Things I Like To Whisper About

Would You Hear Me Whispering

شجرة حبنا...





مرة عمي نايمه عنا من كم يوم, و اليوم الصبح صحتني ماما بتسألني بدك تفطري بالبيت ويلا بالحدائق, طبعا الرد معروف :)
جهزنا امورنا واخدنا الشاي والقهوه و الشيبس و الشوكلت والمي و رحنا على ابو جبارة اشترينا ساندويشات سوبر كعك ورحنا عالحدائق, وصلنا مع أذان الظهر صفيت السيارة جنب المسجد ورحنا صلينا- بحب بس يصحللي صلاة جماعه بدون ترتيب :) - كان نفسي اصور المسجد من جوا لكن المشرفه ما رضيت, بصراحه ما ناقشت, ما الي نفس اناقش وما بدي اسم بدني, المهم صلينا و رحنا اخترنا مقعد تحت شجره الكينا, احنا مسمينها شجرة بابا :) لان بابا دايما بحب يقعد تحتها.

الحدائق مليانه حبّيبه, همه خطاب همه عرسان همه صحاب مش عارفه, ومليانه شباب كل واحد قاعد بزاويه بس بتطلع عاللي رايح واللي جاي, و بس يلمح بنات من بعيد فورا بمشي لعندهم, وبقعد قريب منهم وبشغل الاغاني على الموبالي, و مليانه سيارات مشغلين موسيقى عالعالي, والمشكله السيارة ما فيها غير السائق, طيب عالقليله جيب صاحب واحد تتسلو, وبنات ماشيين , كل ما بنت بدها تقطع الشارع, لازم توقف السيارة و ابصر شو يحكي السائق و هي يا تتجاوب بضحكه او ما تعبره بالمره, وفي شباب قاعدين بحالهم جايبين وجبات و باكلو بمكانهم و بحكو تلفوناتهم, وفي شباب فارشين حصيره و بدرسو :)... يعني في هيك وفي هيك.

انا و كالعاده بحب اصور المناظر اللي حوالي, لفت نظري ان شجره بابا ما في عليها مكان فاضي عالساق الا ومكتوب عليه, اسماء بنات و اسماء شباب,و تواريخ وقلب وفيه احرف زي اللي كنا نعملها مع صاحباتي وانا بصف اول ابتدائي :$

الشجره كتير حلوة و ما شاء الله كبيره و عاليه, و لكن منظرها مشوه او يمكن من وجهه نظر ناس تانيين منظرها حلو و بدل قديش احنا شعب رومانسي و حبّيب, بس انا برأي ان الشجر مش مكان لهالرومانسيه.

ممكن يعملو سور جنب بحر بس للعالم تكتب و توقع و تبصم باسمائهم و اسماء اللي بحبوهم, مش غلط , خلي الناس تفش قلبها و تكتب اللي بدها اياه, بس مش بأي مكان هيك يلا نسجل للتاريخ حبنا هون, وما بدي اخوض بنوع و مدّه هالحب.




22 التعليقات :

انتي ضد الحرية الفكرية والتحرر وحرية التعبير والشعبرة


يعني ناس بدها تثبت حبها
بدل ما تطول الموس وتضرب ايدها بتفش غلها بالشجرة

آخ بس ... اذا وقفت على هاي بسيطة
شوفي الحيطان اللي عليها مسبات بذيئة
وتعليقات حقيرة

ياريت كل الكلام حب وبس

 

ويسبر يا ويسبر
اي قسما بالله لو احنا شعب عاطفي و رومنسي و بحب الجمال, كان ما حفّروا الشجرة بهاي الطريقة "السافاج"
وعلى قولت ستنا نانسي
شخبط شخابيط لخبط لخابيط
شخبط عالشجرة ما شخبط عالحيط !

