Things I Like To Whisper About

Would You Hear Me Whispering

مبسوط؟؟؟ طيب تفضل عنّا لو سمحت

كراجات مكة مول


هلأ مش موضوع اكتئاب او نكد, بس جد بتقرأ اخبار الجرايد اشياء غريبة بتصير, وفي اخبار مستحيل ترجعها لانه الشعب مسكين و فقير وحالتة حالة, يعني سرقة بنك الاسكان ماشي بنخليها ان العالم مسكينه مع انه مش حل لاي مشكلة بالحياة اللي صار


لكن اليوم نصحى على خبر ان زوجة قتلت زوجها, وبعدين خبر تاني اب يقتل زوجتة و ابنيه , كتير هيك ايش مالكم يا جماعة

غير طبعا اخبار الانتحار اللي شبه يومي صارت واللي حكت عنها مياسي, طيب خلينا نحكي هاد كلة بسبب الفقر وان العالم بطلت طايقه بعضها ولا طايقة حالها, بالمقابل المفروض انّ المسؤولين يدورو على اشي يخفف عن هالشعب, لكن بما انهم لاقيينا كتار بالبلد و المفروض نختفي باسرع وقت ممكن شو بعملو؟؟ بنزلو اخبار جديدة علشان اللي ما انتحر و ما طخ حد, يموت بضغط وسكري و جلطات.

و ليضمنو هالشي بتقرأ اخبار تانية حلوة كتير, انهم - اللي ما بدي احدد مين همه علشان ما حد يجي بحد - بدهم يلمو فلوس و يجمعو غصب عن الدنيا بدها تزبط الميزانية وما بعرفو كيف بس بدها تنجح الدفعة الموجوده و تنجز اشي على حساب هالشعب المسكين
ابتدأ من انهم يبيعو للعالم الدم, لفرض ضريبة 50% تخيلو ضريبه 50% مش فاهمة كيف هاي تسمى ضريبة على السيارات اللي العالم فكرت انها راح تحل ازمتها
سيارات
و انتهاء بخبر مش موجود بالجرايد, امبارح رحت على مكة مول و طلعو الاخوان حاطين جهاز عبوابات الكراجات, شو يعني؟؟؟ يعني كراجات مكه مول صارت بفلوس, انا شخصيا عمري ما شفت كراجات مول بفلوس, بحكي للي عالباب شو بتتخوتو انتو, بحكيلي يختي هي تجربة ومبلغ بسيط, اي بسيط واي تجربة, الاخ بفكرني امبارح جاي عالبلد, هو في اشي بنفرض بروح, مخلص متى ما اتطبق ؤاحت علينا, هلأ لو الكل ما يصير يصف بالكراج بعرفو انه المشروع فاشل, بس احنا شعب عرّيط بطبعنا, يعني مستعدين يكومو البطاقات اللي بياخدوها لصف السيارة بس علشان يصيرو الناس يعرفو انهم صفو و دفعو, زي اللي بكون مشتري اشي من محل معروف بصير يحيك معك و يأشر ويشبّر بالكيس علشان تلاحظه.

خبر اخير مش عارفة اصنفه بصراحه, فقر ويلا قرف ويلا برضه علشان يجلطنا مش عارفة ...

شوووو لساتكم مبسوطين ؟؟؟



26 التعليقات :

مممم

هاد الخبر الاخير قرأته امبارح
اشي بيجلط واصلين مرحله مقرفه

كل اللي فكرت فيه انو هالختياره المسكينه
ضلت طول عمرها تستنى حسن الختام

والختام طلع زفت
اشي بيخزي جد!!

شكرا على جرعة النكد الصباحيه:(

هلأ بشتغل وانا اوكي ما شالله

بس ياريت تعدلي لينك البوست تاع الانتحار:)

عشان العالم يوصلوا اسرع

 

مياسي
يا صباح الفل..هلأ بتطمن عليكي انك تشتغلي و تنجزي وانت نفسك مفتوحه :$

الخبر الاخير لهلأ مش مستوعبته
انوووو ايييييييييييش في يا اهبل :(
مش فاهمه جد مش فاهمة

تم التعديل :)

 

والله ولا انا عارفه استوعب شو مال العالم!!

انو عن جد مش فاهمه شو هاد؟

شكرا عالتعديل

 

شكله هاي امراض نفسية مزمنة ما حد اله دخل فيها :$

 

أنا امبارح كنت بمكة مول.. ولما اجيت بدي أصف بالكرجات إتفاجأت انهم حاطين كشك زي إلي بالمطار.. فبسأل الشاب إلي بفتش السيارات: هو الكراجات صارت بفلوس!!!! قالي جواب بدل إنو ما بدو يجاوب الحقيقة: لا إليوم عادي.. هوة أول ٣ ساعات ببلاش!!!! طب والمساكين إلي بشتغلوا بالمول شو زنبهم يروح ٥٠ دينار من راتبهم مواقف!!!
وكمان مكان الصفة بالطابق الأول كانت غرقانه من مية الشتا!!

