Things I Like To Whisper About

Would You Hear Me Whispering

مدونة صيف 2010....شو رأيكم؟؟


Create your own banner at mybannermaker.com!


بتتزكرو زمااااااااااان ...هو بصراحه مش من زمان, كأنه قبل كم شهر صح..
مدونة صيف 2009


مثل هالايام قبل سنة الفكرة فكرة زميلنا المدون احمد المحروق, وانا كان الي الحظ اني اشارك معه بالترتيب
وفازت المدونه عروستنا ايناس :)

السنة بصراحه كان عندي تردد بالنسبة للموضوع, لانه جربنا بالشتا و ما كان في اقبال كتير.
احمد المحروق في مدونته عامل تصويت اذا بتحبو يكون في مدونة صيف 2010 ويلا لأ
يا ريت تشاركو بالتصويت هناك و شكرا الكم مسبقا :)

16 التعليقات :

شكرا ويسبر على الاعلان
ولا تتهربي من الموضوع هاي السنة
رح نرتب كالعادة المواعيد للتصويت وباقي الشغلات
طبعا في حال كان في رغبة من الناس انهم يشاركوا بالمسابقة

:)

 

فكرة طيبة
أنا قرأت الإدراج و صوتت
already
:)

 

صباح الخير ويسبر
فكره حلوه وان شاء الله ح اصوّت...تصويت...مش ارقع بالصوت ههههههه
لكن عشان السنافر اللي جداد عالصنعه زي حالاتي....اشرحي لنا اكتر...ايش المتطلبات او المواصفات للي لازم تكون بالمدونه حتى نعتبرها متميزه وتستحق الفوز
نهارك فل وياسمين

 

رح احكيها وامري لله
انا مش موافقه

 

مسا الخير
شكلها فكرة حلوة , ان شاء الله حاب اشارك

بس مؤخرا ما عندي نشاط كثير عالمدونة

 

انا بصراحه مع ميسو مش موافقه يا جماعه بتصور انه مثلا نعمل ايام تدوين عن اشياء بتخصنا ونحكي تجاربنا فيها احسن من انه نعمل تدوينة صيف !!يعني مثل اليوم اللي دونا فيه عن الاردن طبعا شكرا لقويدر
او نكبه او يوم الارض او او في شغلات كثيره ممكن نعملها وتكون فيها فايده واثراء

 

انا صوتت السنه الي راحت بتزكر اني سالتك عن طريقه التصويت ما كان عندي مدونه لكن شاركت بالتصويت
وعلى فكره انا صوتلك ;) وخليت اختي تعملي فيس بوك باسم مستعار مخصوص عشان المسابقه :D

انا مش حابه اشارك بس حابه اصوت في مدونات جدا رائعه وفعلن تستحق انها اتفوز :)

 

مرحبا، شكلها الفكرة لطيفة جدا
وأنا حابة اشارك في التصويت، بس زي ما قالت نيسان اللي جداد عالصنعة مش فاهمين الموضوع كثيير يا ريت تشرحولنا اكثر.

 

Ahmad Al-Mahrouq

لا شكر على واجب
شكرا الك عالفكرة و ان شاء الله اذا كان التصويت انه نعملها اكيد انا معك بالموضوع :)

Haitham

شكرا عالدعم هيثم..وان شاء الله اذا صارت تكون اشي حلو ومرتب :)

 

Nissan & الانسة كيّاله

صباحكم ومساكم سكر ان شاء الله :)

هلأ فكرة 2009 كانت انه نحدد مدّة 15 يوم ليتم فيها ترشيح المدونات اللي الناس بتحب اتابعها و بتحسها مميزه, الشروط هي ان المدونه تكون عربيه , يعني صاحبها عربي مش مهم الجنسية ولا مهم اللغه المستخدمه في المدونه عربي او انجليزي, وانها ما تكون مخلّه بالاداب العامه, وكل شخص بقدر يرشح اي عدد من المدونات براحته

المرحلة التانيه و هي مرحلة التصويت, هلأ هاي ممكن تتغير السنه لانه السنة الماضيه كان الترشيح عن طريق الفيس بوك, السنة ممكن نعمل صفحه مخصصه للتصويت لسا ما تقرر

التصويت برضه لاكتر من مدونه مسموح ولكن لنفس المدونه ما بصير غير يصوت مرّه وحده

وبعدها النتيجه :)

ان شاء الله اكون وضحت الموضوع :)

هلأ الاعتماد على نتيجه التصويت على استمرار المسابقه او لأ الموجود حاليا في مدونه احمد المحروق :)

 

مياسي

طب و اذا حكيتلك اني حرشيكي ب 100 صوت مثلا بتوافقي :)

ههههههه تخيلي لوين وصلنا بالمدونات..له له له

والله يا ميسو انتو اللي بتقررو, انا ما كنت متشجعه كتير بس لانه مدونة الشتا ما كان في اقبال عليها, ولكن الفكرة كفكرة انا حاببتها :)

احنا عائلة تدوينيه ديمقراطيه, نتيجه التصويت هي اللي بتحدد, وانا بسأل كيف ممكن نتلاعب فيها :)

LUNAR.

مساء النور :)
مع انو في النا عتب على غيابك كتير بس يلا مسامحينك لانك كل ما تطل علينا بتكتب اشي بجنن كالعادة...فاهلا وسهلا فيك حتى لو مشغول :)

 

Sozan

كتير عجبتني فكرتك :)

بتعرفي....اذا تم موضوع مدونه صيف 2010 او ما تم لازم ان شاء الله نطبق فكرتك

نحدد يوم من كل شهر نكتب وجهة نظرنا عن شيء معين و حلو الواحد يسمع - او يقرأ - اكثر من وجهة نظر عن الموضوع و النقاش بكون مفيد

جد عجبتني الفكرة :)

Jarat

الله يسعدها يا رب...كلك ذوق يا قمر :)

السنة بتشاركينا بالترشيح والتصويت اذا بدك :)

الحلو انّا المرة الماضيه تعرفنا على مدونات جداد بستحقو ان الكل يقرأهم ولهيك انا حبيت الفكرة :)

 

حبيت الفكرة كثييييييييير وانا معكم في التصويت :)
لاني جديدة :)

 

سوزان عمرك أطول من عمري
لسه اليوم الصبح في بالي نفس الفكره بالزبط تماما

انو بما انو الهدف يا جماعه نتعرف على بعض، خلينا نعمل شي تجمع تدويني معين نعرف فيه بعض

شي متل اجريجاتور مثلا

 

White Freedom

حتى لو جديده...برضه ممكن تترشحي, واذا انتي ما رشحتي حالك انا متأكده انه في كتير بحبو مدونتك و حيرشحوها :)

مياسي

يلا اتفقو على شي وانا معكم :)

 

ممكن نعمل زي المدونات المصريه اسبوع تدوين او شهر كامل
كل يوم تدوينه مثلا (شوف مين بحكي)

او ممكن نعمل بداية كل اسبوع تصويت على مواضيع يقترحها الكل وزي ما حكت سوزان الكل يشارك بخبراته:)