Things I Like To Whisper About

Would You Hear Me Whispering

Best Birthday Ever :)

زي ما معظمكم او كلكم عارفين - لاني ما خليت فرصه الا وزكرتكم فيها -ليوم عيد ميلادي, وزي ما انا عالبلوج زكرتكم فانا من شهر بزكر اهلي وصاحباتي, لا تنسو 26\3, صاحباتي حسيتهم راح يطنشو الموضوع, مش زي دايما, اي نعم كانو يعلقو انهم راح يفاجأونو بانهم ما يعملو اشي و هاي راح تكون مفاجأه صاعقة بالنسبة الي, ومع اني كنت متوقعة يعملو اشي, لكني فعلا اتفاجأت :)

السبت اتصلت فيي صاحبتي بتحكيلي انها كسرت رجلها و انها اخدت اجازة وبتحكيلي بكرة اول ما يخلص الدوام بتجيبولي هدية وبتيجو تزوروني, صاحبتي هاي انا بحبها كتير كتير وجد انسم بدتني عليها, خصوصا انها عندها ديسك بظهرها, تاني يوم رحت خبرت البنات اللي انصدمو يا حرام, وقعدنا نخطط شو نجيب هدية وخصوصا انه كان عيد الام يومها, اقترحو نجيب اشي لوالدتها وانا ما رضيت, حكيتلهم نجيب شوكلت وهيك بكون للكل, اتفقنا ان انا اللي اجيبة, شوي اتصلت وحده من البنات بتحكيلي انها ماخدة مغادرة, وخلص هي بتجيب الشوكلت, خلص الدوام و اجت وحده من البنات اللي بدها تركب معي لنروح لعند صاحبتي, وصارت تتحدث وانا قاعدة على اعصابي, وك يلا بدنا نلحق البنات, بتحكيلي انها ما صلت العصر وبدها تصلي قبل ما نطلع, وما شاء الله عنها قعدت نص ساعه تتوضا وتصلي, وانا قاعده, المهم رحنا لبيت صاحبتي و دقينا عالجيران :) طلعو البنات اللي واصلين قبلنا غلطانين بالبيت برضه ابتسمت البنت وبتحكيلنا يلااا الحقو صاحباتكم فوق, دقينا الباب فتح الباب لقيت كل صاحباتي حتى اللي منتقلين على فروع تانيه, حتى المستقيلين كلهم ماسكين شموع ومن الاشي اللي بطلع زي الفتاش و بغنولي " Happy birthday to youuuuuuu" انصدمت وشوي وكنت بدي ابكي, وحتى صاحبتنا "Fostog" اللي بالسعودية موجوده اون لاين على Skype وبتغني معهم, جد جد انبسطت وانصدمت وتفاجأت.

وعلى هيك المفروض كانت المفاجأه خلصت, امبارح اجا اخوي من دبي و اجا عبووود حبيب قلبنا و كتير انبسطت انهم راح يكونو معنا اليوم, عالساعه 11:30 امبارح بالليل, اخوي بحكيلي شكلك نعسانه وبدو يغمى عليكي, بحكيلو اه والله وبدي انام, قام ونزل عالسيارة, ناديته ما رد علي, ايش في مش فاهمه, جبلي مجموعه من الهدايا طلعو صاحباتي متفقين يعطيني اياهم عال 11:50 قبل ما تصير 12 لانها فورا راح تصير 1 علشان التوقيت الجديد, انبسطت و كيفت ليش الحكي, كنت انا واخوي و مرة اخوي, فتحت الهدايا, طلعو الاخوات لامين اغراضي اللي محطوطه بالمكتب ومغلفينها و باعتينها هدايا, وكل هدية عليها ملاحظه ملزقينها برضه من الورق اللي جبته انا للمكتب, اشي "بحكيلي تهريها بعرق العافيه" اشي كاتبين " اغسيليها ورجعيها" حششنا ضحك كلنا, ولا اخفيكم اني انفقست :( بس يلااا الحفلة كانت بتجنن.

