Things I Like To Whisper About

Would You Hear Me Whispering

اشتقتلو ...





اخواني اللي متغربين من 12 سنه تقريبا ,متعوده انهم كل فتره و فتره يحكو معي تلفون بدون داعي بس سلام وكلام , او ممكن قاعدين مع بعض و تذكرو موقف من ايام الطفوله بحكو معي ليذكروني و نضحك سوا, او ممكن اغنيه بعرفو اني بحبها, او كانت ضاربه بفترة وجودي عندهم والها ذكريات مع بعض, ممكن يتصلو و ما يحكو اشي بس يسمعوني شوي من الاغنيه و يسكرو, لكن من يوم ما اجاهم اولاد -الله يخليلنا اياهم و يحماهم- خفّت هالحركات كتير و حسيت خواني بعدو عنّي, و حكيت هالشي طبيعي مشاغل الحياه, مع انهم ضلو يتصلو عالاغاني و نحكي كل ما اتصلو بالعيله كل اسبوع, لكن بطل في مكالمات خاصّه الي انا, و يمكن هاد اللي خلاني افكر بموضوع شرايه الشقه, و سبحان الله انا كتبت الموضوع من هون اخواني التنين كأنهم حسّو :), امبارح حكا معي واحد منهم و بحكيلي امبارح كنت قاعد مع اخوي و ما بعرف فجأه خطرتي ببالنا, وحكينا ساعه كامله, حكي جدّي عن العيله والاوضاع وبابا وماما و زوجته و حكي ذكريات :)

من الاشياء اللي حكينا عنها الكلمات المتداوله عنا بالبيت, اكيد كل عيله في كلمات بكرروها بمواقف معينه بتخصهم همه بس, مثلا احنا بالعيله بس حد ما بدو يحكي الصح و بدو يعرّف اللي قدامه انّه ما بحكي صح بنستخدم جملة " ما الك علي يمين" بس تنحكى بنعرف ان الكلام خرط بخرط :) , و بنستخدم " أباااااااااااااه" عأساس انه صوت بكى علشان اللي قدامنا يشفق علينا, يعني مثلا اخوي بدو اياني اعملو اشي بحكيلي "يا بااااايه يا ام السوس شو تعبان.... أبااااااااااااااه " بحكيلو "من الاخر...ايش بدك ؟؟؟" :)

وفي عنّا حركة الترميش, يعني بس حد يحكي يعمل اشي و يكون كتير غلط, بنصير نرّمش بقوة و نحكي " ايش في؟؟" , او ممكن بدنا نروح مكان و مفلسين , بنحكي لبعض في وقت ويلا ما في وقت و بنأشر بايدنا اشارة الفلوس - ثني 3 اصابع مع تحريك الابهام على السبابة :) - حتى مرة اخوي صارت زينا تستخدم هالجمل و هالحركات و مرة اخوي الاجنبية صار تحكي "Let us go out or there is no Time" :)

او ممكن نقعد و انا بغرفتي و اخوي بغرفته, انا انادي " عدنااااااااااااااان " هو يرد علي "ليييييييناااااااااااااا" :) لحد ما بابا او ماما يزهقو و يحكولنا خلص ....

الله يخليلي اياهم يا رب وما يحرمني منهم همه و زوجاتهم و اولادهم و يخليلنا بابا وماما فوق روسنا يا رب, و يخليلكم كل اهلكم واحبابكم :)
و بدّي اوصّي كل مغترب...احكي مع اخوانك و خواتك هيك مكالمه الهم لحالهم..ما بتعرفو قديش بتغيّر النفسية و بتبسط هالحركه :)


اشتقتلهم كتير كتير الهم كلهم و لعبود و فروحه, و خصوصا لفروحه اللي سافرت من اسبوعين :( كل شي بالبيت بزكرنا فيها و لهلأ مش قادرين نضب العابها , و كلنا بالبيت بنحكي بطريقتها و بنغني اغانيها, والي فتره بال Gym كل ما اسمع اغنية اشتقتلو ادمّع, هاد وانا من الناس اللي دمعتهم مش قريبه ...جد اشتقتلهم كلهم









30 التعليقات :

واحد سلاموووووووو عليكوووم ورحمة الله تعالى وبركاته

هي هيك الدنيا معانا
شفت نفسي غير من فراق القطط وحيواناتي الاليفة اللي بياخذوها مني لبعيد ، فايش بالك من الناس الادميين اللي بنحبهم ويحبونا..
وهم جزء منا ومن حياتنا، لكن طروف العمل او الدنيا بتاخذهم منا.