 

يعني شعب حبيب وبيحب الذكرى والاهم من هيك بيحب حالو اكتر من كل شي

فراعنه!! ليش انتي زعلانه؟ :-)

 

Ahmad Al-Mahrouq

اه بالزبط...اذا هيك التعبير فانا بكره العالم تعبّر عن رأيهاو انا ديكتاتورية جدا :)

ههههههههه عجبني "بدل ما تطول الموس وتضرب ايدها بتفش غلها بالشجرة" معك حق
لا خليهم يكتبو زي ما بدهم :)

والله يا ما سمعنا و قرأنا هيك اشياء و بأغرب المواقع كمان :$

Sh3rawi

هاد تشوييه للطبيعه ولكل شي حلو اللي بعملوه
على رأيك " سوهاج " :) والصعيد الجواني كمان

مهي الله يسامحها لو حكت عن الشجر كان يمكن العالم ردت, لانه هالايام بس اشكالها اللي بنرد عليهم و بتقلدو

 

مياسي

حتى انه ما بحب اشي يضل من بعده, علشان هيك بدو يضمن ان الشجرة تموت قبله :$

الذكرى اللي بدو يتركها, قلب مع حرف...الله يعطيه العافيه والله

انا زعلانه لاني دورت على حرفي اني الالقيه ما لقيته و ما كان معي سكين احفره....فااااا اتدايقت بصراحه :)

 

اولا صحتين عالفطور

هو بالهزمن الفاضي بيقعد يحب
فالحبيبة كترانين
ومش عاتقين لا سور ولا شجرة ولا كرسي باص :D
قال يعني على اساس الحب الخالد
و اللي مش ملاقي حدا يحبه بترك رقم موبايلو .. لعل و عسى حدا يحن

 

يا الله عورني قلبي عليها
خاصة اني مع البيئة وحماية الطبيعة ^_^
انا مابسمح لنفسي او اي احد من اخواتي يعملوا مثل هذا الشيء الكريه في نظري
طيب عرفنا انك بتحب فلانه وعلانه احنا شو يخصنا ؟ حبيتوا بعض او تركتوا بعض الشجره ايش ذنبها ؟ >_<""

 

اذا كانت النباتات بتعيش وبتموت وبتتنفس فأكيد انها بتحس كمان. ياريت نعلم اولادنا عدم الاذيه والتخريب لأي شيء. مش عارف ليش هالشعب عنده حب التخريب هاد. لا بيستمتعوا ولا بحبوا حدى يستميع. الله المستعان.ـ

 

والله الرومانسيه حلوة واحنا شعب رومانسي بكل الكلمه لدرجه انه نضرب نسوانا من كثر الرومانسيه :)
شو بدك تحكي عالم مخلصه !!

 

يا حرام هالشجرة مش ضايل منها حدا :s
يا بنت الحلال منيح اذا وقفت عالشجر، مرات بفوت حمامات عمومية، بلاقي ناس كاتبة أسماءها و تواريخ و توقيعات و قلوب و ميمعة...
في ناس كتير فاضية + عندهم طاقة فنية ابداعية مش عارفين وين يفرغوها!!!

 

همسة

على قلبك يا قمر :)

و ما شاء الله كترانيييييييييييييييييين كتير و الكل بحب و بعشق ...بتسلو مساكين :$

زكرتيني ايام الجامعه, كانو جايبين باصات مؤسسه جداد, بس اسبوع كانو مليانين تواقيع و اسماء و تمزيع
بلبقلنا لانه :$

White Freedom

جد اشي بحزن :(

هو شي كريه بصراحه و تشوييه رسمي
مهو لازم يحفر اسمها عالشجره, ويلا كيف بدها تحس انها محبوبه الاخت :)))

 

هههههههه بحب الأسئاه إلي جوابها معروف.. أكيد ولا أحلى من الشطحه عالصبح :)
معك حق المسجد إلي هنال كتيـــر حلو,,
وليد توفيق قالها من زمان :
تيجي نكتب عالشجر حرفين اسامينا وبس :)
زكرتيني مره قبل 3 سنين رحنا أنا وصاحباتي على مكه مول شرينا نسكافيه وكابيتشينو وبعدين رحنا عالحدائق قعدنا على كرسي هناك بعدين سوينا سباق ركد وأنا فزت عليهم :)
أنا كتير بحب الحدائق وبنبسط بس أروح عليهم
الصيف إلي مضى كنا نروح أنا و ولاد خواتي نلعب فريزبي هناك :)

 

Jaraad

انا مقتنعه تمام انها بتحس, كتير قصص سمعتها عن هالموضوع وفعلا الزرع بحس و بتأثر باللي حواليه...والله اعلم طبعا

المشكله ان بهالطريقه ما حيضل للجيل الجاي اشي , كلّه بتدمر اول بأول

الله يهدينا ويهدي الجميع

سوزان


حقّه يضربها, مش زوجها!! وكيف بدو يحس حاله زلمه؟؟؟ مهاد مفهوم الرجوله والزلمنه بهالايام

مخلصين ومن زمان كمان :$

 

ya 7aram 3alehom !!!
shawaho manzar el-shajar !!
3anjadt shajrit 7obina !

