Things I Like To Whisper About

Would You Hear Me Whispering

فرصة عمل مغرية....


صباحكم و مسائكم سعيد :)
اول شي اسفة عالتأخير بنشر و بالرد على التعليقات اللي كتييييييييير اسعدتني, شكرا الكم كلكم :) زي ما حكيت من قبل ان اخوي اجا من دبي
كتير بستخسر اني اضيّع دقيقة من غير ما اكون معه ومع زوجته اللي بحبها زي اختي و كتير بنبسط بالقعده معها, و مع عبوووووود
عمره هلأ ما شاء الله سنة و 4 شهور و حبيبي كلة اصوات وكلمات مش مفهومه, وبزعل بس ما نستوعب شو بحكي, غير انه اساسا ما اعتقد انه بحكي عربي :)

كتير مواضيع في بالي بدي اكتب عنها, لكن اليوم صاحبتي حكتلي عن اشي صار معها و حسيت انه الاولوية اله

صاحبتي كانت تتصفح جريدة الوسيط, وشافت اعلان مضمونه ان شغل للصبايا و الشباب, من البيت, بدون شهادات, و معرفة باستخدام الكمبيوتر, و راتب مهول, صاحبتي بتحكيلي انا حكيت بتصل فيهم بشوف شو الموضوع بالزبط.

حكت مع الرقم المطلوب من موبايلها - الشاطرة :$ - اللي رد عليها بحكي بلكنة لبنانية, حكتلة انها بتتصل بموضوع الاعلان, و سألته عن طبيعة الشغل, بسألها " بتعرفي شات" , استغربت حكتلة كيف يعني شات؟؟؟ بحكيلها " شات مع شباب عالنت" بتحكيلي اني صرت احكيله لأ و بطريقه كأنه بتهمني و بدافع عن حالي, حكالي الموضوع سهل كيف الشات عالنت, بس بالتلفون, بحول لتلفونات شباب و مرات بنات تتحدثو مع بعض,حكتله كيف يعني نتحدث و بايش بدنا نتحدث؟؟؟ بحكيلها بامور عامة بالحياة اي شي بخطر ببالكم , هي المسكينه خافت و سكرت الخط, و بعدين رجع رن عليها, قامت سكرت موبايلها :)

اليوم الصبح شغّلت الجهاز شوي رن عليها, ردت بحكيلها انا اللي اتصلتي فيي امبارح علشان الشغل - ال شغل ال - وبدي اعرف شو رأيك علشان نتفق على التفاصيل, حكتلة لأ ما بدي شكرا.

الغريب اني بس رجعت للجريده لقيت كتير اعلانات بتخفي بصيغتها امور تانيه, غير الواضحه مثل المساجات و هالشغلات, او يمكن انا لأني بدور على هيك شي مش عارفة :)


19 التعليقات :

صراحة هاي جديدة كثير
ماشاء الله طرق نصب جديدة و عمل بطرق مختلفة
سبحان الله وبنسال ليش بنرجع لورا
أصلا
واضح أنه حدود الدين و الأخلاق بطلت موجودة
وبرجع بأكد أنه لو مافي إقبال من الناس ما صار طلب
والله يعين الناس المحتاجة اللي الحاجة بتجبرها تعمل في اشياء زي هيك

 

حلو كتير

هوت لاين فاتح الاخ!!
بالنسبه للوسيط في اعلانات اشي غريب عجيب

ولانها هيك مطسوسه طس بدك تركزي تا تفهمي شو القصه!!

 

يا حبيبي على الوضع إلي وصلنا إلو.. الله يعين صاحبتك يا خوفي مايعتقها هداك من شره ويضل يرن عليها..
الله يجزيكي ألف خير انك حكيتي عن هادا الموضوع وبينتيه النا..

