Things I Like To Whisper About

Would You Hear Me Whispering

شو بالنسبه...4

this is cute :)




شو بالنسبه للبنات والشباب وخصوصا البنات اللي بلبسو بلايز وقمصان عليها رسمات غريبه عجيبه, او كلمات الها معنى جدا مقرف او دعايات لاشياء غريبه؟؟؟


موظفه جديده عنا عمرها 26 سنه , البنت بعرفها منيحه ومحترمه ومن عائله محافظه, لابسه بلوزه مكتوب عليها "I'm so hot"
و تقريبا انزفت عنّا بالشغل, فجأه الكل قلب مثقف وبفهم انجليزي, و المسكينه بتحكي انها ما انتبهت شو مكتوب , بس الالوان عجبتها , طيب انا من انا صغيره بعرف ان ماما لازم تقرأ وتشوف الصوره المحطوطه عاللبس, لانه فعلا بكونو مخبصين بالحكي مرات, اي مرّه كنت بدي اشتري بندانه ايام الفياعه, بدي لون كحلي و احمر, اخترت وحده اللون عجبني بس فردتها اشوف الصورة, اشي مخزي كانت, مش فاهمه كيف هيك متداوله بالبلد!!!!

وفي قريب النا, اجا زارنا, انا بعرف ان الشب كتير ملتزم و قريب ما يكون شيخ , لابس بلوزه عليها صورة باندا و مكتوب "panda beer"
يعني دعايه لشركه بيره, حكيتله عمرك قرأت شو مكتوب عالبلوزه؟؟؟ بحكيلي لأ, بحكيله ولا اشي بس انت اعلان متنقل غير مدفوع الاجر لشركه بيرة :)

غير اللي بشوفهم بالمول, رسمات غريبه عالبلايز, صور شفايف و صور مش عارفه شو, غير الكلمات اللي بتكون مرات مسبات مقرفه وكتير عيب, والبنت او الشب ماشيين وفخورين.

يا ريت الشباب والاهالي شوي ينتبهو لهالشي, مش حلوه بنتك تكون ماشيه بالشارع والشباب بعاكسوها وهي مش عاجبها ولا انتي عاجبك و بتجحري بالعالم ومكتوب على بلوزتها "I'm with stupid"







ابشع منظر كان بنت محجبه لابسه بلوزه عليها مجسمات بنات و مكتوب
"for mature audience only"
بالله عليكم انتبهو شو لابسين و شو بلبسو ولادكم...

20 التعليقات :

بدون تعقيب كفيتي و وفيتي و الله يجزيكي الخير ع الموضوع

 

مرحبا ويسبر
انا كتير بشوف متل هيك شكيلات
وخصوصي بالجامعة ... بس كنت مفكر انه الاغلبية تكون فاهمة اللي مكتوب

بس صدمتيني بردود الافعال للشب والبنت اللي فوق

بس عن جد ... ظاهرة تستحق الكتابة التوعية
شكرا ويسبر لجهودك

 

أنا مع كل واحد ويكون الو حريتو بشو بلبس بس الى حد ما, يعني مش مشكلة كبيرة اذا كان شي فايع بس اشي ومنو, احنا مشكلتنا انو ما عنا حدا بنصح شو الصح واذا بنصح بنصح بطريقة بتجلطك وقلة جدا اللي بنصحو بطريقة لطيفة وبعلمو الناس الشي السليم من الشي الخاطئ وما عنا رقابة عشو بنجاب على البلد لانو ساعتها بزعلو الجماعة اياهم.
الله بعين يا همسة.

 

تعرفي مره زوجي شاف شب لابس بلوزه ومكتوب عليها كلمه عن جد لو باعرف معناها ليروح يقتل حاله طبعا هون زوجي طلع فيي وحكالي فكرك هاد بيعرف شو مكتوب حكيتله ممكن احكي لا حكى اذن ليش بيشتروا شي ما بيفهموه!!
طبعا من باب انه Cool
طبعا وهيك ممكن يلبسوا اشياء ما بيعرفوها

 

انا بقول يااااااااريت يطلعوا مو منتبهين
انا بتمنى هالشي
المصيبة اني عم بشوف فئة بتدور على انها تلفت نظر عن طريق هالاشيا
الهدايا من رب العباد

 
أزال أحد مشرفي المدونة هذا التعليق.
 

