Things I Like To Whisper About

Would You Hear Me Whispering

هناك... على ذلك المقعد



هناك... على ذلك المقعد


هناك..تلّون الكون من حولي بعد اول كلمة احبك

كلماتك..فراشات تتقافز داخلي
نظراتك ...دفئ يسري في جسدي

هناك..على الحب تواعدنا
وعلى الاستمرار تعاهدنا

هناك..وعدتني بفجر جديد
فمحوت الاسود من الواني

هناك ...اغمضت عيني دون خوف
رأيت المستقبل
رأيتك و رأيتني

هناك..نسيت الماضي والحاضر

هناك ضحكنا
و هناك تركتني
ابكي لوحدي

هناك...حيث فقدت الكلمات معانيها

هناك... على ذلك المقعد

__________

برضه من وحي الصورة...مع اني شايفه الصوره فيها نوع من الدفئ و الحميميه
لكن تعليق المصور على الصورة هو اللي اوحى بالكلمات - عأساس يعني كلمات :) -

“The most terrible poverty is loneliness, and the feeling of being unloved"

لا تنسو تسامحوني و تتذكرو اني بشخبط :)

19 التعليقات :

شخبطاتك في تحسن مستمر!
حتى انا بنقدر نعطيها اسم احسن من شخبطات لانها مترابطة ومتناسقة وفيها قافية.
بتقدري تعتبريها محاولة لنظم الشعر او خاطرة مثلا...
استمري وراح نشجعك

 

mar7ba whisper
how are honey inshallah ba5er ?did you write this poem it's really really good .i liked your other posts i read the last 3 they are very interesting i didn't post a comment but they made thing about things you mentioned .
have good day whisper

 

"
هناك..وعدتني بفجر جديد
فمحوت الاسود من الواني
"
يا وييييييييييلي
:thumbs UPPPP:

كلمات حلوة كثير والله

بس ملاحظة عالهامش , برجو تقبليها مني

ما تظلّك تحكي زي هيك

- عأساس يعني كلمات :) -
تسامحوني و تتذكرو اني بشخبط :)


لأنه هاذ النص طلع منك انتي , واذا انتي ما آمنتي فيه وشفتيه حلو , راح تظلك مع كل نص بتكتبيه تعتبريه انه "بشع" او "مش على مستوى" , وخلينا نشوف منك كمان وكمان كتابات زي هيك

كمان ملاحظة
:k:
ما لقيتي غير مؤيد تجيبي منه صور
:k:

بمزح بمزح
:D :D

 

صباح الخير ويسبر

الذكريات المرتبطة بالمكان من الصعب وجدا التخلص منها ولذلك يبقى الحنين يراودنا إلى ذلك الحب الضائع كلما هبت رياح الماضي المرتبطة بمشاهداتها ولكن يبقى السؤال حول قدرة تلك الأماكن في الحفاظ على حميميتها للشخص عندما يبدأ صفحة جديدة في حياته وأعتقد أنها تبدأ حينها بالانحسار التدريجي

أشكرك ويسبر على هذه الخاطرة الجميلة التي أثارت في داخلي العديد من التساؤلات حول ذاكرة المكان :)

نهارك سعيد

 

الكيل بمكيالين

تسلمي يا ذوق :)

يعني في امل مني :$
المشكله اني انا ما بقدر اقدّر اذا الكلام منيح او لأ :(

شكرا الك يا قمر عالتشجيع :)

NrJordan

Noooooooooor ....ya hala ..ya hala bel amar
how r u ya 7elweh, long time w 2enty mesh mbayneh, we miss u kteer :)

Yes I did :D
happy 2enhom 3ajabokee :)
I love ur comments bs wojodek mohem kaman
u too ya amar..have a wonderful day :)

 

LUNAR.