 

مساء الخير ويسبر

صدقيني لسى ياما رح تسمعي وتشوفي شغلات غريبه في المجتمع طول ما معدلات الفقر والبطالة عم بتزيد اكتر واكتر

الله يجيرنا من اللي جاي

 

الله يقويها ويسبر هاي كلها مقالب بتصير فينا يعني انا مرة كنت مشتركة بموقع توظيف معروف على الانترنت على اساس انو انا طالبة وبشتغل فانو بعثت رد لوظيفة عجبتني وراتبها موش بطال المهم انا كنت حاطة الايميل مو الرقم على اساس انو الايميل عادي ما كنت متوقعه شو راح يصير فطلعلي الاخ مدير الشركة على ذمته باعتلي رد على الايميل طبعا انا انبسطت انو ياي توظفت او مقابلة الا بحكيلي خلينا نتعرف على بعض هون على الماسنجر وازا عجبتيني بدلك على المكتب! تخيلي طبعا انا طلعت من راسي وبلغت عنه وبالاخر طلعت الشركة شركة فنتر فر ههههه يعني اساسا مو موجودة وزي ما حكيتي بدهم "تتحدسو عن امورالحياة" وما خفي اعظم
شكرا على الموضوع لانه كتير مهم

 

Ya 3eini ya 3eini <3 <3 hehe
allah y7mena ya rab :S :S
hek sarat el 3adi ya whisper, w2t ma btft7i el jrede btshoufi ishya la to3ad wla to7sa :) ..
:D :D
my blog is open now :)))) nawrenaa

 

طيب ممكن تعتبريني هبلة هلأ، بس يعني شو بدو يكون الشغل بالضبط؟؟؟ اذا كان بس من البيت..يعني قصدي صاحب الشغل شو بدو يستفيد؟؟ ولّا المقصود انو الموضوع بعدين يتطور لشغلات تانية!
الله يعافينا من كل شر...
و بالنسبة لعبود، هاتيلي اياه، بشوف اذا هو و بنتي بتفاهمو (عمرها 1و 5 شهور).. أنا شاكة انو بنتي بتحكي صيني!!!
الله يخليلكم اياه يا رب :)

 

هلا هلا ويسبر

لغة الصغار الله يعنا عليها ... عن جد بتطلع معهم شغلات غريبة عجيبة

المهم ... بالنسبة للاعلان
انا من فترة قرأت هيك اشي
وبالضبط ... كان مكتوب للسيدات انه بامكانكن استغلال اوقاتكن والعمل من داخل المنزل

بس من وقتها شكيت بالموضوع
بس ماتوقعت يوصل لهيك

يالله ,,, منعيش ومنشوف

 

سراج الماضي

والله جديدة عالكل هاي :$

المشكلة انهم مش حاملين هم حد و بالجريدة معلنين
كأنهم عارفين ان ما في حد راح يحاسبهم :(

في ناس للاسف لا دين ولا اخلاق و فعلا اكيد في طلب بشجع هالعالم تتمادى باللي بتعمله

امين يا رب
والله لا يجبرهم على هيك عمايل :$

مياسي

اه وما شاء الله عليه عملي فورا بدخل بالموضوع :$

جد لمّا قرأتها لقيت كتير اعلانات مش مريحه بصور و بدون صور :)

Rula A.

اشي بخوف بصراحة :(
امين يا رب
المسكينه اجت اليوم مرتعبه خصوصا لمّا رجع حكا معها

ان شاء الله ما يستلمها هلأ
الله يسعدك انا حسيت الموضوع كتير مهم انّا ننتبهله

 

أشرف محيي الدين

مساء النور اشرف :)

عرفت شو اللي شاغلني عن متابعه مدونتك وباقي المدونات اللي بحب اتابعها...عبووووووووود :)

انا انصدمت, انو مش هيك الجرءة بصراحة

معك حق
البطاله و الوضع المادي و البعد عن الدين كله اله اثر

امين يا رب
والله يعين العالم

NewRise7

تسلمي يا رب
يا سلاااااااااام!!!
فعلا انه وقح هالمدير
بدو يتسلى شكلة, الله يقرفهم هالاشكال اللي لا عندهم دين ولا اخلاق

منيح اللي بلغتي عنه

اهلا وسهلا فيكي
وشكرا لمشاركتنا بقصتك :)

