Things I Like To Whisper About

Would You Hear Me Whispering

We have been there :D

اليوم الصبح واحنا قاعدين بنفطر مرة اخوي بتحكيلة شو رايك نشرب القهوة بالبحر الميت - طبعا بالانجليزي لان مرة اخوي ما بتعرف تحكي عربي :) - بحكيلها اه و بالمرة بشوف الرالي حابب اشوفه, فكرتهم بتخوتو كالعادة, شوي بحكيلي اخوي جهزي حالك علشان نطلع, لبست عادي انو رايحين على كوفي شوب, شوي بحكي اخوي التاني اللي كان رايح يرخصلي السيارة:) الله يرضى عليه والله انهلك اليوم, و انا جيبتي اكلت هوا :( وطلعو مغليين الترخيص, شو بدنا نحكي الحمد لله.

المهم سمعت ماما بتحكيلو هيهم رايحين عالبحر الميت :) انصدمت و قمت غيرت بسرعة و رحنا
اشي بجنن :) مع انّا ما كملناه للاخر لان عبود نام و اضطرينا نرجع عالسيارة انا ومرة اخوي , لكن ما رجعنا عالسيارة الا و 4 طيارات استعراضية بدت تحلق و تلف, اشي بجنن ما شاء الله و بخوف الله يحماهم و كتير شطورين, اخدت صور و فيديوهات, لكن طلعو سما زرقا و نقط بتتحرك :) فما راح احطهم

بعديها رحنا عالفنادق بدنا نشربنا قهوة, طلع اقل فندق 20 دينار عالشخص, حكيناله ما بدنا غرف ولا سباحه ولا اشي بس نشرب قهوه, ما رضيو وبحكيلنا الشب انهم بالعطل باخدو 50 بالعاده :$ ما رضينا اخوي يدفع و رحنا عمنتجع البحر الميت الطبي و شربنا عصير هناك, ويعدها رحنا عالبحر و ضلينا نرمي حجار لنشوف مين اكتر واحد بخلي الحجر بنط اكتر على الوجه, اخوي طبعا اللي فاز ومرة اخوي بعده, انا اكتر من مرتين ما زبط, اخوي 5 مرات و مرة اخوي 4 مرات :)

اتركم مع الصور :)















22 التعليقات :

انا شوي فهمي على قدي ممكن التوضيح. شو هو ال 20 دينار على الشخص. شامل ايش؟ هل مجرد الجلوس على الطاوله الواحد لازم يدفع 20 دينار ؟

 

Jaraad

سلامة فهمك :)
طلبو من 30 ل 20 دينار ك
minimum charge
للشخص و عالباب الخارجي قبل الكراجات بتدفعها, بيعطوك بالعشرين دينار كوبون لتستخدمه جوا, بتستخدم المرفقات برك سباحة وكوفي شوب وطبعا ما بغطي المبلغ كل شي فبرضه راح تدفع جوا

احنا مثلا كنّا 4 اشخاص فالمفروض ندفع 80 دينار
الموقع اللي دخلناه, اللي مبين باخر صورة, بس هالترس اللي مسموح نكون عليه :)
لتنزل عالبحر و عالبرك وحتى لو ما استخدمتهم بدك تدفع 20 دينار,
و بالكوفي شوب اللي موجود, كل ما نطلب شي بحكيلنا ما في هون , بس تحت ببيعوه, حتى الايس كريم هيك
و طلبنا 2بيبسي و عصير مانجا و عصير برتقال جابولنا كاسات فيها ثلج و علب بيبسي و علب عصير اللي بتشتريهم ب 30 قرش العلبه و طلعت الفاتورة 11 دينار :)
فقيس على هالاساس

 

تا تبطلي تروحي رحلات
أنا مقاطعه التعليق حتى اشعار آخر:)

 

انا كنت حابة اروح على الرالي بس ما صار مجال، يلا حلو انك رحتي عشان اشوف شوية صور :)

 

