Things I Like To Whisper About

Would You Hear Me Whispering

شو بالنسبة...5



شو بالنسبة للي بعدلو المعلومات الخاصه فيهم على الفيس بوك و بكتبو In A Relation With.... شو يعني ؟؟؟
انا بعرف ال Relation يا خطبة يا زواج, و بما انه هالخيارات موجوده و الشباب و الصبايا ما استخدموها فمختصر ال Relation الجديده هاي هي " صحاب"

و الاشي اللي بجلط اكتر هو انه بيجي على هالتعديل 1000 Like و 5000 تعليق
" واااااو ".... " مبروووووووووووك" على شو مبروك انت و اياها و اياه؟؟؟

و بعدين صاحبة الحظ او صاحب الحظ السعيد اللي انكتب اسمه ورا ال With بعلقو
" شكرا.." .."I'm Soooo HAPPY".... " عقبالكم" عقبالك لحالك O_o

و شهر شهرين بالكتير بترجع المعلومه
Single :)

لشو هالتقليد الاعمى اللي ما اله دخل لا بدينا ولا بقيمنا ولا بأعرافنا...احنا من ايمتا في اشي اسمه "صحبه" عنّا و من ايمتا بنشجع على هالشي و بنبارك فيه كمان ...
لشو بتغلبو حالكم و بتعذبو حالكم و بالاخر بتطلعو بسوادة الوجه و ما شاء الله الموضوع بكون معلن بأوله و بأخره


_______________

الحمد لله على سلامة ال Blogger الله يسامحه قطعنا هاليومين :(
بس بسيطه مدامنا رجعنا
Back To The Track :D

23 التعليقات :

زكرتيني بواحد قرابتنا زمان
قال بسألو فلانه ليش عم تزور أم فلان-اللي هو صاحبها ع اي اساس يعني
رد علي وحكالي: "ما هي بحكم خطيبتو"!!

اتطلعت هيك وحكيت: شو هاي؟ تصنيف جديد للعلاقات؟!!

 

A somewhat relevant and interesting infograph about our online privacy :)

 

مياسي

يا سبحان الله...هلأ صار في اشي اسمه " بحكم"!!! ممتاز والله
وكمان ببررو هاد اللي بجلط :$

مفهوم كل شي صار غلط عنّا...و معنى الشرف واصل غلط لناس كتير

Rand


"1,802,330,457 people have access to your information "

That was soooo scary :(

Al7amdolellah I'm not sharing that much of info about me via internet...inshallah :$

 

مصاحب ومصاحبه صار اشي جداً عادي، اشي بيرفع الراس، بكره بصيرو بحكم المتزوجين وعايشين مع بعض! أنا مش ضد إنه الشباب و البنات يعرفو بعض كويس قبل الزواج، بس ما تمط سنين هي المعرفه!

بس أنا بدي أفهم شو يعني
"it's complicated"

 

يا ويسبر إحنا ب 2010 ! خلص لازم نتمدرن
و نتطور
و إلا بننقرض

حسبي الله بس
:(

بلوجر كان مشرت هون كمان
بعنلك إيميل، وصلك؟

 

يعني متل ما قالت مياسي ... بحكم

يعني بكونوا بعاملوا بعض كالمخطوبين .. بس للصدق وبما انهم مش مخطوبين .. بيكتوا انهم بعلاقة

بس مرات كتيرة تأتي الرياح بما لا تشتهي السفن .. وبيفسخوا هالخطبة قبل ما يخطبوا

:)

 

blabbrgirl

يعني شي اللي مش مصاحب ما بيفهمو شكلو:)

 

Blabbrgirl

صار اللي مش مصاحبين همه اللي في عندهم مشكله :$
اه شفتي بالله ... جد عجبتني بحكم مخطوبين و بحكم متزوجين هاي

طريقه التعارف وبهدف الزواج غير تماما عن هاد اللي بعملوه لان اخر تفكيرهم الارتباط

اعتقد معناها انه صعب اللي مثلنا وبعقلنا انه يفهم :)
رجعيين بعيد عنك

 

Haitham

جد جد جد انا ناس رجعيين ومش واو ولا كول

حسبي الله ونعم الوكيل شو بدنا نحكي
بلوجر ما زال مشرت عندي
ماوصل شي :$

Ahmad

هاي بحكم بضحكو فيها على حالهم مش علينا
ما بنكر ان في ناس بهدف الزواج بس كتير لأ ومش بضحكو على بعض لأ برضى الطرفين... شبه تسلايه و تضييع وقت