اخوي بحكيلي احكي مع صاحبتك, خبريها, حكيتله لا بدي تحكي معي و اعمل انو ما وصلني اشي, عال12 بدت المسجات توصل من الكل, اخوي بحكيلي بتعرفي كأني ما سكرت باب السيارة, ومسك الموبايل بدو يحكي مع الحارس, حكيتله لأ حرام عليك اكيد نايم, روح انت الله بعينك, طلع ويلا هو جاي بدفعة جديده من الهدايا :)))))))))

الهدايا بجننوووووو جد اشياء كتير حلوة, اكسسوارات و دباديب, و اشي زي الكتاب مكتوب عليه اسمي و رسالة جوا من صاحبتي, وفي اشي على شكل قلب زجاجي و عليه صورتي, ماخدينها من رحلة رحناها السنة الماضية, وحافرين اشي تحتها, اشياء بتجنن,الحمد لله اللي عوضنا عو الاخت بخوات كتار جد لو الي خوات ما راح اعزّهم اكتر منهم, صاحباتي واهلي نعمة بحمد عليها ربنا دايما :)

و الليله الحفلة اللي مع اهلي وعبووود, وهي هاي اللي بتصير كل سنة, كنت وانا صغيرة, هو مش كتير صغيرة ,لعند ما وصلت الجامعه كل سنة نعمل حفلة واعزم صاحباتي, لكن الحمد لله ربنا هدانا و بطلنا لكن صرنا بنجيب كيكه وبنحتفل العيلة لحالنا و كتير بنكون مبسوطين, وهاد لا يمنع ان السنة جد جد جد احلى عيد ميلاد بحياتي :)

الصبح مرة اخوي اعطتني هديتها هي واخوي, وبتحكيلي مع انه بعد عرض مبارح ما في اشي اله معنى, حكيتلها انا بحب الهدايا باي وقت وايش ما كانت :)
كل عام وانتو و انا و الجميع بالف خير يا رب :)

بدي اشكر كل اللي بعتلي ايميلات, تعليقات, وتوتات, او عالفيس بوك و بحكيلهم وانتو بالف خير يا رب :)





من العجئة و السرعة نسيو ال "I" :)





42 التعليقات :

كل عام وأنتي بخير ويارب دائما مبسوطة
بتمنالك تطلعي حج السنة وهاي دعوتي الك يا ويسبر ويرزقك دائما على قد نيتك اللي أصفى من الكريستال

 

ya 3aeeeeen ya 3aeeenn shu hal 7loo had :):)
kul 3am went b5er wo sa7a wo salameh wegroosh kthaaaaaaaaaaarrrrr :D
u have a lovley hous as well :)
wo bedi tabooooleh men ba3ed eznek xD

 

Happy Birthday to you w 3o2bal al 3omor kolo

 

سراج الماضي

وانت بالف خير, شكرا كتير

هاي احلى امنية , ياااااااااااا رب يكتبلي اياها
نفسي كتير اروح حج او عمرة حتى, لكن للاسف الحج محدد بعمر وبابا وماما حجو والحمد لله, والعمرة اخوي مش فاضي يطلع معنا لان بابا ما بقدر يروح بعد المشاكل اللي صارو بركبته :(
بس املي بربنا كبير انها تتيسر :)
شكرا كتير

Zuhair

W 2enta b2alf 5ear ya rab,ameeen ya rab :D

Thanks but this is my friend's house :D the one who plan for the surprise party :D

wala yehemmak,t3al 3enna elyoum 3amleen taboleh :D

 

Ahmad Hamdan

Thanks Ahmad :D
inshallah 2a2deh bel3amal elsale7 ya rab :)

 

حلو كتير

عجبتني كل الفعاليات جد شس متعوب عليه:)

كل سنه وانتي سالمه وبتمنى تكون السنه وجهها خير عليكي زي ما كان عيد الميلاد بيسطل :)

 

Happy birthday and many happy returns :) wow that is so much fun I want something like that on my birthday :( kol saneh w enti salmeh ya Rab :)

 

Happy birthday to uuuu
o 3o2bal el 87280957009809850985 saneh ya rb o ya rb t3eesheehom b sa3ade o hadat bal :)

 

كل سنة وانتي سالمة يا ويسبر وعقبال المية ان شالله والله حسيت بفرحتك طالعه من بين الكلمات...الله يخليليك اصحابك وما يفرق بينك وبين الي بتعزيهم...وان شالله تكون سنة خير عليكي يا رب...
Happy Birthday
:)

 

happy birthday , you seems had a very nice time , allah ye7'alelk ahlek o sa7batek .

wish all your wishes come true.