:)))))
شكرا جزيلا

معك حق بهالملاحظه....لان هالكلمات بتطلع مني فجأه بصراحه, ولكن بس اجي اقارن حالي بأمثالك من المدونين بحس حالي لسا ولا اشي :$

بتزكر في مرّه انت كاتب بوست شعر و في حد من صحابك علّق بشعر و رديت عليه انت برضه بشعر ... ما تعقدت بالمره انا وقتها :)

انت بتعرف مؤيد؟؟؟

عأساس انو مش منك عرفناه يعني...بس هالغشمنه علشان ما تحكو عني ئلوده :)


أشرف محيي الدين

صباح الورد أشرف

صح...الاماكن مرتبطه بالذكريات, الجميله و الحزينه, و ممكن نحب المكان او نكرهو حسب اخر مشاعر انتابتنا و احنا فيه

لكن الزمن كفيل بمحي هالذكريات شوي شوي , ممكن لانه بيجي ذكريات اجدد مكانها, الهارد ديسك اللي بدماغنا ببدي يعمل Over write

شكرا الك أشرف لتواجدك...نهارك اسعد

 

"
بتزكر في مرّه انت كاتب بوست شعر و في حد من صحابك علّق بشعر و رديت عليه انت برضه بشعر ... ما تعقدت بالمره انا وقتها :)"

:D:D:D

شكرا على كلامك , بس يمكن تتفاجئي اذا قلتلك انه انا بطلع معي الكلام فجأة , يعني بكثير من المرات كنت افتح بوست فاضي واصفن فيه ويطلع الحكي معي بوقتها

على سيرة الردود , في ثريد بمحجوب كانت فكرته هيك , الواحد يكتب اكمن سطر ييجي اللي بعده يرد بنفس الفكرة بأكمن سطر كمان بأسلوب لطيف , كنت اشارك فيه كثير , بشوف اذا لقيته ببعثلك اللينك

لأ ما بعرف مؤيد , بس كنا اصحاب من الجامعة بس
:D

بالعكس , لا قلودة ولا اشي , خليكي هيك واعتبريها منافسة مبطنة بيني وبينك
;)

 

!!!

انا رايي انو موجة الحر عامله عمايلها:)

 

LUNAR.

لكن ما حد بنكر ان نتائج فجأتي متواضعه بجانب نتائج فجأتك :)

صار نفسي اشترك في محجوب قد ما سمعت و قرأت عنه منك و من ام عمر و غيركم من المشاركين فيه, بحسكم صرتو زي العيله :)

انا هيك حكيت برضه...مش صحاب بالمره :)

مياسي

ههههههههههههه....ممكن كتير خصوصا اني خلص شوي و حيغمى علي من هالشوب, الرطوبه خنقتني :(

 

احلى شخبطه رومانسيه من احلى قمر
رائع ان تستوحي من صوره كل هذه الكلمات الجميله

نهارك فل ويسبر ...الرشيييييييقه
ابعت لي اسم المركز اللي سجلتي فيه لو سمحتي....بحاجه ماسه له....بعد رمضان اكيد

 

Nissan

الله يسعدك يا رب..المهم عجبتك :)

الصور بتوحي بأشياء كتيره لكن مرات الكلمات ما بتيجي :(

هههههههه.. الحمد لله :)
نهارك عسل يا رب

هي ايميلي

my_loud_whispers@yahoo.com

ابعتيلي عليه لابعتلك رقم المركز الرياضي و رقم خبيرة التغذيه اللي رحت عندها :)

 

Jafra

شكرا يا قمر ...المهم عجبك :)

 

شخبطاتك ما زالت رائعة وتزداد روعة كل مرة, ولا تنسي أنو أعظم الأدباء بلشو بشخبطات

 

Ahmad Hamdan

شكرا احمد.....عالكلام الحلو و الدعم :)
ان شاء الله مع الوقت اضل اتحسن

 

اذا هاي شخابيط .. شو نحكي ؟؟

فعلا كلمات واحساس رائعين

مع اني صرت اكره كل المواضيع الرومانسية هاليومين ... بس كلماتك حلوة

الى الامام يا بطل
10\10

 

Ahmad

شكرا شكرا احمد...هاد بس من ذوقك :)

مهو كل شي بتحول لرومانسي مش فاهمه ليش :$
هوووووه علامه كامله كمان :)))

 

كتير حبيت هادا الشيئ.. كتابة من وحي الصوره :)

 

صباح الفل يا قمر

في كتير صور بتمر علينا بحياتنا بتحسي انها بتعبّر عن كلااام كتير

مبسوطه ان الفكرة عجبتك :)