احلى ويسبر ... اتاريكي رياضية وبتحبي الرالي

انا كان نفسي اروحه ... بس الله يقطع الامتحانات ما بتخلص

بس كأنه في رالي للهواة بمادبا ... سمعت شباب بالجامعة بحكوا عنه وانهم رح يروحوله


تقبلي مروري

 

wallah ya jama3et el khair ana mn zaman ra2yi enno el seya7a el dakheleyyeh ma fe menha faydeh...ya3ni bl 80 dinar elle konto r7 tedfa3ohom btenzlo 3al sham banzen raye7 jay m3 `3ada b a7la mat3am betl3o haik...`3air el mo3amaleh el 7lweh elle ma betla2ooha bl ordon l2nno lamma tfoti 3ala mat3am bl ordon fa enti az3ajti el ekhwan elle besht`3lo hnak, fa be3amloki ka2enno ma b3rf shu....ana ba7b el ordon kteer bs ba7eb ashoof ahli wo as7abi, wo lamma afakker anbeset wo ashem el hawa lel asaf el seya7a el dakheleyyeh msh khayar abadan...3la kol 7al el mohem tkono enbasatto, wallah meshwar el seyyara m3 el 3aileh la7alo bebset

 

حبيتها هل برجوازيه ... نطلع نشرب قهوة على البحر
وحبيتها للصدمة 20 دينار حد ادني
خخخخخخخخخخخخخخخخخخ
هو الهدف من المشوار الانبساط,يعني وهل شغلات والصدمات بتحلي الطلعه

عفكرة المهزلة انو الواحد ينزل على لبنان ارخص ما يروح العقبة او البحر الميت
المرة الجاي يا ويسبر بس تدخلي مكان زي هيك قوليلهم
انا من طرف البكتريا مع طعجة تم
بتسلك الامور

 

حلوين الصور كتير حبتهم .. شكلو الجو كاين ما شاء الله بجنن..
أنا بتذكر قبل سنتين رحت مع أختي واولادها على البحر الميت أخدنا ترمس شاي وبسكوت وشبس وقعدنا على الشط العام ناكل والأولاد لعبو على الشط :)

 

مرحبا ويسبر

في البداية اسمحيلي اسجل إعجابي بموهبتك بالتصوير مرة تانية عن جد مشالله عليكي :)

في الواقع استوقفني حديثك عن قضية أسعار الدخول إلى الفنادق وتذكرت خبرا قرأته قبل عدة أيام يتحدث أن عدد الاشخاص الذين ترددوا على سوريا قد تضاعف من بداية هذا العام بعد إلغاء ضريبة المغادرة إلى ثلاثة أضعاف ماكانوا عليه في الشهور الثلاثة الاولى من عام 2009 وهذا إن دل على شيء فإنما يدل على أن مشكلة السياحه الداخلية عندنا لاتزال تتفاقم أكثر وأكثر ولا أعتقد أن كل هذه المرافق السياحية التي يتم عملها سواء في البحر الميت أو العقبة تهدف أو تتطلع إلى جذب السياحه من الداخل بل همها منصب تماما على استقطاب السياح من الخارج وعليه فإن ملاذ المواطنين بشكل عام سيبقى منحصرا بالتوجه إلى الدول المجاورة بسبب انخفاض كلفة السياحة فيها بالمقارنة مع أسعار مرافق السياحه الداخلية

نهارك سعيد

 

لأ و في صحفي من يومين بحكي اسعار السياحة في الاردن اقتصادية و بشجع الحكومة تفرض ضريبة مغادرة على الاردنين بر أو جوا خمسين دينار !!!!