 

happy birthday :D 32bal 123 saneh we arab3 shor
ashe ya 3me el3z lalroz , wallah ya3mo eno inbsa6lk la hal a7tefalat

:D
kol saneh we ente salmeh ya 2om el wasaper

 

how sweet !!! Happy birthday !! el3omor kollo yaa raab :hug:

 

مساء الخير ويسبر
كل عام وانتي بالف خير بالعربي
happy birthday بالانجليزي
بالمصري ( كل سنة وانتي طيبة
ولو أني أعرف كل لغات العالم لكتبتها بها، عقبال الالف سنة، وان شاء الله ان يكون قادم الأيام أجمل
بتستاهلي كل خير والله
لو بعرف عنوانك كان بعتلك هدية علبة سيريلاك
;)

 

happy birthday, my frEnd :p

 

انشاالله كل عام وانتي بالف خير يارب
كان نفسي اكون معكم بالحفلة:(
بس الحمدالله انك انبسطت وتفاجاتي؟؟؟؟؟؟؟
بس انا كنت معهم خطوه بخطوه بترتيبات الحفله حتى مع طريقة تقديم الهدايا؟؟؟
:)
كل هادا عشان عنصر التفاجأ وهدا اهم عنصر بموضوع اعياد الميلاد اللي بتخص مجموهتنا.......

بعدين الحمدالله على سلامة اخوك وعبود القمر
يعني انت هلا بقمة السعادة لانه في عبود العسل الله يخليلكم اياه

اخيرا
انشاالله كل ايامك تكون خير وفرح وسعادة
امين يارب

 

لساتها انا عندي يوم الجمعه والتاريخ 26 حلو الواحد يكون في بلد فيها اختلاف وقت كبير :)محظوظه انا
كل عام وانت بخير وعقبال الميه والفرحه الكبيره كمان

 

نسيت احكي خيانه ..خيانه كل الكيك هاد وانا مش معزومه ولو عزومة مراكبيه يا ويسبر :) تتهني ان شاء الله سحه وعافيه

 

كل عام وانت بألف خير وينعاد عليكي بالصحة والسلامه يارب

عن جد كتير حلو أنو الانسان يلاقي حواليه ناس بحبو بهادي الطريقه يارب يخليلك كل هالاحباب ومايحرمكم من بعض أبدا

 

kol saneh wo enti salmeh....b3rf enha met2akhreh bs ana sarli fatra `3ayeb 3n el net kollo...enshallah el saneh el jay betkoon saneh 7lweh 3alaiki wo bet7a22e2i kol she nefsek feh

 

Happy Birthday Whisper, and I'm really sorry that I was late in posting. I was in Omra. I wish I knew cause I could have prayed for you there. Yalla next year enshalla

 

ما شاء الله جد اش حلو.. يا هيك الصاحبات يا بلاش :)
ذكرتيني لما مرة سوينا هيك لوحدة من صحباتنا.. بس يومها قالتلها صحبتنا -إلي عاملالها عيدالميلاد بدارها- إنو أنا زهقانه ومش طايقه أطلع مكان تعالي عندي والله بنتسلى وضلت تقنع فيها لوافقت :) وبس شفناها صفة السيارة حضرنا أغنية وليد توفيق انزل يا جميل على الساحة ودخلت وحيه شغاله وكتير انبسطت يومها..
الكيك شكلو كتير زاكي إن شاء الله تكوني أكلتي عنك وعن كل متابعين المدونه تعتك هههههه
حبيت كيف كانو مرتبين مع أخوكي بقصة الهدايا.. جاد ما شاء الله حلو هيك وإن شاء الله بضلوا
Friends For Ever

 

كل عام و انت بخير
و الله يخليلك اهلك و صاحباتك على هيك مفاجآت حلوة
:D

 

شكر جزيلا و انتو بالف خير يا رب

اسفة عالتأخير بالرد, اكيد بتعرفو كيف بكون الوضع مع زيارة المغتربين :)
ما بدنا نضيع اي دقيقه
ان شاء الله راح ارجع وارد عالجميع فردا فردا :)

شكرا الكم انتو كمانمن اصدقائي اللي ربنا رزقني اياكم :)

 

happy belated birthday and inshallah many happy returns :)

 

happy belated birthday and inshallah many happy returns :)

 

