Things I Like To Whisper About

Would You Hear Me Whispering

يوم التدوين عن الاردن :)




Blog for Jordan day



اوعكم يروح عليكم يوم التدوين عن الاردن واللي راح يكون في 12\3 ان شاء الله, هاي الفكرة خطرت للمدون المبدع دائما قويدر بسنة 2008 يعني قبل سنتين و السنة راح تكون السنة الثالثة لتطبيق هالفكرة.



ليش 12/3 ?? مش لشي خاص, وما في حدث معين صار بهاليوم, بس لان 321 - الاردن فكرة جميلة و انا بالنسبة الي بحسها كأنها تعداد لاشي, الكل بدو يكتب عن الاردن وانت بتجمع نقاط ان كانت ايجابية او سلبية و برضو بتقدرو تعتبروها زي 1...2...3 اردن يا حياتي :)

انا كان الي الشرف باني اشارك السنة الماضية لاول مرّة, وان شاء الله راح اشارك السنة كمان, وبشجع الكل انه يكون جزء من هاليوم لانه جد شعور كتير حلو انك تشارك باشي بخص بلدك.



بالنسبة للمشاركة بيوم التدوين عن الاردن في عدّة اسأله انطرحت بمدونة سامر قويدر بلخصهم بانه مش لازم تكون اردني لتكتب عن الاردن, بتقدر تكتب عن اي موضوع بخطر ببالك بخص البلد ايجابي كان او سلبي, الموضوع مش منافسة ابدا الموضوع انك تقدر تعبّر عن اللي بجول بخاطرك و تشاركه مع ناس تقريبا راح يكتبو عن نفس الموضوع, فوجهات النظر المتعددة مرات بتشرح الموضوع من كل نواحيه و بتخلي عندك فكرة اكبر عن الموضوع.

السنة الماضية كان قويدر مجهزلنا على مدونته gadget - بعرفش شو بسموها بالعربي اشي زي اداة او برنامج - بخلينا نتابع اي بوست في مدونة بتكتب عن هاليوم و كان يوم كتيييييييييييير حلو :)

فاااا اوعكم اوعكم تروح عليكم المشاركة بهاليوم :)


وغير انكم تشاركو بتقدرو تدعمو هاليوم بانكم تحطو بمدوناتكم هالعداد التنازلي و فرصه برضه يضل يزكركم ايمتا بالزبط يوم التدوين عن الاردن





Blog for Jordan day

اذا بتحبو العداد يكون اصغر او اكبر فبرضه قويدر مجهز عدّة احجام بتلاقوها هون :)






13 التعليقات :

yeslamo kteer.. ana ma ba3rf 3anno o 3rft mnk o r7 a7ot el gadget o en sha2 allah r7 bsharek thanx ennek a3teetene 5abar:))

 

Ahmad Merie

Shokraaaan Ahmad
ana kont metwaq3a 2enno fe nas ma be3rafo 3anno :$
yalla bnestanna ur post 2elly 2akeed ra7 tkoon betjannen kal3adeh :D

 

fekra 7lweh kteer...r7 a3sor mokhi wo ashoof shu momkin yetl3 m3i...l2no el sho`3ol ma 3m ykhallini a2dar afakker b ishe :)
shokran

 

مسا الخير ويسبر

اولا يسلموا كتير والفكرة حلوة كتير
تانيا انا كنت بعد ما قرأت البوست ناوي اعينك الاب الروحي للمدوين، بس بعدين تزكرت انك بنت، ففكرت اني اعينك الام الروحية للمدونين، برضوا ما زبطت معي لأني عمري ما سمعت بمصطلح ام روحية!! فلذلك
قررت اعينك الناطقة الاعلامية باسم المدونين
واكترهم منفعة للاخرين

 

مواطنون بلا حدود

kteer 7elweh,w ana met2akdeh 2ennak ra7 tenbaset bs tsharek :D

laaa ana met2akdeh 2enno ra7 ye6la3 ma3ak 2eshee kteer 7elw inshallah :)

نادر احمد

شكرا شكرا نادر والله كلك زوووء :)

الام الروحية!!! ...لااااااا يابا التار ولا العار عنّا هههههههههه

انا بحس " الاب الروحي" للمدونين والاردنيين بالذات هو قويدر...جد هالانسان بعمل اشياء كتيرة علشان يحاول يجمعنا و يساعدنا بموضوع التدوين :)

بنستنا تدوينتك , هو راح يكون الجمعة 12\3 وانت بتدون الخميس بالليل فبتزبط معك :) ما الك حجّه

 

shokran 3al tazkeer marra o5ra...
fe akam mawdo3 "3la safe7en sa5en" a3den bestano yenkatbo...
hayo arrab ma dall eshe

 

Sh3rawi

Ahlan wa sahlan da2eman :D

6ayeb momtaz :D
yalla hayna bnestanna neqra2hom :)

ana lessa ma fakert fe mawdoo3 :$ bs zay elsaneh elmadyeh faj2atan 5a6arlee :)

 

الحقيقة الفكرة كتير حلوة ... واذا بتقبلوا مشاركتي بكون ممنون
:)

 

شكرا كتير ويسبر على دعمك لمبادراتنا الوطنية

 

يوم التدوين عن الاردن
يا ويلي شو رح اكتب لاكتب
بس يا ويسبر انا عندي زهايمر مبكر و حالتي صعبة ممكن تذكريني اذا انا نسيت يعني عم تقل عليكي بس من باب اني بمون :)

 

Ahmad Al-Mahrouq

اكيد احمد
بعرف اني بمون اني احكيلك اهلا وسهلا فيك دائما :)
زي ما شفت بالشرح اي شخص بقدر يشارك و في ترحيب بالجميع :)

Qwaider قويدر

شكرا الك لافكارك المبهرة دائما
وشكرا لفتح باب المشاركة للجميع :)

Jafra

ولو...طبعا بتموني يا قمر
خلص ولا يهمك انا بذكرك, و انت بتقدري تحطي العداد عندك
بس لو حطيتيه او لأ مزكريتك مزكريتك ان شاء الله :)

 

فكرة ممتازة وشيء حلو
لعلها ترتقي بمستوى التدوين في الأردن
أتمنى ان نجد ايضا في المستقبل يوم تدوين عربي و إسلامي
فأنا مع الوحدة الإسلامية العربية :)
وشكرا يا ويسبر دايما نشيطة :)

 

ان شاء الله عن قريب
دائما بفاجأنا صديقنا قويدر بكل ما هو جديد و ممتع :)

يلاا بنستنا تدوينتك يومها :)