رب العالمين...تسلمي يا رب
الله ايسر امور الجميع يا رب

 

رمضان قرب يخلص :( كتير حشتاقلو.. إن شاء الله إنكون من أهل الدنيا السنه الجاي
شكرا على الدعاء قرابه الله يجزيكي ألف خير..
اللهم بلغنا ليلة القد يا رب

 

RuRu

للاسف بطير طير...حتى هلأ ايمتا حكينا انّا بدينا بالعشرة الاواخر, هي صار العد التنازلي :(

امين يا رب العالمين...اللهم بلغنا رمضان القادم

الله يسعدك يا رب... اكيد دائما بدعواتي و ربنا يبلغنا ليلة القدر ان شاء الله