 

ana mnakdeh o ejeet 3a blogek anbeset 2am engham 3a albi bezyade lol

in Dubai fi akam men mall bekono bi floos bas abel 5 el 3aser on weekdays .. ya3ni el weekends wel masaweyyat free 3ashan ymna3o el nas elli bteshteghel bel mante2a ysoffo sayarat.hom jowwa el mall o y5also el parkings ... hada bi Dubai ma ba3raf system Amman tajrobeh la sho bel zabt :) eimta 7ayseero ya5do 3al nafas?

 

هدي أعصابك يا ويسبر
آخرتها راح تفرج

قولوا آمين

الخير فيّ و في أمتي إلى يوم الدين

و مدام في ناس متلك في هالبلد لسّه الدنيا بخير

بالنسبة للخبر انه زوجه قتلت زوجها فهذه نوازع انثوية صارت مألوفة ضد الرجل لكن الرجل اللي قتل زوجته أكيد سمع الخبر الاول فانتقم بهذه الطرية لمعشر الرجال و أنا شخصيا ادين الحادثتين العنف و العنف المضاد

:)
الله يسمعنا الاخبار الطيبة

 

مرحبا ويسبر

سأكتفي بتعليقي على قضية المول فقط ومن خلالها يمكن القياس على كل الامور الاخرى فالمولات عندنا وبخاصه مكه مول ليست بقصد التسوق في أغلب الاحيان بل هي بقصد التنزه حيث أنها تعتبر نزهه مجانيه إن جاز التعبير وبما أننا نفتقد في هذا البلد لأماكن تنزه تناسب الاوضاع المادية لكافة الشعب فهذه النزهه المجانية في الشتاء تحديدا هي الافضل وحيث أن إدارة مكه مول قد تنبهت لهذه النقطه فهي تريد بطريقه غير مباشره وبطريقه ذكيه أن تستوفي أجور تلك النزهه المجانيه

بكل بساطة الموضوع واضح فالنهج المتبع في البلد في هذه الايام هو استغلال نقاط ضعف الشعب في أمور تعتبر المتنفس الوحيد لهم وبامكانك أن تقيسي كل الامور الاخرى بهذا المقياس

تحية

 

الله يرحمنا برحمتو!!!!
نفسي أعرف اللي بعملو هيك كيف بيجيهم قلب؟؟؟ يعني هاي ختيارة مسكينة لا إلها ولا عليها!!!
كل الأخبار اللي حاطتيها بتقهر، بس هاد آخر واحد بجلط!!!
لا حول و لا قوة إلا بالله....
و عشان خبر المواقف... فرصة نبطل نروح عمكة مول، و بعد فترة شكلنا رح نبطل نطلع من البيت أصلاً، بجوز يحطولنا عدادات عباب البيت و ندفع كل ما طلعنا!

 

كتبت التعليق 3 مرات و مسحته بلاش نحكي راح نفقع كلنا و نريحهم و خليهم و يورني من وين بدهم يجبو ضرائب

اذا الموت على ضريبة

 

ana 3la fekra 5abar el shab wel sab3eneye abel embare7 yemken shofto.
la hl2 msh mstaw3eb keef wa7ad berda 3la 7alo ye3mal heak eshe ?
3omorha 70 sane !!!
fee 3a2el fel denya befaker beheak eshe ?
bs 5alas el nas tamsa7at o ba66alat far2a 3ndha...
kollo mn el seyasat el rasheede elle bedha t5afef 3n el mowa6en o terfa3 mostawa ma3eeshto o rafaheto
b3den lesh "homme" yez3alo ?
hada lamasla7et.hom !

 

Rula A.

تعدد الاجابات بخلي الموضوع في إنّ يعني شو بدهم يعملو بالزبط مش فاهمة

و بعدين زي ما حكيتي اللي بشتغلو بمكة مول كيف بدهم يحاسبوهم ؟؟؟

اه كتير مي كان امبارح :$


Ahmad Merie

2esm allah 3aleek malak!!!

bas ma 2akoon 2ala2et manamak 2aw shee zay heak :D

 

Hb

yaaaaa sob7an allah...jad 2elek zamaaaaan ma maretee w halla2 3alnajad 2ejetee :S sorry for that