الا اسعار الترخيص غلية كم يعني ؟؟ لأنه هيك شكلي راح ابيع السيارة

 

مسا الفل وي وي

أنا ما نالني من كل الرالي غير اليوم شفت سيارة رالي مروحة على نادي السيارات! :-S

بس شووووو الونش اللي حاملها... اشي خراافي!!! ما تحكي غير العابي قد ما هو مرتب و نضيف... و شرطك مدهون ابيض :-)
و عليه شعار الرالي

و مش مكتوب عليه "عضة اسد ولا نظرة حسد" هي هي هي

غصبن عني تزكرت الونشات تبعت المنطقة الصناعية اللي بنشوفهم دايماً هههههاااا

 

nice pics...I never been to dead sea !!!! weird

 

تا تبطلي تروحي رحلات
أنا مقاطعه التعليق حتى اشعار آخر:)

 

اول شي بعتذر عن التعليقات اللي راحت
ان شاء الله قريبا بترجع :)

SHARIFO

Welcome here :D
Happy u liked the pictures :)

hamdanism

NEVER!!!
very weird ...or maybe it's not, I never been to Petra :(

Thanks for passing by and welcome here :D

مياسي

لاااااا اذا هيك انا مقاطعه الرحلات خلص :)

ان شاء الله انتي تبدي تروحي رحلات و تكتبيلنا عنهم :)

 

انا كنت حابة اروح على الرالي بس ما صار مجال، يلا حلو انك رحتي عشان اشوف شوية صور :)

 

احلى ويسبر ... اتاريكي رياضية وبتحبي الرالي

انا كان نفسي اروحه ... بس الله يقطع الامتحانات ما بتخلص

بس كأنه في رالي للهواة بمادبا ... سمعت شباب بالجامعة بحكوا عنه وانهم رح يروحوله


تقبلي مروري

 

wallah ya jama3et el khair ana mn zaman ra2yi enno el seya7a el dakheleyyeh ma fe menha faydeh...ya3ni bl 80 dinar elle konto r7 tedfa3ohom btenzlo 3al sham banzen raye7 jay m3 `3ada b a7la mat3am betl3o haik...`3air el mo3amaleh el 7lweh elle ma betla2ooha bl ordon l2nno lamma tfoti 3ala mat3am bl ordon fa enti az3ajti el ekhwan elle besht`3lo hnak, fa be3amloki ka2enno ma b3rf shu....ana ba7b el ordon kteer bs ba7eb ashoof ahli wo as7abi, wo lamma afakker anbeset wo ashem el hawa lel asaf el seya7a el dakheleyyeh msh khayar abadan...3la kol 7al el mohem tkono enbasatto, wallah meshwar el seyyara m3 el 3aileh la7alo bebset

 

Mr H

انا كنت حابه اروح لكن ما كنت متوقعه انها تتيسر :)
الحمد لله

اخواني اللي تولو التصوير
وكل صورة واحد منهم مصور التاني :$
يا دوب لقيت كم من صوره
او اللي اخدتهم بالموبايل :)

Ahmad Al-Mahrouq

ههههههههههه شفت مش قليله انا :)

الله يعطيك العافيه
الامتحانات اهم بصراحه وانا لولا اخوي راح كان ما رحت :)

ما سمعت عنه, بدي اشوف اذا خلال هالفترة بركي رحنا مع اخوي :)

مواطنون بلا حدود

Wallah shaklo heak, w hommeh 3arfeen 2enhom ma ra7 yestafedo menna w m3temdeen 3al 2ajaneb bs, m3 2enno el hotels kanat malyaneh w 2aktar men car dafa3o w da5alo zay el mar7aba :)

LOOOL m3ak 7a2 w ya welna 2eza 6albna 2eshe menhom,lel2asaf hal3alam hay hommeh el m5arbeen kul shee
al7amdolellah kteer 2enbasa6na w fe3lan mojarad 2enna m3 ba3ad la7alo bebse6 :D

 

لكل اللي ما بين تعليقهم انا بعتذر مرة تانيه لاني مش لاقيتهم عندي شكلي لاغيتهم من الايميل :(

شكرا كتير لتعليقاتكم و اسفه اني مش متزكره كل التعليقات لاني طولت بالرد :$

 

السلام عليكم
الصور رائعة وبتحكي عن حالها
يارب تكوني أنبسطي :)
مافي أروع من الرحلات عشان الواحد يغير جو خصوصا مع الأهل و الأصحاب

 

سراج الماضي

وعليكم السلام :)
الحمد لله كتير انبسطنا
و بسعدني ان الصور عجبتك

اي مكان مع الاهل بكون حلو :)