كل عام و انتي بألف خير و انشالله العمر كلو...
و الله يحققلك كل اللي بتتمني هاي السنة و السنين اللي جاي...
عجبتني فكرة اني اضل أذكر الناس بعيد ميلادي، يعني منجرب هالطريقة بلكي عملولي مفاجآت حلوة زي ما صار معك :P
و عجبني كمان لما حكيتي: "الحمد لله اللي عوضنا عن الاخت بخوات كتار جد لو الي خوات ما راح اعزّهم اكتر منهم"...
انا متلك ما عندي اخوات، بس الحمدلله ربنا عوضني بصاحبات اعز و اغلى :)
كل عام و انتي بخير مرة تانية :)

 

مرحبا ويسبر

كل سنة وانت سالمة وبألف خير يارب

انا اسف ... تأخرت
بس كتبتلك ع الفيس
وما بعرف ازا وصلك وت وت مني

ع كل ينعاد عليكي بالصحة والسلامة
ولا تنسيني 23-7 بكون كمان يوم جمعة

 

مياسي

االله يحلّي ايامك يا رب :)
الله يعطيهم العافية جد ابدعو و كتييير انبسطت والحمد لله :)
و انتي سالمة يا رب, امين يا رب عالجميع :)

Rand

Thanks ya amar :D
inshallah , give me one of ur friends mobile number w wala yehemmek ya amar :))

w 2ente salmeh ya rab :)

Farah

Thanks ya amarah :)
Wow I can't even read the number, how can I live all that :$
Ameen ya rab, same to u ya zooo2 :)

 

NewRise7

وانتي سالمة يا رب :)
الحمد لله كانت فرحتي لا توصف, وما زالت بصراحة :)
امين يا رب, ويخليلك اهلك وكل احبابك
سنة خير عالجميع ان شاء الله :)

Dr.Mohammed

Thanks alot :D
yeah wal7amdolellah I had
Ameen ...w y5alelak ul 2a7babak ya rab

Thanks, same to u inshallah :D

قط البكتريا

Thanks a lot :)
ya salaam..... w kam youm 6ayeb :))

shokran 3ammo :)
w 2enta salem ya rab

 

SimSim

Sa7???
kteer sweet bsara7a :')

Thanks ya amarah :kisses:

نادر احمد

مساء النور نادر :)
وانت بالف خير , وثانكس بالانجليزي :)
و بالمصري متشكرين او ميرسي اذا كنت من جاردن سيتي :))

شكرا الك عالمجاملة الرقيقه كلك ذوق والله
علبة وحدة؟؟؟؟ انا موعودة بصندوق كامل :)

NasEr

Thanks ya man :)

 

Fostog

اهلا يا قمر وانتي بالف خير يا رب
احلى اشي بالعيد ميلاد كان وجودك اون لاين معنا....كتير انبسطت اني شفتك مع اني كنت بفضل تكوني معنا ....يلا خيرها بغيرها
تفاجأت كتييييييييييير ما توقعت بالمرة خصوصا ان فليحة مزبطه الدور كانت :)))
الله يسعدكم كلكم بتجننو..الحمد لله اللي ربنا رزقني خوات زيكم
و شكرا كتيييييييييييييييييييير عالهديّة جد بتجنن, والحمد لله الصورة اللي مختارينها حلوة :)

الله يسلمك يا رب, قريب ان شاء الله ببعتلك صورة, كبران حبيبي ما شاء الله عليه و حركاته بتجنن
امين يا رب, وايامك حلا و فرح على طول :)
و حمزه كمان :)

Sozan

ان شاء الله دايما محظوظه بالخير لانك بتستاهلي كل خير :)
وانتي بالف خير يا رب, تسلمي يا قمر
ولا يهمك بنضيف عالقائمة, كنافة السهل الاخضر, و...نسيت في اشي تاني حطيناه عالقائمة :$
و احلى كيكه من روان كيك :)
على قلبك يا رب

أشرف محيي الدين

وانت بخير يا رب
علينا وعليك بالخير
الحمد لله ...هاي رزقة من رب العالمين :)
امين يا رب, ويخليلك اهلك واحبابك و عمر و خوانه وخواته الموجودين واللي راح يجو ان شاء الله :)

 

مواطنون بلا حدود

W 2enta salem ya rab
laaa mesh met2a5reh shokran kteer :)
Ameen ya rab 3al gamee3 inshallah :)

Tha2ir

Thanks Tha2ir, don't be ,it's ok :)
Mashallah, allah yetqabal menna 2agma3een sale7 el2a3mal
Why next year :S
Pray for me next Omra inshallah :D

Rula A.