مساء الخير ويسبر

فعلا هي ظاهرة سلبية منتشرة في مجتمعنا والمشكلة أن العديد من الاشخاص يرتدون تلك الملابس دون التدقيق في معاني الكتابات التي تحتويها كما قلت تماما وهنا تكمن المشكلة فالملابس ليست زينة ومظهرا فقط بل هي مرآة تنعكس من خلالها شخصية الانسان الداخلية فبالتأكيد من سيشاهد فتاة ترتدي ملابسا تحتوي على كتابات بذيئة سيعتقد أنها كذلك ومن يرتدي ملابسا تحتوي بعض الشعارات مثل النازية وغيرها سيعتقد أنه عنصري ويكره كل من هم ليسوا من سلالة عرقه وهكذا

فعلا لابد من الانتباه وعدم الاستهتار أبدا في قضية انتقاء الملابس

سلمت يمناك يا ويسبر

 

bang to the point i like this post

 

صباحو وسبر.. معك حق.. عارفه أنا مره وصلني عالايميل صورة واحد بصلي بمسجد ولابس بلوزه عليها ال إف وورد.. للأسف شكلو ماكان فاهم ولا ماكان سوى هاشي..
هيه شغلة البلايز إلي مكتوب عليها كلام صايره موضه من سنة تقريباً.. أحسن ناس عملو هادا الشيء واستفادو منو جماعة -الجو بدو-.. الهم جروب عالفيسبوك.. أنا عندي كتير بلايز من عندهم.. بس في بالمجموعه تعتهم وحده صراحه حسيت انها عيب شوي.. مكتوب عليها وظفك بمعنى شغلك عندو.. لما تحكيها بسرعة بسير إلها معنى تاني.. سوري اني كتبت هيك اشي بمدونتك..
وبالأخير.. إذا لم تستحي فاصنع ما شئت.. وكل واحد على ماتربى عليه..

 

صباح الخير ويسبر
ذكرتيني بمغنيه لبنانيه صاعده او نازله "مش مهم"...في احدى اغانيها كانت لابسه بلوزه عليها شعارغريب...طلع انه شعار للشذوذ الجنسي....وطلعت بعديها تنفي وتنكر وتشجب...طيب من الاول!!!!1
ومره صارت معي...اشتريت لابني بلوزه
لما رجعت عالبيت ولبسها انتبهت بوجود شعار ديني كبير خلف الكتابه لكن مش واضح الا على اللبس والكتابه ما فيها شي مجرد عبارات للتسامح...طبعا رجعت بدلتها وصرت ادقق بكل كبيره وصغيره قبل ما اشتري اي شي

 

Anonymous

امين يا رب
شكرا لمرورك و التعليق :)

Ahmad Al-Mahrouq

اهلا احمد :)

للاسف في ناس بعرفو شو المكتوب ومبسوطين عليه, لكن بالمقابل في كتير ناس ولا همه فاهمين شو مكتوب :$

بس تقليد اعمى و حسب ما همه فاهمين...فياعه و اشي كوووول من وجهه نظرهم

 

Ahmad Hamdan

مع ان المثل بحكي, كول على ذوقك والبس على ذوق الناس
بس انا مش معو, اكيد كل واحد حر باللي بلبسه بس في حد ما بصير يتجاوزوه , مش منطقي انا امشي بالمول وتيجي بوجهي صور ومناظر واقرأ كلمات والفاظ مس محترمه ...

معك حق
النصيحه هاي الها اسلوب وفن, وللاسف احنا عنّا الهجوم و التنفير دائما

لاااا كله ولا زعل الجماعه اياهم :$
الله يفرجها و يعين :)

سوزان

جد بكونو لابسين اشياء بكتابات اقل ما يمكن انها توصف بانها مخزيه :$

اه اكيد فياعه وكووول هاد اهم شي, وهمه ولا همه فاهمين شي :$

 

حياة تستحق الانقاذ

في جزء فاهمين و ما عندهم مشاكل, وفي كتير ما بعرفو اشي, شكل واللوان و صور حلوين هاي هي بس..