Shaima

:D shoftee y5tee
Ameeeeeeeeeeeeeeen ya rab
m3ek 7a2, w belswar wel 2alwan kaman :S

Yaaaaaaaaaay finally :D
6ayaraaaan honakn :)

 

Mrs H

بعيد عنك يا قمر :)

اممممممم

بالزبط الله يعافينا

بدو يكون حكي و مياصة ما الها داعي
مع العالم :$

ناس مرضى نفسيين اي شي بستفيدو منه, ويلا مين هاد اللي بدو يحكي مع ناس غربا علشان يتسلى؟؟؟
مريض نفسيا ما عنده حياة يعيشها فبعيش بالاحلام والاوهام

اكيييييد راح يتفاهمو ...
هههههههه لا عبوود بحكي بلغاري زي امه :)
غير مسمياته الخاصه للاشياء
اسمي مثلا بحكيه
دااااديه
تقريبا ولا حرف صح :)

امين يا رب و يخليلك بنوتك العسل ان شاء الله :)

Ahmad Al-Mahrouq

هلا بيك احمد :)

بتجنن لغة الصغار...جد هو بحكي كلمة و كل العيلة بتتدمر نص ساعه عليها :)

مش الكل بكون واعي و بشك ان ممكن في جريده رسمية بتتوزع على كل البيوت ينحط اعلان واضح و صريح لهيك اشي :$

تخيل لوين وصلت الوقاحه :(

كل مالها لورا الامور ..الله يجيرنا من اللي جاي :$

 

انتي لسه شفتي حاجه ... عجبتني تحكو بامور الحياة ... هو ضل حياه عن هيك اشكال ... انتي بس ركزي بالاعلانات بتلاقي بلاوي
... زي مطلوب مترجمين الي لموهم ودوهم العراق وهم مش عارفين وين رايحين

سيبك من وجع الراس وبلشي ترجمي لعبود احسن

 

اذا لم تستحي فافعل ما شئت
بالفعل اللي بركز شوي بالجريدة و خصوصا الجرايد تبعت "مشان الله تعال اعلن عنا" راح يشوف بلاوي و مش بلاوي عادية لأ شغلات لا تخطر على بال بشر

الله يحمينا و يحمي الجميع من هيك مواقف و عن جد انا بنصح اي حدا بدور على شغل ما يتصل مع اي اعلان الا اذا كان مذكور اسم الشركة .

صحيح قبل ما انسى الله يخليلك عبود و ابوه و امه و يلا مين ما بعز عليكي كمان

 

قط البكتريا

والله شكلة ما خفي كان اعظم جد :$
هاد اللي صار, بس ركزت لقيت بلاوي تلميحات بالاعلانات, وفي تصريحات كمان

مين هدول اللي ودوهم العراق؟؟؟ :$

اللي صار العكس...كلنا صرنا نحكي بلغة عبود :)

Dr.Mohammed

بالزبط, وبكل وقاحة الدنيا برجع برن يسألها اذا موافقه عالشغل

امين يا رب العالمين
صح اسم الشركة بختصر عليهم اشياء كتيره

تسلم يا رب ...ويخليلك اهلك وحبايبك يا ر ب

 

حلوووووووووووو كتييير هاي القصة
بس نفسي اعرف ليش عم يحكوا لبناني ؟
و الا هي موضة

بس كتيييير حلو

صدمتيني

 

Jafra

مش عارفة بصراحه :$
هيك البنت حكت وانا نقلت اللي حكته

بس اجمالا كل اللي بالاردن بنات و شباب صارو يحكو لبناني :)

اشي بصدم بصراحة

 

Obbaaaaaa...
la hon weslat el omoor!?! wallah el wa7ad sar y5af 3ala 7alo!!!..
Alla Be3een!!

 

Ahmad Merie

Shayef ballah :S
Sho bedna ne3mel, allah be3een 3ala ra2yak

 

Ahmad Merie

Shayef ballah :S
Sho bedna ne3mel, allah be3een 3ala ra2yak