Things I Like To Whisper About

Would You Hear Me Whispering

المغطس - نهر الاردن



سمعت كتير وقرأت كتير عن كيف ان نهر الاردن يوم عن يوم بنقص وبتبخر وكيف ان وضعه من سيء لاسوء

الموضوع كتير خطير وبس شفته بعيني حسيت بخطورته اكتر
بفتره وجود اخوي هون الله يسهل عليه وبناءا على طلب زوجته رحنا عالمغطس, للاسف لا خطرلي ولا اعتقد انه بعمره حيخطرلي اروح عالمغطس او على نهر الاردن من منطلق ان ما في النا تعامل مع الموقع و ان الموقع موجود وبأي يوم ممكن نروح عليه :$

رحنا ودفعنا دخوليه كأنه دينارين وركبنا زي Van بمشي تقريبا 10-15 دقيقه وبنزلنا احنا و المرشد و بمشي معنا و بشرحلنا عن المواقع لمده تقريبا 40 دقيقه
بنمشي بممرات حواليها شجر المفروض بس الجفاف عامل عمايله فيها,جفاف ونشاف والنهر اشي تحت صغير لونه بني ومعكر بطريقه غريبه

وصلنا لمنطقه المفروض مكان ما بظنو ان سيدنا عيسى تم تعميده,زي بركه فيها مي خضرا ,مش نهر لأ مياه راكده من سنين لدرجه انها عفنت والطحالب طلعت

المعظم اجانب والمعظم يستغرب وجود بنت محجبه بالمكان,وبأشرو بدوائر حول وجهم عن الحجاب :)

اشي لفت نظري ان كل اللي معنا عبو قناني مي من النهر,ما بعرف شو بعملو فيها وخصوصا انها بنيه ومعكره بطريقه كبيره, اللي فكرت فيه ان لو كل سائح بدو ياخد هيك طبيعي ينشف النهر :$

اشي تاني لفت نظري لما وصلنا عالاخر وصارت الاعلام الاسرائيليه بصباحنا, منطقتنا نشاف ومش منظمه ومنطقتهم مرتبه ومدهونه وكلها زريعه وورد :$
اتركم مع الصور :)



هون بعمدو الاولاد الصغار بحكيلنا المرشد انها كانت بركه كبيره وبالاخر صفت على هاد 3 متر مربع










12 التعليقات :

ana 7abeit el makan kteer o el ajaneb sa7 estaghrabo wojoodi wo kont shebh 7atkhana2 le anno el morshed fakkarni mabafham english o lamman shara7 bel 3arabi majabon fa balbalt loga o sakato o ba3edin el rossein shel7o o gha6aso layetbarako oddamna lol which was funny because the Korean's stood there madhoosheen

 

سهله جدا ويسبر الشي وما فيه انه احنا بنحب نحافظ على ريحة القدم في المكان حتى الزاير يحس برهبة التاريج وجلالته اما الاسرائيليين يا عمي هدول بيفهموش كدنا فاهمتيني انت :)
الشغله انه مش كميه المي المأخزذه من النهر المشكله في كميه المياة الوارده اله ونسبة التغذيه وهون المشكله !!

 

الحسنة الوحيدة اللي باسرائبل انو عندهم اهتمام بالطبيعة وبالمناظر العامة على العكس من اللي عنا اللي المفروض يكونو امة الاسلام والامة اللي علمو الأوروبيين النظافة(دايما كان هالحكي بكتب المدرسة), يعني المغطس منطقة سياحية تستحق الاهتمام منا وثانيا منطقة دينية للنصارى فعلى الأقل نحسنلهم فيها عشان نطلع بالوجه الحلو.

 

السَلام عَليكُم

المُهم تكُونِي انبسطتِي :P

تعليقِي : أي شَيء بالقُرب مِن اسرائيل
طَبيعِي يصيِر فِيه هيك , .. !

نَهر الأردُن مَوف أنه مُهدد بالجَفاف
مَع أنُه لَه مكانتُه الدينيَة وتاريخيَة

غَير أنه يتعرض لأنواع التلوث , وأنا شخصياً أعتقد أنها من دناءات اسرائيل :D

بَس الله أعلَم .. !

وغَير نَهر الأردن المُهدد بالانقراض

لا تَنسِي " البَحر الميت " , أعتقد هذا خَطير كَمان .. !

مَا عِندي أي تعليق أكتَر !

دُمتِي سالِمَة

 

حتى أنا ولا مره رحت على هادا المكان وهاي أول مره أشوفو بالصور تعونك..
صراحة مو عارفه ايش بددي احكيلك.. بس إتوقعت يكون أحلى وأرتب من هيك!!!
إن شاء الله لقدم بشتغلو عليه صح وبصير اشي حلو ومرتب..