هي هيك ما لها حل
أختي الاردنية الرقيقة.

 

لاتــــي Lati

وعليكم السلام على احلى اخت مغربيه :)

معك حق, اشياء كتيرة عزيزه علينا بنتألم بس تبعد عنّا فما بالك ببشر بتحبيهم و متعلقه فيهم كتير
الله يرجعلنا كل غايب

هاي حال الدنيا

_____________

سبحان الله القلوب عند بعضها :) هلأ هلأ كنت بمدونتك وشفت السمك و الاكل و البسّه....وللاسف ما علّقت لاني تقريبا اعداء مع الجميع :(

 

بارك الله فيك أختي الجميلة
لينا هيك.. ميش هيك؟

سبحان الله والحمدلله

خلاص صار ضروري كلما اشوف تدوينة جديدة لك أجري على طول..لاافوتها على نفسي..

فاكهة البحر- البلح ما لك معه؟
كنت كذلك في يوم من الايام، لكن هلا صار حبيبي اللي باشتاق له قبل موسمه.

الحوت:
احب المقلي
السمك الاصغر ، لانه بشكل غريب لا احد يعرف لما لا اكل الاسماك الكبيرة!!
انه الصيف وموائده، لكن هلا صار جو رمضان الذي اباركه لكم جميعاً

وقتا طيبا لك اختي
لينا ما؟

 

لاتــــي Lati

تسلمي يا رب....تقصدي اسمي ..لينا؟؟؟ لاا للاسف مش لينا :)

كلك ذوق والله و دائما بتشرفيني بزياراتك و بتعليقاتك :)

للاسف انا مش صحبه مع المأكولات البحريه عموما...و مش صحبه مع الحيوانات و القطط خصوصا :$

صحتين و عافيه :)

كل عام وانتم بالف خير و الله يتقبل صايمنا و قيامنا يا رب :)

نورتيني

 

الدنيا مشاغل ... الله يقرب البعاد ان شاء الله ام الوسابر ... او شو رائيك سيبك من هون ورحي اشتغلي بهضيك البلاد
بتقربي البعيد , وبتحسني شغلك , وبتشتري سيارة , وشكة
وبتكملي المسبح الي بالكراج

 

الله يخليكم لبعض ان شالله .. وماتخافي اكيد مكانتك بقلوب اهلك ما بتتقدر بمكالمة .. مع انه هالحركات حلوة .. بس اكيد بدنا نعذرهم شوي


تحياتي ... وانا هلق بدي اروح آكل لآني يادوب رجعت من الجامعة ..قرفت .. متى يخلص هالفصل

 

كيفك ويسبر
انا حاسة احساسك مع انو اهلي كلهم هون بس عارفة التفاصيل الصغيرة اللي بتوخز بالقلب كنت مجربتها
بس حبيبتي اوعك تلوميهم
الشغل هون بالخليج 24/24 لتقدر بس تسد احتياجاتك
الدنيا هون بتلهي بطريقة غريبة ما بتلحقي اليوم الا و صارت الساعة 11 بالليل
و يا دوب نوم كم ساعة و ارجعي للشغل
الدنيا هون بتلهي
الله يخليلك اياهم
هم اكيد مش ناسيينك او نسيوك لا بس لو استغلت هون شهر رح تعرفي هم قديش مشتاقينلك بس حتى الشوق مؤجل

انت ليش ما تحاولي تروحي عندهم رح تلاقي فرص حلوة حتى الوالد و الوالدة ممكن ينبسطوا هناك كتير و بتلتموا

ما بعرف بس بجد حاسة بضيق من حكيك

 

قط البكتريا

هي هيك..الدنيا تلاهي :)
يااا ريت تزبط...مش زابطه :(

و بالنسبه للبركه ....شووو بديت تتهرب بشوف :$

كلّه مسجّل و مكتوب عند مياسي :)

Ahmad Al-Mahrouq

تسلم يا رب..ويخليلك اهلك وحبايبك ان شاء الله :)

الموضوع اني خفت بس حسيتهم بعدو شوي :(
لكن الحمد لله ...مهما بعدو برجعو بثبتو انهم ما بنسو :)
الله يعطيك العافيه, قرأت بمدونه اشرف انك بديت تقدّم فاينال....بالتوفيق ان شاء الله
هانت :)