انت من اي شركه النت?? بدي افهم ليش البلوج مغاوز معك :(

 

مياسي ‏
أيييون :)
اللي زينا يعني.... المش عاجبنا :))))

 

هاي الاشياء كانت موجوده من قبل الفيس بوك عنا في الجامعه ويلبسوا خواتم كمان وطبعا وكل هاد والاهل ولا عندهم هبر!!
عادي .....عادي كلها اكمن سنه وبيصير عنا ناس تعيش مع بعض من دون زواج ولا عقد والاسم تعارف وخطبه

 

لا يا ويسبر زعلتينا هيك, هيك أنت بنت رجعية وبدائية وما بتفهمي شو اللي بصير بالدنيا أو هكذا سيقول لك شخص ما, يعني زي ما حكيتي لو واحد حاط خطبة أو زيجة والله ما فيها شي الزلمة/البنت حقو/حقها بس كل ما الواحد/ الوحدة يعرفولهم شخص من الجنس الأخر ويقلبلك إحنا بعلاقة وبعديها بكم يوم زعلانين و am single فهون معا الحق الواحد يحكي

 

سوزان

صح... معك حق
زكرتيني بأبن عمي الله يسامحه كان لابس دبله هو واللي "كان" يحبها وبعد ما خطبو بشهر بطل بدو اياها :(

والله جد مأساه اذا بنوصل لهيك...

Ahmad hamdan

شايف ما انكدني :) يعني ليش ما انبسط ان العالم بتحب بعض عأساس وشو يعني زواج وشو يعني حرام وشو يعني عييب !!!

مهاد اللي بقهر... انهم محددين انها مؤقته

 

يعني يا همسة كيف هالشباب هاب بدها تعيش حياتها , وانو يعني فري و اوبن مايند ومش معقدين . :S
يا ستي كل شي غلط مستحيل يطول ويلي ربنا بحبه بهديه وبكبر عقلة والاحسن من هاد كله يلي ما بتخرط بهيك عقليات وأمم , ما في شي اسمه علاقة الا بين الزوج والزوجة او الخطيبين يلي مكتوب كتابهم غير ذلك هباء منثورا.
للأسف انو هالشي انتشر كتير والله يعين ولادنا على هيك افكار, والله يقدرنا نربيهم متل ما تربينا

 

ايناس

معك حق كلها علاقات وبتخلص اسرع ما بدت

زواج او خطبه هاي هي العلاقات المعروفه...الله يهدي الجميع يا رب

امين يا رب الله يقدر الجميع على تربيه هالاولاد

 

ايناس

معك حق كلها علاقات وبتخلص اسرع ما بدت

زواج او خطبه هاي هي العلاقات المعروفه...الله يهدي الجميع يا رب

امين يا رب الله يقدر الجميع على تربيه هالاولاد

 

I agree Whisper! Too funny and sad in the same time!!!

 

Susu

Yes it is
شر البلية ما يضحك :$

 

لسه الشي المتخلف أكتر لما تكون حاطه
إن ريليشن ويذ .. وتكتب إسم صاحبتها
على بالها إنو نغاشه :S

 

انا لاحظت انو هادا الشي موجود من فترة خاصة البنات الصغار و الشباب الفايع جدا
بتصور مع كلبوا وو قلب احمر
كوووول
الصحبة ؟ ممممممممممم كان لازملك زيارة لليرموك لتعرفي انو هادا الطبيعي و لو كتني مش مرتبطة بتكوني غريبة على المجتمع :))
قيم - عادات - دين
تقريبا انقرضوا حتى لو كنا برمضان :)

 

ههههههههه عجبتني الصور :)

لا جد فاهمين الموضوع غلط الشباب
هلأ انا بعرف ان في ناس هيك بالجامعات كانو, لكن مش معلن لكل الشعب...ويلا كان معلن, انا كنت اسمع ان اليرموك اشي عجيب بين الجامعات
الهاشمية كنّا كلنا قد بعض زي المدرسة :)

رمضان وغير رمضان هالمفاهيم عم تختفي و تتلاشي وتنمسح من قاموسنا

 

Hehehe.. ana jarbt e in relation with.. ola 7ad el aan in relation,.. with nooo body!! just habal o ejani nfs elle 7keete 3anno..ya mabrook o mesh 3aref sho.. o ana sogt el habal 3l shetaneh o 7aketlhom 3o2bal 3ndkom.. loool 3adi 3adi.. zaman el 3ajayeb

 

LOOOL bardo btemshee hay...3ajbatnee elfekrah :)

zaman 3'areeb 3ajeeb :S