Ahaaaa hay feha wejhet nazar
bs ma b7es 2enno fe 2amaken 3amal 7waleen el parking fe mecca mall, w 2elly besof honak bekon raye7 3ala mecca mall mesh 3ala shee tane...heak 2a3taqed

ma 7aka el2a5 2elly 3albab, bs shaklo qareban jeddan :S

nawartee...2emta beddek t3mely blog??? bedna neqra2 wejhat nazarek fel mwadee3, w bedna tsharkee fe Blog For Jordan Day :D

 

أشرف محيي الدين

اهلا اشرف :)

معك حق, بحاولو يستفيدو من اي نشاط بقوم فيه الشعب

ومتل ما حكيت الاقبال على المولات كتير كبير, وبالعادة ما بتلاقي مكان تصف فيه السيارة, فحبو يستغلو هالشي :$

ثائر جبر

هادية هااااااااااااااااادية :)
ان شاء الله تفرج عن قريب

و شكرا على الكلمات اللطيفة :)


اهاااا بتعرف اني كنت شبة متأكدة من التحليل اللي راح تكتبة عن الخبرين :) مش بنفس الكلمات ولكن بنفس الاتجاه

امين يا رب :)

 

Mrs H

امين يا رب

هدول بكونو قلبهم ميت, وما عندهم قلب اساسا

جد غريب هالخبر, و عمره 19 سنة يعني هي زي تيتا اله, الله لا يعطيه عافية

لا حول ولا قوة الله بالله

الله يسامحك بتعطيهم افكار جديده :$
هلأ ما بصدقو و بفرضوها علينا

Anonymous

بعرف هالشعور...انا كتبت الموضوع اكتر من مرّه و غيرت فيه كتير قبل النشر...

كل شي عنّا بضرايب, و مش بعيد الهوا يصير عليه ضريبة :$
الله يفرجها

Sh3rawi

Ana elyoum 2elly shoftoo w lahalla2 mesh fahmeh bshoo kan yfaker !!!

wala elmajnoon momken yefaker beheak shee

wallah 2a3lam mesh za3laneeen, be7koo 5ally hal3alam teltahelha bshee la nfaker b2eshe jdeed yjeblna floos :S

 

البركة مول بالصويفية المواقف تبعته بمصاري بعد اول ساعة

على فكرة قصة المواقف اللي بمصاري في كل البلد لازم تلتغي يعني من وين لوين كل واحد أهبل عنده ارض عامله مواقف و موقف عليه واحد ليش ، الهبل مش موجود غير عنا

 

I wrote something related to this in my last post u shud check it out :)

 

مرحبا ويسبر

والله ما تقرأي أخبار و لا تتابعي اشي
خصوصا الاخبار الرسمية لانها كلها بتسم البدن

يا رفع اسعار يا زيادة ضرايب يا خرط

احسن اشي الواحد يبلش بالمسلسلات التركية يا روتانا افلام و م ب سي 2
:)

 

انا بطلت اقرا جرايد و منيح اني قريت البوست متاخر
لانو بصراحة اليوم مو ناقصه سمت بدن
بس مع هيك رح احكيلك شي
هاي الامور كلها نتيجة ضغط
طبعا مش تبرير بس الانسان عم يتفشش بالطريقة الغلط و كلنا عم نتحمل نتايج غلطات غيرنا

 

ma male Whisper bs sar nefse asma3 shee bebset fel ordon!! hek enno asma3 5abar jad yebsetne!! fesh 3'air ente7ar o e3'tesab o qatel o nas maskeen fe 5ona2 b3d o as3aar naar o ma7roqat 3'alyeh o darayeb jdeedeh o jamarek 3m te3la o nas 3m tmoot men el joo3 o sareqat o nahb o fasad!
enno o a5ert.ha ya3ne?!!
7atta el amaken elle momken el nas troo7 3aleha 3ala shan tfafef 3n 7alha shway sarat tsem el badan!!
jad eshe moqref!! la haik 7aket haa!!

 

جرعة مركزة من ضغط الأعصاب و النكد وسمّ البدن
الله يسامحك يا ويسبر
نيجي لنقطة نقطة

قتل الزوج أو الزوجة أصبح شيء عادي من ايام الثمنينات لما ام ساطور قتلت جوزها وقطعته ووضعته في أكياس زبالة
أعتقد أن قهر المرأة بيعمل العجايب

الأب الذي قتل زوجته وأولاده أيضا تفريغ لمصائب المجتمع

ظهر الفساد في البر و البحر بما كسبت ايدينا

إذا غاب الدين توقعي كل شيء ، فطبيعة الغاب تظهر و روح الغرائز الحيوانية و الشهوانية تسيطر في غياب رادع الدين و الأخلاق ، خصوصا في مناخ إقتصادي تعيس و إنفلات إجتماعي واضح