 

Jafra

الله يعطيكم العافيه و يعينكم....الموضوع اني حسيتهم بعد كل تطور بحياتهم ببعدو اكتر وهالشي كتير دايقني :(
بعرف ان الشغل بياخد معظم وقتهم بس حابه يضلو قراب زي زمان, لكن الحمد لله لساتهم قراب وانا كنت غلطانه بتفكيري

موضوع الشغل بدبي و الله مطروح و هيهم بدورولي على شي واذا زبطت الخطه كلنا انا وبابا وماما نروح هناك ...الله يجيب اللي فيه الخير

 

Unpublished comment :)

شكرا كتير لكلامك الذوق, وبشرفني وجودك هون و كتير اسعدتيني بكلامك :)

الكل بسألني عن محجوب..مع اني ما بعرف اشي عنه, سمعت فيه و جديد سجّلت لاعرف معاني السمايلي ولكن ما عمري كتبت
مع انه مبين مجتمع كتير حلو والجميع متعرفين على بعض هناك وكتير قراب من بعض :)

الله يخليلك اهلك و كل احبابك
وشكرا لتواجدك :)

 

Beautiful post, as always :)
but this one is special! I miss my sisters and family and I miss calling each one individually...I should do it more often ;)
Allah yikhallikom la ba3ad, kolkom, o 3ala toool!

 

Nido

Thanks Nido for the sweet words :)

U should... u can't imagine how my brother's call made my day :)

Ameen ya rab, w y5alelek kull 2ahlek w 7abaybek ya rab :)

 

الله يخليلك اياهم يارب ويحماهم زي ما حكت جفرا الدنيا تلاهي
وماتعتبي عليهم أبدا
وكتيييييييييير حبيت حركاتكم الي بتعملوها
:))))

 

ميسم

تسلمي يا قمر ...و يخليلك احبابك يا رب :)

معكم حق...بس بتعرفي مرات مع حاله الضغط العام ببدا تفكيرنا يبعد عن الطريق الصحيح مرات :)

حبتّك العفيه يا رب
احنا عيله نغشه على رأي اخوي
ههههههههههههههه

 

متل ما ودعتي تلاقي...الله يخليهم وما يحرمك منهم يا قمر
...عجبتني قصة الكلمات والحركات

 

Nissan

تلاقي الخير يا رب....امين و الله ما يحرمك من حبايبك يا رب

كل عيله في منو هالشي ..صح :)

 

اليوم الصبح (بتوقيت امريكا) قرأت البوست بس ما قدرت اعلق لأنه الكيبورد انبل من الدموع. يمكن بتفكريني بمزح بس فعلا هاد اللي صار. فعلا الغربه صعبه بطريقه جنونيه. البوست كان مؤثر جدا.ـ
فعلا دائما ذكريات الماضي حلوه.ـ

 

فاينال مين يا شيخة؟؟!! هاد بس اللابات

اما المواد ببلش فاينال ب 12 الشهر
وبخلص ب 17 الشهر

يعني اسبوع من رمضان
:(

الله يعينا

 

والله بهالشوبات بحب أهديكي اغنية فارس كرم
"الله يلعن بي الغربه"

:)

 

الله يخليلك اياهم يا رب وما يحرمك منهم ابدا وتضلوا تعزوا بعض وتفتكروا بعض.
والله يزيد الاحفاد ويكثرهم.
يومك سعيد

 

Anonymous

بعتذر و بشدّه عن اي الم او دمعه نزلت من عيونك...ما كان قصدي

القصد اني افشّ قلبي و ابين للمغتربين قديش اي حركه بتعني للاهل, و نسيت مشاعر المغترب نفسها :$
معلش كنت انانيه شوي بتفكيري :(

الله يعينكم و يرجعكم لاهلكم و احبابكم سالمين غانمين يا رب و محققين كل اللي بدكم اياه :)

اسفه مرّه تانيه

___________
اخواني بحكو معنى عال
Skype
بنقعد ساعات نحكي و بنشوفهم و بنشوف الاحفاد
و بنفرجيهم اذا في شي جديد بالبيت و همه نفس الشي, يعني مش زي انّا نشوفهم قدامنا بس بتخفف شوي

جربها\ جربيها :) مع انه عندي شعور ان المعلق شب مش بنت :)