الله يهدي الجميع

أشرف محيي الدين

مساء النور أشرف :)

جميل جدا التشبيه " ليست زينة ومظهرا فقط بل هي مرآة تنعكس من خلالها شخصية الانسان الداخلية"

يا ريت الناس تفهم هالشي
الموضوع مهم جدا وان شاء الله الناس تنتبه اله

شكرا اشرف :)

 

melicieuse

Happy u liked it :)
Thanks :)

Rula A.

صباح ومسا الورد :)

هاي المشكله, يعني انتي بتمشي بأمان الله فجأه بتلاقي هالكلمه بنص وجهك...مش مضطره بصراحه

اه سمعت عن هالبلايز من اخوي, وخصوصا البلوزه المكتوب عليها هالكلمه و ما فهمتها بالبدايه واخوي فسرلي اياها :$

المشكله ان الاهل برضه مش فاهمين بكون :$
الله يهدينا ويهدي الجميع

Nissan

صباح ومسا الفل

اه تذكرتها, بتعرفي نبهتيني انها اختفت...صح

يعني مش مقتنعه ان كل اللي حواليها المخرج والمصور ومدير الاعمال وهي كلهم مش فاهمين...ما اقتنعت :)

الله يسعدك, هي الامهات الصح
هيك الامهات بعملو بنتبهو وبقرأو واذا ما عجبهم ما بخلو ولادهم يلبسوهم

الله يرضى عليكي يا رب :)

 

صح كلامك يا ويسبر..
أنا دائماً بنصدم بالكلام و الرسمات اللي عالأواعي..و على أماكن هاي الكلمات أو الرسمات..
كان إلي أيام الجامعة صديقة أنا عارفة انها كتيييير محترمة، مرة أجت لابسة بلوزة مكتوب عليها كلام مش مؤدب أبداً... انصدمت فيها.. بحكيلها انتي كيف لابسة هاي البلوزة و مكيفة عحالك؟ بتحكيلي شو في؟ (القبّة نازلة؟؟) قلتلها يا ريت.. انتي ما قرأتي شو مكتوب؟ طبعاً طلعت مش قارئة، ولما شافتو انصدمت و روحت عالبيت غيرتها...
هلأ في شباب و بنات بشترو هاي الملابس و بلبسوها خصوصي للفت الانتباه، انو يعني هم اخر فياعة، و هدول انا مسقطتهم من حسابي، بس اللي عنجد بقهرني النوع التاني اللي بلبس بدون ما ينتبه شو لابس!!!

 

تذكرت شغلة...
مرة بالشغل، كان عنا واحد خالص، عمرو بالخمسينات و مفيّع حالو...
المهم كان عنا مقابلة مع ناس من الوزارة عشان يشوفو شغل إلهم عنا، و الكل كان عارف بموضوع الزيارة قبل بيوم و مفروض كلنا نلبس رسمي جداً زيادة عن كل يوم، قام الأخ اجا لابس بلوزة بيضا و عليها شفايف على كل ظهره...
طبعاً يومها خبيناه بغرفة لحد ما روحو الجماعة :D

 

و الله موضوع مهمّ و بدو انتباه
شكرا ًإلك

 

Mrs H

والمشكله انهم ما بنتبهوبالمره, وخصوصا عالرسمات ومواقعها :$

للاسف في ناس فاهمين كل المعاني و ما عندهم مشكله بالمرة, كدليل عن الفياعه على رأيهم

لااااا بالخمسينات...الله يسامحه مش حركه :$

Haitham هيثم Al-Sheeshany الشيشاني

اهلا وسهلا هيثم
وشكرا للمرور :)

 

Loooooool at the stupid shirt !!! ta7sheesh
w eish bil-nisbeh ll-mature audiance !! awal mara baqra2 3anha :s
ana mama heik kanat kul balayezna sada wala 7ata 7arf wa7ad !!!

allah ye3een el-nas 3la 32oolha

nice post :)

 

ĐàŋdŎöŅёH

w mashyeh w mabso6a kanat wala hy hoon, w fe swar mogasamat banat be 7arakat mbyen 2eno fe 2eshe 3'ala6 :S bs beddek mean yentabeh

Ameen ya rab
Thanks< happy u liked it :)