 

Mrs H

لو تشوفي , الساق لفوق فوق مكتوب عليها جد مش مخلين مكان, كأنه سباق عاملينه ومين بكتب اعلى :$

وللاسف الفاظ بذيئه بتستغربي شو خطرلهم هلأ وهون يكتبو !!!

في اختراع اسمو ورق....يشخبطو عليه ويفرغو كل طاقاتهم الابداعيه عليه, مش ضروري يفرغوها بالاذى

الله يسامحهم بس

Rula A.

هي اسئلة تمويه هاي :) علشان تكون ردة فعلك عنيفه

الله يسامحه...اذا هو السبب

كتير حلوين الحديقتين اللي عاملينهم على شارع المدينه الطبيه,الحديقة اللي جنب الدوار الجديد كتير حلوة و واسعه كنّا ناخد عبود و نضل نركض ورا بعض هناك, بس دايما في هوا فلا يبفع فريزبي ولا ريشه ويا دوب طابه حتى :)

الله يخليلنا اياهم كلهم يا رب :)


Shofty ya ĐàŋdŎöŅёH shoo 3amleen belshajar :(

lazem tawtheek el 7ob 3al shajarah :$

 

همسه كيفك ؟ الي اسبوع تقريبن ما اجيت على البلوج كنت مسافره بقلك شكلي مشتغله على الخط كل يومين ناطه في مكان هههه :D

والله يا عزيزتي شر البلية مايضحك شكلهم هدوله بوثقو حبهم قبل المحكمه الشرعيه ويمكن بكرا اتصير من غير المحكمه الشرعيه على الهو هيك شوفو يا عالم واشهدو يا شجر والحجر افلان بحب افلانه

الله ايسامحهم بس يعني الله ميزنا احنا البشر عن جميع الكائنات الحيه بالعقل
ولمن الانسان يوصل لهادي المرحله وما يحمد الله على هادي النعمه معناتو هادا غضب من رب العالمين

الله يجيرنا يا رب ويلطف فينا :(

 

يعني هالعالم وين بدهم يتركوا اثر عن جد انتي ضد الحرية
لو ما شوهوا الشوارع و الشجر كيف بدهم يفشواخلقهم

المهم انك صليتي
دعيتيلي ؟؟؟

 

مرحبا ويسبر

في الواقع كل ماذكرت حول تلك المظاهر السلبية التي شاهدتها أتفق معك على وجودها في العديد من الحدائق والمنتزهات والأماكن العامه وصدقا أنا أود التوقف عند ظاهرة ذكرتها وأنا شخصيا منزعج جدا منها وهي قضية الشباب الذين يسيرون في الطرقات أو يجلسون في الأماكن العامه ويجبرون الآخرين على سماع الأغاني الصادرة عن هواتفهم الجواله فعلا ظاهرة مزعجة جدا

نهارك سعيد

 

والله شكله ما بلبقلنا اشي

 

ذكريااااااااااااااااااااااااات
على الخشب
:]

 

Jarat

الحمد لله, كيفك انتي يا قمر....هههههههه طيب منيح, السفر بغير النفسية
المهم تكوني انبسطتي و انك بخير والاهل بخير


هههههه عجبتني "شوفو يا عالم واشهدو يا شجر والحجر افلان بحب افلانه" جد ممكن نصير هيك بيوم :$

امين يا رب

Jafra

انا انسانه عدوّة للرومانسية اذا كانت بهالطريقه :)

هو في كلمات وااااااااااضح انها كانت فش خلق عالاخر, حتى بالحفر ...حافرين 5 سم بالشجره ..بغُلّ يعني :)

اممممممم...بصراحه دعيت للمسلمين و المسلمات مش بالاسم يعني, فبتقدري تقولي اه دعيتلك :)

 

أشرف محيي الدين

اهلا اشرف...مساء الخير

الشباب ان كانو بالسيارات او بس بمشو ومشغلين الاغاني جد مزعجين جدا, خصوصا انهم بفرضو عليك اشياء انت ما بتحبها وما بدك اياها, غير انك بالحديقه بدك تتأمل و ترتاح, و بيجيبو الازعاج لعندك

LUNAR.

للاسف ....شكله هيك :$

Haitham هيثم Al-Sheeshany الشيشاني

بالزبط هيك......توثيق رسمي بالموس و السكين :$