Ahmad Al-Mahrouq

الي سنيييييييين مخلصه لاب و صيفي معلش ناسيه موضوع الامتحانات

بس برضه هانت :)
من باب ان اللي ايديه بالمي مش زي اللي اياديه بالدراسه :)

مياسي

مسا الفل و جمعه مباركه
مع اني شخصيا بكرررررررررررررره فارس كرم ....بس هالاغنيه مناسبه للموقف :)

الكيل بمكيالينAnonymous

بعتذر و بشدّه عن اي الم او دمعه نزلت من عيونك...ما كان قصدي

القصد اني افشّ قلبي و ابين للمغتربين قديش اي حركه بتعني للاهل, و نسيت مشاعر المغترب نفسها :$
معلش كنت انانيه شوي بتفكيري :(

الله يعينكم و يرجعكم لاهلكم و احبابكم سالمين غانمين يا رب و محققين كل اللي بدكم اياه :)

اسفه مرّه تانيه

___________
اخواني بحكو معنى عال
Skype
بنقعد ساعات نحكي و بنشوفهم و بنشوف الاحفاد
و بنفرجيهم اذا في شي جديد بالبيت و همه نفس الشي, يعني مش زي انّا نشوفهم قدامنا بس بتخفف شوي

جربها\ جربيها :) مع انه عندي شعور ان المعلق شب مش بنت :)

Ahmad Al-Mahrouq

الي سنيييييييين مخلصه لاب و صيفي معلش ناسيه موضوع الامتحانات

بس برضه هانت :)
من باب ان اللي ايديه بالمي مش زي اللي اياديه بالدراسه :)



تسلمي يا رب...و يخليلك اهلك و كل اللي بتحبيهم
و اميييييييين عموضوع الاحفاد...و ان شاء الله بنفرح فيكي و بتجيبي احلى احفاد للاهل :)
مسا الورد و جمعه مباركه :)

 

مياسي

مسا الفل و جمعه مباركه
مع اني شخصيا بكرررررررررررررره فارس كرم ....بس هالاغنيه مناسبه للموقف :)

الكيل بمكيالين

تسلمي يا رب...و يخليلك اهلك و كل اللي بتحبيهم
و اميييييييين عموضوع الاحفاد...و ان شاء الله بنفرح فيكي و بتجيبي احلى احفاد للاهل :)
مسا الورد و جمعه مباركه :)

 

الله يخليلك اياهم يا رب ويخليكي الهم كمان

هاي الدنيا

 

LUNAR.

تسلم يا رب
و يخليلك اهلك و احبابك يا رب

فعلا...هاي الدنيا
بس حلو من وقت لوقت حركه من هالحركات ..ترجع كل الماضي و بتعوض عن الفترة اللي بعدنا فيها :)

مش تنسى خواتك لانك ملتهي بحياتك و بزوجتك و بنتك الله يخليلك اياهم...ضلّك اتزكرهم لو من وقت لوقت الله يرضى عليك :)

 

ما الي غير اخت وحدة , متجوزة وعايشة بكندا صارلها اكثر من 12 سنة

بس الحمد لله , بتفقدها كل فترة وفترة بتلفون , بمسج , بأي اشي

مسكينة , بتشوفها قد الدنيا
الله يجمعنا بحبايبنا على خير يا رب

 

LUNAR.

امين يا رب العالمين

الله يخليلك اياها و يخليك الها يا رب

اساسا بجننو الخوات الوحيدات.... اسمي وحده منهم :)

 

this post killed me! It came in the perfect time 4 me to miss my family :(

Allah yejma3kom wala yfarregkom ya whisper.

H.

 

Haitham Al-Sheeshany

Ameen ya rab, u too Allah yejm3kom soon inshallah :)

yalla hanat 11 days will pass quickly inshallah...it will pass with all the cleaning u have to do ;)

 

السلام عليكم :
أنا مغترب و اختي اللي بالأردن امبارح عملتلي رنة بالتلفون و فصلت , استحيت من حالي و عرفت قديش أنا مقصر بحقها و كيف ما بحكي معها ...
و هي و أنا إلنا ذكريات حلوة خصوصا إنا " روسية" ورى بعض .

 

عبد الله محمد

وعليكم السلام ورحمة الله وبركاته

الله يخليكم لبعض ان شاء الله
و حرام لا تطول عليها...اتفقدها عالقليله بمسج من فترة لفترة

تقبّل الله الطاعات
و رمضان كريم :)