البنات اساسا مبدعات دائما :)
انا كل ما صاحبتي تحاول تحملني جميلة بزكرها انها كزبت :) فبتسكت على طول
بس والله ما قصرو بالمرة و جميلتهم على راسي من فوق :)
انا حطو اغنية بس ما بعرف لمين, اول ما فتح الباب شغلو الاغنيه :)

اه من روان كيك :)
الورود عبارة عن مارشميللو يم يم كتيييييييييييير زاكيين :)
لا تخافي علي....بعجبك :) بس يومين بعدها ما قدرت اكل اشي
امين يا رب ....يا حرام ما كان في وسع للاحرف و من العجئة كتبوها غلط... لكن ان شاء الله نضل هيك على طول
وشكرا عالايميل يا قمر :)

 

Sh3rawi

وانت بخير :)
امين يا رب, ويخليلك اهلك وكل احبابك يا رب

Hb

Ahlan Ahlan ya amar, long time I didn't see u here ...nawarteee :D
Thanks a lot, Ameen ya rab :)

Mrs H

وانتي بالف خير يا رب :)
امين يا رب, ويحقق امنيات الجميع بالخير ان شاء الله

ههههههههه اسأليني انا, بتزبط 100% هالفكرة ..جربيها و خبريني النتيجه :)

الحمد لله, ربنا دائما كريم معنا
انا ايميلي
my_loud_whispers@yahoo.com
اذا بتحبي نتواصل اكتر, واذا ما بتفضلي براحتك يا قمر هيني كسبانيتك هون :)
وانتي بالف خير :)

 

Ahmad Al-Mahrouq

اهلا احمد :)
وانت سالم يا رب

لا مش متأخر بالمرة, انت من اول المهنئين كنت :) وصلني الوت وت و رديت عليه , شكلة ما وصلك الرد :$
و عالفيس بوك برضه
كلك ذووق والله, شكرا احمد
خلص ولا يهمك, بس يا ريت ترد تزكرنا فيه قبل بكم يوم :)
و كل سنة وانت سالم مسبقا

My Getaway

Thanks A lot
Welcome here, and thanks for the follow :)

 

mar7ba whisper
happy birthday to you sorry ajet mat25ra,winshallah yan3ad 3ailk kool sana winte be alf s7a was alam me alnas yalee bet7behoom yakono koll sna janbk mtal hal sana .

 

Happy B.Day o enjoy it to the max o sorry 3l ta25er.. zoroof!!.. :)

 

Allah ys3ed aymk kolha w tkoun kolha 3ed melad :* :*

 

eh wean ana kayn
HAPPY BIRTHDAY inshalla al3omor kolo ya rab, wish you a year full of happiness joy and success.


I'm sure you well deserved all that gifts, If you were not precious in their life they would not have appreciated you in that amazing way,

All 7fthalek 3eltik o s7abik

 

كل عام وأنتي بخير
مع انها متاخرة كتير
على فكرة انا بعدك ب 3 ايام يعني امبارح و صار في كم فيلم حلوين ببشروا بسنة ............. الله يستر

عقبال 100000000000000000000000000000000000000000000000000000000000000000000000000000000000000000000000000000000000000000000000000000000000000000000سنة ووقتها ما تعتلي هم انا بجبلك طقم السنان :)

 

Njordan

Ahlan Noor :D
Thanks ya amar kullek zoo2, don't be sorry lessa bab eltahanee maftoo7 :)

Allah yes3edek, Ameen w 3alena 2agma3een ya rab :)

Ahmad Merie

Thanks Ahmad, I did :D
Don't be sorry ya sadeqee w inshallah elmane3 5ear :)

Shaima

Ameen ya rab, w 2ayamek ya amar :)
w kulha mofaja2at??? ya salaaaaaaaaaam.... yaaaaa reat :D

 

Shaheen

Thanks a lot :D same to u Shaheen

Thanks for the sweet compliment, I'm really blessed with such a family and friends I have, Al7amdolellah

Ameen w y5alelak 2ahlak w 2a7babak ya rab :)

Jafra

وانت بالف خير يا قمر
و كل سنة وانتي سالمة يا رب
الحمد لله السنة حلوة علينا شكلها :)

ويلا قصدك العكس :$ المهم ان شاء الله تكون سنة خير عالجميع :))

هههههههه خلص موافقة, بس الموضوع وقتها بدو اكتر من طقم سنان :)
بكون بدي مفاصل و بلاوي زرقه :)