في ظل هذه الأمور ، وضع تعرفة لدخول مواقف سيارات شيء لا يذكر ، لا تستغربي إذا وجدتي في المستقبل كشك على باب بيتك يطلب منك تعرفة مقابل إستخدام الشارع

والضريبة الجديدة شيء عادي ايضا يا ويسبر ، الله يسامحك يعني بدك تقطعي رواتب الوزراء؟؟؟ ومن وين الوزير رح يصيف دخلك؟؟؟ ولا تنسي القاعدة الذهبية
اللي معوش ما يلزموش
يعني مش بكفي الدولة الله يخليها النا عاملة مستشفيات و بدك يعطونا دم كمان ببلاش؟؟ والله كثير

وبالنسبة للخبر الأخير و هذا الشاب الرائع و الخلوق ... الصراحة اشك كثيرا جدا بالخبر .. لأنه يتجاوز حدود النفس البشرية و الحيوانية ... وصدقيني لو حدث هذا الخبر بالفعل في بلدنا الأردن
فأعتقد أن قيام الساعة لن يتأخر كثيرا فلا أعتقد أنه يوجد شر أكثر من هذا

بالفعل تدوينتك غيرت مزاجي تماما
لازم أعملها بوك مارك وكل ما اكون حاب أطق أدخل أقرائها

نصيحة مني تبطلي تقرأي مواقع الأخبار هاي بلاش لا سمح الله يصيرلك اشي ونخسرك

واعتقد انه لازم ينحط على هذه المواقع التحذير التالي زي علب السجائر
"قراءة هذه المقالات يسبب ضغط دم و سكري و جلطة دماغية"

ونهارك سعيد

 

Anonymous

ولا مرّه زرت البركة مول :$
ما بعرف ليش ما بحب الصويفية اطلاقا مطلقا

انا موضوع المواقف كتييير بقهرني يعني جد اسلوب نهب عيني عينك

Rand

Really....hayne fly there 3ala 6oool :D

Amjad Wadi

لااااااااااااااا مستحيل امجد في بيتنا يا مرحبا يا مرحبا
انا حكيت خلص نسي التدوين والمدونين :)

شكله هيك افضل اشي, يعني اللي بكون اله نفس يعمل اشي على هالصبح بعد هالاخبار بصير ما اله نفس يتحرك :$

انا ملاحظه ان الكل صار اتجاهه افلام, وانا منهم علشان شوي نخفف مع انها مرات بتكون هي التانية سمّة بدن

نورتنا :)

 

Jafra

هي الكل بنصح بهالشي و شكلي راح اعمل هيك :)

سامحيني بس حبيت اشاركم بجرعة النكد اللي اخدتها على هالصبح :)
بتعرفي كريمة من يومي

في منو و كتير كمان الا الشب الاخير مش حاسة ان اي ضغط او فعص او تدمير ممكن يوصل الشخص لهيك شي :(


Ahmad Merie

I know ya sadeqee bs 7aseet 2ennak ma 2a5adet eljor3a kamleh men sammet elbadan fa 7abeet 2t2akad 2enno kul wa7ad 2a5ad naseboo, 2ana 2ensaneh 7a2aneeh :D

halla2 2et2akadet :)

سراج الماضي

امين يا رب :)
بتعرف اليوم وانا مروحه الشيخ نبيل العوضي كان يحكي عن هالشي و طلع البر هو اللسان و البحر هو القلب ...اول مرّه بعرف :)

بس منطقي كتير ان الانسان قلبه ميت وما بصون لسانه فهاد هو الفساد الحقيقي

ام ساطور وابو شاكوش...هدول اشهر من نار على علم بالاردن, فعلا من زمان هالشي منتشر

موضوع الكشك عالباب زكرني بقصه صارت عنّا بالشغل
في عنّا موظفه عندها سكري و كانت تحتاج تروح عالحمام -أجلّكم الله_ كتير فمرّه بعلق مديرها انه بده يحط كشك عالباب علشان تدفع كل مرّه بتدخل, شكته للاداراة العليا و اخد انذار , هي كانت نكتة سمجه منه لكن ممكن يطبقوها اذا فادتهم :$

هههههههه
اسفة جدا هي الجرعة كانت زيادة كتير هالمرّة
خلص بالمرات القادمة بخففها شوي خبرين بكفي :)

نهارك ومسائك سعيد :)

 

تسلمي يا ويسبر
لا والله متابع على طول على طول و بقرأ كل اشي
بس بيات شتوي .. ما كان الي مراق على التعليق و الكتابة والأخذ والعطا

 

يلااا اذا هانت كلها كم شهر و بخلص الشتا :)

هالحالة النفسية صايرة تصيب كتير من الناس هالفترة... الله بعين
هيك الحياة تحت تحت تحت و بعدين شوية فوق و بنرجع تحت تحت تحت وهكذا :)