 

Chika

Ahlan wa sahlan be Chika...welcome again :)

yeah I remember ur post about visiting Jordan bs mesh metzakreh wean ro7tee wa2t-ha :)


elmakan 7eloo kteer, bs wallah bez3al elwa7ad 3ala 2enno fe youm 7a ye5tafee halmakan 2eza ma 7ad 3amal shee :(

Me the same, they start talking English 3a2asas ana ma 2ely da5al, bs my brothers wife she is Bulgarian w 2asasan ma bne7ke m3ha 3'ear Engkish, bs badena ne7kee 2ensadamoo :)

LOOL shel7ooo!!! wala 2eshee
la hadool bs 7a6o rejlehom w tsawaro :D
Happy to have u here ya amar :)

 

Sozan

ههههههههههه عجبني تحليلك كتير :)
و الله يا سوزان النهر كم سنه بكون بح, اللي اخد اخد واللي استفاد استفاد
واللي كاد كاد

واحنا عايشين عريحه القدم والتاريخ, بكره بنصير نحكي هون كان في نهر :$

Ahmad Hamdan

حسبي الله عليهم...طبيعتنا هاي وسرقوها
مهو لولا ان فلسطين ذات طبيعه و موارد رهيبه كان ما اجو عليها :$

همه حاسين انهم مهتمين وكتير, طول ما انت ماشي جنود ببواريد و سياج...بتعرف بحمونا الشباب :)

 

J u d e !

وعليكم السلام
اول شي بدي احكيلك ما بعرف هو جودي ويلا جود او هو اسمك او لأ
انا بحب اسم جود كتير كتير :)

الحمد لله كتير انبسطنا..خصوصا انّا لعبنا انا وعبود ولحقنا بعض كتير هناك :)

والله اعلم اللي حكيتيه كله صح :)
اي شي منيح بدهم يخربوه...طبيعه بشريه عندهم

ما التنين بأثرو على بعض و جفاف هاد بدو تلقائي يأثر على هاد
و لما تروحي عالبحر الميت بتشوفي من الشط كم ان مستوى البحر كتير نازل عن السنوات الماضيه

Rula A.

صح؟؟؟ ما بعرف ليش عمره ما خطرلي مع انا بنمر جنب المنطقه بكل روحه للبحر الميت :)
ان شاء الله
همه ببنو كنائس جديده هناك بدعم وتمويل روسي, بس نفس النهر و المنطقه المزروعه ما في اهتمام كبير فيها :$

 

مرحبن
كيفك؟ زمااان ما دخلت لمدونتك لاعلق بس متابعك على جوجل ريدر
ما علينا
انا زرت المغطس 4 مرات لهلا, شوفي علي
من ناحية سياحية المغطس اجى زي كنز للاردن بعد ما البابا حدد مكان عماد المسيح من الجهة الشرقية لنهر الاردن اللي هي من عنا بعد ما كان في طوّش بالاول ع اساس انه اسرائيل بتدعي انه عندهم مش عنا
اللي صار انه عنا خلو كل شي على طبيعتو وباسرائيل نفضوا الدنيا هناك وزبطوا الوضع وعنا خلو كل شي على ماهو , هاد الاشي استخلصتو من لقائي مع الشرطي اللي واقف على الجهة اللي عنا
هلا عند اسرائيل ما يغرك الترتيب والنظام, ما بصدف بالشهر اكتر من 4 جروبات تزور المغطس هناك بالمقابل اضعاف هالعدد بتزور المغطس من الجهة الاردنية, وطبعا اليهود بزورو مغطسهم بمناسبات معينة زي عيد الفصح بس, يعني فش هالزوار الكتير هناك

بالنسبة للمي البنية هاي كلها مجاري مزارع السمك في اريحا والصرف الصحي, يعني اللي بشرب من هالمي بكون مستقبلوا تسليك مجاري بوزارة الصحة ههههههههههههههه

بهنيكي على كتاباتك :)

 

ASKAdenia

اهلا و سهلا بعامر

زماااان ما سمعنا منك ...هاد من حسن حظي اني كتبت اشي خلاك تعلق هالمره :)

ماشاء الله 4 مرات...
اهااا ومنكم نستفيد
هو المرشد حكا انه من 2003 لمّا فتح المغطس للزوار كتير فرقت معهم و خصوصا ان الزائر الاجنبي بياخدو منه دخوليه محرزه بس ما كنت اعرف بهالتفاصيل :)

له له له...والكل بغرف و بحط عوجهه و عشعره :$ مساكين مش فاهمين الشباب الوضع

اهلا وسهلا فيك دائما..وجد جد نورت المدونه :)

تأخرت كتير علينا بالكتابه...بكفي بدنا اشي جديد

 

Read this please

http://english.aljazeera.net/focus/2010/05/20105510484475825.html

there is no fresh water in the river, all is sewage

 

Shaheen

SEWAGE!!!

I heard that before,but I thought it is a joke not a real fact ...I'm really shocked :$

Thanks for the link